പുന്നപ്ര തെക്ക് കൃഷിഭവൻ്റെ നേതൃത്വത്തിൽ ഞാറ്റുവേല ചന്തയും കർഷകസഭയും
സംഘടിപ്പിച്ചു. ശാന്തിതീരം മിനിഹാളിൽ നടന്ന പരിപാടി പുന്നപ്ര തെക്ക് പഞ്ചായത്ത് പ്രസിഡൻ്റ് പി ജി സൈറസ്  ഉദ്ഘാടനം ചെയ്തു.

പല്ലശ്ശന കുടുംബാരോഗ്യ കേന്ദ്രത്തിലേക്ക് 2025-26 വർഷത്തേക്ക് കരാർ അടിസ്ഥാനത്തിൽ ലാബ് റീ ഏജന്റുകൾ വിതരണം ചെയ്യുന്നതിന് താൽപ്പര്യമുള്ള സ്ഥാപനങ്ങളിൽ നിന്ന് ടെൻഡറുകൾ ക്ഷണിച്ചു. ജി.എസ്.ടി ഉൾപ്പെടെയുള്ള ലാബ് റീ ഏജന്റുകളുടെ വില വ്യക്തമാക്കി നിശ്ചിത മാതൃകയിലുള്ള ടെൻഡർ ഫോറത്തിലാണ് അപേക്ഷകൾ സമർപ്പിക്കേണ്ടത്. ജൂലൈ 13 ഉച്ചയ്ക്ക് 12 മണിക്കകം ടെൻഡർ സമർപ്പിക്കണം. അന്നേദിവസം വൈകീട്ട് മൂന്നിന് ടെൻഡറുകൾ തുറക്കും. കൂടുതൽ വിവരങ്ങൾക്ക് ഫോണ്‍: 04923-296222, 8129543698.

പ്രത്യേക ദുര്‍ബല ഗോത്രവിഭാഗക്കാരുടെ ക്ഷേമത്തിനായി കേന്ദ്ര സര്‍ക്കാര്‍ നടപ്പാക്കുന്ന പിഎം ജന്‍മന്‍ പദ്ധതിയുടെ ഭാഗമായി 'ദേശീയ ആരോഗ്യ പദ്ധതികളും മൊബൈല്‍ മെഡിക്കല്‍ യൂണിറ്റുകള്‍ വഴിയുള്ള സേവനവും' വിഷയത്തില്‍ പരിശീലന പരിപാടി സംഘടിപ്പിച്ചു. ആരോഗ്യവകുപ്പ് അഡീഷണല്‍ ചീഫ് സെക്രട്ടറി രാജന്‍ ഖോബ്രഗഡെ അധ്യക്ഷത വഹിച്ചു. എന്‍എച്ച്എം സ്റ്റേറ്റ് മിഷന്‍ ഡയറക്ടര്‍ ഡോ. വിനയ് ഗോയല്‍ പദ്ധതി വിശദീകരിച്ചു.

ട്രാന്‍സ്ജെന്‍ഡര്‍ വ്യക്തികള്‍ക്കായി സാമൂഹ്യനീതി വകുപ്പ് നടപ്പിലാക്കി വരുന്ന ‘പ്രതിഭ’ പദ്ധതിയിലേക്ക് അപേക്ഷിക്കാം. സംസ്ഥാന, ദേശീയ, അന്തർദേശീയ ബോഡി ബില്‍ഡിങ്- സൗന്ദര്യ മത്സരങ്ങള്‍, കലാകായിക മത്സങ്ങള്‍ തുടങ്ങിയവയില്‍ പങ്കെടുക്കുന്ന ട്രാൻസ്ജെൻഡർ വ്യക്തികൾക്ക് സാമ്പത്തിക സഹായം നൽകുന്ന വ്യക്തിഗത ഗുണഭോക്തൃ പദ്ധതിയാണിത്. അപേക്ഷകൾ ആവശ്യമായ രേഖകൾ സഹിതം ജില്ലാ സാമൂഹ്യനീതി ഓഫീസിൽ സമർപ്പിക്കാവുന്നതാണ്. അപേക്ഷാ ഫോം www.sjd.keral.gov.in എന്ന വെബ്സൈറ്റിൽ ലഭിക്കും. കൂടുതൽ വിവരങ്ങൾക്ക് ഫോണ്‍: 0491 2505791.

മണ്ണാർക്കാട് കാഞ്ഞിരം-പൂഞ്ചോല റോഡിൽ പൂഞ്ചോല പള്ളിയുടെ സമീപം റോഡിന്റെ പാർശ്വഭിത്തിയുടെ നിർമ്മാണ പ്രവർത്തനങ്ങൾക്കിടെ റോഡിന്റെ അരിക് ഇടിഞ്ഞതിനെ തുടർന്ന് വലിയ വാഹനങ്ങളുടെ ഗതാഗതം നിരോധിച്ചു. ജൂലൈ 27 വരെയാണ് നിരോധനം. ചെറിയ വാഹനങ്ങൾക്ക് ഇതുവഴി കടന്നുപോകാമെന്ന് പൊതുമരാമത്ത് വകുപ്പ് (നിരത്തുകള്‍ വിഭാഗം) അസിസ്റ്റന്റ് എഞ്ചിനീയർ അറിയിച്ചു.

ഐ.എച്ച്.ആർ.ഡിയുടെ വരടിയം ടെക്നിക്കൽ ഹയർ സെക്കന്ററി സ്കൂളിൽ പ്ലസ് വൺ സയൻസ് ഗ്രൂപ്പിൽ (ബയോമാത്ത്സ്, ഇലക്ട്രോണിക്സ് എന്നീ ഗ്രൂപ്പുകളിൽ) ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. താത്പര്യമുള്ള വിദ്യാർത്ഥികൾ അസൽ സർട്ടിഫിക്കറ്റുകളുമായി ഓഫീസിൽ നേരിട്ട് ഹാജരാകണമെന്ന് പ്രിൻസിപ്പൽ അറിയിച്ചു. ഫോൺ: 8547005022, 9496217535

പറമ്പിക്കുളം ടൈഗർ റിസർവ്വിൻ്റെ അധികാര പരിധിയിൽ വരുന്ന വിവിധ സ്ഥലങ്ങളിൽ സിവിൽ പ്രവൃത്തികൾ നടത്തുന്നതിനായി സർക്കാർ അംഗീകൃത അക്രഡിറ്റഡ് ഏജൻസികളിൽ നിന്ന് താല്പര്യപത്രം ക്ഷണിച്ചു. ഏജൻസികൾ പ്രസ്തുത സ്ഥലം നേരിട്ട് സന്ദർശിച്ച് എസ്റ്റിമേറ്റ് തയ്യാറാക്കുകയും, പി.എം.സി വ്യവസ്ഥയിൽ സെന്റേജ് അടിസ്ഥാനത്തിൽ നിർമ്മാണം നടത്തുകയും വേണം. താല്പര്യപത്രങ്ങൾ  ജൂലൈ എട്ടിന് വൈകുന്നേരം നാലു മണിക്ക് മുമ്പായി ഡെപ്യൂട്ടി ഡയറക്ടർ, പറമ്പിക്കുളം ടൈഗർ റിസർവ്വ്, തൂണക്കടവ് (PO), ആനപ്പാടി, പാലക്കാട് - 678 661 എന്ന വിലാസത്തില്‍ സമര്‍പ്പിക്കണം. ഫോൺ: 04253-245005

കൂടരഞ്ഞി വില്ലേജ് സ്റ്റാഫ് ക്വാര്‍ട്ടേഴ്സിന്റെ ഉദ്ഘാടനം റവന്യു-ഭവന നിര്‍മാണ വകുപ്പ് മന്ത്രി അഡ്വ. കെ രാജന്‍ ഓണ്‍ലൈനായി നിര്‍വഹിച്ചു. വില്ലേജ് ഓഫീസുകള്‍ മുതല്‍ സെക്രട്ടേറിയറ്റ് വരെ മുഴുവന്‍ റവന്യൂ ഓഫീസുകളും സ്മാര്‍ട്ട് ആകുന്ന സാഹചര്യത്തില്‍ അവിടുത്തെ ജീവനക്കാര്‍ക്ക് സൗകര്യപ്രദമായ താമസസൗകര്യം ഒരുക്കുക എന്ന ലക്ഷ്യം നടപ്പാക്കുകയാണെന്ന് മന്ത്രി പറഞ്ഞു. എല്ലാവര്‍ക്കും ഭൂമി, എല്ലാ ഭൂമിക്കും രേഖ, എല്ലാ സേവനങ്ങളും സ്മാര്‍ട്ട് എന്ന മുദ്രാവാക്യത്തോടെ പ്രവര്‍ത്തിക്കുന്ന റവന്യു വകുപ്പിലെ ജീവനക്കാര്‍ക്ക് കൂടുതല്‍ ആവേശത്തോടെ പ്രവര്‍ത്തിക്കാന്‍ ഇതിലൂടെ സാധിക്കുമെന്നും മന്ത്രി കൂട്ടിച്ചേര്‍ത്തു. 

ക്ഷീര വികസന വകുപ്പിന്റെ 2025-2026 സാമ്പത്തിക വർഷത്തിലെ വിവിധ പദ്ധതികൾക്കായി ഓൺലൈൻ അപേക്ഷകൾ ക്ഷണിച്ചു. ജൂലൈ മൂന്നു മുതൽ 20 വരെ www.ksheerasree.kerala.gov.in എന്ന പോർട്ടൽ വഴി അപേക്ഷകൾ സമർപ്പിക്കാം. പുൽകൃഷി വികസനം, മിൽക്ക് ഷെഡ് വികസനം, ഡയറി ഫാം ഹൈജീൻ മെച്ചപ്പെടുത്തുന്നതിനുള്ള പദ്ധതി എന്നിവയിലേക്കാണ് അപേക്ഷകൾ ക്ഷണിച്ചിരിക്കുന്നത്.
പുൽകൃഷി വികസന പദ്ധതിയിൽ 20 സെന്റിന് മുകളിലുള്ള പുൽകൃഷി, തരിശുഭൂമിയിലുള്ള പുൽകൃഷി, ചോളക്കൃഷി, പുൽകൃഷിക്ക് വേണ്ടിയുള്ള യന്ത്രവൽക്കരണ ധനസഹായം, ജലസേചന ധനസഹായം എന്നിവ ഉൾപ്പെടുന്നു.

നെന്മാറ  ബ്ലോക്ക് പഞ്ചായത്തിന്റെ നേതൃത്വത്തില്‍  ജില്ല പഞ്ചായത്തിന്റെയും എലവഞ്ചേരി ഗ്രാമ പഞ്ചായത്തിന്റെയും സഹകരണത്തോടെ നിര്‍മിക്കുന്ന വനിത ഹോസ്റ്റലിന്റെ പ്രവൃത്തി അന്തിമഘട്ടത്തില്‍. എലവഞ്ചേരി ഗ്രാമപഞ്ചായത്തില്‍ പതിനാലാം വാര്‍ഡ് തെന്മലയോരത്താണ് ഹോസ്റ്റലിന്റെ നിര്‍മ്മാണം. 9000 സ്‌ക്വയര്‍ ഫീറ്റില്‍ ബേസ്‌മെന്റ് ഉള്‍പ്പെടെ മൂന്ന് നിലകളിലായാണ് വനിത ഹോസ്റ്റല്‍ നിര്‍മ്മിക്കുന്നത്.