-സെപ്റ്റംബറോടെ ലക്ഷ്യമിടുന്നത് 72 %

ലോക ഭക്ഷ്യ സുരക്ഷാ ദിനത്തോടനുബന്ധിച്ച് ഭക്ഷ്യ സുരക്ഷാ വകുപ്പിന്റെ ആഭിമുഖ്യത്തില്‍ സംഘടിപ്പിക്കുന്ന വാക്കത്തോണ്‍ (ഈറ്റ് റൈറ്റ് വാക്കത്തോണ്‍) ഇന്ന് (ജൂണ്‍ 18) നടക്കും.  വാക്കത്തോണിന്റെ ഫ്ലാഗ് ഓഫ് രാവിലെ ഏഴു മണിക്ക് പാലക്കാട് സിവിൽ സ്റ്റേഷന്‍‌ പരിസരത്ത് ജില്ലാ കളക്ടര്‍ ജി. പ്രിയങ്ക നിര്‍വഹിക്കും. സിവില്‍ സ്റ്റേഷനില്‍ നിന്നാരംഭിച്ച് മുനിസിപ്പാലിറ്റി, അഞ്ചു വിളക്ക് വഴി തിരികെ സിവില്‍ സ്റ്റേഷനില്‍ എത്തിച്ചേരുന്ന രീതിയിലാണ് പരിപാടി നടക്കുക. "സുരക്ഷിതവും ആരോഗ്യകരവുമായ ഭക്ഷണം കഴിച്ചുകൊണ്ട് അമിത വണ്ണം നിര്‍ത്തുക”  എന്ന ആശയം അടിസ്ഥാനമാക്കിയാണ് വാക്കത്തോണ്‍ സംഘടിപ്പിക്കുന്നത്.

പാലക്കാട് വിക്ടോറിയ കോളേജിൽ 2020-21, 2021-22, 2022-23, 2023-24 അധ്യയന വർഷങ്ങളിൽ പ്രവേശനം നേടിയ വിവിധ വിഭാഗങ്ങളിലെ (ഒ.ബി.സി, ഒ.ഇ.സി, എസ്.ടി, ജനറല്‍) ഇ-ഗ്രാന്റ്സ് തുക കൈപ്പറ്റാത്ത വിദ്യാർഥികൾ ജൂലൈ 23 നകം കൈപ്പറ്റണമെന്ന് പ്രിന്‍സിപ്പല്‍ അറിയിച്ചു.  തുക കൈപ്പറ്റാനുള്ള വിദ്യാർഥികളുടെ പട്ടിക കോളേജ് വെബ്സൈറ്റിലും (victoriacollege.ac.in) നോട്ടീസ് ബോർഡിലും ലഭിക്കും. കൂടുതൽ വിവരങ്ങൾക്ക് ഫോണ്‍: 8281716773.

വിവിധ ഉല്‍പ്പന്നങ്ങളുടെ വില്‍പനയിലൂടെ 100 കോടി വിറ്റുവരവ് ലക്ഷ്യമിട്ട് ആഗസ്റ്റ് ഒന്നുമുതല്‍ സെപ്റ്റംബര്‍ നാലു വരെ 'എനിക്കും വേണം ഖാദി' എന്ന ക്യാമ്പയിന്‍ ആരംഭിക്കുമെന്ന് ഖാദിബോര്‍ഡ് വൈസ് ചെയര്‍മാന്‍ പി.ജയരാജന്‍ കണ്ണൂര്‍ പയ്യാമ്പലം റസ്റ്റ് ഹൗസില്‍ വാര്‍ത്താ സമ്മേളനത്തില്‍ പറഞ്ഞു. ഖാദി വസ്ത്രങ്ങള്‍ക്ക് 30 ശതമാനം റിബേറ്റിനൊപ്പം 25 ലക്ഷം രൂപയുടെ സമ്മാന പദ്ധതികളും ഓണക്കാലത്ത് നടപ്പിലാക്കും. സര്‍ക്കാര്‍ ഉദ്യോഗസ്ഥര്‍ക്ക് ഒരുലക്ഷം രൂപ വരെ ക്രഡിറ്റ് സൗകര്യവും നല്‍കും.

നാദാപുരം ഗ്രാമപഞ്ചായത്ത് ശിശുസൗഹൃദ പ്രവര്‍ത്തനങ്ങളുടെ ഭാഗമായി കുടുംബശ്രീ ജില്ലാ മിഷന്റെ സഹകരണത്തോടെ കൗമാരക്കാര്‍ക്ക് ആരോഗ്യ ബോധവത്കരണ ക്ലാസ് സംഘടിപ്പിച്ചു. കല്ലാച്ചി ഗവ. യു പി സ്‌കൂളില്‍ നടന്ന ക്ലാസ് ഗ്രാമപഞ്ചായത്ത് പ്രസിഡന്റ് വി വി മുഹമ്മദലി ഉദ്ഘാടനം ചെയ്തു. സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എം സി സുബൈര്‍ അധ്യക്ഷത വഹിച്ചു. സിഡിഎസ് ചെയര്‍പേഴ്‌സണ്‍ പി പി റീജ, ജില്ലാ റിസോഴ്‌സ് പേഴ്‌സണ്‍ അരുണിമ, കമ്യൂണിറ്റി കൗണ്‍സിലര്‍ എസ് എ ബബിന, എം രവി എന്നിവര്‍ സംസാരിച്ചു.