നിയമസഭ തിരഞ്ഞെടുപ്പിനുള്ള നാമനിര്‍ദേശ പത്രിക സമര്‍പ്പിക്കേണ്ട രണ്ടാം ദിനമായ ഇന്നലെ (മാര്‍ച്ച് 17) ജില്ലയില്‍ പത്രിക ഒന്നും ലഭിച്ചില്ല. ജില്ലയിലെ അഞ്ച് നിയോജക മണ്ഡലങ്ങളിലെ വരണാധികാരികള്‍ക്കും ഉപവരണാധികാരികള്‍ക്കും മുമ്പാകെയാണ് പത്രിക സമര്‍പ്പിക്കേണ്ടത്.
രാവിലെ 11 മുതല്‍ വൈകിട്ട് മൂന്ന് വരെ പത്രിക സ്വീകരിക്കും. നാമനിര്‍ദേശ പത്രിക സമര്‍പ്പിക്കാനുള്ള അവസാന തീയതി മാര്‍ച്ച് 23. സൂക്ഷ്മ പരിശോധന മാര്‍ച്ച് 24. പിന്‍വലിക്കാനുള്ള അവസാന തീയതി മാര്‍ച്ച് 26. ഏപ്രില്‍ ഒമ്പതിന് വോട്ടെടുപ്പും മെയ് നാലിന് വോട്ടെണ്ണലും നടക്കും.

നിയമസഭാ തിരഞ്ഞെടുപ്പു പ്രചാരണത്തിന്റെ ഭാഗമായി സ്ഥാനാര്‍ഥികള്‍ക്ക് 40 ലക്ഷം രൂപ ചെലവഴിക്കാം. ഈ തുക ഉള്‍പ്പെടുത്തിയാണ് തിരഞ്ഞെടുപ്പിന്റെ ചെലവു കണക്കുകള്‍ തയ്യാറാക്കേണ്ടത്. എല്ലാ നിയോജക മണ്ഡലങ്ങളിലും നിയോഗിക്കപ്പെട്ടിട്ടുള്ള സ്‌ക്വാഡുകളുടെയും മീഡിയ സര്‍ട്ടിഫിക്കേഷന്‍ ആന്റ് മോണിറ്ററിംഗ് കമ്മിറ്റിയുടെയും റിപ്പോര്‍ട്ടുകളുടെ അടിസ്ഥാനത്തില്‍ തിരഞ്ഞെടുപ്പിന്റെ ചെലവ് നിരീക്ഷണ വിഭാഗം ഓരോ സ്ഥാനാര്‍ഥിയുടെയും ചെലവുകളുടെ കണക്ക് തയ്യാറാക്കും. സ്ഥാനാര്‍ഥികള്‍ സമര്‍പ്പിക്കുന്ന കണക്ക് ഇതുമായി ഒത്തുനോക്കിയശേഷമാണ് അംഗീകരിക്കുക.

നിയമസഭ തിരഞ്ഞെടുപ്പുമായി ബന്ധപ്പെട്ട് ജില്ല കലക്ടറേറ്റില്‍ കണ്‍ട്രോള്‍ റൂം പ്രവര്‍ത്തനം ആരംഭിച്ചു.
തിരഞ്ഞെടുപ്പുമായി ബന്ധപ്പെട്ട സംശയദുരീകരണത്തിനും പരാതി അറിയിക്കുന്നതിനും പൊതുജനങ്ങള്‍ക്കും തിരഞ്ഞെടുപ്പുമായി ബന്ധപ്പെട്ട ഉദ്യാഗസ്ഥര്‍ക്കും കണ്‍ട്രോള്‍ റൂമില്‍ വിളിക്കാം. 24 മണിക്കൂറൂം കണ്‍ട്രോള്‍ റൂം പ്രവര്‍ത്തിക്കും. ടോള്‍ ഫ്രീ നമ്പര്‍ - 1090, ഫോണ്‍- 0468 2990599

തിരുവല്ല - ജോബിന്‍ കെ ജോര്‍ജ്, തഹസില്‍ദാര്‍ തിരുവല്ല, 8089106500
റാന്നി - റ്റി എസ് സനല്‍കുമാര്‍, തഹസില്‍ദാര്‍ റാന്നി, 9447281517
ആറന്മുള - അശ്വിനി അച്ചുതന്‍, തഹസില്‍ദാര്‍ കോഴഞ്ചേരി, 9496343501
കോന്നി - ജി അജേഷ്, തഹസില്‍ദാര്‍ കോന്നി, 8547618430
അടൂര്‍ - ആര്‍ കെ സുനില്‍, തഹസില്‍ദാര്‍ അടൂര്‍, 9447034826

നിയമസഭ തിരഞ്ഞെടുപ്പിനുള്ള നാമനിര്‍ദേശ പത്രിക  ജില്ലയിലെ അഞ്ച് നിയമസഭ നിയോജക മണ്ഡലങ്ങളിലെ വരണാധികാരികള്‍ക്കും ഉപവരണാധികാരികള്‍ക്കും മുമ്പാകെ സമര്‍പ്പിക്കണം.
രാവിലെ 11 മുതല്‍ വൈകിട്ട് മൂന്ന് വരെ പത്രിക സ്വീകരിക്കും.

തിരുവല്ല- ബിന്നി ജോര്‍ജ്, ആനിക്കാട് ഗ്രാമപഞ്ചായത്ത് സെക്രട്ടറി, 9947057180
റാന്നി- പി അബ്ദുള്‍ കരീം, അസിസ്റ്റന്റ്് ഡയറക്ടര്‍, റാന്നി കോ -ഓപ്പറേറ്റീവ് അസിസ്റ്റന്റ്് ഡയറക്ടര്‍ ഓഫീസ്, 9496324956
ആറന്മുള - ഷൈജു കെ മാത്യു, എ ഇ, പൊതുമരാമത്ത് കെട്ടിട വിഭാഗം പത്തനംതിട്ട, 9447108334
കോന്നി - പി ആര്‍ അഭിലാഷ്, അസിസ്റ്റന്റ് ഡയറക്ടര്‍, കോ-ഓപ്പറേറ്റീവ് ഓഡിറ്റ് ജോയിന്റ് ഡയറക്ടര്‍ ഓഫീസ് പത്തനംതിട്ട, 9446355135
അടൂര്‍ - റ്റി എസ് സജീഷ്, അയിരൂര്‍ ഗ്രാമപഞ്ചായത്ത് സെക്രട്ടറി, 9447594229

നിയമസഭ തിരഞ്ഞെടുപ്പ് പെരുമാറ്റച്ചട്ട ലംഘനങ്ങള്‍ക്കെതിരെ ജില്ലയിലെ നിയോജക മണ്ഡലങ്ങളില്‍
സ്‌ക്വാഡ് പ്രവര്‍ത്തനം ആരംഭിച്ചു. ജില്ലയിലെ അഞ്ച് നിയോജക മണ്ഡലങ്ങളിലും ഓരോ ആന്റി ഡിഫേയ്‌സ്‌മെന്റ് സ്‌ക്വാഡ് പ്രവര്‍ത്തന സജ്ജമായി. മാതൃക പെരുമാറ്റച്ചട്ടം നോഡല്‍ ഓഫീസര്‍ കിഫ്ബി സ്‌പെഷ്യല്‍ തഹസില്‍ദാര്‍ ജി ആനന്ദിന്റെ മേല്‍നോട്ടത്തിലാണ് സ്‌ക്വാഡിന്റെ പ്രവര്‍ത്തനം.

വാസ്തുവിദ്യാഗുരുകുലത്തില്‍ അവധിക്കാല ചിത്രകലാപഠനം 'നിറച്ചാര്‍ത്ത്-2026' കോഴ്‌സ് പുതിയ ബാച്ചിലേക്ക് പ്രവേശനം ആരംഭിക്കുന്നു. ഒന്ന് മുതല്‍ ഏഴ് വരെയുള്ള ക്ലാസുകളിലെ വിദ്യാര്‍ഥികളെ ജൂനിയര്‍ വിഭാഗത്തിലും എട്ടാം ക്ലാസ് മുതലുള്ളവരെ സീനിയര്‍ വിഭാഗത്തിലും ഉള്‍പ്പെടുത്തി രണ്ടു ബാച്ചുകളായാണ് കോഴ്‌സ് നടത്തുന്നത്. ജൂനിയര്‍ വിഭാഗത്തിന് 2250 രൂപയും സീനിയര്‍ വിഭാഗത്തിന് 4250 രൂപയുമാണ് ഫീസ്. അവസാന തീയതി ഏപ്രില്‍ ഒന്ന്. ഏപ്രില്‍ ആറിന് ക്ലാസ് ആരംഭിക്കും.

കോന്നി സര്‍ക്കാര്‍ തടി ഡിപ്പോയില്‍ തേക്ക് തടികളുടെ ചില്ലറ വില്‍പന ഇന്ന് (മാര്‍ച്ച്്  17) മുതല്‍ ആരംഭിക്കും. ഗാര്‍ഹികാവശ്യങ്ങള്‍ക്കായി രണ്ട് ബി, മൂന്ന് ബി ഇനം തടികളുണ്ട്. വീട് നിര്‍മിക്കുന്നതിന് തദ്ദേശ സ്വയംഭരണ സ്ഥാപനങ്ങളില്‍ നിന്നും ലഭിച്ച അനുമതിപത്രം, കെട്ടിടത്തിന്റെ അംഗീകൃതപ്ലാന്‍, സ്‌കെച്ച്,  പാന്‍കാര്‍ഡ്, തിരിച്ചറിയല്‍ കാര്‍ഡ് എന്നിവയുടെ പകര്‍പ്പ്, അഞ്ച് രൂപയുടെ കോര്‍ട്ട് ഫീ സ്റ്റാമ്പ് എന്നിവ സഹിതം എല്ലാ പ്രവൃത്തി ദിവസങ്ങളിലും രാവിലെ 10 മുതല്‍ വൈകുന്നേരം അഞ്ചുവരെ ഡിപ്പോയില്‍  നിന്ന് അഞ്ച് ക്യൂബിക് മീറ്റര്‍ വരെ തടി വാങ്ങാം. ഫോണ്‍ : 8547600530, 0475 2222617, 0468 2247927.
 

ജില്ലാ നിയമസേവന അതോറിറ്റിയുടെയും വിവിധ താലൂക്ക് ലീഗല്‍ സര്‍വീസ് കമ്മിറ്റികളുടെയും നേതൃത്വത്തില്‍ ജില്ല കോടതി സമുച്ചയത്തില്‍ നടന്ന ദേശീയ ലോക് അദാലത്തില്‍ 4869 കോടതി കേസുകള്‍ തീര്‍പ്പാക്കി. 4,04,79,127 രൂപ നഷ്ടപരിഹാരം വിധിച്ചു. 27,85,300 രൂപ ക്രിമിനല്‍കേസ് പിഴയും ഈടാക്കി. മജിസ്ട്രേറ്റ് കോടതിയില്‍ പിഴ ഒടുക്കി തീര്‍ക്കാവുന്നവ, എം എ സി ടി, ബാങ്ക്, ആര്‍ടിഒ, ബി എസ് എന്‍ എല്‍, സിവില്‍ വ്യവഹാരം, കുടുംബ തര്‍ക്കം തുടങ്ങിയ കേസുകളാണ് തീര്‍പ്പാക്കിയത്. ജില്ലാ ജഡ്ജി എന്‍. ഹരികുമാര്‍, അഡിഷണല്‍ ജില്ലാ ജഡ്ജി ജി.പി ജയകൃഷ്ണന്‍, ജില്ല നിയമസേവന അതോറിറ്റി സെക്രട്ടറി ഡോ.

2026 ലെ പൊതു തിരഞ്ഞെടുപ്പുമായി ബന്ധപ്പെട്ട് 111 തിരുവല്ല നിയമസഭ മണ്ഡലത്തിലെ സ്വീകരണ വിതരണ സ്ഥലം, പരിശീലന ഹാള്‍, സ്റ്റാറ്റിക് സര്‍വെലന്‍സ് ടീം (എസ് എസ് റ്റി) സ്‌ക്വാഡിനുളള വിശ്രമ പന്തല്‍, സ്‌ട്രോങ്ങ് റൂം എന്നിവ സ്ഥാപിക്കുന്നതിന് ഇലക്ട്രിക്കല്‍, സിവില്‍, ഇലക്ട്രോണിക്‌സ് ജോലികള്‍ നടത്തുന്നതിന് ക്വട്ടേഷന്‍ ക്ഷണിച്ചു. അവസാന തീയതി മാര്‍ച്ച് 19 ഉച്ചയ്ക്ക് 2.30.    
ഇ-മെയില്‍  : electionthiruvalla@gmail.com ഫോണ്‍ :  0469-2960103