ഇൻഫർമേഷൻ പബ്ലിക്ക് റിലേഷൻസ് വകുപ്പ് തിരുവനന്തപുരം ജില്ലാ ഇൻഫർമേഷൻ ഓഫീസിൽ കരാർ അടിസ്ഥാനത്തിലുള്ള ഫോട്ടോഗ്രാഫർമാരുടെ പാനലിലേക്ക് ആഗസ്റ്റ് 7 വരെ അപേക്ഷിക്കാം.  

അപേക്ഷകർ ജില്ലയിൽ സ്ഥിരതാമസക്കാരായിരിക്കണം. ഡിജിറ്റൽ എസ്.എൽ.ആർ/മിറർലെസ് ക്യാമറകൾ ഉപയോഗിച്ച് ഹൈ റെസല്യൂഷൻ ചിത്രങ്ങൾ എടുക്കുവാൻ കഴിവുള്ളവരായിരിക്കണം. വൈഫൈ സംവിധാനമുള്ള ക്യാമറകൾ കൈവശമുള്ളവർക്ക് മുൻഗണനയുണ്ടായിരിക്കും. 

ആലപ്പുഴ: ജില്ലയിലെ വിവിധ ദുരിതബാധിത പ്രദേശങ്ങൾ സന്ദർശിച്ച് സഹകരണ- എക്സൈസ് വകുപ്പ് മന്ത്രി എം ലിജു. ക്യാമ്പുകളുടെ സാഹചര്യം, ദുരന്തനിവാരണ പ്രവർത്തനങ്ങൾ, ഭക്ഷണവിതരണ കേന്ദ്രങ്ങൾ തുടങ്ങിയവയുടെ സ്ഥിതി സന്ദർശനത്തിനിടെ ജില്ലയുടെ ചുമതലയുള്ള മന്ത്രി എം ലിജു നേരിട്ട് വിലയിരുത്തി. ജില്ലയിൽ ഇതുവരെ തുറന്നിട്ടുള്ള 76 ക്യാമ്പുകളിലും ആവശ്യത്തിന് വേണ്ട സൗകര്യങ്ങൾ മന്ത്രി ഉറപ്പുവരുത്തിയിട്ടുണ്ട്.

ദുരിതാശ്വാസ ക്യാമ്പുകളിൽ കഴിയുന്നവർ പകർച്ചവ്യാധികളെ ഒഴിവാക്കാൻ രോഗപ്രതിരോധശീലങ്ങൾ കൃത്യമായി പാലിക്കണമെന്ന് ആരോഗ്യ വകുപ്പ് അറിയിച്ചു. ക്യാമ്പിൽ കഴിയുന്ന വയോജനങ്ങൾ, ഗർഭിണികൾ, കിടപ്പുരോഗികൾ എന്നിവർക്ക് പ്രത്യേക ശ്രദ്ധ വേണം. 

മലിനമായ വെള്ളത്തിലും മണ്ണിലും സമ്പർക്കം ഉണ്ടാകുന്നത് എലിപ്പനി രോഗസാധ്യത വർധിപ്പിക്കുന്നു. രോഗപ്രതിരോധത്തിനായി ക്യാമ്പിലേക്ക് പുറപ്പെടുമ്പോൾ ഡോക്സി സൈക്ലിൻഗുളിക ലഭ്യമായാൽ ഉറപ്പായും കഴിക്കണം. അല്ലാത്തപക്ഷം ക്യാമ്പിലെത്തിയ ഉടനെ ആരോഗ്യ പ്രവർത്തകരിൽ നിന്ന് ഗുളിക വാങ്ങി കഴിക്കേണ്ടതാണ്.

കാലവർഷത്തെ തുടർന്ന് ജില്ലയിൽ 3165 കർഷകരുടെ 1112 ഹെക്ടര്‍ സ്ഥലത്ത് കൃഷിനാശം സംഭവിച്ചതായി പ്രിൻസിപ്പൽ കൃഷി ഓഫീസർ വി. പി സിന്ധു അറിയിച്ചു. നെല്ല്, വാഴ, പച്ചക്കറി തുടങ്ങിയ വിളകളെയാണ് പ്രധാനമായും കാലവർഷക്കെടുതി ബാധിച്ചിട്ടുള്ളത്. പ്രാഥമിക പരിശോധനയിൽ 132.7 ലക്ഷം രൂപയുടെ കൃഷിനാശമാണ് റിപ്പോർട്ട് ചെയ്യപ്പെട്ടിരിക്കുന്നത്. 

ജില്ലയിൽ കഴിഞ്ഞ ദിവസങ്ങളിലായി ഉണ്ടായ അതിശക്തമായ മഴയെത്തുടർന്ന് വിവിധ ഭാഗങ്ങളിൽ വെള്ളക്കെട്ട് രൂപപ്പെട്ടിട്ടുള്ളതിനാലും മഴ മുന്നറിയിപ്പ് നിലനിൽക്കുന്നതിനാലും വിവിധ സ്കൂളുകളിൽ ദുരിതാശ്വാസ ക്യാമ്പുകൾ പ്രവർത്തിക്കുന്നതിനാലും വിദ്യാർഥികളുടെ സുരക്ഷ മുൻനിർത്തി 05.08.2026 ബുധനാഴ്ച ആലപ്പുഴ ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും, അങ്കണവാടികൾക്കും, ട്യൂഷൻ സെന്ററുകൾക്കും അവധി നൽകിക്കൊണ്ട്  ജില്ലാ കളക്ടർ ഷാജി വി നായർ ഉത്തരവായി. മുൻ
നിശ്ചയിച്ച പൊതുപരീക്ഷകൾക്ക് മാറ്റമില്ല.

 
സാമ്പത്തിക സ്ഥിതിവിവരകണക്ക് വകുപ്പ് നടപ്പാക്കുന്ന അസംയോജിത കാർഷികേതര മേഖലയിലെ വാർഷിക സർവേയുടെ (എ.എസ്.യു.എസ്.ഇ) സർവേ ജോലിക്കായി എന്യൂമറേറ്റർമാരെ കരാർ അടിസ്ഥാനത്തിൽ നിയമിക്കുന്നു. ഉൽപ്പാദനം, വ്യാപാരം, മറ്റ് സേവനങ്ങൾ (നിർമ്മാണ മേഖല ഒഴികെ) എന്നിവയുമായി ബന്ധപ്പെട്ട സ്ഥാപനങ്ങളിലും വീടുകളിലും നിന്നുള്ള വിവരശേഖരണത്തിനാണ് നിയമനം. 2027 മാർച്ച് 31 വരെയായിരിക്കും കാലാവധി.  ജില്ലയിൽ രണ്ട് ഒഴിവുകളാണുള്ളത്.

ആലപ്പുഴ ജില്ലയിൽ മഴക്കെടുതിയെത്തുടർന്ന് വിവിധ താലൂക്കുകളിലായി പ്രവർത്തിക്കുന്ന ദുരിതാശ്വാസ ക്യാമ്പുകളിലേക്ക് 2635 പേരെ മാറ്റിപ്പാർപ്പിച്ചു. ആകെ 53 ക്യാമ്പുകളിലായി 813 കുടുംബങ്ങളിലെ 1055 പുരുഷന്മാരും 1137 സ്ത്രീകളും 443 കുട്ടികളുമാണ് കഴിയുന്നത്.
ചെങ്ങന്നൂർ താലൂക്കിലാണ് ഏറ്റവും കൂടുതൽ പേർ ക്യാമ്പുകളിൽ കഴിയുന്നത്. ഇവിടെ 26 ക്യാമ്പുകളിലായി 507 കുടുംബങ്ങളിൽ നിന്നുള്ള 1644 പേരാണ് കഴിയുന്നത്. ഇതിൽ 681 പുരുഷന്മാരും 711 സ്ത്രീകളും 252 കുട്ടികളുമുണ്ട്.

ആലപ്പുഴ ജില്ലയിൽ അതിശക്തമായ മഴയും ജലനിരപ്പ് ഉയരുകയും ചെയ്യുന്ന സാഹചര്യത്തിൽ ദുരന്തപ്രതിരോധ പ്രവർത്തനങ്ങൾ ഏകോപിപ്പിക്കുന്നതിന് ആലപ്പുഴ ജില്ലാ പഞ്ചായത്തിൽ ഹെൽപ്പ് ഡെസ്ക് ആരംഭിച്ചു. ജില്ലയിലെ വിവിധ പ്രദേശങ്ങളിൽ നിന്ന് ഹെൽപ്പ് ഡെസ്ക് നമ്പറിൽ വരുന്ന സന്ദേശങ്ങൾ പരിശോധിച്ച് ബന്ധപ്പെട്ട വകുപ്പുകളിലേക്ക് നൽകി ദുരന്തപ്രതിരോധ പ്രവർത്തനങ്ങൾ ഏകോപിപ്പിക്കുക എന്നതാണ് ലക്ഷ്യം. ഹെൽപ്പ് ഡെസ്ക് നമ്പറുകൾ: 9567507083, 0477 2252496, 0477 2253836.

ഭൂമി തരംമാറ്റവുമായി ബന്ധപ്പെട്ട് അമ്പലപ്പുഴ താലൂക്കിലെ ഫീൽഡ് പരിശോധനയ്ക്ക്  മൂന്ന് വാഹനങ്ങൾ വാടകയ്ക്ക് ലഭ്യമാക്കുന്നതിന് ക്വട്ടേഷൻ ക്ഷണിച്ചു.  വാഹനത്തിന്റെ സീറ്റിംഗ് കപ്പാസിറ്റി നാല്  മുതൽ ആറ്  വരെയായിരിക്കണം. കാലപ്പഴക്കം മൂന്ന്  വർഷത്തിൽ കൂടരുത്. സാധാരണ ഒന്നിലധികം വാഹനങ്ങൾ ഉള്ള വ്യക്തികളോ/ സ്ഥാപനങ്ങളോ അഭികാമ്യം.  ഉപയോഗത്തിലിരിക്കുന്ന വാഹനം തകരാറിലായാൽ മറ്റ് സമാന വാഹനം അധിക തുക ഈടാക്കാതെ ലഭ്യമാക്കണം. പ്രതിമാസം 2000 കി.മീ. വരെ ഓട്ടം ഉണ്ടായിരിക്കും.  ക്വട്ടേഷനുകൾ സ്വീകരിക്കുന്ന അവസാന തീയതി – ആഗസ്റ്റ് 10 ഉച്ചയ്ക്ക്  12.30. വിലാസം: തഹസിൽദാർ, താലൂക്ക് ഓഫീസ്, അമ്പലപ്പുഴ.  ഫോൺ :0477 2253771