പീച്ചി ഇറിഗേഷൻ പ്രൊജക്റ്റിന്റെ ഭാഗമായ വലതുകര മെയിൻ കനാലിൽ രാജീവ് ഗാന്ധി ഉന്നതിക്ക് സമീപം ഇറിഗേഷൻ പുറമ്പോക്കിൽ നിൽക്കുന്ന ഒരു പ്ലാവും ഒരു മാവും ജലസേചന വകുപ്പിന്റെ വ്യവസ്ഥകൾക്ക് വിധേയമായി പരസ്യമായി ലേലം ചെയ്യുന്നു. ആഗസ്റ്റ് ഏഴിന് രാവിലെ 11-ന് പീച്ചി ഹെഡ് വർക്സ് സബ് ഡിവിഷൻ അസിസ്റ്റന്റ് എക്സിക്യൂട്ടീവ് എൻജിനീയറുടെ ഓഫീസിലാണ് ലേലം നടത്തുക. കൂടുതൽ വിവരങ്ങൾ പീച്ചി ഹെഡ് വർക്സ് സബ് ഡിവിഷൻ ഓഫീസിലും താണിപ്പാടത്തുള്ള പീച്ചി പ്രൊജക്റ്റ് സെക്ഷൻ അസിസ്റ്റന്റ് എൻജിനീയറുടെ ഓഫീസിലും ലഭ്യമാണ്. ഫോൺ: 9447768719.

തൃശൂർ ജില്ലാ ഹോമിയോ ആശുപത്രിയിലേയ്ക്ക് 2026 - 2027 സാമ്പത്തിക വർഷത്തിൽ ആവശ്യമായ ലാബ് റിയേജന്റും അനുബന്ധ സാമഗ്രികളും വാങ്ങുന്നതിന് ഇ-ദർഘാസ് ക്ഷണിച്ചു. ഓഗസ്റ്റ് 20-ന് വൈകിട്ട് ആറ് വരെ അപേക്ഷ സ്വീകരിക്കും. വിശദവിവരങ്ങൾക്ക് www.etenders.kerala.gov.in എന്ന വെബ്‌സൈറ്റ് സന്ദർശിക്കുക. ഫോൺ: 0487-2389065.

സാമ്പത്തിക സ്ഥിതിവിവരക്കണക്ക് വകുപ്പ് നടപ്പാക്കുന്ന അസംയോജിത കാർഷികേതര മേഖലയിലെ വാർഷിക സർവ്വേയുടെ (ASUSE) സർവ്വേ ജോലിക്കായി എന്യൂമറേറ്റർമാരെ കരാർ അടിസ്ഥാനത്തിൽ നിയമിക്കുന്നു.

തൃശൂർ  ജനറൽ ആശുപത്രിയിൽ ഓണറേറിയം അടിസ്ഥാനത്തിൽ താത്കാലികമായി സ്റ്റാഫ് നഴ്സുമാരെ നിയമിക്കുന്നു. 10000/- ആണ് പ്രതിമാസ ഓണറേറിയം.അഭിമുഖം ആഗസ്റ്റ് 11ന് രാവിലെ 11 മണിക്ക് സൂപ്രണ്ടിന്റെ ചേമ്പറിൽ നടക്കും.
കൂടുതൽ വിവരങ്ങൾ ജനറൽ ആശുപത്രി ഓഫീസിൽ ലഭിക്കും.
ഫോൺ: 0487-2427778.

പട്ടികവർഗ്ഗ വികസന വകുപ്പിന് കീഴിൽ ചാലക്കുടി നായരങ്ങാടിയിൽ പ്രവർത്തിക്കുന്ന പെൺകുട്ടികൾക്കായുള്ള മോഡൽ റെസിഡൻഷ്യൽ സ്കൂളിൽ 2026-27 അധ്യയന വർഷത്തേക്ക് അഞ്ച്, ഏഴ് ക്ലാസുകളിൽ നിലവിലുള്ള ഒഴിവുകളിലേക്ക് അപേക്ഷ ക്ഷണിച്ചു.  

നിലവിൽ അഞ്ച്, ഏഴ് ക്ലാസുകളിൽ പഠിക്കുന്നവരും കുടുംബ വാർഷിക വരുമാനം രണ്ട് ലക്ഷം രൂപയോ അതിൽ കുറവോ ഉള്ളതുമായ വിദ്യാർത്ഥിനികൾക്ക് അപേക്ഷിക്കാം. താത്പര്യമുള്ളവരുടെ രക്ഷിതാക്കൾ ജാതി, വരുമാന സർട്ടിഫിക്കറ്റ്, തിരിച്ചറിയൽ രേഖ എന്നിവയുടെ പകർപ്പുകളും നിലവിൽ പഠിക്കുന്ന സ്കൂളിന്റെ വിവരങ്ങളും സഹിതം അപേക്ഷ സമർപ്പിക്കണം. ഫോൺ- 0480-2960400, 8075694117, 8590981380.

സാങ്കേതിക കാരണങ്ങളാൽ ഓഗസ്റ്റ് അഞ്ചിന് നടത്താനിരുന്ന ഡ്രൈവിംഗ് ടെസ്റ്റ് ഓഗസ്റ്റ് 22-ലേക്ക് മാറ്റിവച്ചതായി തൃശൂർ ആർ.ടി.ഒ അറിയിച്ചു. 22-ന് മുമ്പായി ലേണേഴ്സ് ലൈസൻസിന്റെ കാലാവധി തീരുന്നവർക്ക് ഇതുസംബന്ധിച്ച മെസ്സേജ് ലഭിച്ചില്ലെങ്കിൽ ആർ.ടി.ഒ ഓഫീസുമായി ബന്ധപ്പെട്ട് ഡേറ്റ് മാറ്റിയെടുക്കാവുന്നതാണ്.

ആവശ്യമായ രജിസ്ട്രേഷനോ അംഗീകാരമോ ഇല്ലാതെ സ്ഥാപനങ്ങൾ പ്രവർത്തിക്കുകയോ, നിയമാനുസൃത നടപടിക്രമങ്ങൾ പാലിക്കാതെ വ്യക്തികളെ താമസിപ്പിക്കുകയോ ചെയ്യുന്നത് ശ്രദ്ധയിൽപ്പെട്ടാൽ ഉടൻ തന്നെ തൃശ്ശൂർ ചെമ്പുക്കാവ് മിനി സിവിൽ സ്റ്റേഷനിൽ പ്രവർത്തിക്കുന്ന ജില്ലാ സാമൂഹ്യനീതി ഓഫീസിനെ അറിയിക്കേണ്ടതാണെന്ന് ജില്ലാ സാമൂഹ്യനീതി ഓഫീസർ അറിയിച്ചു. ഫോൺ: 0487 2321702, ഇ-മെയിൽ: dsjotsr@gmail.com

ജില്ലയിൽ ആവശ്യമായ രജിസ്ട്രേഷനോ അംഗീകാരമോ ഇല്ലാതെ പ്രവർത്തിക്കുന്ന അനധികൃത ക്ഷേമസ്ഥാപനങ്ങൾക്കെതിരെ കർശന നടപടികളുമായി ജില്ലാ ഭരണകൂടവും സാമൂഹ്യനീതി വകുപ്പും. ഇതിന്റെ ഭാഗമായി നടത്തിയ പരിശോധനകളിൽ അംഗീകാരമില്ലാതെ പ്രവർത്തിച്ചതായി കണ്ടെത്തിയ നാല് സ്ഥാപനങ്ങൾ അടച്ചുപൂട്ടി. തൃശ്ശൂർ ആർ.ഡി.ഒ.യുടെ പരിധിയിലെ മൂന്ന് സ്ഥാപനങ്ങളും ഇരിങ്ങാലക്കുട ആർ.ഡി.ഒ.യുടെ പരിധിയിലെ ഒരു സ്ഥാപനവുമാണ് പൂട്ടിപ്പിച്ചത്. റവന്യൂ, പോലീസ്, തദ്ദേശസ്വയംഭരണ വകുപ്പ്, സാമൂഹ്യനീതി വകുപ്പ് എന്നിവർ ഉൾപ്പെട്ട പ്രത്യേക സ്ക്വാഡുകളുടെ പരിശോധനയെ തുടർന്നാണ് നടപടി.

ലോക മുലയൂട്ടൽ വാരാചരണത്തിന്റെയും ലോക ഒ.ആർ.എസ്. ദിനാചരണത്തിന്റെയും ജില്ലാതല ഉദ്ഘാടനം തൃശ്ശൂർ കോർപ്പറേഷൻ മേയർ ഡോ. നിജി ജസ്റ്റിൻ നിർവഹിച്ചു. തൃശ്ശൂർ ജില്ലാ മെഡിക്കൽ ഓഫീസിൽ (ആരോഗ്യം) നടത്തിയ പരിപാടിയിൽ  രാജൻ ജെ. പല്ലൻ എം.എൽ.എ  അധ്യക്ഷത വഹിച്ചു.

ജില്ലാ മെഡിക്കൽ ഓഫീസർ (ആരോഗ്യം) ഡോ. ടി.പി. ശ്രീദേവി  മുഖ്യപ്രഭാഷണം നടത്തി. ജില്ലാ ആർ.സി.എച്ച്. ഓഫീസർ ഡോ. ഷീജ എൻ.എ. വിഷയാവതരണം നടത്തി.

ചാഴൂർ ഗ്രാമപഞ്ചായത്തിലെ എട്ടാം വാർഡിൽപ്പെട്ട ഇഞ്ചമുടി മാട്ടുമ്മൽ പ്രദേശത്തെ വെള്ളപ്പൊക്ക ഭീഷണിയുള്ള സ്ഥലങ്ങളിൽ ഗീത ഗോപി എം.എൽ.എയും ജില്ലാ കളക്ടർ ശിഖ സുരേന്ദ്രനും സന്ദർശനം നടത്തി സ്ഥിതിഗതികൾ വിലയിരുത്തി.
ചിറക്കൽ തോടിൽ അടിഞ്ഞുകൂടിയ ചണ്ടിയും കുളവാഴയും അടിയന്തരമായി നീക്കം ചെയ്യാൻ മേജർ ഇറിഗേഷൻ വകുപ്പിന് കളക്ടർ നിർദേശം നൽകി. ഇതിനെത്തുടർന്ന് ബാർജും ജെ.സി.ബിയും ഉപയോഗിച്ച് തോട് വൃത്തിയാക്കുന്ന പ്രവർത്തനം ആരംഭിച്ചിട്ടുണ്ട്.
തോടിലെ തടസ്സങ്ങൾ നീക്കുന്നതിനായി ഇറിഗേഷൻ വകുപ്പ് എസ്റ്റിമേറ്റ് തയ്യാറാക്കി സമർപ്പിച്ചിരുന്നു.