തിരൂര്‍ തുഞ്ചന്‍ സ്മാരക ഗവണ്‍മെന്റ് കോളേജില്‍ ഇന്റഗ്രേറ്റഡ് എം.എ. ഇംഗ്ലീഷ് കോഴ്സില്‍ പട്ടികജാതി, പട്ടികവര്‍ഗ്ഗം ഉള്‍പ്പെടെ വിവിധ വിഭാഗങ്ങളില്‍ നിലവില്‍ ഒഴിവുകളുണ്ട്. കാലിക്കറ്റ് സര്‍വകലാശാലയുടെ ക്യാപ് രജിസ്ട്രേഷനുള്ള യോഗ്യരായ വിദ്യാര്‍ത്ഥികള്‍ യോഗ്യതാ സര്‍ട്ടിഫിക്കറ്റുകള്‍ സഹിതം ഓഗസ്റ്റ് ഏഴിന് വൈകുന്നേരം നാലിനകം റിപ്പോര്‍ട്ട് ചെയ്യണം.

മലപ്പുറം ജില്ലയില്‍ പൊതുവിദ്യാഭ്യാസ വകുപ്പില്‍ എല്‍.പി. സ്‌കൂള്‍ ടീച്ചര്‍ (മലയാളം മീഡിയം - ബൈ ട്രാന്‍സ്ഫര്‍, കാറ്റഗറി നമ്പര്‍: 114/2025), മൃഗസംരക്ഷണ വകുപ്പില്‍ ലബോറട്ടറി ടെക്‌നീഷ്യന്‍ ഗ്രേഡ്-2 / ലബോറട്ടറി അസിസ്റ്റന്റ് ഗ്രേഡ്-2 (കാറ്റഗറി നമ്പര്‍: 614/2024) തസ്തികകളിലേക്കുള്ള അഭിമുഖം ഓഗസ്റ്റ് ആറിന് കേരള പബ്ലിക് സര്‍വീസ് കമ്മീഷന്‍ മലപ്പുറം ജില്ലാ ഓഫീസില്‍ വെച്ച് നടക്കും. യോഗ്യരായ ഉദ്യോഗാര്‍ഥികള്‍ക്ക് പ്രൊഫൈല്‍, എസ്.എം.എസ് വഴി അറിയിപ്പ് നല്‍കിയിട്ടുണ്ട്.

ഇന്ത്യ റിസര്‍വ് ബറ്റാലിയനില്‍ പരിശീലനം പൂര്‍ത്തിയാക്കിയ സേനാംഗങ്ങളുടെ പാസ്സിംഗ് ഔട്ടിന് ശേഷം പരേഡ് ഗ്രൗണ്ട് വികാരപരമായ പല രംഗങ്ങള്‍ക്കും സാക്ഷിയായി. അതിലൊന്ന്  ഗുരുവായൂര്‍ ഇരിങ്ങപ്പുറം സ്വദേശി വേണുഗോപാലന്‍ മകന്‍ വിഷ്ണുവിന്റെ പാസിംഗ് ഔട്ട് പരേഡ് കാണാന്‍ വീല്‍ ചെയറിലെത്തിയതാണ്. 15 വര്‍ഷം മുമ്പ് ജോലിക്കിടെ ടെറസില്‍ നിന്ന് വീണ് സ്‌പൈനല്‍ കോഡിന് ക്ഷതം സംഭവിച്ചു അരക്ക് താഴെ തളര്‍ന്നു കിടക്കുന്ന അച്ഛന് സ്വന്തം മകന്‍ പരിശീലനം പൂര്‍ത്തിയാക്കി നാടിനും ജനങ്ങള്‍ക്കും വേണ്ടി സേവനത്തിന് ഇറങ്ങുന്ന മുഹൂര്‍ത്തം കാണാതിരിക്കാനാവില്ലല്ലോ.

ജില്ലയിൽ കഴിഞ്ഞ ദിവസങ്ങളിൽ പെയ്ത കനത്ത മഴയിൽ 1.77കോടിയിലധികം രൂപയുടെ നാശനഷ്ടം സംഭവിച്ചതായി പ്രിൻസിപ്പൽ കൃഷി ഓഫീസറുടെ റിപ്പോർട്ട്. ജൂലൈ 30 മുതൽ ആഗസ്റ്റ് 4 വരെയുള്ള കണക്കാണിത്. ജില്ലയിൽ 9 ബ്ലോക്കുകളിലായി 29.04 ഹെക്ടർ പ്രദേശത്ത് കൃഷിനാശം സംഭവിച്ചതായി റിപ്പോർട്ടിൽ പറയുന്നു. 

ശാരീരിക ക്ഷമതയും യുദ്ധവൈദഗ്ധ്യവും മാത്രമല്ല ഭരണഘടനയോടുള്ള അചഞ്ചലമായ വിശ്വസ്തതയും ധാര്‍മിക ധൈര്യവും പ്രതിസന്ധി ഘട്ടങ്ങളിലെ ആത്മസംയമനവുമാണ് യഥാര്‍ഥ കമാന്‍ഡോയുടെ മുഖമുദ്രയെന്ന് സംസ്ഥാന പോലീസ് മേധാവി പറഞ്ഞു.  ഇന്ത്യ റിസര്‍വ് ബറ്റാലിയനില്‍ പരിശീലനം പൂര്‍ത്തിയാക്കിയ 10 മത് ബാച്ച് കമാന്‍ഡോ വിംഗിലെ 152 റിക്രൂട്ട് സേനാംഗങ്ങളുടെ പാസ്സിംഗ് ഔട്ട് പരേഡിനെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. സംസ്ഥാനം അതീവ ഗുരുതരമായ സാഹചര്യങ്ങളെ നേരിടുമ്പോള്‍ സാധാരണ സംവിധാനങ്ങള്‍ക്കപ്പുറം ജനങ്ങള്‍ കേരള പോലീസിലെ കമാന്‍ഡോകളെയാണ് പ്രതീക്ഷയോടെ നോക്കുന്നതെന്നും അദ്ദേഹം പറഞ്ഞു.

മഴക്കെടുതിയെ തുടർന്ന് ദുരിതബാധിതർക്ക് വിവിധ താലൂക്കുകളിലായി നടന്നു വരുന്ന 12 ദുരിതാശ്വാസ ക്യാമ്പുകളിൽ കഴിയുന്നവരുടെ എണ്ണം 299 ആയി. ഏറനാട്, കൊണ്ടോട്ടി, നിലമ്പൂർ, തിരുരങ്ങാടി താലൂക്കുകളിലായി പ്രവർത്തിക്കുന്ന ഈ ക്യാമ്പുകളിൽ 98 കുടുംബങ്ങളിൽ നിന്നായി ആകെ 299 അന്തേവാസികളാണ് കഴിയുന്നത്. ഇതിൽ 106 പുരുഷന്മാരും 131 സ്ത്രീകളും 62 കുട്ടികളും ഉൾപ്പെടുന്നു. 

സംസ്ഥാനത്തെ 38 തദ്ദേശ സ്വയംഭരണ വാർഡുകളിലെ ഉപ തിരഞ്ഞെടുപ്പിനായി തയ്യാറാക്കുന്ന വോട്ടർ പട്ടികയിൽ പേര് ചേർക്കാൻ ഇന്ന് (ആഗസ്റ്റ് 5) കൂടി അവസരമുണ്ടെന്ന് സംസ്ഥാന തിരഞ്ഞെടുപ്പ് കമ്മീഷൻ അറിയിച്ചു. 

 -പ്രൊഫഷണൽ കോളജുകൾക്ക് അവധി ബാധകമല്ല 

പ്രതികൂല കാലാവസ്ഥ കണക്കിലെടുത്ത് കണ്ണൂർ ജില്ലയിലെ എല്ലാ വിദ്യാഭ്യാസ സ്ഥാപനങ്ങള്‍ക്കും നാളെ (05-08-2026) ജില്ലാ കളക്ടർ പി. വിഷ്ണുരാജ് അവധി പ്രഖ്യാപിച്ചു. 

ട്യൂഷന്‍ സെന്ററുകള്‍, മദ്രസകള്‍ ഉള്‍പ്പെടെയുള്ളവ അടക്കം എല്ലാ വിദ്യാഭ്യാസ സ്ഥാപനങ്ങള്‍ക്കും അവധി ബാധകമായിരിക്കും. എന്നാൽ, പ്രൊഫഷണൽ കോളജുകൾക്ക് അവധി ബാധകമല്ല. റസിഡൻഷ്യൽ സ്കൂളുകൾക്കും അവധി ബാധകമല്ല. 

​മുൻകൂട്ടി നിശ്ചയിച്ച സർവകലാശാല/പൊതു പരീക്ഷകൾക്കും അഭിമുഖങ്ങൾക്കും മാറ്റമുണ്ടായിരിക്കുന്നതല്ല.

മൂന്നാംപക്കവും പിന്നിട്ട് ഒരു പകൽ പുലർന്നപ്പോൾ പ്രാർത്ഥനകൾ വിഫലമാക്കിക്കൊണ്ട് രാജേഷിന്റെയും ഹനീഫയുടെയും മൃതദേഹങ്ങൾ കണ്ടെടുത്തു. അതിശക്തമായ മഴയെ തുടർന്നുള്ള കുത്തൊഴുക്കിൽപ്പെട്ട് ശനിയാഴ്ച കാര്യങ്കോട് പുഴയിലെ മീന്തുള്ളിയിൽ കാണാതായ തിരുവനന്തപുരം കല്ലിയൂർ സ്വദേശി ആർ. രാജേഷ്‌ (36), കാഞ്ഞിരപ്പുഴയിൽ കാണാതായ പേരാവൂർ മണത്തണ കൊട്ടംചുരത്ത് വയൽപ്പീടികയിൽ ഹനീഫ (43) എന്നിവരുടെ മൃതദേഹങ്ങളാണ് ചൊവ്വാഴ്ച ലഭിച്ചത്.