തിരുവല്ല - സുമിത് കുമാര്‍ താക്കൂര്‍, തിരുവല്ല സബ് കലക്ടര്‍- 9447114902
റാന്നി -  റോസ്‌ന ഹൈദ്രോസ്, എല്‍ എ ഡെപ്യൂട്ടി കലക്ടര്‍ - 9495444735
ആറന്മുള- കെ എസ് അനില്‍കുമാര്‍, ആര്‍ ആര്‍ ഡെപ്യൂട്ടി കലക്ടര്‍  - 8547025685
കോന്നി - ഡി സി ദിലീപ് കുമാര്‍, എല്‍ ആര്‍  ഡെപ്യൂട്ടി കലക്ടര്‍ - 9447773695
അടൂര്‍  - എം ബിപിന്‍ കുമാര്‍, റവന്യൂ ഡിവിഷണല്‍ ഓഫീസര്‍- 9447799827

നിയമസഭ തിരഞ്ഞെടുപ്പിനുള്ള വോട്ടര്‍പട്ടികയില്‍ ജില്ലയിലെ വോട്ടര്‍മാരുടെ എണ്ണം 9,77,921.
സ്ത്രീകള്‍ 5,09,792, പുരുഷന്‍മാര്‍ 4,68,124, ട്രാന്‍സ്ജെന്‍ഡര്‍ 5 എന്നിങ്ങനെയാണ് വോട്ടര്‍മാരുടെ എണ്ണം. ഏറ്റവും കൂടുതല്‍ വോട്ടര്‍മാരുള്ളത് ആറന്മുള മണ്ഡലത്തില്‍, 2,14,575 പേര്‍. കുറവ് റാന്നി, 1,75,565. അടൂര്‍, 2,00,864, തിരുവല്ല 1,97,960, കോന്നി 1,88,957 എന്നിങ്ങനെയാണ് മറ്റു മണ്ഡലങ്ങളിലെ കണക്ക്. പ്രവാസി വോട്ടര്‍മാരുടെ എണ്ണം ജില്ലയില്‍ ആകെ 3,917. ആറന്മുള 1,013, തിരുവല്ല 962, അടൂര്‍ 821, കോന്നി 557, റാന്നി 564.
 

മല്ലപ്പളളി താലൂക്ക് ആശുപത്രിയിലെ പാലിയേറ്റീവ് കെയര്‍  പ്രോജക്ടുമായി ബന്ധപ്പെട്ട് മല്ലപ്പളളി, ആനിക്കാട്, കോട്ടാങ്ങല്‍ പഞ്ചായത്തുകളില്‍ ഹോം കെയര്‍ സന്ദര്‍ശനത്തിന് വാഹന വാടകയ്ക്ക് നല്‍കുന്നതിന്
ദര്‍ഘാസ് ക്ഷണിച്ചു. അവസാന തീയതി മാര്‍ച്ച് 23 ഉച്ചയ്ക്ക് 12. ഫോണ്‍ : 0469 2683084.
 

മല്ലപ്പളളി താലൂക്ക് ആശുപത്രിയിലേക്ക് ലാബ് റീ ഏജന്റ് വിതരണം ചെയ്യുന്നതിന് ദര്‍ഘാസ് ക്ഷണിച്ചു. അവസാന തീയതി മാര്‍ച്ച് 23 രാവിലെ 11 വരെ. ഫോണ്‍ : 0469 2683084.

മൃഗസംരക്ഷണ വകുപ്പിന്റെ  മൊബൈല്‍ വെറ്ററിനറി യൂണിറ്റ് പ്രവര്‍ത്തന സജ്ജമാക്കുന്നതിന്
വെറ്ററിനറി സര്‍ജന്മാരെ താല്‍ക്കാലികമായി തിരഞ്ഞെടുക്കുന്നു. ജില്ല വെറ്ററിനറി കോംപ്ലക്‌സിലുള്ള ജില്ലാ മൃഗസംരക്ഷണ ഓഫീസില്‍ മാര്‍ച്ച് 16 രാവിലെ 11 ന് അഭിമുഖം.  യോഗ്യത - ബിവിഎസ്‌സി ആന്‍ഡ് എഎച്ച്, കേരള സ്‌റ്റേറ്റ് വെറ്ററിനറി കൗണ്‍സില്‍ രജിസ്‌ട്രേഷന്‍.
ഫോണ്‍. 0468 2322762.

ചെന്നീര്‍ക്കര സര്‍ക്കാര്‍ ഐടിഐയില്‍ പ്രൊഫഷണല്‍ ഡിപ്ലോമ ഇന്‍ ഏവിയേഷന്‍ മാനേജ്മെന്റ് ആന്‍ഡ് എയര്‍ലൈന്‍ കാബിന്‍ ക്രൂ (1 വര്‍ഷം ), പ്രൊഫഷണല്‍ ഡിപ്ലോമ ഇന്‍ ഹോട്ടല്‍ മാനേജ്മെന്റ് ആന്‍ഡ് എക്സിക്യൂട്ടീവ് ഷെഫ് (1 വര്‍ഷം ), ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ ആന്‍ഡ് ഹെല്‍ത്ത് കെയര്‍ മാനേജ്‌മെന്റ്(6 മാസം), ബ്രൈഡല്‍ ഫാഷന്‍ പോര്‍ട്ട് ഫോളിയോ മേക്കപ്പ് ആര്‍ട്ടിസ്റ്റ് (30 ദിവസം) കോഴ്‌സിലേക്ക് പ്രവേശനം ആരംഭിച്ചു. യോഗ്യത: പ്ലസ്ടു/ ബിരുദം. ഫോണ്‍: 7306119753

ലോക ഉപഭോക്തൃ അവകാശ ദിനത്തിന്റെ ജില്ലാതല ദിനാഘോഷം മാര്‍ച്ച് 16 ഉച്ചയ്ക്ക് 2.30 ന് പത്തനംതിട്ട വൈഎംസിഎ ഹാളില്‍ ജില്ല കലക്ടര്‍ എസ് പ്രേംകൃഷ്ണന്‍ ഉദ്ഘാടനം ചെയ്യും. ജില്ല ഉപഭോക്തൃ തര്‍ക്ക പരിഹാര കമ്മീഷന്‍ പ്രസിഡന്റ് ജോര്‍ജ് ബേബി അധ്യക്ഷനാകും. ലോക ഉപഭോക്തൃ അവകാശ ദിനത്തിന്റെ പ്രമേയമായ 'സുരക്ഷിത ഉല്‍പ്പന്നങ്ങള്‍, ആത്മവിശ്വാസമുള്ള ഉപഭോക്താവ്' വിഷയത്തില്‍ അഡ്വ. ഗോപീകൃഷ്ണന്‍ പ്രഭാഷണം നടത്തും. ജില്ല സിഡിആര്‍സി കളില്‍ നിന്നും കേസുകളില്‍ അനുകൂല വിധി നേടിയ വ്യക്തികളെ ആദരിക്കും.
 

കലഞ്ഞൂര്‍ പഞ്ചായത്തിലെ വിവിധ പദ്ധതികളുടെ ഉദ്ഘാടനം ഇന്ന് (മാര്‍ച്ച് 14) വൈകിട്ട് നാലിന് ആരോഗ്യ വനിത ശിശു വികസന വകുപ്പ് മന്ത്രി വീണാ ജോര്‍ജ് നിര്‍വഹിക്കും. ആരോഗ്യ കേരളം പദ്ധതിയില്‍ ഉള്‍പെടുത്തി 6.62 കോടി രൂപ വിനിയോഗിച്ച് നിര്‍മിച്ച കൂടല്‍ കുടുംബാരോഗ്യ കേന്ദ്രത്തിന്റെ പുതിയ ഒ പി കെട്ടിടം, 1.17 കോടി രൂപയില്‍ അഞ്ചുമുക്ക് സാറുമുക്ക് റോഡ്, 30 ലക്ഷം രൂപയില്‍ സ്റ്റേഡിയം കുരങ്ങയം റോഡ്, ഒരു കോടി രൂപ വീതം ചെലവഴിച്ച് കൂടല്‍ സ്റ്റേഡിയം നവീകരണം, രാക്ഷസന്‍ പാറ ടൂറിസം പദ്ധതികളുടെ ഉദ്ഘാടനം മന്ത്രി നിര്‍വഹിക്കും. അഡ്വ. കെ യു ജനീഷ് കുമാര്‍ എംഎല്‍എ അധ്യക്ഷനാകും.  ആന്റോ ആന്റണി എം പി മുഖ്യപ്രഭാഷണം നടത്തും.

ആര്‍ത്തവ ശുചിത്വത്തോടൊപ്പം പരിസ്ഥിതി സംരക്ഷണത്തിനും പ്രാധാന്യം നല്‍കി
ഹരിതകേരളം മിഷന്റെ നേതൃത്വത്തില്‍ തുമ്പമണ്‍ ഗ്രാമപഞ്ചായത്തില്‍ മെന്‍സ്ട്രല്‍ കപ്പ് വിതരണവും ബോധവല്‍ക്കരണ ക്ലാസും സംഘടിപ്പിച്ചു. വൈസ് പ്രസിഡന്റ്  ഷീല വര്‍ഗീസ് ഉദ്ഘാടനം നിര്‍വഹിച്ചു. സി.ഡി.എസ് വൈസ് ചെയര്‍പേഴ്‌സണ്‍ അനിത മധു അധ്യക്ഷയായി. മിഡ് ലെവല്‍ സര്‍വീസ് പ്രൊവൈഡര്‍ കെ.കെ കല മോള്‍, വാര്‍ഡ് അംഗങ്ങളായ കെ.ജി. സുധാമ്മ, ഷൈനി ജോണ്‍ വര്‍ഗീസ്, രാധ രവീന്ദ്രന്‍ എന്നിവര്‍ പങ്കെടുത്തു.  75 കുടുംബശ്രീ അംഗങ്ങള്‍ക്ക് മെന്‍സ്ട്രല്‍ കപ്പ് വിതരണം ചെയ്തു.
 

കേരള സ്റ്റേറ്റ് റൂട്രോണിക്സ് സര്‍ട്ടിഫിക്കറ്റോടെ തിരുവനന്തപുരം ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് ഒരുവര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ കോഴ്‌സിലേക്ക് ഇന്റേണ്‍ഷിപ്പോടെ റഗുലര്‍, പാര്‍ട്ട് ടൈം ബാച്ചുകളിലേക്ക്  പ്ലസ് ടു കഴിഞ്ഞവരില്‍ നിന്ന് അപേക്ഷ ക്ഷണിച്ചു. ഫോണ്‍ : 7994926081