മുകുന്ദപുരം താലൂക്ക്

1.നെല്ലായി ജെ.യു.പി.എസ്സില്‍
8 കുടുംബങ്ങള്‍ (ആകെ 18 പേര്‍: പുരുഷന്‍ - 6, സ്ത്രീ -10, കുട്ടികള്‍-2 ഇതില്‍ 4 മുതിര്‍ന്ന പൗരന്മാരും 1 ഗര്‍ഭിണിയും ഉള്‍പ്പെടുന്നു)

2. തൊട്ടിപ്പാല്‍ കെ.എസ്.യു.പി.എസ്. ഒരു കുടുംബം(ആകെ മൂന്ന് പേര്‍.പുരുഷന്‍-1, സ്ത്രീകള്‍-2)

3. പകല്‍ വീട് ജവഹര്‍ നഗര്‍. രണ്ട് കുടുംബങ്ങള്‍ (ആകെ അഞ്ച് പേര്‍. പുരുഷന്‍ -2, സ്ത്രീ - 1. കുട്ടികള്‍ - 2. ഇതില്‍ മൂന്ന് മുതിര്‍ന്ന പൗരന്‍മാര്‍ ഉള്‍പ്പെടുന്നു

കനത്ത മഴയും കാറ്റും തുടരുന്ന സാഹചര്യത്തിൽ ഇടുക്കി ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും നാളെ (ഓഗസ്റ്റ് 5) ബുധനാഴ്ച അവധി ആയിരിക്കുമെന്ന് ജില്ലാ കളക്ടർ അറിയിച്ചു. സ്കൂളുകൾ, മദ്രസകൾ, നഴ്‌സറികൾ, കേന്ദ്രീയ വിദ്യാലയങ്ങൾ, സിബിഎസ്ഇ, ഐസിഎസ് ഇ സ്‌കൂളുകൾ  എന്നിവയ്ക്കും അവധി ബാധകമായിരിക്കും. മുഴുവൻ വിദ്യാർത്ഥികളും താമസിച്ചു പഠിക്കുന്ന റസിഡൻഷ്യൽ വിദ്യാഭ്യാസ സ്ഥാപനങ്ങൾക്ക് കോഴ്സുകൾക്ക് അവധി ബാധകമല്ല.

വാഴത്തോപ്പ് പഞ്ചായത്തിലെ മണിയാറൻകുടി പെരിങ്കാല സെലീന ചാൾസ് മെമ്മോറിയൽ ഇംഗ്ലീഷ് മീഡിയം സ്‌കൂളിലെ ദുരിതാശ്വാസ ക്യാമ്പിൽ ജില്ലാ കളക്ടർ ഡോ. ദിനേശൻ ചെറുവാട്ട് സന്ദർശനം നടത്തി. പെരിങ്കാല ആദിവാസി ഉന്നതിയിലെ
29 പേരാണ് ക്യാമ്പിലുള്ളത്. 9 കുടുംബങ്ങളാണ് ഇവിടെയുള്ളത്. 8 പുരുഷന്മാരും 12 സ്‌ത്രീകളും 9 കുട്ടികളമാണുള്ളത്.

ക്യാമ്പിൽ എല്ലാവിധ സൗകര്യങ്ങളും ഉറപ്പാക്കിയിട്ടുണ്ടെന്ന് കളക്‌ടർ അറിയിച്ചു. മരുന്നും ഭക്ഷണവും കുടിവെള്ളവും വൈദ്യുതിയും ഉറപ്പറക്കിയിട്ടുണ്ട്.

ക്യാമ്പ് അംഗങ്ങളെ സന്ദർശിച്ച കളക്ടർ പക്ഷാഘാത ബാധിതനായ ലക്ഷ്മണന് കിടക്കാൻ കട്ടിൽ എത്തിച്ചു നൽകി.

സംസ്ഥാനത്തെ 38 തദ്ദേശ സ്വയംഭരണ വാര്‍ഡുകളിലെ ഉപ തിരഞ്ഞെടുപ്പിനായി തയ്യാറാക്കുന്ന വോട്ടര്‍ പട്ടികയില്‍ പേര് ചേര്‍ക്കാന്‍ ഇന്ന് (ആഗസ്റ്റ് 5) കൂടി അവസരമുണ്ടെന്ന് സംസ്ഥാന തിരഞ്ഞെടുപ്പ് കമ്മീഷന്‍ അറിയിച്ചു. 2026 ജനുവരി ഒന്നിനോ അതിന് മുന്‍പോ 18 വയസ്സ് തികഞ്ഞവര്‍ക്ക് പട്ടികയില്‍ പേര് ചേര്‍ക്കാം. അതിന് ഓണ്‍ലൈനായി www.sec.kerala.gov.in വെബ്‌സൈറ്റില്‍ അപേക്ഷിക്കാം. അന്തിമ വോട്ടര്‍ പട്ടിക ആഗസ്റ്റ് 19ന് പ്രസിദ്ധീകരിക്കും.

ഇടുക്കി ജില്ലാ ഖാദി ഗ്രാമ വ്യവസായ ഓഫീസിന്റെ ആഭിമുഖ്യത്തില്‍ സംഘടിപ്പിക്കുന്ന ഓണം ഖാദി സ്‌പെഷ്യല്‍ വിപണന മേള ഇടുക്കി കളക്ടറേറ്റ് മിനി കോണ്‍ഫറന്‍സ് ഹാളില്‍ തുടങ്ങി.

നോര്‍ക്ക റൂട്സ് ഇടുക്കി ജില്ല സെല്ലിലേക്ക് എംപ്ലോയ്‌മെന്റ് എക്സ്ചേഞ്ച് വഴിയുള്ള അസിസ്റ്റന്റ് നിയമനത്തിന് ഓഗസ്റ്റ് ഏഴാം തീയതി നടത്തുവാന്‍ നിശ്ചയിച്ചിരുന്ന അഭിമുഖം പ്രതികൂല കാലാവസ്ഥ കാരണം മാറ്റിവച്ചു. പുതുക്കിയ തീയതി പിന്നീട് അറിയിക്കുന്നതാണെന്ന് ഡെപ്യൂട്ടി ഡയറക്ടര്‍ അറിയിച്ചു.
 

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ ആഗസ്റ്റ് മാസം ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള മോണ്ടിസ്സോറി പ്രീ - പ്രൈമറി, നഴ്സറി ടീച്ചര്‍ ട്രെയിനിംഗ് കോഴ്സുകള്‍ക്ക് എസ്.എസ്.എല്‍.സി/പ്ലസ് ടു/ഡിഗ്രി യോഗ്യതയുള്ള വനിതകളില്‍ നിന്നും അപേക്ഷ ക്ഷണിച്ചു. കൂടുതല്‍ വിവരങ്ങള്‍ക്ക് ഫോണ്‍ : 7994449314

കുടുബശ്രീ ജില്ലാ മിഷന്‍ നടപ്പിലാക്കുന്ന ഇടുക്കി ജില്ലയിലെ ഫാം ലൈവ്‌ലി ഹുഡ് പദ്ധതികളില്‍ ദേവികുളം ബ്ലോക്കിലെ ബ്ലോക്ക് കോ-ഓഡിനേറ്ററുടെ ഒഴിവിലേക്ക് ദിവസ വേതനാടിസ്ഥാനത്തില്‍  നിയമിക്കുന്നതിനായി ദേവികുളം ബ്ലോക്ക് പരിധിയില്‍ സ്ഥിര താമസക്കാരായ വി.എച്ച്.എസ്.ഇ (അഗ്രി/ലൈവ്‌ലി ഹുഡ്) യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. പ്രായപരിധി 18 മുതല്‍ 35 വയസ് വരെ.

ഓണത്തോടനുബന്ധിച്ച് മദ്യം, മയക്കുമരുന്ന് എന്നിവയുമായി ബന്ധപ്പെട്ട കുറ്റകൃത്യങ്ങള്‍ തടയുന്നതിനായി എക്‌സൈസ് വകുപ്പിന്റെ നേതൃത്വത്തില്‍
സ്പെഷ്യല്‍ എന്‍ഫോഴ്സ്‌മെന്റ്റ് ഡ്രൈവിന് തുടക്കം. ഇതിന്റെ ഭാഗമായി ഇടുക്കി എക്സൈസ് ഡിവിഷന്‍ ഓഫീസില്‍ ആഗസ്റ്റ് 1 മുതല്‍ 31 വരെ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം ആരംഭിച്ചു.

തൊടുപുഴ ജില്ലാ ആശുപത്രിയില്‍ സുരക്ഷാ ജോലികള്‍ നിര്‍വഹിക്കുന്നതിന് സെക്യൂരിറ്റി ജീവനക്കാരെ നിയോഗിക്കുന്നതിന് താല്‍പര്യമുളള സെക്യൂരിറ്റി ഏജന്‍സികളില്‍ നിന്ന് ടെന്‍ഡര്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ആഗസ്റ്റ് 14 ഉച്ചയ്ക്ക് 2.30 വരെ. കൂടുതല്‍ വിവരങ്ങള്‍ക്ക് ഫോണ്‍: 04862 222630