മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രകാരമുള്ള പ്രവൃത്തികളുടെ കാലാവധി അവസാനിക്കുന്നതിനാല്‍ ഇനിയും തുടങ്ങാത്ത പ്രവൃത്തികള്‍ അടിയന്തിരമായി ആരംഭിക്കുകയും മൂന്ന് മാസത്തിനുള്ളില്‍ പൂര്‍ത്തീകരിക്കുകയും ചെയ്യുന്നതിന് ജനപ്രതിനിധികള്‍ പ്രത്യേകം ശ്രദ്ധ ചെലുത്തണമെന്ന് ഡീന്‍ കുര്യാക്കോസ് എം.പി.

ജില്ലയിലെ വിവിധ കേന്ദ്രാവിഷ്‌കൃത പദ്ധതികളുടെ പുരോഗതി വിലയിരുത്തുന്നതിനായുള്ള ദിശാ (ഡിസ്ട്രിക്ട് ഡെവലപ്‌മെന്റ് കോ-ഓഡിനേഷന്‍ ആന്റ് മോണിറ്ററിംഗ് കമ്മിറ്റി) മീറ്റിംഗിന്റെ 2026-27 സാമ്പത്തികവര്‍ഷത്തിലെ ഒന്നാം പാദ യോഗത്തില്‍ അധ്യക്ഷത വഹിക്കുകയായിരുന്നു എം.പി.

ടൂറിസം വകുപ്പിന്റെ, തൊടുപുഴ ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ടില്‍ പ്ലസ് ടു പാസ്സായവര്‍ക്കുളള ഒരു വര്‍ഷത്തെ കോഴ്സുകളിലേക്കും പത്താം ക്ലാസ് കഴിഞ്ഞവര്‍ക്കുളള ഒന്‍പത് മാസത്തെ ഹോട്ടല്‍ മാനേജ്മെന്റ് കോഴ്സുകളിലേക്കുമുളള അഡ്മിഷന്‍ ആരംഭിച്ചു. അപേക്ഷ  സമര്‍പ്പിക്കാനുളള അവസാന തീയതി ജൂണ്‍ 15.
കൂടുതല്‍ വിവരങ്ങള്‍ക്ക് ഫോണ്‍:04862 224601, 9446747701, 9400455066. ഇമെയില്‍: www.fcikerala

മെഡിക്കല്‍ /എഞ്ചിനീയറിംഗ് എന്‍ട്രന്‍സ് പരീക്ഷാ പരിശീലനത്തിന് 6 മാസത്തില്‍ കുറയാത്ത കാലയളവില്‍ പങ്കെടുത്ത് എന്‍ട്രന്‍സ് പരീക്ഷ എഴുതിയ വിമുക്തഭടന്മാരുടെ (ആര്‍മി/നേവി/എയര്‍ഫോഴ്സ്) മക്കള്‍ക്കുള്ള സാമ്പത്തിക സഹായത്തിന് അപേക്ഷിക്കാം. സര്‍വീസ് പ്ലസില്‍ serviceonline.gov.in/kerala എന്ന ലിങ്ക് മുഖേന ഓണ്‍ലൈനായി ജൂലൈ 25 വൈകിട്ട്  5 മണിക്ക് മുന്‍പായി അപേക്ഷകള്‍ സമര്‍പ്പിക്കേണ്ടതാണ്.
കൂടുതല്‍ വിവരങ്ങള്‍ക്ക്  ഫോണ്‍:  04862-222904.

തൊടുപുഴ ജില്ലാ ആശുപത്രിയില്‍ ചികിത്സയ്ക്കായി എത്തുന്ന എസ്.ടി വിഭാഗത്തില്‍ ഉള്‍പ്പെട്ട രോഗികള്‍ക്ക് തുടര്‍ ചികിത്സയ്ക്കും മറ്റിതര ആവശ്യങ്ങള്‍ക്കുമായി ആംബുലന്‍സ്/ഐ സി യു ആംബുലന്‍സ് സേവനം ലഭ്യമാക്കുന്നതിനായി ആംബുലന്‍സ് ഉടമകളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ വില്‍ക്കുന്ന അവസാന തീയതി ജൂണ്‍ 18 ഉച്ചകഴിഞ്ഞ് 3 മണി വരെയും ടെന്‍ഡര്‍ സ്വീകരിക്കുന്ന അവസാന തീയതി ജൂണ്‍ 19 ഉച്ചകഴിഞ്ഞ് 3.30 വരെയുമാണ്. കൂടുതല്‍ വിവരങ്ങള്‍ക്ക് ഫോണ്‍:04862 222630. ഇമെയില്‍: supdtthqhtdpa@gmail.com
 

ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്റ്‌ലൂം ടെക്നോളജി-കണ്ണൂരിന് കീഴിലുള്ള കോസ്റ്റ്യൂം ആന്റ് ഫാഷന്‍ ഡിസൈനിങ്ങ് കോളേജില്‍, അസിസ്റ്റന്റ്  പ്രൊഫസര്‍ (ഇന്റീരിയര്‍ ഡിസൈനിങ്ങ് ആന്റ് ഫര്‍ണിഷിങ്ങ്) തസ്തികയില്‍ കരാറടിസ്ഥാനത്തില്‍ നിയമനം നടത്തുതിനായി, എം.ആര്‍ക്, യു ജി സി, നെറ്റ്  യോഗ്യതയുള്ളവരില്‍ നിന്ന് അപേക്ഷ ക്ഷണിച്ചു.

കേരള ആരോഗ്യശാസ്ത്ര സര്‍വകലാശാലയില്‍ ലോക പരിസ്ഥിതിദിനം ആചരിച്ചു. ജീവനക്കാരുടെ കൂട്ടായ്മയായ സര്‍ഗയുടെ നേതൃത്വത്തിലാണ് പരിപാടി സംഘടിപ്പിച്ചത്. പ്രൊ വൈസ്ചാന്‍സലര്‍, പ്രൊഫ. ഡോ. സി. പി. വിജയന്‍ പ്ലാവിന്‍ തൈ നട്ട് പരിപാടി ഉദ്ഘാടനം ചെയ്തു. പരീക്ഷ കണ്‍ട്രോളര്‍ പ്രൊഫ. ഡോ. എസ് അനില്‍കുമാര്‍, ഡീന്‍ അക്കാഡമിക് പ്രൊഫ. ഡോ. ആര്‍. ബിനോജ്, ഡീന്‍ റിസര്‍ച്ച് പ്രൊഫ. ഡോ. ഷാജി കെ. എസ്., അക്കാഡമിക് സ്റ്റാഫ് കോളേജ് ഡയറക്ടര്‍ പ്രൊഫ. ഡോ. വി. വി. ഉണ്ണികൃഷ്ണന്‍ എന്നിവര്‍ പങ്കെടുത്തു.
 

തൊടുപുഴ
പാറക്കടവ് അർബൻ പി.എച്ച്.സി യിലേക്ക് ലാബോറട്ടറി റീ-ഏജൻറ്റുകൾ വിതരണം ചെയ്യുന്നതിന് താൽപ്പര്യമുള്ള സ്ഥാപനങ്ങളിൽ നിന്നും ടെൻഡർ ക്ഷണിച്ചു. ടെൻഡർ അപേക്ഷകൾ ജൂൺ 15  രാവിലെ 10 വരെ സമർപ്പിക്കാം.  ജൂൺ 16 ഉച്ചയ്ക്ക് 2ന് അപേക്ഷകൾ തുറന്ന് പരിശോധിക്കും. കൂടുതൽ വിവരങ്ങൾ പാറക്കടവ് യു.പി.എച്ച്.സി മെഡിക്കൽ ഓഫീസറുടെ കാര്യാലയത്തിൽ നിന്നും ലഭിക്കും. ഫോൺ: 6235139734

ലോക പരിസ്ഥിതി ദിനത്തിന്റെ ഭാഗമായി വെള്ളാപ്പാറയിലെ വനം വകുപ്പ് ഡോര്‍മിറ്ററിയില്‍ സംഘടിപ്പിച്ച പരിസ്ഥിതി ദിനാഘോഷം വൃക്ഷത്തൈ നട്ട് റോയ് കെ. പൗലോസ് എംഎല്‍എ ഉദ്ഘാടനം ചെയ്തു. വനം വകുപ്പിന്റെയും വിവിധ സംഘടനകളുടെയും നേതൃത്വത്തില്‍ പരിസ്ഥിതി ദിനത്തോടനുബന്ധിച്ച് നടുന്ന മരങ്ങളുടെ സംരക്ഷണവും തുടര്‍ പരിപാലനവും ഉറപ്പാക്കണമെന്ന് എംഎല്‍എ പറഞ്ഞു. പലപ്പോഴും മരങ്ങള്‍ സംരക്ഷിക്കുന്ന കാര്യത്തില്‍ ജാഗ്രതക്കുറവുണ്ടാകാറുണ്ടെന്നും അദ്ദേഹം പറഞ്ഞു.

കളക്ടറേറ്റില്‍ വിവിധ പരിപാടികളോടെ പരിസ്ഥിതി ദിനാചരണം