കണ്ണൂര്‍ അപ്പാരൽ ട്രെയിനിങ് ആൻഡ് ഡിസൈൻ സെന്ററിൽ ഫാഷൻ ഡിസൈനിങ്ങിൽ ഡിഗ്രി കോഴ്സുകളിലേക്ക് പ്രവേശനത്തിന് അപേക്ഷ ക്ഷണിച്ചു.  മൂന്ന് വർഷത്തെ ഫാഷൻ ഡിസൈൻ ആന്‍ഡ് റീട്ടെയിൽ (ബി.വോക് എഫ്.ഡി.ആര്‍), അപ്പാരൽ മാനുഫാക്ചറിങ് ആന്‍ഡ് എൻട്രര്‍പ്രണര്‍ഷിപ്പ് (ബി.വോക് എ.എം.ഇ) എന്നീ കോഴ്സുകളിലേക്കാണ് പ്രവേശനം. പ്ലസ്ടു യോഗ്യതയുള്ളവര്‍ക്ക് അപേക്ഷിക്കാം. കൂടുതൽ വിവരങ്ങൾക്കും അപേക്ഷ സമർപ്പിക്കുന്നതിനും 8301030362, 9995004269 എന്നീ ഫോൺ നമ്പറുകളില്‍ ബന്ധപ്പെടാം.

പാലക്കാട് ജില്ലയിലെ ഒരു അർധസർക്കാർ സ്ഥാപനത്തിൽ പെയിൻ്ററുടെ താൽക്കാലിക ഒഴിവുണ്ട്. എസ്. എസ്. എൽ.സി/ തത്തുല്യ യോഗ്യതയും പെയിൻ്റര്‍ ട്രേഡില്‍ ഐ. ടി. ഐ സർട്ടിഫിക്കറ്റ് യോഗ്യതയുമുള്ള 18 നും 41 നും ഇടയിൽ പ്രായമുള്ളവർക്ക് അപേക്ഷിക്കാം. ഉയർന്ന പ്രായപരിധിയിൽ നിയമാനുസൃത ഇളവ് ലഭിക്കും. ശമ്പളം പ്രതിമാസം 13000 രൂപ. താല്പര്യമുള്ള ഉദ്യോഗാർഥികൾ വിദ്യാഭ്യാസ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളുമായി അതത് എംപ്ലോയ്മെൻറ് എക്സ്ചേഞ്ചുകളിൽ ജൂൺ 26ന് മുൻപായി നേരിട്ട് ഹാജരായി പേര് രജിസ്റ്റർ ചെയ്യണമെന്ന്  ജില്ലാ എംപ്ലോയ്മെൻ്റ് ഓഫീസർ അറിയിച്ചു. ഫോൺ 0491- 2505204

സുരക്ഷയും അടിയന്തര പ്രതികരണ സംവിധാനങ്ങളും മെച്ചപ്പെടുത്തുന്നതിന്റെ ഭാഗമായി കണ്ണൂര്‍ അന്താരാഷ്ട്ര വിമാനത്താവളത്തില്‍ ആന്റി-ഹൈജാക്ക് മോക്ക് എക്‌സര്‍സൈസ് വിജയകരമായി നടത്തി. രാവിലെ 11.20 ഓടെ വിമാനം അപഹരിക്കപ്പെട്ടതായി സന്ദേശം ലഭിച്ച ഉടന്‍ എ ടി സി ടവറില്‍ സബ് കലക്ടര്‍ കാര്‍ത്തിക് പാണിഗ്രഹിയുടെ അധ്യക്ഷതയില്‍ എയ്‌റോഡ്രോം കമ്മിറ്റി യോഗം ചേര്‍ന്നു. യാത്രക്കാരുടെയും ജീവനക്കാരുടെയും സുരക്ഷ ഉറപ്പാക്കി  സിഐഎസ്എഫ് ഉദ്യോഗസ്ഥര്‍ ഹൈജാക്കര്‍മാരെ കീഴ്‌പ്പെടുത്തിയതോടെ ഉച്ചക്ക് 12 മണിക്കാണ് മോക്ക് എക്‌സര്‍സൈസിന് സമാപനമായത്.

വൈത്തിരി താലൂക്ക് വികസന സമിതി യോഗം ജൂലൈ അഞ്ചിന് രാവിലെ 10.30 ന് വൈത്തിരി ഗ്രാമപഞ്ചായത്ത് കമ്മ്യണിറ്റി ഹാളില്‍.

സേവക്കിന്റെ (സെല്‍ഫ് എംപ്ലോയ്ഡ് വര്‍ക്കേഴ്സ് അസോസിയേഷന്‍ കേന്ദ്ര) വിവിധ പോയിന്റുകളിലേക്ക് സെക്യൂരിറ്റി ജീവനക്കാരെ നിയമിക്കുന്നു. എസ്എസ്എൽസി യോഗ്യതയും 155 സെ.മീറ്റർ ഉയരവും 18നും 38 നും പ്രായമുള്ള പട്ടികവർഗ്ഗ വിഭാഗത്തിൽപ്പെട്ട യുവാക്കൾക്ക് അപേക്ഷിക്കാം. അപേക്ഷകൾ മാനേജർ, സേവക് , മുട്ടികുളങ്ങര, പാലക്കാട് 67 85 94 എന്ന വിലാസത്തിൽ ജൂൺ 30നകം ലഭിച്ചിരിക്കണം. ഫോൺ:  0491-2559807