പാലക്കാട് വ്യാവസായിക ട്രൈബ്യൂണലും ഇന്‍ഷൂറന്‍സ് കോടതി ജഡ്ജിയും, എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ ഓഗസ്റ്റ് 10, 11, 17, 18, 24, 31 തീയതികളില്‍ പാലക്കാട് റവന്യൂ ഡിവിഷണല്‍ മജിസ്ട്രേറ്റ് കോടതി ഹാളില്‍ തൊഴില്‍ തര്‍ക്ക കേസുകളും, ഇന്‍ഷൂറന്‍സ് കേസുകളും വിചാരണ ചെയ്യും. ഫോണ്‍: 0491 2556087.
 

ഫോറസ്റ്റ് ട്രൈബ്യൂണലിന്റെ ക്യാമ്പ് സിറ്റിങ് ഓഗസ്റ്റ് ആറ്, ഏഴ്, 21, 28 തീയതികളില്‍ ഡി.ടി.പി.സി കോമ്പൗണ്ടില്‍ നടക്കുമെന്ന് കോഴിക്കോട് ഫോറസ്റ്റ് ട്രിബ്യൂണല്‍ സെക്രട്ടറി അറിയിച്ചു. ഫോണ്‍: 0495 2365091.

'എന്റെ പട്ട് എന്റെ അഭിമാനം' പദ്ധതിയുടെ ഭാഗമായി പട്ടുനൂല്‍പ്പുഴു വളര്‍ത്തല്‍ കര്‍ഷകര്‍ക്കായി പുതൂര്‍ ഗ്രാമപഞ്ചായത്തിലെ വെള്ളമാരിയില്‍ 'ഫീല്‍ഡ് ഡേ' സംഘടിപ്പിച്ചു. നടന്നു. പട്ടുനൂല്‍പ്പുഴു ആരോഗ്യകരമായ വളര്‍ച്ച, പരിപാലനം, താപനിലയും ഈര്‍പ്പവും നിലനിര്‍ത്തേണ്ടതിന്റെ പ്രാധാന്യം, മോള്‍ട്ടിംഗ് ഘട്ടത്തിലെ പരിചരണം എന്നിവയില്‍ ശാസ്ത്രീയ-പ്രായോഗിക പരിശീലനം നല്‍കി. കര്‍ഷകര്‍ നേരിട്ട് വിളവെടുപ്പില്‍ പങ്കാളികളായി സംശയനിവാരണവും നടത്തി.

കര്‍ക്കിടകവാവ് ബലിതര്‍പ്പണവുമായി ബന്ധപ്പെട്ട് ജില്ലയിലെ വിവിധ ബലിതര്‍പ്പണ കേന്ദ്രങ്ങളില്‍ എത്തുന്നവര്‍ സുരക്ഷാ നിര്‍ദേശങ്ങള്‍ കര്‍ശനമായി പാലിക്കണമെന്ന് ജില്ലാതല ഏകോപനയോഗം.

സംസ്ഥാന പട്ടികജാതി പട്ടികഗോത്രവര്‍ഗ കമ്മീഷന്‍ നിലവിലുള്ള പരാതികള്‍ തീര്‍പ്പാക്കുന്നതിന് ജില്ലയില്‍ ഓഗസ്റ്റ് 17-ന് പരാതി പരിഹാര അദാലത്ത് നടത്തും. രാവിലെ 10.30 മുതല്‍ ജില്ലാ കലക്ടറേറ്റ് കോണ്‍ഫറന്‍സ് ഹാളിലും, അഗളി മിനി സിവില്‍ സ്റ്റേഷനിലെ ഐ.ടി.ഡി.പി കോണ്‍ഫറന്‍സ് ഹാളിലുമാണ് അദാലത്ത് നടക്കുക. കമ്മീഷന്‍ ചെയര്‍പേഴ്‌സണ്‍ ശേഖരന്‍ മിനിയോടന്‍, അംഗങ്ങളായ അഡ്വ. സേതു നാരായണന്‍, ടി.കെ. വാസു എന്നിവര്‍ നേതൃത്വം നല്‍കും.

ഇന്ത്യ റിസര്‍വ് ബറ്റാലിയനില്‍ പരിശീലനം പൂര്‍ത്തിയാക്കിയ സേനാംഗങ്ങളുടെ പാസ്സിംഗ് ഔട്ടിന് പരേഡിന് അപ്രതീക്ഷിതമായി ഒരു വിശിഷ്ടാതിഥി കൂടിയുണ്ടായിരുന്നു മാനന്തവാടി എം.എല്‍.എ ഉഷ വിജയന്‍. മകന്‍ അഭയ് കൃഷ്ണ കെ. വിജയന്റെ പാസിംഗ് ഔട്ട് പരേഡ് കാണാനാണ് എം.എല്‍.എ മറ്റ് തിരക്കുകള്‍ മാറ്റിവെച്ച് പാണ്ടിക്കാട് എത്തിയത്. മകന് ഡിഗ്രി പൂര്‍ത്തിയായ ശേഷം ആദ്യം എഴുതിയ പി.എസ്.സി പരീക്ഷയിലാണ് പോലീസ് സേനയിലേക്ക് തെരഞ്ഞെടുക്കപ്പെടുന്നത്. പോലീസ് സേനയില്‍ ചേരണമെന്ന് മകന്റെ ആഗ്രഹത്തോടൊപ്പം  കുടുംബവും നിലകൊണ്ടു. മകന്‍ സംസ്ഥാന പോലീസിന്റെ ഭാഗമാകുന്നത് ഏറെ അഭിമാനം നല്‍കുന്ന ഒന്നാണെന്ന് എംഎല്‍എ പറഞ്ഞു.

നാഷണല്‍ ട്രസ്റ്റ് ലോക്കല്‍ ലെവല്‍ കമ്മിറ്റി (എല്‍.എല്‍.സി) മലപ്പുറത്തിന്റെ ആഭിമുഖ്യത്തില്‍ നിയമപരമായ ലീഗല്‍ ഗാര്‍ഡിയന്‍ഷിപ് സര്‍ട്ടിഫിക്കറ്റ് വിതരണ ചടങ്ങ് മലപ്പുറം സിവില്‍ സ്റ്റേഷന്‍ പ്ലാനിംഗ് ഹാളില്‍ നടന്നു. മലപ്പുറം ജില്ലാ പഞ്ചായത്ത് പ്രസിഡന്റ് പി. എ. ജബ്ബാര്‍ ഹാജി ഉദ്ഘാടനം ചെയ്തു. മുഖ്യാതിഥിയായ ജില്ലാ കളക്ടര്‍ ഡോ. വിനയ് ഗോയല്‍ ഗുണഭോക്താക്കള്‍ക്ക് സര്‍ട്ടിഫിക്കറ്റുകള്‍ വിതരണം ചെയ്തു. ജില്ലാ വികസന കമ്മീഷണറും തിരൂര്‍ സബ്കളക്ടറുമായ  ദിലീപ് കെ. കൈനിക്കര അധ്യക്ഷത വഹിച്ചു. ചടങ്ങില്‍ ജില്ലാ പഞ്ചായത്തംഗം റൈഹാനത്ത്, ജില്ലാ സാമൂഹ്യനീതി ഓഫീസര്‍ സമീര്‍ മച്ചിങ്ങല്‍, എല്‍.എല്‍.സി കണ്‍വീനര്‍ ടി. എം.

ആരോഗ്യവകുപ്പ്, കേരള എയ്ഡ്‌സ് കണ്‍ട്രോള്‍ സൊസൈറ്റി, എന്‍.എന്‍.എസ് എന്നിവയുടെ സംയുക്താഭിമുഖ്യത്തില്‍ ജില്ലാതല റെഡ് റിബണ്‍ ക്വിസ് മത്സരം കോട്ടക്കല്‍ കുടുംബാരോഗ്യകേന്ദ്രത്തില്‍ നടന്നു. എച്ച്.ഐ.വി/എയ്ഡ്‌സ്, ആരോഗ്യകരമായ ജീവിതശൈലി, ഉത്തരവാദിത്തമുള്ള പെരുമാറ്റം എന്നിവയെക്കുറിച്ച് വിദ്യാര്‍ത്ഥികളില്‍ അവബോധം സൃഷ്ടിക്കുക എന്നതാണ് പരിപാടിയുടെ ലക്ഷ്യം.

അസംയോജിത കാര്‍ഷികേതര മേഖലയിലെ വാര്‍ഷിക സര്‍വേയുടെ വിവരശേഖരണത്തിനായി സാമ്പത്തിക സ്ഥിതിവിവരക്കണക്ക് വകുപ്പില്‍ എന്യൂമറേറ്റര്‍മാരെ കരാര്‍ അടിസ്ഥാനത്തില്‍ നിയമിക്കുന്നു. ഉത്പാദനം, വ്യാപാരം, മറ്റ് സേവനങ്ങള്‍ (നിര്‍മ്മാണ മേഖല ഒഴികെ) എന്നിവ നടത്തുന്ന സ്ഥാപനങ്ങളിലെയും വീടുകളിലെയും വിവരശേഖരണത്തിനായി ഓരോ ജില്ലയിലും രണ്ട് ഒഴിവുകളാണുള്ളത്. 2027 മാര്‍ച്ച് 31 വരെയാണ് കാലാവധി.

മലപ്പുറം ജില്ലയിലെ വനിതാ സെല്ലിന് കീഴില്‍ ഫാമിലി വുമണ്‍ കൗണ്‍സിലര്‍ തസ്തികയില്‍ താത്ക്കാലിക നിയമനം നടത്തുന്നു. സൈക്കോളജിയില്‍ ബിരുദാനന്തര ബിരുദവും കൗണ്‍സിലിങില്‍ രണ്ടു വര്‍ഷത്തെ പ്രവൃത്തിപരിചയവുമുള്ള വനിതകള്‍ക്ക് അപേക്ഷിക്കാം.