നിയമസഭാ തിരഞ്ഞെടുപ്പുമായി ബന്ധപ്പെട്ട് പോളിംഗ് സ്റ്റേഷനുകളില്‍ നിയമിക്കപ്പെട്ട മൈക്രോ ഒബ്സര്‍വര്‍മാര്‍ക്ക് പരിശീലനം നല്‍കി. ജില്ലാ പഞ്ചായത്ത് വി സി ഹാളിൽ നടന്ന   കണ്ണൂര്‍, അഴീക്കോട്, ധർമ്മടം നിയമസഭാ മണ്ഡലങ്ങൾക്കുള്ള  പരിശീലന ക്ലാസിൽ കേന്ദ്ര പൊതുനിരീക്ഷകരായ ബൽക്കർ സിങ്, അഭിഷേക് ഗോയൽ എന്നിവർ മൈക്രോ ഒബ്സർവർമാരുടെ ചുമതലകൾ വിശദീകരിച്ചു. സ്റ്റേറ്റ് മാസ്റ്റര്‍ ട്രെയിനര്‍ സി മോനിഷ് ‍ക്ലാസ്സെടുത്തു. 

2026 നിയമസഭാ പൊതുതിരഞ്ഞെടുപ്പുമായി ബന്ധപ്പെട്ട് രാഷ്ട്രീയപാർട്ടികളും സ്ഥാനാർത്ഥികളും തിരഞ്ഞെടുപ്പ് മാതൃകാ പെരുമാറ്റച്ചട്ടം കർശനമായി പാലിക്കണമെന്ന് കേന്ദ്ര നിരീക്ഷകർ. കളക്ട്രേറ്റ് കോൺഫറൻസ് ഹാളിൽ ചേർന്ന രാഷ്ട്രീയപാർട്ടി പ്രതിനിധികളുമായുള്ള യോഗത്തിലാണ് കേന്ദ്ര നിരീക്ഷകർ നിർദ്ദേശം നൽകിയത്. 

ഭൂമി തരം മാറ്റവുമായി ബന്ധപ്പെട്ട് കാക്കനാട് സിവിൽ സ്റ്റേഷനിൽ പ്രവർത്തിച്ചുവരുന്ന അന്വേഷണ കൗണ്ടർ മെയ് 4 വരെ പ്രവർത്തിക്കുന്നതല്ല എന്ന്  അഡീഷണൽ ജില്ലാ മജിസ്ട്രേറ്റ് ഷൈജു പി ജേക്കബ് അറിയിച്ചു. നിയമസഭാ തിരഞ്ഞെടുപ്പ് പ്രമാണിച്ചാണ് നടപടി.

പീച്ചിയിലെ പമ്പിംഗ് മെയിൻ 600 എം.എം. ലൈനിലെ  ചോർച്ച പരിഹരിക്കുന്നതിനായി അറ്റകുറ്റപ്പണി നടക്കുന്നതിനാൽ തൃശ്ശൂർ പഴയ മുനിസിപ്പൽ പ്രദേശങ്ങളിൽ ഇന്ന് (മാർച്ച്26) ശുദ്ധജല വിതരണം പൂർണ്ണമായും തടസപ്പെടുമെന്ന് അസിസ്റ്റൻ്റ് എക്സിക്യൂട്ടീവ് എഞ്ചിനീയർ അറിയിച്ചു.

നിയമസഭ തെരഞ്ഞെടുപ്പിനോടനുബന്ധിച്ച് തൃശ്ശൂർ എഞ്ചിനീയറിംഗ് കോളേജിലെ സ്വീകരണ വിതരണ കേന്ദ്രങ്ങൾ സജ്ജമാക്കുന്നതിന് അംഗീകൃത കരാറുകാരിൽ നിന്നും മുദ്രവെച്ച ക്വട്ടേഷൻ ക്ഷണിച്ചു. ജി.എസ്.ടി രജിസ്ട്രേഷൻ ഉള്ള സ്ഥാപനങ്ങൾക്കോ വ്യക്തികൾക്കോ മാത്രമാണ് ക്വട്ടേഷൻ നടപടികളിൽ പങ്കെടുക്കാൻ അർഹതയുളളത്. താത്പര്യമുള്ള സ്ഥാപനങ്ങൾ നിശ്ചിത നിരക്കുകൾ രേഖപ്പെടുത്തിയ ക്വട്ടേഷനുകൾ നിയമസഭാമണ്ഡലം (സ്വീകരണ വിതരണ കേന്ദ്രം) എന്ന് രേഖപ്പെടുത്തിയ കവറിൽ മാർച്ച്‌ 28ന് മൂന്ന് മണിക്ക് മുമ്പായി ഇ.ആർ.ഒ ഒല്ലൂർ, നാട്ടികയിൽ സമർപ്പിക്കണം.

 തെരഞ്ഞെടുപ്പിനോടനുബന്ധിച്ച്   ജില്ലയിൽ വോട്ടെടുപ്പ് അവസാനിക്കുന്നതിന് 48 മണിക്കൂർ മുൻപായ ഏപ്രിൽ ഏഴ് വൈകിട്ട് ആറുമണി മുതൽ ഏപ്രിൽ ഒമ്പത് വോട്ടെടുപ്പ് കഴിയുന്നതുവരെയും  വോട്ടെണ്ണൽ ദിനമായ മെയ് നാലിനും ലഹരി വിരുദ്ധ ദിനമായി പ്രഖ്യാപിച്ച് ജില്ലാ തെരഞ്ഞെടുപ്പ് ഓഫീസറും ജില്ലാ കളക്ടറുമായ ശിഖ സുരേന്ദ്രൻ  ഉത്തരവിറക്കി.

ജില്ലയിലെ നിയമസഭാ മണ്ഡലങ്ങളിലേക്കുള്ള അന്തിമ വോട്ടർ പട്ടിക പൂർത്തിയായി. പുതുക്കിയ പട്ടിക പ്രകാരം ജില്ലയിലെ ആകെ വോട്ടർമാർ 25,32,715 ആണ്. പുരുഷ വോട്ടർമാർ 12,28,118 ഉം സ്ത്രീ വോട്ടർമാർ 13,04,580 ഉം ട്രാൻസ്ജെൻഡർ വിഭാഗത്തിൽപ്പെട്ടവർ 17 പേരുമാണ്.

മണ്ഡലം തിരിച്ചുള്ള കണക്കുകൾ

ചേലക്കര

ആകെ: 2,03,956, പുരുഷ വോട്ടർമാർ- 98,768, സ്ത്രീ വോട്ടർമാർ- 1,05,188,  ട്രാൻസ്ജെൻഡർ: പൂജ്യം,

കുന്നംകുളം

ആകെ: 1,96,839, പുരുഷവോട്ടർമാർ 95,639, സ്ത്രീ വോട്ടർമാർ  1,01,199, ട്രാൻസ്ജെൻഡർ -1

ഗുരുവായൂർ

എറണാകുളം ജില്ലയിലെ എൽ പി ജി സിലിണ്ടറുകളുടെ വിതരണ സാഹചര്യം വിലയിരുത്തുന്നതിനായി ജില്ലാ സപ്ലൈ ഓഫീസർ എസ് ആർ സ്മിതയുടെ അധ്യക്ഷതയിൽ ജില്ലയിലെ താലൂക്ക് സപ്ലൈ സിറ്റി റേഷനിങ് ഓഫീസർമാരുടെ ഓൺലൈൻ യോഗം ചേർന്നു.

ജില്ലയിലെ എൽ പി ജി ദുരുപയോഗം, കരിഞ്ചന്ത, പൂഴ്ത്തിവെപ്പ് തുടങ്ങിയ ക്രമക്കേടുകൾ തടയുന്നതിനായി പൊതുവിതരണ ഉപഭോക്തൃകാര്യ വകുപ്പിന്റെ നേതൃത്വത്തിൽ പരിശോധന ശക്തമാക്കാൻ ലോകം നിർദ്ദേശിച്ചു .

 ഇത്തരം ക്രമക്കേടുകൾ പൊതുജനങ്ങളുടെ ശ്രദ്ധയിൽ പെട്ടാൽ ബന്ധപ്പെട്ട താലൂക്ക് സപ്ലൈ /സിറ്റി റേഷനിങ് ഓഫീസർമാരെ അറിയിക്കേണ്ടതാണ് എന്ന് ജില്ലാ സപ്ലൈ ഓഫീസർ അറിയിച്ചു.