ഇന്ന് (ഒക്ടോബര്‍ 20) 

ഐ.എച്ച്.ആര്‍.ഡി.യുടെ വളാഞ്ചേരി (ഫോണ്‍: 0494 2646303), തിരൂര്‍ (ഫോണ്‍: 0494-2423599) സെന്ററുകളില്‍ പി.ജി.ഡി.സി.എ. (യോഗ്യത ബിരുദം),  ഡി.സി.എ. (യോഗ്യത: പ്ലസ് ടു),  ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ (യോഗ്യത: എസ്.എസ്.എല്‍.സി), സര്‍ട്ടിഫിക്കറ്റ് ഇന്‍ ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് (യോഗ്യത: എസ്.എസ്.എല്‍.സി) കോഴ്സുകളില്‍ പ്രവേശനത്തിന് നേരിട്ടും ഓണ്‍ലൈനായും അപേക്ഷ സമര്‍പ്പിക്കാം. പട്ടികജാതി-പട്ടികവര്‍ഗ, ഒ. ഇ.സി, ഒ. ബി.സി.(എച്ച്.) വിഭാഗം വിദ്യാര്‍ഥികള്‍ക്ക് സൗജന്യ ഫീസില്‍ സ്‌റ്റൈപ്പന്റോടുകൂടി  പഠിക്കാം.

 
ജില്ലയില്‍ ഹോമിയോപ്പതി വകുപ്പില്‍ ലാബ് അറ്റന്‍ഡര്‍ (506/2017) തസ്തികയില്‍  2017 മെയ് 23 നിലവില്‍ വന്ന റാങ്ക് പട്ടികയുടെ കാലാവധി പൂര്‍ത്തിയായതിനാല്‍ 2020 ജൂണ്‍ 20 മുതല്‍ പട്ടിക പ്രാബല്യത്തില്‍ ഇല്ലാതായതായി ജില്ലാ പി.എസ്.സി ഓഫീസര്‍ അറിയിച്ചു.

പീലിക്കോട് കാര്‍ഷിക ഗവേഷണകേന്ദ്രത്തില്‍ 'തിരുമുമ്പ് കാര്‍ഷിക സംസ്‌കൃതി പഠനകേന്ദ്രം' പദ്ധതിയുടെ ഭാഗമായി പരമ്പരാഗത കാര്‍ഷിക ഉപകരണങ്ങള്‍ ആവശ്യമുണ്ട്. പഴയ കാലങ്ങളില്‍ ഉപയോഗിച്ചിരുന്ന കൃഷി ഉപകരണങ്ങള്‍,  ദൈനംദിന ഉപകരണങ്ങള്‍ എന്നിവ കൈവശമുള്ളവര്‍ കാര്‍ഷിക സംസ്‌കൃതി പഠനകേന്ദ്രത്തിലേക്ക് സംഭാവന ചെയ്യുവാനോ, വില്‍ക്കുവാനോ താല്പര്യമുള്ളവര്‍ ബന്ധപ്പെടണം. 0467- 2260632.

 
സന്‍സദ് ആദര്‍ശ് ഗ്രാമ യോജന (സാഗി) യുടെ ഭാഗമായി രൂപീകരിച്ച പെരിങ്ങോട്ടുകുറിശ്ശി ഗ്രാമ പഞ്ചായത്തിന്റെ വില്ലേജ് ഡെവലപ്‌മെന്റ് പ്ലാന്‍ ജില്ലാതലത്തില്‍ അംഗീകരിക്കുന്നതിനായി രമ്യ ഹരിദാസ് എം പി യുടെ അധ്യക്ഷതയില്‍ ഒക്ടോബര്‍ 23 ന് ഉച്ചയ്ക്ക് രണ്ടിന് ഓണ്‍ലൈനായി യോഗം ചേരും. ബന്ധപ്പെട്ട ഉദ്യോഗസ്ഥര്‍ യോഗത്തില്‍ പങ്കെടുക്കണമെന്ന് ജില്ലാ കലക്ടര്‍ ഡി. ബാലമുരളി അറിയിച്ചു.
 

 
പൂട്ടിക്കിടക്കുന്ന സ്ഥാപനങ്ങളിലെ തൊഴിലാളികള്‍ക്കുള്ള ഓണക്കാലത്തെ എക്‌സ്‌ഗ്രേഷ്യ ലിസ്റ്റില്‍ ഉള്‍പ്പെട്ടവരില്‍ തുക കൈപ്പറ്റാത്തവര്‍ ഒക്ടോബര്‍ 23 നകം  ജില്ലാ ലേബര്‍ ഓഫീസില്‍ ബന്ധപ്പെട്ട രേഖകള്‍ സഹിതമെത്തി തുക കൈപ്പറ്റാം. ബാങ്ക് അക്കൗണ്ട് വിവരങ്ങള്‍ നല്‍കിയിട്ടുള്ളവരുടെ അക്കൗണ്ടുകളില്‍ തുക നിക്ഷേപിച്ചിട്ടുള്ളതായി  ജില്ലാ ലേബര്‍ ഓഫീസര്‍ അറിയിച്ചു.

 
ജില്ലാ എംപ്ലോയ്‌മെന്റ് എക്‌സ്‌ചേഞ്ച് വൊക്കേഷണല്‍ ഗൈഡന്‍സ് യൂണിറ്റിന്റെ ആഭിമുഖ്യത്തില്‍ പി.എസ്.സി പരീക്ഷാ പരിശീലനം ഓണ്‍ലൈനായി സംഘടിപ്പിക്കും. നവംബറില്‍ ആരംഭിക്കുന്ന പരിശീലന പരിപാടിയില്‍ പങ്കെടുക്കേണ്ടവര്‍ ഒക്ടോബര്‍ 30 നകം രജിസ്റ്റര്‍ ചെയ്യണമെന്ന് ജില്ലാ എംപ്ലോയ്‌മെന്റ് ഓഫീസര്‍ അറിയിച്ചു. ഫോണ്‍ :0491-2505204

കാഞ്ഞിരപ്പുഴ ഡാമിന്റെ ജലനിരപ്പ് 96.50 മീറ്ററാകാന്‍ സാധ്യതയുള്ളതിനാല്‍ പ്രദേശവാസികള്‍ ജാഗ്രത പാലിക്കണമെന്ന് ബന്ധപ്പെട്ട എക്‌സിക്യൂട്ടീവ് എന്‍ജിനീയര്‍ അറിയിച്ചു. ഡാമിന്റെ നിലവിലെ ജലനിരപ്പ് 96.40 മീറ്ററാണ്. നിലവില്‍ ഡാമിന്റെ രണ്ടാം നമ്പര്‍ ഷട്ടര്‍ 5 സെന്റീമീറ്റര്‍ തുറന്ന നിലയിലാണ്. 96.50 മീറ്റര്‍ ജലനിരപ്പ് എത്തുമ്പോള്‍ യെല്ലോ അലര്‍ട് പ്രഖ്യാപിക്കുമെന്നും എക്‌സിക്യൂട്ടീവ് എന്‍ജിനീയര്‍ അറിയിച്ചു.

കോവിഡ് 19 പ്രതിരോധ -നിയന്ത്രണ പ്രവര്‍ത്തനങ്ങളെ മുന്‍നിര്‍ത്തി ഒക്ടോബറില്‍ നടക്കുന്ന നവരാത്രി ചടങ്ങുകള്‍ക്കും ആലോഷങ്ങള്‍ക്കും പങ്കെടുക്കുന്നവര്‍ കോവിഡ് പ്രതിരോധ നിര്‍ദ്ദേശങ്ങള്‍ കര്‍ശനമായി പാലിക്കണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.

നിര്‍ദ്ദേശങ്ങള്‍ ഇപ്രകാരം: