കോവിഡ് വ്യാപനം വർധിച്ച സാഹചര്യത്തിൽ ജില്ലയിലെ ജിംനേഷ്യങ്ങൾക്കും യോഗ കേന്ദ്രങ്ങൾക്കും ഏർപ്പെടുത്തിയിരുന്ന  നിയന്ത്രണത്തിൽ ഇളവുകൾ നൽകി ജില്ലാകലക്ടർ  എസ്. സാംബശിവറാവു ഉത്തരവിറക്കി. യോഗയും വ്യായാമവും ആരോഗ്യത്തിന്   പ്രധാനമായതിനാലാണ്   ജിംനേഷ്യങ്ങളും യോഗ കേന്ദ്രങ്ങളും തുറക്കാന്‍ അനുമതി നൽകുന്നത്. കോവിഡ് -19 വ്യാപിക്കുന്നത് തടയാന്‍  കോവിഡ്  പ്രോട്ടോക്കോളും പ്രതിരോധ നടപടികളും നിർബന്ധമായും പാലിക്കണം. അഞ്ചിൽ കൂടുതല്‍ ആളുകള്‍ ഒരേ സമയം ഉണ്ടാവാൻ പാടില്ല.  

മരുതോങ്കര ഗവ. മോഡല്‍ റസിഡന്‍ഷ്യല്‍ സ്‌കൂള്‍ നാടിന് സമര്‍പ്പിച്ചു

പട്ടികജാതി-പട്ടിക വര്‍ഗ, പിന്നോക്ക വിഭാഗങ്ങളുടെ സമഗ്ര വികസനം ലക്ഷ്യമിട്ട് വിവിധ പദ്ധതികള്‍ സര്‍ക്കാറിന് യാഥാര്‍ഥ്യമാക്കാന്‍ കഴിഞ്ഞതായി മുഖ്യമന്ത്രി പിണറായി വിജയന്‍ പറഞ്ഞു. സാമൂഹ്യ ഐക്യദാര്‍ഢ്യപക്ഷാചരണ സമാപനവും, പട്ടികജാതി പട്ടികവര്‍ഗ്ഗ വികസന വകുപ്പും പിന്നാക്ക വിഭാഗ ക്ഷേമ വകുപ്പും ചേര്‍ന്ന് നടപ്പിലാക്കിയ 20 പദ്ധതികളുടെ ഉദ്ഘാടനവും നിര്‍വഹിച്ചു സംസാരിക്കുകയായിരുന്നു അദ്ദേഹം.

ജില്ലയിൽ മൃഗ സംരക്ഷണ വകുപ്പിൻ്റെ കീഴിൽ പ്രവർത്തിക്കുന്ന സുൽത്താൻ ബത്തേരി, മാനന്തവാടി വെറ്ററിനറി പോളിക്ലിനിക്കുകളിൽ ഇനി മുതൽ 24 മണിക്കൂർ സേവനം ലഭ്യമാവും. പോളിക്ലിനിക്കുകളുടെ സംസ്ഥാന തല ഉദ്ഘാടനം വനം - മൃഗസംരക്ഷണം - ക്ഷീര വികസനം - മൃഗശാല വകുപ്പ് മന്ത്രി കെ. രാജു വീഡിയോ കോൺഫറൻസിലൂടെ നിർവ്വഹിച്ചു. 

*155 പേര്‍ രോഗമുക്തി നേടി

*151 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (16.10.20) 158 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 155 പേര്‍ രോഗമുക്തി നേടി. രണ്ട് ആരോഗ്യ പ്രവര്‍ത്തകര്‍ ഉള്‍പ്പെടെ 151 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 7 പേര്‍ ഇതര സംസ്ഥാനത്ത് നിന്നെത്തിയവരാണ്.

കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്റെ മാനന്തവാടി ഉപജില്ലാ ഓഫീസ് ഉദ്ഘാടനം മാനന്തവാടി എം.വി.ജി. ആര്‍ക്കേഡില്‍ മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സ് വഴി നിര്‍വഹിച്ചു .  പിന്നോക്ക പട്ടികജാതി പട്ടികവര്‍ഗ്ഗ ക്ഷേമം, നിയമം, സാംസ്‌കാരികം, പാര്‍ലമെന്ററികാര്യ വകുപ്പ് മന്ത്രി എ.കെ.ബാലന്‍ അധ്യക്ഷത വഹിച്ചു .  

റവന്യൂ വകുപ്പ് മന്ത്രി ഇ.ചന്ദ്രശേഖരന്‍, ജലവിഭവ വകുപ്പ് മന്ത്രി കെ.കൃഷ്ണന്‍കുട്ടി, ഡെപ്യൂട്ടി സ്പീക്കര്‍ വി.ശശി എന്നിവര്‍ മുഖ്യാതിഥികളായി. 

കോവിഡ് പ്രതിരോധ പ്രവര്‍ത്തനങ്ങളുമായി ബന്ധപ്പെട്ട അവലോകന യോഗം രാഹുല്‍ ഗാന്ധി എം.പിയുടെ അധ്യക്ഷതയില്‍ ഒക്ടോബര്‍ 20 ന്  രാവിലെ 10.30 ന് കളക്ട്രേറ്റില്‍ ചേരും.

മാനന്തവാടി ജില്ലാ ആശുപത്രിയിലേക്ക് മാലിന്യ സംസ്കരണ പ്ലാന്റ് പരിപാലനവും നടത്തിപ്പിനുമായി മത്സര സ്വഭാവമുള്ള ദർഘാസുകൾ ക്ഷണിച്ചു. ദർഘാസുകൾ സ്വീകരിക്കുന്ന അവസാന തീയതി ഒക്ടോബർ 27 ന് ഉച്ചയ്ക്ക് 12 മണി. അന്നേ ദിവസം 3 മണിയ്ക്ക് ദർഘാസുകൾ തുറക്കും. ഫോൺ 04935 240 264.

വൈത്തിരി, സുൽത്താൻ ബത്തേരി താലൂക്ക് പരിധിയിലെ  പൊതുജനങ്ങൾക്കായി ജില്ലാ കളക്ടറുടെ ഓൺലൈൻ പരാതി പരിഹാര അദാലത്തിലേക്ക് പരാതികൾ സമർപ്പിക്കാം. വൈത്തിരി താലൂക്ക് പരിധിയിൽ ഒക്ടോബർ 21 വൈകീട്ട് 5 വരെയും. സുൽത്താൻ ബത്തേരി താലൂക്ക് പരിധിയിൽ ഒക്ടോബർ 28 ന് വൈകീട്ട് 5 വരെയും പരാതികൾ സ്വീകരിക്കും. അക്ഷയ കേന്ദ്രങ്ങൾ വഴിയാണ് അപേക്ഷകൾ സമർപ്പിക്കേണ്ടത്. മുഖ്യമന്ത്രിയുടെ ചികിത്സാ ധനസഹായം, ഭൂമി സംബന്ധമായ വിഷയങ്ങൾ, റേഷൻ കാർഡ് സംബന്ധിച്ച പരാതി എന്നിവ ഒഴിച്ചുള്ള പരാതികളാണ് പരിഗണിക്കുക. വൈത്തിരി താലൂക്കിൽ നവംബർ 3 നും സുൽത്താൻ ബത്തേരി താലൂക്കിൽ നവംബർ 6 നുമാണ് അദാലത്ത് നടക്കുക.