* ചികിത്സയിലുള്ളവർ 92,731, ആറു പുതിയ ഹോട്ട് സ്‌പോട്ടുകൾ
കേരളത്തിൽ തിങ്കളാഴ്ച 5022 പേർക്ക് കൂടി കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ അറിയിച്ചു. മലപ്പുറം 910, കോഴിക്കോട് 772, എറണാകുളം 598, തൃശൂർ 533, തിരുവനന്തപുരം 516, കൊല്ലം 378, ആലപ്പുഴ 340, കണ്ണൂർ 293, പാലക്കാട് 271, കോട്ടയം 180, കാസർഗോഡ് 120, വയനാട് 51, പത്തനംതിട്ട 32, ഇടുക്കി 28 എന്നിങ്ങനെയാണ് ജില്ലകളിൽ രോഗം സ്ഥിരീകരിച്ചത്.

കേരള ഡെവലപ്പ്‌മെന്റ് ആൻഡ് ഇന്നോവേഷൻ സ്ട്രാറ്റജിക് കൗൺസിലിന്റെ (കെ ഡിസ്‌ക്) യങ് ഇന്നോവേഷൻ പ്രോഗ്രാമിന്റെ ഭാഗമായി നടത്തുന്ന ടെഡ്-കേരളാ പ്രഭാഷണ പരമ്പര 21ന് തുടങ്ങും. രാവിലെ 10ന് നിസ്സാൻ മുൻ സി.ഇ.ഒ. ടോണി തോമസ് ആദ്യ പ്രഭാഷണം നടത്തും. കെ ഡിസ്‌കിന്റെ ചെയർമാൻ ഡോ. കെ.എം. എബ്രഹാം അധ്യക്ഷത വഹിക്കും. വീഡിയോ കോൺഫറൻസിലൂടെ നടത്തുന്ന പ്രഭാഷണ പരമ്പരയുടെ ആദ്യ ഘട്ടം 500 പേർക്കായി പരിമിതപ്പെടുത്തിയിരുന്നെങ്കിലും പ്രഭാഷണം യുട്യൂബിൽ ലഭ്യമാക്കാനുള്ള സാങ്കേതിക സഹായം ഐ.സി.ടി അക്കാദമി ഒരുക്കിയിട്ടുണ്ട്. താത്പര്യമുള്ളവർക്ക് കെ ഡിസ്‌കുമായി ബന്ധപ്പെട്ട് പ്രഭാഷണം കേൾക്കാം.  ഫോൺ: 9847895211.

സംസ്ഥാന പട്ടികജാതി വികസന വകുപ്പിനു കീഴിലെ 44 ഐ.റ്റി.ഐ കളിലെ വിവിധ മെട്രിക്/ നോൺമെട്രിക് ട്രേഡുകളിലേക്ക് പ്രവേശനത്തിന് ഓൺലൈനായി 22ന് വൈകുന്നേരം അഞ്ചുവരെ അപേക്ഷ നൽകാം. കൂടുതൽ വിവരങ്ങൾ  www.scdd.kerala.gov.in ൽ ലഭിക്കും.
പി.എൻ.എക്സ്. 3615/2020

കേരള വനഗവേഷണ സ്ഥാപനത്തിൽ മൂന്നു വർഷ കാലാവധിയുള്ള 'ജനറ്റിക് ഇംപ്രൂവ്‌മെന്റ് ഓഫ് ടീക്ക്-ഫെയ്‌സ്  II: ലൊക്കേറ്റിംഗ് പ്ലസ് ട്രീസ്, എസ്റ്റാബ്ലിഷ്‌മെന്റ് ഓഫ് ക്ലോണൽ മൾട്ടിപ്ലിക്കേഷൻ ഏരിയ ആൻഡ് ക്ലോണൽ ഇവാല്യൂവേഷൻ ട്രൈൽസ്' എന്ന സമയബന്ധിത ഗവേഷണ പദ്ധതിയിലെ രണ്ട് പ്രോജക്ട് ഫെല്ലോകളുടെ താത്കാലിക ഒഴിവുകളിലേക്ക് ഓൺലൈനായി അപേക്ഷ ക്ഷണിച്ചു. വിശദവിവരങ്ങൾ www.kfri.res.in ൽ ലഭിക്കും.
പി.എൻ.എക്സ്. 3614/2020

സാങ്കേതിക വിദ്യാഭ്യാസ വകുപ്പിന്റെ കീഴിലുള്ള ഫൈൻ ആർട്‌സ് കോളേജുകളിലേക്കുള്ള ബി.എഫ്.എ പ്രവേശന പരീക്ഷ ജില്ലാ സെന്ററുകളിൽ 22ന് ഉച്ചയ്ക്ക് ഒന്നു മുതൽ വൈകിട്ട് 4.30 വരെ നടത്തും. ഹാൾ ടിക്കറ്റുകൾ www.admissions.dtekerala.gov.in ൽ നിന്ന് ഡൗൺലോഡ് ചെയ്യാം.
പി.എൻ.എക്സ്. 3613/2020

======
കേരള സംസ്ഥാന പിന്നാക്ക വിഭാഗ 
വികസന കോർപ്പറേഷൻ കാഞ്ഞിരപ്പള്ളി ഉപജില്ലാ ഓഫീസിൻ്റെ ഉദ്ഘാടനം 
ഇന്ന് (ഒക്ടോബർ 16) ഉച്ചകഴിഞ്ഞ് മൂന്നിന് 
മുഖ്യമന്ത്രി പിണറായി വിജയൻ
വീഡിയോ കോൺഫറൻസിലൂടെ നിർവഹിക്കും. പിന്നാക്ക - പട്ടികജാതി- പട്ടികവർഗ ക്ഷേമ വകുപ്പ് മന്ത്രി എ. കെ. ബാലൻ അധ്യക്ഷത വഹിക്കും 

ഉദ്ഘാടനത്തോടനുബന്ധിച്ച് കാഞ്ഞിരപ്പള്ളി താലൂക്ക് ഓഫീസ് കോൺഫറൻസ് ഹാളിൽ നടക്കുന്ന ചടങ്ങിൽ കെ.എസ്.ബി.സി.ഡി.സി ചെയർമാൻ ടി.കെ സുരേഷ് അധ്യക്ഷത വഹിക്കും.

കോവിഡ് വ്യാപനം വര്‍ധിച്ചുവരുന്ന സാഹചര്യത്തില്‍ രോഗപ്രതിരോധം ഉറപ്പാക്കുന്നതിനായി നിയോഗിക്കപ്പെട്ട സെക്ടര്‍ മജിസ്ട്രേറ്റുമാര്‍  കോട്ടയം ജില്ലയില്‍ എല്ലാ കേന്ദ്രങ്ങളിലും പരിശോധന ഊര്‍ജ്ജിതമാക്കി. മാര്‍ഗനിര്‍ദേശങ്ങള്‍ ലംഘിച്ചതിന് ഇതുവരെ 1192 പേര്‍ക്കെതിരെ നടപടി സ്വീകരിച്ചു.

====================
കോട്ടയം നഗരത്തിലെ വിവിധ കേന്ദ്രങ്ങളില്‍ ജില്ലാ കളക്ടര്‍ എം. അഞ്ജന നടത്തിയ പരിശോധനയില്‍ കോവിഡ് പ്രതിരോധ മാര്‍ഗനിര്‍ദേശങ്ങള്‍ ലംഘിച്ചതായി കണ്ടെത്തിയ സ്ഥാപനങ്ങള്‍ക്കും വ്യക്തികള്‍ക്കുമെതിരെ നടപടി സ്വീകരിച്ചു. കളക്ടറുടെ നിര്‍ദേശപ്രകാരം പോലീസ് ഉദ്യോഗസ്ഥര്‍ പിഴ ഈടാക്കി.