ആലപ്പുഴ: മാസ്ക് ഉപയോഗിക്കുമ്പോള്‍ പലരും അശ്രദ്ധകാട്ടുന്നതായി ശ്രദ്ധയില്‍പ്പെട്ടിട്ടുണ്ട്. ഇക്കാര്യത്തില്‍ കുറച്ചുകൂടി ജാഗ്രത പൊതുജനങ്ങള്‍ പാലിച്ചാല്‍ രോഗവ്യാപന സാധ്യത ഗണ്യമായി കുറയ്ക്കാന്‍ കഴിയുമെന്ന് ജില്ലാ മെഡിക്കല്‍ ഓഫീസ് അറിയിച്ചു.

നിലമ്പൂര്‍ ഗവ.ഐ.ടി.ഐയിലെ പ്രവേശനത്തിന് ഓണ്‍ലൈന്‍ മുഖേന സമര്‍പ്പിച്ച അപേക്ഷയില്‍ ട്രേഡ് ഓപ്ഷന്‍ നല്‍കാത്തവര്‍ www.itinilambur.kerala.gov.in എന്ന വെബ്‌സൈറ്റിലൂടെ ഒക്ടോബര്‍ 19നകം ട്രേഡ് ഓപ്ഷന്‍ നല്‍കണം.

എടയൂര്‍ പഞ്ചായത്തിലെ വട്ടപ്പറമ്പ് - അയ്യപ്പന്‍പടി കല്ലിങ്ങല്‍ തോട് റോഡ് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ. ഉദ്ഘാടനം ചെയ്തു. കുറ്റിപ്പുറം ബ്ലോക്ക് പഞ്ചായത്ത് അംഗം മൊയ്തു എടയൂര്‍ അധ്യക്ഷനായി. എം.എല്‍.എയുടെ 2019 - 20 വര്‍ഷത്തെ പ്രത്യേക വികസന പദ്ധതിയില്‍ ഉള്‍പ്പെടുത്തി ഒരു ലക്ഷം ചെലവഴിച്ചാണ് റോഡ് നവീകരണം പൂര്‍ത്തിയാക്കിയത്.

തിരൂര്‍ ബ്ലോക്ക് പഞ്ചായത്ത് 2020-2021 സാമ്പത്തിക വര്‍ഷത്തിലെ പദ്ധതിയിലുള്‍പ്പെടുത്തി നവീകരിച്ച തലക്കാട് ഗ്രാമപഞ്ചായത്തിലെ ബിപി അങ്ങാടി ബൈപാസ് റോഡിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് സി.പി റംല നിര്‍വഹിച്ചു. അഞ്ച് ലക്ഷം രൂപ ചെലവഴിച്ചാണ് കോണ്‍ക്രീറ്റ് പ്രവൃത്തികള്‍ പൂര്‍ത്തീകരിച്ചത്.

തലക്കാട് ഗ്രാമപഞ്ചായത്ത് പ്രസിഡന്റ് സി.പി കുഞ്ഞിബാവ അധ്യക്ഷനായി. തിരൂര്‍ ബ്ലോക്ക് പഞ്ചായത്ത് വൈസ് പ്രസിഡന്റ് സി.പി അബ്ദുല്‍ ഷുക്കൂര്‍, ബ്ലോക്ക് പഞ്ചായത്ത് അഗംങ്ങളായ കെ. ബിന്ദു, കെ. വസന്ത, വാര്‍ഡ് അംഗങ്ങളായ ഹംസ, ജോയിന്റ് ബി.ഡി.ഒ സി.പി ഗോവിന്ദന്‍ എന്നിവര്‍ സംസാരിച്ചു.

തദ്ദേശ സ്വയംഭരണ സ്ഥാപനങ്ങളിലേക്ക് നടക്കുന്ന പൊതുതെരഞ്ഞെടുപ്പിന് മുന്നോടിയായി വോട്ടിങ് മെഷീനുകളുടെ ഫസ്റ്റ് ലെവല്‍ ചെക്കിങ് ആരംഭിച്ചു. സിവില്‍ സ്റ്റേഷന്‍ കോമ്പൗണ്ടിലുള്ള വോട്ടിങ് മെഷീന്‍ സൂക്ഷിച്ചിരിക്കുന്ന വെയര്‍ ഹൗസില്‍ ജില്ലാകലക്ടറുടെ നേതൃത്വത്തില്‍ ഇ.സി.ഐ.എല്‍ എഞ്ചിനീയര്‍മാരാണ് വോട്ടിങ് മെഷീനുകളുടെ പരിശോധന നടത്തുന്നത്. ഒരു മാസത്തോളം നീണ്ടു നില്‍ക്കുന്ന  പ്രവര്‍ത്തനങ്ങള്‍ക്ക് സാക്ഷ്യം വഹിക്കുന്നതിനായി രാഷ്ട്രീയ പാര്‍ട്ടികള്‍ അവരുടെ പ്രതിനിധികളെ രേഖാമൂലം ചുമതലപ്പെടുത്തണമെന്ന് ജില്ലാകലക്ടര്‍ അറിയിച്ചു.

മങ്കട ബ്ലോക്ക് പഞ്ചായത്തിന്റെ കീഴിലുള്ള ഇലക്ട്രോണിക് മെറ്റീരിയല്‍ റിക്കവറി സെന്ററിന്റെ പ്രവര്‍ത്താനോദ്ഘാടനം ബ്ലോക്ക് പഞ്ചായത്ത് പ്രസിഡന്റ് സഹീദ എലിക്കോട്ടില്‍ നിര്‍വഹിച്ചു. ബ്ലോക്ക് പഞ്ചായത്തിന്റെ അധീനതയിലുള്ള കാച്ചിനിക്കാട് പ്ലോട്ടില്‍ ശുചിത്വ മിഷന്‍ പദ്ധതിയിലുള്‍പ്പെടുത്തിയാണ് കെട്ടിടം നിര്‍മിച്ചിരിക്കുന്നത്. കെട്ടിടത്തിന്റെ നടത്തിപ്പ് ചുമതല ക്ലീന്‍ കേരളയ്ക്ക് നല്‍കി.  സെന്റര്‍ പ്രവര്‍ത്തന സജ്ജമാകുന്നതിലൂടെ ബ്ലോക്കിലെ എല്ലാ പഞ്ചായത്തുകളില്‍ നിന്നും ഉപയോഗശൂന്യമായ ഇലക്ട്രോണിക് വസ്തുക്കള്‍ ശേഖരിച്ച് സെന്ററിലെത്തിച്ച് വേര്‍തിരിച്ചെടുക്കുകയും   ചെയ്യും.

47 കുടുംബങ്ങള്‍ക്ക് സൗജന്യ കുടിവെള്ള കണക്ഷന്‍ നല്‍കി 

മുതുവല്ലൂര്‍ ഗ്രാമപഞ്ചായത്ത് തവനൂര്‍ മുക്കണ്ണന്‍ ചോല എസ്.സി കോളനിയില്‍ കുടിവെള്ള പദ്ധതി ഹൗസ് കണക്ഷന്‍ ഉദ്ഘാടനം ചെയ്തു. ചീക്കോട് കുടിവെള്ള പദ്ധതിയില്‍ നിന്നും പൈപ്പ് ലൈന്‍ നീട്ടിയാണ് 47  വീടുകള്‍ക്ക്  ഹൗസ് കണക്ഷന്‍ നല്‍കിയത്. 10,000 മുതല്‍ 15,000 വരെ ചെലവു വരുന്ന കണക്ഷനുകള്‍ പൂര്‍ണമായും സൗജന്യമായാണ് കുടുംബങ്ങള്‍ക്ക് ലഭ്യമാക്കിയിട്ടുള്ളത.്