ജില്ലാ വനിത ശിശു വികസന ഓഫീസര്‍ക്ക് കരാര്‍ വ്യവസ്ഥയില്‍ വാഹനം വാടകയ്ക്ക് നല്‍കുന്നതിന് ടെണ്ടര്‍ ക്ഷണിച്ചു.  അവസാന തീയതി നവംബര്‍ 3 ന് ഉച്ചയ്ക്ക് 1. ഫോണ്‍ 04936 296362.

ആരോഗ്യകേരളം വയനാട്, മാനന്തവാടി ടിബി സെന്ററിലേക്ക് കരാറടിസ്ഥാനത്തില്‍ അക്കൗണ്ടന്റിനെ  നിയമിക്കുന്നു. യോഗ്യത: ബി.കോം, പി.ജി.ഡി.സി.എ, ടാലി, രണ്ടുവര്‍ഷത്തെ പ്രവര്‍ത്തിപരിചയം. പ്രായപരിധി 2020 ജനുവരി 1 ന് 40 കവിയരുത്. പ്രതിമാസം 18000 രൂപ ശമ്പളം ലഭിക്കും. യോഗ്യരായ ഉദ്യോഗാര്‍ഥികള്‍ ഒക്ടോബര്‍ 22ന് ഉച്ചയ്ക്ക് രണ്ടിന് മുന്‍പ് https://forms.gle/R9iiHTfA5BY73GfWA എന്ന ലിങ്ക് വഴി അപേക്ഷിക്കണം. നേരിട്ടോ തപാലിലോ നല്‍കുന്ന അപേക്ഷകള്‍ പരിഗണിക്കില്ല. ഫോണ്‍ 04936 202771.

രണ്ടു വര്‍ഷത്തെ ഫാഷന്‍ ഡിസൈനിംഗ് ആന്‍ഡ് ഗാര്‍മെന്റ് ടെക്നോളജി കോഴ്സിന് അപേക്ഷ ക്ഷണിച്ചു.  യോഗ്യത പത്താംതരം.  അപേക്ഷ ഫോറവും പ്രോസ്പെക്ടസും www.sitterkerala.ac.in വെബ് സൈറ്റില്‍ ലഭിക്കും.  അപേക്ഷ സ്വയം സാക്ഷ്യപ്പെടുത്തി സര്‍ട്ടിഫിക്കറ്റുകളുടെ പകര്‍പ്പുകളും രജിസ്ട്രേഷന്‍ ഫീസായ 25 രൂപയും ഒക്ടോബര്‍ 27 നകം സുല്‍ത്താന്‍ ബത്തേരി ടെക്നിക്കല്‍ ഹൈസ്‌കൂള്‍ ഓഫീസില്‍  സമര്‍പ്പിക്കണം.  ഫോണ്‍ 04936 220147.

ശിശുദിനാഘോഷത്തിന്റെ ഭാഗമായി ജില്ലാ ശിശുക്ഷേമ സമിതി ജില്ലയിലെ വിദ്യാര്‍ത്ഥികള്‍ക്കായി വിവിധ മത്സരങ്ങള്‍ സംഘടിപ്പിക്കുന്നു.  എല്‍.പി, യു.പി. ഹൈസ്‌കൂള്‍ വിദ്യാര്‍ത്ഥികള്‍ക്ക് കഥ, കവിത, ഉപന്യാസം എന്നീ മത്സരങ്ങളും എല്‍.പി., യു.പി. വിദ്യാര്‍ത്ഥികള്‍ക്ക് പ്രസംഗ മത്സരവുമാണ് സംഘടിപ്പിക്കുന്നത്. പങ്കെടുക്കുന്നവര്‍ രജിസ്റ്റര്‍ ചെയ്യണം.  ഒക്ടോബര്‍ 23 വരെ രജിസ്റ്റര്‍ ചെയ്യാം.  രജിസ്റ്റര്‍ ചെയ്യുന്നവരെ മത്സര സംബന്ധമായ വിവരങ്ങള്‍ വാട്സ് ആപ്പ് മുഖേന അറിയിക്കും. ഓരോ ഉപജില്ലയിലും രജിസ്റ്റര്‍ ചെയ്യാനുള്ള നമ്പറുകള്‍ വൈത്തിരി 9446035916, 8075401745. ബത്തേരി 9447933267, 9048010778.

സര്‍ക്കാര്‍ ഹോമിയോ ആശുപത്രിയില്‍ നാഷണല്‍ ആയുഷ് മിഷന്‍ മുഖേന നഴ്സിംഗ് അസിസ്റ്റന്റ് തസ്തികയില്‍ ദിവസ വേതനാടിസ്ഥാനത്തില്‍ നിയമിക്കുന്നതിനുള്ള കൂടിക്കാഴ്ച ഒക്ടോബര്‍ 23 ന് രാവിലെ 10.30 ന് നടക്കും.  പ്രായം 40 വയസില്‍ കൂടരുത്.  യോഗ്യത - എസ്.എസ്.എല്‍.സി. അംഗീകൃത സ്ഥാപനത്തില്‍ രജിസ്റ്റര്‍ ചെയ്ത ഹോമിയോ മെഡിക്കല്‍ ഓഫീസറുടെ കീഴില്‍ മരുന്ന് കൈകാര്യം ചെയ്ത് 3 വര്‍ഷത്തില്‍ കുറയാത്ത പ്രവൃത്തി പരിചയ സര്‍ട്ടിഫിക്കറ്റ് (ജില്ലാ ലേബര്‍ ഓഫീസര്‍/ജില്ലാ ഹോമിയോ മെഡിക്കല്‍ ഓഫീസര്‍ മേലൊപ്പ് വച്ചത്),  ജില്ലാ എംപ്ലോയ്മെന്റ് ഓഫീസ് രജിസ്ട്രേഷന്‍ സര്‍ട്ടിഫിക്കറ്റ്.

നെന്‍മേനി ഗ്രാമപഞ്ചായത്തില്‍ സംസ്ഥാന സര്‍ക്കാരിന്റെ ലൈഫ് ഭവന പദ്ധതി പ്രകാരം പൂര്‍ത്തിയാക്കിയ 57 ഭവനങ്ങളുടെ താക്കോല്‍ദാനം ജില്ലാ കളക്ടര്‍ ഡോ. അദീല അബ്ദുള്ള നിര്‍വ്വഹിച്ചു. ലൈഫ് സമ്പൂര്‍ണ്ണ ഭവന പദ്ധതിയുടെ മൂന്നാം ഘട്ടത്തില്‍ ഉള്‍പ്പെടുത്തിയാണ് ഭൂരഹിതരായ ഭവന രഹിതര്‍ക്കുള്ള വീടുകള്‍ പൂര്‍ത്തിയായത്. മഞ്ഞാടിയില്‍ 44 ഭവനങ്ങളും ചീരാല്‍ വെണ്ടോലില്‍ 13 ഭവനങ്ങളുമാണ് നിര്‍മ്മിച്ചത്. മൂന്ന് കോടി 18 ലക്ഷം രൂപ പദ്ധതിക്കായി ചെലവിട്ടു.

നൂറ്റാണ്ടുകളുടെ ചരിത്രമുറങ്ങുന്ന പാളയം മാർക്കറ്റിനെ ശാസ്ത്രീയമായി പുനർനിർമിക്കുന്ന പദ്ധതിയുടെ ഉദ്ഘാടനം സഹകരണ-ടൂറിസം മന്ത്രി കടകംപള്ളി സുരേന്ദ്രൻ നിർവഹിച്ചു. തിരുവനന്തപുരം നഗരത്തിന്റെ വർച്ചയിൽ പാളയം മാർക്കറ്റ് വലിയ പങ്കുവഹിച്ചതായി മന്ത്രി പറഞ്ഞു. മാർക്കറ്റ് പുനർനിർമിക്കുന്നതിലൂടെ നിലവിലെ കച്ചവടക്കാർക്ക് മികച്ച സൗകര്യങ്ങളുള്ള കടകളും ജനങ്ങൾക്ക് മികച്ച സേവനവും ലഭിക്കും. മാർക്കറ്റുകളുടെ നവീകരണത്തിനായി നിരവധി പദ്ധതികളാണ് സർക്കാർ നടപ്പിലാക്കിവരുന്നത്. രാഷ്ട്രീയത്തിന് അതീതമായി എല്ലാ കോർപ്പറേഷൻ വാർഡുകളിലും വികസനമെത്തിക്കാൻ തിരുവനന്തപുരം നഗരസഭയ്ക്കായി.

തിരുവനന്തപുരത്ത് ഇന്ന് (19 ഒക്ടോബർ 2020) 516 പേർക്കു കൂടി കോവിഡ് 19 സ്ഥിരീകരിച്ചു. 1,670 പേർ രോഗമുക്തരായി. ജില്ലയിൽ മൂന്നു പേരുടെ മരണം കോവിഡ് മൂലമാണെന്നു സ്ഥിരീകരിച്ചു.

ഇടവ സ്വദേശിനി രമഭായ് (54), കാഞ്ഞിരംപാറ സ്വദേശിനി ഇന്ദിരദേവി (66), പുന്നയ്ക്കാമുഗൾ സ്വദേശിനി സ്നേഹലത ദേവി (53) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്. ഇന്നു രോഗം സ്ഥിരീകരിച്ചവരിൽ 357 പേർക്കു സമ്പർക്കത്തിലൂടെയാണു രോഗബാധയുണ്ടായത്. ഇതിൽ 12 പേർ ആരോഗ്യ പ്രവർത്തകരാണ്.

ജില്ലയില്‍ ഇന്നലെ(ഒക്‌ടോബര്‍ 19) 627 പേര്‍ രോഗമുക്തരായി. 378 പേര്‍ക്ക് കോവിഡ് സ്ഥിരീകരിച്ചു. കോര്‍പ്പറേഷന്‍ പരിധിയില്‍ മുണ്ടയ്ക്കല്‍, കാവനാട് ഭാഗങ്ങളിലും മുനിസിപ്പാലിറ്റിയില്‍ കരുനാഗപ്പള്ളിയിലും ഗ്രാമപഞ്ചായത്ത് പ്രദേശങ്ങളില്‍ തൃക്കരുവ, പവിത്രേശ്വരം, ചാത്തന്നൂര്‍, തൃക്കോവില്‍വട്ടം, പിറവന്തൂര്‍ ഭാഗങ്ങളിലുമാണ് രോഗബാധിതര്‍ കൂടുതലുള്ളത്.
വിദേശത്ത് നിന്നും എത്തിയ ഒരാള്‍ക്കും സമ്പര്‍ക്കം വഴി 373 പേര്‍ക്കും ഉറവിടം വ്യക്തമല്ലാത്ത മൂന്നു പേര്‍ക്കും ഒരു ആരോഗ്യ പ്രവര്‍ത്തകനും രോഗം സ്ഥിരീകരിച്ചു.

മുഖ്യമന്ത്രിയുടെ നിര്‍ദേശപ്രകാരം ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ വീഡിയോ കോണ്‍ഫറന്‍സ് വഴി ചേര്‍ന്ന പത്തനാപുരം താലൂക്കിലെ പരാതിപരിഹാര അദാലത്തില്‍ 16 പരാതികള്‍ തീര്‍പ്പാക്കി. താലൂക്ക്-വില്ലേജ് തലങ്ങളില്‍ പരിഹാരമാകാതിരുന്ന 28 പരാതികളാണ് പരിഗണിച്ചത്. പരാതികളില്‍  ഒരാഴ്ചയ്ക്കുള്ളില്‍ നടപടികള്‍ കൈക്കൊണ്ട് വിവരം കക്ഷികളെ അറിയിക്കണമെന്ന് കലക്ടര്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദേശം നല്‍കി.