സര്‍ക്കാരിന്റെ 100 ദിന കര്‍മപദ്ധതികളുടെ ഭാഗമായി 100 കയര്‍ സംഘങ്ങളില്‍ സ്ഥാപിച്ച 1000 ഓട്ടോമാറ്റിക് സ്പിന്നിംഗ് മെഷിനുകളുടെ പ്രവര്‍ത്തനോദ്ഘാടനം ധനകാര്യ-കയര്‍ വകുപ്പ് മന്ത്രി ഡോ ടി എം തോമസ് ഐസക്ക് വീഡിയോ കോണ്‍ഫറന്‍സ് വഴി നിര്‍വഹിക്കും.

സംസ്ഥാന സര്‍ക്കാരിന്റെ സുഭിക്ഷ കേരളം പദ്ധതിയുടെ ഭാഗമായി ജില്ലയിലാദ്യമായി പോത്തുകളെ വിതരണം ചെയ്യുന്ന പോത്തുഗ്രാമം പദ്ധതി നടപ്പിലാക്കി ഇത്തിക്കര ബ്ലോക്ക് പഞ്ചായത്ത്. പദ്ധതിയുടെ വിതരണോദ്ഘാടനം ബ്ലോക്ക് പഞ്ചായത്ത് പ്രസിഡന്റ് എസ് ലൈല നിര്‍വഹിച്ചു. ഉപജീവനമാര്‍ഗത്തോടൊപ്പം ശുദ്ധമായ മാംസവും ലഭ്യമാക്കുകയാണ്  പദ്ധതിയുടെ ലക്ഷ്യമെന്ന് പ്രസിഡന്റ് പറഞ്ഞു.

കൊട്ടാരക്കര തലച്ചിറ സര്‍ക്കാര്‍ ഹൈസ്‌കൂള്‍ കോമ്പൗണ്ടില്‍ മുറിച്ചിട്ടിരിക്കുന്ന ഗുല്‍മോഹര്‍ തടി വില്‍ക്കുന്നു. ഫോണ്‍: 0474-2408759.
(പി.ആര്‍.കെ നമ്പര്‍ 2848/2020)

ആരോഗ്യ മേഖലയിലേയ്ക്ക് കെ എം എം എല്‍ ദിനംപ്രതി ആറു ടണ്‍ ദ്രവീകൃത ഓക്‌സിജന്‍ നല്‍കും. ഇതിന്റെ ഉദ്ഘാടനം ഇന്നലെ(ഒക്‌ടോബര്‍ 19) വീഡിയോ കോണ്‍ഫറന്‍സിലൂടെ പെസോ ഡയക്ടര്‍ ഡോ വേണുഗോപന്‍ നിര്‍വഹിച്ചു. കമ്പനി മാനേജിംഗ് ഡയറക്ടര്‍ ചന്ദ്രബോസ് ആദ്യ വില്‍പ്പന ഫ്‌ളാഗ് ഓഫ് ചെയ്തു. ഇന്നലെ 30 ടണ്‍ ഓക്‌സിജനാണ് ആരോഗ്യ മേഖലയിലെ ഉപയോഗത്തിനായി ലൈസന്‍സുള്ള ഏജന്‍സികളായ കൊച്ചി മനോരമ ഓക്‌സിജന്‍, കോഴിക്കോട് ഗോവിന്ദ് ഓക്‌സിജന്‍ എന്നീ കമ്പനികള്‍ക്ക് നല്‍കിയത്.

കാര്‍ത്തകപ്പള്ളി കോളജ് ഓഫ് അപ്ലൈഡ് സയന്‍സില്‍ പുതുതായി തുടങ്ങുന്ന ബികോം ഫിനാന്‍സ് കോഴ്‌സിലേക്ക് ഒക്‌ടോബര്‍ 27 വരെ അപേക്ഷിക്കാം. കോളജിന് അനുവദിച്ച 50 ശതമാനം സീറ്റുകളിലേക്ക് university website  ല്‍ രജിസ്റ്റര്‍ ചെയ്ത് നേരിട്ട് അപേക്ഷ സമര്‍പ്പിക്കണം. നേരത്തെ രജിസ്റ്റര്‍ ചെയ്തവര്‍ക്ക് ഒക്‌ടോബര്‍ 27 വരെ തിരുത്തലുകള്‍ വരുത്താം. ബി എസ് സി കമ്പ്യൂട്ടര്‍ സയന്‍സില്‍ ഒഴിവുള്ള സീറ്റുകളിലേക്കും അപേക്ഷിക്കാം.

ഐ എച്ച് ആര്‍ ഡി യുടെ ഹ്രസ്വകാല കോഴ്‌സുകളിലേക്ക് ഒക്‌ടോബര്‍ 31 വരെ അപേക്ഷിക്കാം. വിശദ വിവരങ്ങള്‍  www.ihrd.ac.in     സൈറ്റിലും 8547005018, 0478-2485852 എന്നീ നമ്പരുകളിലും ലഭിക്കും.
(പി.ആര്‍.കെ നമ്പര്‍ 2845/2020)

അനെര്‍ട്ട് പദ്ധതിയായ സൗരസുവിധ കിറ്റുകള്‍(സോളാര്‍ ലാന്റേണ്‍) വിതരണത്തിന് തയ്യാറായി. മൊബൈല്‍ ഫോണ്‍ ചാര്‍ജ്ജ് ചെയ്യാന്‍ സൗകര്യമുള്ള ഒരു സോളാര്‍ ലാന്റേണും എഫ് എം റേഡിയോയും അടങ്ങിയ സൗരസുവിധ കിറ്റിന് 3,490 രൂപയാണ് വില. രണ്ടു വര്‍ഷത്തെ വാറണ്ടി ലഭിക്കും. ബാറ്ററിക്ക് അഞ്ചു വര്‍ഷവും. താത്പര്യമുള്ളവര്‍ അനെര്‍ക്ക് കൊല്ലം ജില്ലാ ഓഫീസുമായി ബന്ധപ്പെടണം. ഫോണ്‍: 0474-2797078.
(പി.ആര്‍.കെ നമ്പര്‍ 2844/2020)

പുനലൂര്‍ സര്‍ക്കാര്‍ പോളിടെക്‌നിക് കോളജില്‍ വിവിധ വിഭാഗങ്ങളില്‍ ഗസ്റ്റ് അധ്യാപകരെ നിയമിക്കുന്നതിനുള്ള അഭിമുഖം ഒക്‌ടോബര്‍ 23 നും 28നും രാവിലെ 10 ന് നടക്കും. കമ്പ്യൂട്ടര്‍ എഞ്ചിനീയര്‍ തസ്തികയിലേക്കുള്ളത് ഒക്‌ടോബര്‍ 23 നും ഇലക്‌ട്രോണിക്‌സ്, ഇലക്ട്രിക്കല്‍ ആന്റ് ഇലക്‌ട്രോണിക്‌സ്, മെക്കാനിക്കല്‍ എഞ്ചിനീയറിംഗ് വിഭാഗങ്ങളിലേക്ക് 28 നും നടക്കും. ഒന്നാം ക്ലാസ് ബി ടെക് ബിരുദമാണ് യോഗ്യത. അസല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിന് എത്തണം. വിശദ വിവരങ്ങള്‍ 0475-2228683 നമ്പരില്‍ ലഭിക്കും.
(പി.ആര്‍.കെ നമ്പര്‍ 2843/2020)

ആനന്ദവല്ലീശ്വരം ബൂസ്റ്റര്‍ പമ്പ് ഹൗസിലെ വാല്‍വിന്റെ തകരാര്‍ പരിഹരിക്കുന്നതിനാല്‍ കച്ചേരി, തേവള്ളി, കൈക്കുളങ്ങര, വാടി, ആനന്ദവല്ലീശ്വരം, തിരുമുല്ലാവാരം, പള്ളിത്തോട്ടം തുടങ്ങിയ ഭാഗങ്ങളില്‍ ഇന്ന്(ഒക്‌ടോബര്‍ 20) മുതല്‍ രണ്ടു ദിവസങ്ങളില്‍ ജലവിതരണം ഭാഗീകമായി നടസപ്പെടുമെന്ന് വാട്ടര്‍ സപ്ലൈ സബ് ഡിവിഷന്‍ അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.
(പി.ആര്‍.കെ നമ്പര്‍ 2842/2020)

കേരളത്തിൽ കോവിഡ് മൂലമുള്ള മരണനിരക്ക് കുറവാണെന്നും കോവിഡ് വ്യാപനം അതിന്റെ ഉച്ചസ്ഥായിയിലെത്തുന്ന സമയത്തും മരണ നിരക്ക് കുറയുന്നതായാണ് കാണുന്നതെന്നും മുഖ്യമന്ത്രി പിണറായി വിജയൻ പറഞ്ഞു.