=======================
 

ടി.വി പുരം  ഗ്രാമപഞ്ചായത്തിലെ 12-ാം വാര്‍ഡും, തലയാഴം പഞ്ചായത്തിലെ 7-ാം വാര്‍ഡും കണ്ടെയ്ന്‍മെന്റ് സോണുകളായി  പ്രഖ്യാപിച്ച്  കോട്ടയം ജില്ലാ കളക്ടര്‍ ഉത്തരവായി. 

ഏറ്റുമാനൂർ- 5, ഉദയനാപുരം- 17, അതിരമ്പുഴ - 15 എന്നീ വാര്‍ഡുകള്‍  പട്ടികയില്‍ നിന്ന് ഒഴിവാക്കി.

നിലവില്‍ 25 തദ്ദേശഭരണ സ്ഥാപന മേഖലകളില്‍ 48 കണ്ടെയ്ന്‍മെന്റ് സോണുകളാണുള്ളത്. 

പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  - 39, 5, 9, 51

2. ചങ്ങനാശേരി -  34, 24, 29, 13,10

ജില്ലാ വനിതാ പ്രൊട്ടക്ഷന്‍ ഓഫീസിന്റെ ഔദ്യോഗിക ആവശ്യത്തിനായി കരാറടിസ്ഥാനത്തില്‍ കാര്‍/ജീപ്പ് നല്‍കുന്നതിന് താത്പര്യമുള്ള വ്യക്തികള്‍/സ്ഥാപനങ്ങളില്‍ നിന്നും ടെണ്ടര്‍ ക്ഷണിച്ചു. പ്രതിമാസം 30,000 രൂപ വാടക (1,500 കിലോമീറ്റര്‍) ലഭിക്കും. വാഹനത്തിന് അഞ്ചുവര്‍ഷത്തിലധികം പഴക്കം പാടില്ല. ടാക്‌സി പെര്‍മിറ്റ് ഉള്‍പ്പടെ നിയമം അനുശാസിക്കുന്ന എല്ലാ രേഖകളും വാഹനത്തിനുണ്ടായിരിക്കണം. ടെണ്ടര്‍ സമര്‍പ്പിക്കേണ്ട അവസാന തീയതി ഒക്ടോബര്‍ 30 രാവിലെ 11 മണി. കൂടുതല്‍ വിവരങ്ങള്‍ക്ക് 0471-2344245.

കഴക്കൂട്ടം ഇലക്ട്രിക്കല്‍ സെക്ഷന്റെ കീഴില്‍ മലനീര്‍പറമ്പ്, വടക്കുംഭാഗം കരിയില്‍, വെട്ടുറോഡ് റെയില്‍വേ ഗേറ്റിനു സമീപം, കാര്യവട്ടം L & CPI  എന്നീ പ്രദേശങ്ങളില്‍ ഇന്ന് (20.10.2020) രാവിലെ  8.30 മുതല്‍ വൈകിട്ട് 5.00  വരെ വൈദ്യുതി മുടങ്ങുമെന്ന് കെ.എസ്.ഇ.ബി അറിയിച്ചു.

കാര്‍ത്തികപ്പള്ളിയിലെ കോളേജ് ഓഫ് അപ്ലൈഡ് സയന്‍സില്‍ പുതുതായി അനുവദിച്ച ബി.കോം ഫിനാന്‍സ് കോഴ്സിലേക്കും ഒഴിവുള്ള ബി.എസ്.സി കംപ്യൂട്ടുര്‍ സയന്‍സ് കോഴ്സിലേക്കും അപേക്ഷ ക്ഷണിച്ചു. താത്പര്യമുള്ളവര്‍ യൂണിവേഴ്സിറ്റി വെബ്‌സൈറ്റില്‍ (www.keralauniversity.ac.in) രജിസ്റ്റര്‍ ചെയ്ത ശേഷം നേരിട്ട് അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് 0479 2485852, 9895069307, 8547005018. വെബ്സൈറ്റ് www.ihrd.ac.in. അവസാന തീയതി ഒക്ടോബര്‍ 27.
 

ഐ.എച്ച്.ആര്‍.ഡിയുടെ ഹ്രസ്വകാല കോഴ്സുകളിലേക്ക് അപേക്ഷ ക്ഷണിച്ചു. ഡിപ്ലോമ ഇന്‍ ലോജിസ്റ്റിക്സ് ആന്റ് സപ്ലൈ ചെയിന്‍ മാനേജ്മെന്റ്, ഡി.സി.എ, പി.ജി.ഡി.സി.എ, പി.ജി.ഡി.ഇ.ഡി, ഡി.സി.എഫ്.എ, സി.സി.എല്‍.ഐ.എസ്, എ.ഡി.ബി.എം.ഇ, ഡി.ഡി.റ്റി.ഒ.എ എന്നിങ്ങനെ എട്ടു കോഴ്സുകളിലേക്കാണ് അപേക്ഷ ക്ഷണിച്ചത്. പ്രായപരിധി 50 വയസ്. അപേക്ഷ, കോഴ്സ് എന്നിവ സംബന്ധിച്ച കൂടുതല്‍ വിവരങ്ങള്‍ക്ക് 0478-2485852, 8547005018, www.ihrd.ac.in.
 

തിരുവനന്തപുരം സര്‍ക്കാര്‍ ആയുര്‍വേദ കോളേജ്, പൂജപ്പുര പഞ്ചകര്‍മ്മ ആശുപത്രിയില്‍ പാര്‍ക്കിന്‍സണ്‍സ് രോഗത്തിനും റുമറ്റോയിഡ് ആര്‍ത്രൈറ്റിസിനും (വാതരക്തം) ഗവേഷണാടിസ്ഥാനത്തില്‍ സൗജന്യ ചികിത്സ ലഭിക്കും.  40 നും 70നും മധ്യേ പ്രായമുള്ള പാര്‍ക്കിന്‍സണ്‍സ് രോഗികള്‍ക്കും 20 നും 60നും മധ്യേ പ്രായമുള്ള റുമറ്റോയിഡ് ആര്‍ത്രൈറ്റിസ് രോഗികള്‍ക്കും തിങ്കള്‍ മുതല്‍ ബുധന്‍ വരെ രാവിലെ 8 മുതല്‍ ഉച്ചയ്ക്ക് ഒരു മണി വരെ ഒ.പി വിഭാഗത്തില്‍ ചികിത്സ ലഭിക്കും.  ഫോണ്‍: 9074766890, 9496403592.
 

കേരളത്തിലെ സര്‍ക്കാര്‍ അംഗീകൃത വിദ്യാഭ്യാസ സ്ഥാപനങ്ങളില്‍ പത്താം ക്ലാസ് മുതല്‍ ബിരുദാനന്തര ബിരുദം വരെയും ഡിപ്ലോമ കോഴ്‌സുകള്‍ക്കും പഠിക്കുന്ന, വിമുക്ത ഭടന്‍മാരുടെ മക്കള്‍ക്ക് 2020-21 അദ്ധ്യയന വര്‍ഷത്തേക്കുളള ബ്രൈറ്റ് സ്റ്റുഡന്റ് സ്‌കോളര്‍ഷിപ്പിനുളള അപേക്ഷ ക്ഷണിച്ചു.  കഴിഞ്ഞ അദ്ധ്യയന വര്‍ഷ പരീക്ഷയില്‍ ആകെ 50 ശതമാനമോ അതില്‍ കൂടുതലോ മാര്‍ക്ക് ലഭിച്ചവരും, വാര്‍ഷിക വരുമാനം മൂന്നു ലക്ഷം (3,00,000) രൂപ വരെയുളള, വിമുക്ത ഭടന്‍മാര്‍ക്ക് 2020 ഡിസംബര്‍ 31 വരെ അപേക്ഷിക്കാം.  അപേക്ഷാ ഫാറത്തിനും വിശദ വിവരങ്ങള്‍ക്കും ജില്ലാ സൈനിക ക്ഷേമ ആഫീസുമായി ബന്ധപ്പെടണമെന്ന് ജില്ലാ സൈനിക ക്ഷേമ ഓഫിസര്‍ അറിയിച്ചു.

കേരള സര്‍ക്കാരിന്റെ ടൂറിസം വകുപ്പിനു കീഴില്‍ പ്രവര്‍ത്തിക്കുന്ന ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ട്, തിരുവനന്തപുരം സെന്ററില്‍ 2020-21 അദ്ധ്യന വര്‍ഷത്തെ ഒരു വര്‍ഷം ദൈര്‍ഘ്യമുള്ള ഹോട്ടല്‍ മാനേജ്‌മെന്റ് കോഴ്‌സുകളായ ഫ്രണ്ട് ഓഫിസ് ഓപ്പറേഷന്‍ കോഴ്‌സിലേക്കും, ഫുഡ് ആന്‍ഡ് ബിവറേജ് സര്‍വ്വീസ് കോഴ്‌സിലേയ്ക്കും പട്ടിക വര്‍ഗ വിഭാഗത്തില്‍ ഓരോ സീറ്റും, പൊതു വിഭാഗത്തില്‍ ഏതാനും സീറ്റുകളും ഒഴിവുണ്ട്.  താല്‍പര്യമുളളവര്‍ അസ്സല്‍ സര്‍ട്ടിഫിക്കറ്റുകളുമായി ഓഫിസില്‍ ഹാജരാകണമെന്ന് പ്രിന്‍സിപ്പാള്‍ അറിയിച്ചു.  കൂടുതല്‍ വിവരങ്ങള്‍ക്ക്, ഫോണ്‍ - 0471 2728340.

തിരുവനന്തപുരം ജില്ലാ മെഡിക്കല്‍ ഓഫിസിനു(ആരോഗ്യം) കീഴിലുള്ള സര്‍ക്കാര്‍ ആശുപത്രികളില്‍ അഡ്‌ഹോക്ക് വ്യവസ്ഥയില്‍ ഡോക്ടര്‍മാരെ നിയമിക്കുന്നതിന് ഒക്ടോബര്‍ 23ന് തൈക്കാട് എസ്.എച്ച്.ആര്‍.സി.(സ്‌റ്റേറ്റ് ഹെല്‍ത്ത് റിസോഴ്‌സസ് സെന്റര്‍) കോണ്‍ഫറന്‍സ് ഹാളില്‍ വാക്ക് ഇന്‍ ഇന്റര്‍വ്യൂ നടത്തുന്നു. തിരുവനന്തപുരം ജില്ലയില്‍ ജോലിചെയ്യാന്‍ താത്പര്യമുള്ള എം.ബി.ബി.എസ്. ബിരുദധാരികള്‍ക്കു പങ്കെടുക്കാം. താത്പര്യമുള്ളവര്‍ എം.ബി.ബി.എസ്.

കാട്ടാക്കട  താലൂക്കിലെ പൊതുജനങ്ങളില്‍ നിന്നും പരാതികള്‍ സ്വീകരിക്കുന്നതിനും പരിഹാരം കാണുന്നതിനുമായി നവംബര്‍  9ന് ജില്ലാ കളക്ടര്‍ ഡോ. നവജ്യോത് ഖോസ ഓണ്‍ലൈന്‍ പൊതുജന പരാതിപരിഹാര അദാലത്ത് നടത്തുന്നു.  പങ്കെടുക്കാന്‍ താത്പര്യമുള്ളവര്‍ ഒക്ടോബര്‍ 20 മുതല്‍ 30  വരെ മലയിന്‍കീഴ്, മാറനല്ലൂര്‍, വിളപ്പില്‍ശാല, ചെമ്പൂര്, ഒറ്റശേഖരമംഗലം, കള്ളിക്കാട്, പൂഴനാട്, കുടപ്പനമൂട്  എസ്. ബി ടി യ്ക്ക് എതിര്‍വശം, കാട്ടാക്കട  കഞ്ചിയൂര്‍ക്കോണം, പൂവച്ചല്‍, വീരണക്കാവ് എന്നിവിടങ്ങളിലെ അക്ഷയ കേന്ദ്രങ്ങളിലെത്തി ജില്ലാ കളക്ടര്‍ക്ക് അപേക്ഷ സമര്‍പ്പിക്കണം.