ജില്ലാ ഭക്ഷ്യസുരക്ഷാ അസിസ്റ്റന്റ് കമ്മീഷണറുടെ പരിധിയില്‍ വരുന്ന പ്രദേശങ്ങളില്‍ റസ്‌പോണ്‍സ് ടീമിന്റെ പ്രവര്‍ത്തനങ്ങള്‍ നടത്തുന്നതിന് പട്ടാമ്പി,  ഷൊര്‍ണൂര്‍, തൃത്താല,  ഒറ്റപ്പാലം എന്നീ സര്‍ക്കിള്‍ പരിധിയില്‍ ബൊലേറോ,  ടാറ്റ സുമോ സമാന  മോഡലുകളിലുള്ള രണ്ടു വാഹനങ്ങള്‍ ഒരു വര്‍ഷത്തേക്ക് കരാര്‍ അടിസ്ഥാനത്തില്‍ ഡ്രൈവര്‍ ഉള്‍പ്പെടെ വിട്ടു നല്‍കുന്നതിനായി ദര്‍ഘാസ് ക്ഷണിച്ചു. വാഹനങ്ങള്‍ക്ക്  7 വര്‍ഷത്തിലധികം പഴക്കം പാടില്ല. ദര്‍ഘാസ്  ഫോറം പാലക്കാട് സിവില്‍ സ്റ്റേഷനിലുള്ള ഭക്ഷ്യസുരക്ഷാ കമ്മീഷണറുടെ കാര്യാലയത്തില്‍ നിന്ന് ഒക്ടോബര്‍ 23 വരെ വിതരണം ചെയ്യും. ഫോണ്‍ 0491 -2505081

കൊടുവായൂര്‍ ഗ്രാമപഞ്ചായത്തില്‍ പട്ടികജാതി വിഭാഗം വയോജനങ്ങള്‍ക്ക് കട്ടില്‍  പദ്ധതിക്കായി  ഗ്രാമപഞ്ചായത്ത് പരിധിയില്‍ സ്ഥിരതാമസമുള്ള 60 വയസ്സ് കഴിഞ്ഞ നാളിതുവരെ ആനുകൂല്യം ലഭിക്കാത്തവരില്‍ നിന്ന് അപേക്ഷ ക്ഷണിച്ചു. അപേക്ഷ ഫോറം പഞ്ചായത്ത് ഓഫീസില്‍ ലഭിക്കും. അപേക്ഷയോടൊപ്പം റേഷന്‍കാര്‍ഡ്, ഇലക്ഷന്‍ ഐഡി കാര്‍ഡ്,  ആധാര്‍ കാര്‍ഡ്, ജാതി സര്‍ട്ടിഫിക്കറ്റ്, വരുമാന സര്‍ട്ടിഫിക്കറ്റ് എന്നിവ ഹാജരാക്കണം. അപേക്ഷകള്‍ നവംബര്‍ 10 വരെ സ്വീകരിക്കും.
 

കുഴല്‍മന്ദം കോളേജ് ഓഫ് അപ്ലൈഡ് സയന്‍സില്‍ ഒന്നാം വര്‍ഷ ഡിഗ്രി ബി.എസ്.സി ഇലക്ട്രോണിക്‌സ് കോഴ്‌സില്‍ സീറ്റ് ഒഴിവുണ്ട്. കാലിക്കറ്റ് യൂണിവേഴ്‌സിറ്റി സി.എ.പി രജിസ്‌ട്രേഷന്‍ ചെയ്ത യോഗ്യതയുള്ള വിദ്യാര്‍ഥികള്‍ക്ക് അപേക്ഷിക്കാം. ഫോണ്‍ 0492 -2285577.

ജില്ലാ വികസന സമിതി യോഗം ഒക്ടോബര്‍ 30 ന് രാവിലെ 11 ന് വീഡിയോ കോണ്‍ഫറന്‍സായി നടക്കും. ബന്ധപ്പെട്ട ഉദ്യോഗസ്ഥര്‍ യോഗത്തില്‍ പങ്കെടുക്കണമെന്ന് ജില്ലാ കലക്ടര്‍  ഡി.ബാലമുരളി അറിയിച്ചു.

പൂക്കോട്ടുകാവ് പ്രാഥമികാരോഗ്യ കേന്ദ്രത്തിനായി നിര്‍മിച്ച ഇരുനില കെട്ടിടത്തിന്റെ ഉദ്ഘാടനം പി.ഉണ്ണി എം.എല്‍.എ നിര്‍വഹിച്ചു. ആരോഗ്യമേഖലയക്കായി വലിയ ഫണ്ട് വിനിയോഗിച്ച് ആശുപത്രി കെട്ടിടങ്ങളും മറ്റു സൗകര്യങ്ങളും ഉറപ്പുവരുത്തുന്ന മറ്റു സംസ്ഥാനങ്ങള്‍ പരിമിതമാണെന്ന് എം.എല്‍.എ പറഞ്ഞു. പൂക്കോട്ടുകാവ് പഞ്ചായത്ത് പ്രസിഡന്റ് കെ. ജയദേവന്‍ അധ്യക്ഷനായി.

വട്ടിയൂര്‍ക്കാവ് മണ്ഡലത്തില്‍ കുറഞ്ഞകാലം കൊണ്ട് പരമാവധി വികസനപ്രവര്‍ത്തനങ്ങള്‍ നടത്താന്‍ കഴിഞ്ഞതായി വി.കെ പ്രശാന്ത് എം.എല്‍.എ. 'ജീവനി' പദ്ധതിയുടെ ഭാഗമായി വട്ടിയൂര്‍ക്കാവ് മണ്ഡലത്തിലെ കര്‍ഷകര്‍ക്ക് മത്സ്യക്കുഞ്ഞുങ്ങളെ വിതരണം ചെയ്യുന്ന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഒന്നരവര്‍ഷക്കാലത്തിനിടയില്‍ മണ്ഡലത്തിലെ നൂറോളം റോഡുകള്‍ നവീകരിച്ചു. പശ്ചാത്തല വികസന രംഗത്ത് ഏറെ പ്രവര്‍ത്തികള്‍ നടത്തിയിട്ടുണ്ട്. കൃഷിയില്‍ താത്പര്യമുള്ളവര്‍ക്ക് വലിയ പ്രോത്സാഹനമാണ് ജീവനി പദ്ധതിയിലൂടെ ലഭിക്കുന്നതെന്നും അദ്ദേഹം പറഞ്ഞു.