====================

ഹരിത കേരളം മിഷന്‍റെ നേതൃത്വത്തില്‍ സംസ്ഥാനത്താകെ ആയിരം പച്ചത്തുരുത്തുകള്‍ പൂര്‍ത്തിയായതിന്റെ ഔദ്യോഗിക പ്രഖ്യാപനത്തോടനുബന്ധിച്ച് കോട്ടയം ജില്ലയിലെ തദ്ദേശസ്വയം ഭരണ സ്ഥാപനങ്ങളില്‍ ചടങ്ങുകള്‍ നടന്നു. മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെയാണ് പ്രഖ്യാപനം നിര്‍വഹിച്ചത്. ഒരു വര്‍ഷത്തിനുള്ളില്‍ ആവാസ വ്യവസ്ഥയില്‍ ഗുണപരമായ മാറ്റങ്ങള്‍ സൃഷ്ടിക്കാന്‍ പച്ചത്തുരുത്തുകള്‍ക്ക് സാധിച്ചെന്ന് അദ്ദേഹം പറഞ്ഞു. 

============

കോട്ടയം ജില്ലയില്‍ പുതിയതായി ലഭിച്ച 4404  കോവിഡ് സാമ്പിള്‍ പരിശോധനാ ഫലങ്ങളില്‍ 495 എണ്ണം പോസിറ്റീവ്.   491  പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്. ഇതില്‍ മറ്റു ജില്ലക്കാരായ നാലു പേരും 10 ആരോഗ്യ പ്രവര്‍ത്തകരും ഉള്‍പ്പെടുന്നു. 

സംസ്ഥാനത്തിന് പുറത്തുനിന്നെത്തിയ നാലു പേരും കോവിഡ്  ബാധിതരായി. 43 രോഗികളുടെ സമ്പര്‍ക്ക പശ്ചാത്തലം വ്യക്തമല്ല. 185  പേര്‍ക്ക് കൂടി രോഗം ഭേദമായി. നിലവില്‍ 5986 പേരാണ് ചികിത്സയിലുള്ളത്.  ഇതുവരെ 16980 പേര്‍ കോവിഡ് ബാധിതരായി. 10974 പേര്‍ രോഗമുക്തി നേടി. ജില്ലയില്‍ ആകെ 17269 പേര്‍ ക്വാറന്‍റയിനില്‍ കഴിയുന്നുണ്ട്.

വ്യവസായ വകുപ്പിനു കീഴിലുള്ള പൂവന്തുരുത്ത് ഡെവലപ്പ്മെന്‍റ് പ്ലോട്ടിൽ സൂക്ഷിച്ചിരിക്കുന്ന 634 ക്യൂബിക് മീറ്റർ മണ്ണ് ഒക്ടോബർ 19ന് രാവിലെ 11ന് ലേലം ചെയ്യും. ഫോൺ - 0481 2570042

എൽ.ബി.എസ് ഏറ്റുമാനൂർ ഉപകേന്ദ്രത്തിൽ ഒക്ടോബർ ആദ്യവാരം ആരംഭിച്ച ഒരു വർഷം ദൈർഘ്യമുള്ള പോസ്റ്റ് ഗ്രാജുവേറ്റ് ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻസ് കോഴ്സില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു.

 ബിരുദമാണ് യോഗ്യത. എസ്.സി/എസ്.ടി/ഒ.ഇ.സി വിദ്യാർഥികൾക്ക് ഫീസ് ഇളവ് ഉണ്ടായിരിക്കും.  കൂടുതൽ വിവരങ്ങൾ 9495850898 എന്ന ഫോൺ നമ്പരിലും www.lbscenter.kerala.gov.in എന്ന വെബ്സൈറ്റിലും ലഭിക്കും

എംപ്ലോയ് മെന്റ് എക്‌സ്‌ചേഞ്ച് മുഖേന നടപ്പാക്കുന്ന ജോബ് ക്ലബ് പദ്ധതിയില്‍ സ്വയം തൊഴില്‍ ചെയ്യുന്നതിന് 10 ലക്ഷം രൂപ വരെ ബാങ്ക് വായപ നല്‍കും. രണ്ടു മുതല്‍ അഞ്ചു വരെ അംഗങ്ങള്‍ ചേര്‍ന്നുള്ള സംരംഭങ്ങളാണ് വായ്പയ്ക്ക് പരിഗണിക്കുക. പദ്ധതി ചെലവിന്റെ 25 ശതമാനം സബ്‌സിഡി അനുവദിക്കും. അപേക്ഷകര്‍ 21നും 45 നുമിടയില്‍ പ്രായമുള്ളവരായിരിക്കണം . കൂടുതല്‍ വിവരങ്ങള്‍ക്ക് എംപ്ലോയ്‌മെന്റ് എക്‌സ്‌ചേഞ്ചുമായി ബന്ധപ്പെടണം
ഫോണ്‍: 0481 2560413

====
സാങ്കേതിക വിദ്യാഭ്യാസ വകുപ്പിനു കീഴില്‍ പാമ്പാടിയില്‍ പ്രവര്‍ത്തിക്കുന്ന  ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിംഗില്‍ പ്രവേശനത്തിന് അപേക്ഷ ക്ഷണിച്ചു. അപേക്ഷാ ഫോറവും പ്രോസ്‌പെക്ടസും www.sitttrkerala.ac.in എന്ന വെബ് സൈറ്റില്‍ ലഭിക്കും. ഒക്ടോബര്‍ 27ന് വൈകുന്നേരം നാലിനു മുന്‍പ് അപേക്ഷ സമര്‍പ്പിക്കണം ഫോണ്‍: 0481 2507556, 940000 6469

========
സുഭിക്ഷ കേരളം പരിപാടിയുടെ ഭാഗമായി കോട്ടയം ജില്ലയില്‍ മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ 5000 കിണറുകള്‍ റീചാര്‍ജ് ചെയ്യും. പ്രാരംഭ ഘട്ടത്തില്‍ 200 കിണറുകളുടെ റീചാര്‍ജിംഗ് പൂര്‍ത്തീകരിച്ചു.

വെള്ളത്തിന്റെ ഗുണനിലവാരത്തില്‍ വ്യതിയാനമുണ്ടാകുകയും വേനല്‍ക്കാലത്ത് കിണറുകള്‍ വറ്റിപ്പോകുകയും ചെയ്യുന്ന സാഹചര്യത്തിന് പരിഹാരമായാണ് പദ്ധതി നടപ്പാക്കുന്നത്. ഗ്രാമീണ മേഖലയിലെ വീടുകളുടെ മേല്‍ക്കൂരകള്‍ മഴവെള്ള സംഭരണത്തിന് പ്രയോജനപ്പെടുത്തിയാണ് കിണറുകളില്‍ ജലലഭ്യത ഉറപ്പാക്കുന്നത്. 

======

കോട്ടയം ജില്ലയില്‍ 432 പേര്‍ക്കു കൂടി കോവിഡ് സ്ഥിരീകരിച്ചു. 424 പേര്‍ക്കും സമ്പര്‍ക്കും മുഖേനയാണ് രോഗം ബാധിച്ചത്.  24 ആരോഗ്യ പ്രവര്‍ത്തകരും ഇതില്‍ ഉള്‍പ്പെടുന്നു.  സംസ്ഥാനത്തിന് പുറത്തുനിന്നെത്തിയ എട്ടു പേരും രോഗബാധിതരായി. 

പുതിയതായി 4121 പരിശോധനാഫലങ്ങളാണ് ലഭിച്ചത്. 

250 പേര്‍ക്ക് കൂടി രോഗം ഭേദമായി. നിലവില്‍ 6177 പേരാണ് ചികിത്സയിലുള്ളത്.  ഇതുവരെ 17420 പേര്‍ കോവിഡ് ബാധിതരായി. 11224 പേര്‍ രോഗമുക്തി നേടി. ജില്ലയില്‍ ആകെ 18119 പേര്‍ ക്വാറന്റയിനില്‍ കഴിയുന്നുണ്ട്.

രോഗം ബാധിച്ചവരുടെ തദ്ദേശഭരണ സ്ഥാപന അടിസ്ഥാനത്തിലുള്ള വിവരം ചുവടെ.

കോട്ടയം -67

വൈക്കം മൃഗാശുപത്രിയിലും  കാഞ്ഞിരപ്പള്ളി വെറ്ററിനറി പോളി ക്ലിനിക്കിലും  രാപ്പകല്‍ സേവനം ലഭ്യമാക്കുന്നതിന്റെ ഉദ്ഘാടനം മൃഗസംരക്ഷണ വകുപ്പ് മന്ത്രി കെ. രാജു വീഡിയോ കോണ്‍ഫറന്‍സിലൂടെ നിര്‍വഹിച്ചു. മൃഗസംരക്ഷണ വകുപ്പ് ശോഭനം 2020 എന്ന പേരില്‍ നടപ്പാക്കുന്ന വികസന പരിപാടികളുടെ ഭാഗമായാണിത്. 

പ്രളയബാധിത മേഖലകളിലെ ഭിന്നശേഷിക്കാര്‍ക്കുള്ള സഹായ ഉപകരണങ്ങളുടെ വിതരണം നാളെ(ഒക്ടോബര്‍ 18) വൈക്കം ബ്ലോക്ക് പഞ്ചായത്ത് ഹാളില്‍ നടക്കും. ഉച്ചകഴിഞ്ഞ് മൂന്നിന് ആരോഗ്യമന്ത്രി കെ.കെ. ശൈലജ ടീച്ചര്‍ വീഡിയോ കോണ്‍ഫറന്‍സിലൂടെ ഉദ്ഘാടനം ചെയ്യും. സി.കെ. ആശ എം.എല്‍.എ അധ്യക്ഷത വഹിക്കും.