എം.എസ്.പിയില്‍ പരിശീലനം പൂര്‍ത്തിയാക്കിയ 343 സേനാംഗങ്ങള്‍കൂടി പൊലീസിന്റെ ഭാഗമായി

മലബാര്‍ സ്പെഷ്യല്‍ പൊലീസ് ആസ്ഥാനത്ത് വിദഗ്ധ പരിശീലനം പൂര്‍ത്തിയാക്കിയ 343 സേനാംഗങ്ങള്‍കൂടി കേരള പൊലീസിന്റെ ഭാഗമായി. കോവിഡ് മാനദണ്ഡങ്ങള്‍ പൂര്‍ണ്ണമായും പാലിച്ച് മലപ്പുറത്തെ എം.എസ്.പി പരേഡ് ഗ്രൗണ്ടില്‍ പുതിയ സേനാംഗങ്ങളുടെ പാസിങ് ഔട്ട് പരേഡ് നടന്നു. മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ അഭിവാദ്യം സ്വീകരിച്ചു.

ആലപ്പുഴ : സുഭിക്ഷ കേരളം പദ്ധതിയുടെ ഭാഗമായി 

ആലപ്പുഴ: ചമ്പക്കുളം ബ്ലോക്ക് പഞ്ചായത്ത് പരിധിയിലെ 28 അങ്കണവാടികളിൽ മിനി ആർ ഒ പ്ലാൻറുകൾ സ്ഥാപിച്ച് ശുദ്ധജല കുടിവെള്ള വിതരണത്തിനുള്ള പദ്ധതി പൂർത്തിയാക്കി. ബ്ലോക്ക്‌ പഞ്ചായത്തിന്റെ 2020- 21 വാർഷിക പദ്ധതിയിൽ ഉൾപ്പെടുത്തി ആറ് ലക്ഷം രൂപ വിനിയോഗിച്ചാണ് അങ്കണവാടികളിൽ മിനി ആർ ഒ പ്ലാന്റുകൾ ഒരുക്കിയത്. സ്വന്തമായി കെട്ടിടമുള്ള അങ്കണവാടികളിലാണ് മിനി ആർ ഒ പ്ലാന്റുകൾ സ്ഥാപിച്ചിട്ടുള്ളത്.

ജില്ലാ സാക്ഷരതാ മിഷന്റെ ആഭിമുഖ്യത്തില്‍ നൂല്‍പ്പുഴ ഗ്രാമ പഞ്ചായത്തിലെ നായ്‌ക്കെട്ടി തുടര്‍ വിദ്യാകേന്ദ്രത്തില്‍ ഓണ്‍ലൈന്‍ തുല്യതാ പഠന കേന്ദ്രം തുടങ്ങി. ഓണ്‍ലൈന്‍ പഠനകേന്ദ്രം ജില്ലാ പഞ്ചായത്ത് പ്രസിഡണ്ട് കെ.ബി.നസീമ ഉദ്ഘാടനം ചെയ്തു. പൊതു വിദ്യാഭ്യാസ വകുപ്പ് സാക്ഷരതാ മിഷന്‍ വഴി നടത്തുന്ന പത്താം തരം, ഹയര്‍ സെക്കണ്ടറി തുല്യതാ കോഴ്‌സുകളില്‍ ഓണ്‍ലൈനായി പഠിക്കുന്ന പഠിതാക്കളില്‍ ചിലര്‍ക്ക് നെറ്റ്‌വര്‍ക്ക് കവറേജ് കിട്ടാത്ത സാഹചര്യത്തിലാണ് കേന്ദ്രം തുറന്നത്. കംപ്യൂട്ടറിലൂടെ ഓരോ അരമണിക്കൂര്‍ ഇടവിട്ട് പത്താം തരം തുല്യതക്കും ഹയര്‍ സെക്കണ്ടറി തുല്യതക്കും ഓണ്‍ലൈനായി ക്ലാസ് നല്‍കും.

ആലപ്പുഴ : ജില്ല ഭരണകൂടത്തിന്റെ കരുതാം ആലപ്പുഴയെ - കരുതലോടെ തൊഴിലിടങ്ങൾ പ്രതിരോധ ബോധവത്ക്കരണ പരിപാടിയുടെ ഭാഗമായി ജില്ലയിലെ മത്സ്യത്തൊഴിലാളികള്‍ക്കിടയില്‍ കോവിഡ് രോഗത്തെ പ്രതിരോധിക്കുന്നതിന് ബോധവത്കരണ പരിപാടി സംഘടിപ്പിച്ചു. അഞ്ചാലുംകാവ് കടപ്പുറത്തെത്തി മത്സ്യത്തൊഴിലാളികള്‍ക്കിടയില്‍ ജില്ല കളക്ടര്‍ എ.അലക്സാണ്ടര്‍ മാസ്കുകൾ വിതരണം ചെയ്തു.

· 128 പേര്‍ക്ക് രോഗമുക്തി

വയനാട് ജില്ലയില്‍ ഇന്ന് (19.10.20) 51 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 128 പേര്‍ രോഗമുക്തി നേടി. ആരോഗ്യ പ്രവര്‍ത്തകന്‍ ഉള്‍പ്പെടെ എല്ലാവര്‍ക്കും  സമ്പര്‍ക്കത്തിലൂടെയാണ് രോഗബാധ.

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 5826 ആയി. 4765 പേര്‍ ഇതുവരെ രോഗമുക്തരായി. ചികിത്സയിലിരിക്കെ 35 പേര്‍ മരണപ്പെട്ടു. നിലവില്‍ 1026 പേരാണ് ചികിത്സയിലുള്ളത്. ഇവരില്‍ 340 പേര്‍ വീടുകളിലാണ് ഐസൊലേഷനില്‍ കഴിയുന്നത്. 51 പേര്‍ ഇതര ജില്ലകളില്‍ ചികില്‍സയിലുണ്ട്.

രോഗം സ്ഥിരീകരിച്ചവര്‍:

പനമരം ഗ്രാമ പഞ്ചായത്തിലെ അഞ്ചു കുന്ന്, കുപ്പത്തോട് വില്ലേജുകളിലെ ശുദ്ധജല വിതരണ  പദ്ധതികള്‍ക്ക് ജല ജീവന്‍ മിഷന്‍ യോഗം അംഗീകാരം നല്‍കി.   എഴായിരത്തോളം കുടുംബങ്ങള്‍ക്ക്  പദ്ധതിയുടെ ഗുണം ലഭിക്കും. പദ്ധതി നവീകരണത്തിന് 750 ലക്ഷം  രൂപയാണ് വിനിയോഗിക്കുന്നത്. ജില്ലാ കളക്ടര്‍ ഡോ. അദീല അബ്ദുള്ള യോഗത്തില്‍ അധ്യക്ഷത വഹിച്ചു. ജില്ലയിലെ  ജലജീവന്‍ മിഷന്‍ പദ്ധതികളുടെ ആക്ഷന്‍ പ്ലാന്‍ തയ്യാറാക്കാന്‍ കേരള ജല അതോറിറ്റി, ഭൂജല വകുപ്പ്, ജലനിധി എന്നീ വകുപ്പുകള്‍ക്ക് ജില്ലാ കളക്ടര്‍ നിര്‍ദ്ദേശം നല്‍കി.  ജല അതോറിറ്റി എക്സിക്യൂട്ടീവ് എഞ്ചിനിയര്‍ ടി.

ബത്തേരി ചേരമ്പാടി റോഡില്‍ നില്‍ക്കുന്ന മാവ് മരം ഒക്ടോബര്‍ 28 ന് രാവിലെ 11.30 ന് സ്ഥലത്ത് ലേലം ചെയ്യും.

വൈത്തിരി താലൂക്കില്‍ കണിയാമ്പറ്റ വില്ലേജില്‍ ബ്ലോക്ക് 14 സര്‍വെ നമ്പര്‍ 292/2 ല്‍ ഉള്‍പ്പെട്ട 0.1012 ഹെക്ടര്‍ കരഭൂമിയും അതിലുള്ള കെട്ടിടവും ഒക്ടോബര്‍ 30 ന് രാവിലെ 11 ന് വില്ലേജ് ഓഫീസില്‍ ലേലം ചെയ്യും.

കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡില്‍ അംഗങ്ങളായുള്ള തൊഴിലാളികളുടെ മക്കള്‍ക്ക് 2020-21 വര്‍ഷത്തെ സ്‌കോളര്‍ഷിപ്പിനും ക്യാഷ് അവാര്‍ഡിനും അപേക്ഷ ക്ഷണിച്ചു.  അപേക്ഷയുടെ കൂടെ കോഴ്സ് സര്‍ട്ടിഫിക്കറ്റും യോഗ്യത പരീക്ഷയുടെ മാര്‍ക്ക് ലിസ്റ്റിന്റെ ഗസറ്റഡ് ഉദ്യോഗസ്ഥന്‍ സാക്ഷ്യപ്പെടുത്തിയ പകര്‍പ്പും ബാങ്ക് പാസ് ബുക്കിന്റെ പകര്‍പ്പും ഉള്ളടക്കം ചെയ്യണം.  അവസാന തീയതി ഡിസംബര്‍ 31.  ഫോണ്‍ 04952384355.