മലാപ്പറമ്പ- പെരിന്തല്‍മണ്ണ 110 കെ.വി ലൈനില്‍ നവീകരണ പ്രവൃത്തികള്‍ നടക്കുന്നതിനാല്‍ പെരിന്തല്‍മണ്ണ സബ്‌സ്റ്റേഷനില്‍ നിന്ന് വൈദ്യുതി വിതരണം ഒക്ടോബര്‍ 19 മുതല്‍ 29വരെ രാവിലെ എട്ട് മുതല്‍ വൈകീട്ട് അഞ്ച് വരെ ഭാഗികമായി തടസപ്പെടും.

ആലപ്പുഴ : കോവിഡ് മാനദണ്ഡങ്ങളുടെ ലംഘനം ഇനി മുതൽ പൊതുജനങ്ങൾക്ക് കോവിഡ് ജാഗ്രത പോർട്ടൽ വഴി റിപ്പോർട്ട് ചെയ്യാം. പോർട്ടൽ വഴി റിപ്പോർട്ട് ചെയ്ത നിയമലംഘനങ്ങൾ അതത് പോലീസ് സ്റ്റേഷനുകളിൽ സമർപ്പിക്കുകയും നടപടിയെടുക്കുകയും ചെയ്യും.

ഒന്നാം വര്‍ഷ ഐ.ടി.ഐ കോഴ്‌സിനുള്ള സ്‌പോര്‍ട്‌സ് ക്വാട്ട കരട് റാങ്ക് ലിസ്റ്റ് ജില്ലാ സ്‌പോര്‍ട്്‌സ് കൗണ്‍സില്‍ ഓഫീസില്‍ പ്രസിദ്ധീകരിച്ചു. ഫോണ്‍: 0483 2734701.

ആലപ്പുഴ ജില്ലാ പഞ്ചായത്തിൻറെ അധീനതയിലുള്ള ചെങ്ങന്നൂർ ജില്ലാ ആശുപത്രിക്ക് വേണ്ടി പുതിയ കെട്ടിടം നിർമിക്കുന്നതിന് നിലവിലുള്ള പഴയ കെട്ടിടങ്ങൾ ലേലം ചെയ്യുന്നു. ഇതിനായി ക്വട്ടേഷനുകൾ ക്ഷണിച്ചു. തദ്ദേശ സ്വയംഭരണ വകുപ്പ് എഞ്ചിനീയറിംഗ് വിഭാഗം എക്സിക്യൂട്ടീവ് എഞ്ചിനീയർ ആലപ്പുഴ കാര്യാലയത്തിൽ നേരിട്ടോ രജിസ്ട്രേഡ് തപാൽ മുഖേനയോ ഒക്ടോബർ 28 ഉച്ചയ്ക്ക് ഒരു മണി വരെ ക്വട്ടേഷൻ സ്വീകരിക്കും. ഒക്ടോബർ 30 ആണ് ലേല തീയതി. കൂടുതൽ വിവരങ്ങൾക്ക് ഫോണ്‍: 0477 22 63 746.

ആലപ്പുഴ: ചരക്ക് സേവന നികുതി വകുപ്പിന്റെ കേരള ആംനസ്റ്റി പദ്ധതി 2020 പ്രകാരം അപേക്ഷ നൽകിയവരിൽ 30 ദിവസത്തിനുള്ളിൽ പണമടയ്ക്കാൻ കഴിയാതെ പദ്ധതിയിൽ നിന്ന് പുറത്തായവർക്കുവേണ്ടി ഒരിക്കൽ കൂടി അപേക്ഷിക്കുവാനുള്ള സൗകര്യം കേരള ആംനസ്റ്റി വെബ്സൈറ്റിൽ ലഭ്യമാക്കിയിട്ടുണ്ട്. കൂടാതെ ആദ്യമായി അപേക്ഷിക്കുന്നവർക്കും ഇപ്പോൾ സൗകര്യം ലഭ്യമാണ്. ഓഫീസർ അപേക്ഷ അംഗീകരിച്ചു 30 ദിവസത്തിനുള്ളിൽ ഒറ്റത്തവണ /ആദ്യതവണ അടയ്ക്കേണ്ടത് ആണെന്നും അപേക്ഷ നൽകേണ്ട അവസാന തീയതി നവംബർ 30 ആണെന്നും സംസ്ഥാന ചരക്കുസേവന നികുതി വകുപ്പ് ജില്ലാ ജോയിൻ കമ്മീഷണർ അറിയിച്ചു.

മങ്കടയില്‍ പ്രവര്‍ത്തിക്കുന്ന ഗവ.ഫുഡ്ക്രാഫ്റ്റ് ഇന്‍സിറ്റിറ്റിയൂട്ടില്‍ ഫുഡ്‌പ്രൊഡക്ഷന്‍, ഫുഡ് ആന്‍ഡ് ബിവറേജ് സര്‍വീസ്, ഫ്രണ്ട് ഓഫീസ് ഓപ്പറേഷന്‍, ഹോട്ടല്‍ അക്കോമഡേഷന്‍ ഓപ്പറേഷന്‍ എന്നീ കോഴ്‌സുകളിലേക്ക് ജനറല്‍, ഒ.ബി.സി, എസ്.സി, എസ്.ടി വിഭാഗങ്ങള്‍ക്ക് ഏതാനും സീറ്റ് ഒഴിവുണ്ട്. ഫോണ്‍: 0493 3295733, 9645078880.

ആലപ്പുഴ :ആലപ്പുഴ നഗരസഭ 2018 – 2019 വാർഷിക പദ്ധതിയിൽ ഉൾപ്പെടുത്തി 25 ലക്ഷം രൂപ മുടക്കിൽ നവീകരിച്ച ഗവ: മുഹമ്മദൻ ഗേൾസ് ഹയർ സെക്കൻഡറി സ്കൂളിലെ ആഡിറ്റോറിയത്തിന്റെയും കെ.സി വേണുഗോപാൽ എം.പി.യുടെ പ്രാദേശിക വികസന ഫണ്ടിൽ ഉൾപ്പെടുത്തി നിർമ്മിച്ച അടുക്കളയുടെയും ഉദ്ഘാടനം നഗരസഭ ചെയർമാൻ ഇല്ലിക്കൽ കുഞ്ഞുമോൻ നിർവഹിച്ചു. ആലപ്പുഴ നഗരസഭ വിദ്യാഭ്യാസ സ്റ്റാൻറ്റിംഗ് കമ്മിറ്റി ചെയർമാൻ അഡ്വ: ജി. മനോജ് കുമാർ, സ്ഥിരം സമിതി അദ്ധ്യക്ഷൻമാരായ അഡ്വ:എ.എ . റസാക്ക് , ബഷീർ കൊയാപറമ്പിൽ ,വാർഡ് കൗൺസിലറായ എ.എം.നൗഫൽ അദ്ധ്യാപകർ തുടങ്ങിയവർ യോഗത്തിൽ പങ്കെടുത്തു.

 വിമുക്തഭടന്മാരുടെ മക്കള്‍ക്ക് 2020-21 ലെ മെഡിക്കല്‍/ എഞ്ചിനീയറിങ് എന്‍ട്രന്‍സ് പരീക്ഷാ പരിശീലനത്തിനുള്ള സാമ്പത്തിക സഹായത്തിന് അപേക്ഷ ക്ഷണിച്ചു. അപേക്ഷ  ഫോം സൈനിക ക്ഷേമ ഓഫീസില്‍ നേരിട്ടെത്തി  വാങ്ങിക്കണം. അപേക്ഷ സ്വീകരിക്കുന്ന അവസാന തീയതി: ഒക്‌ടോബര്‍ 23. കൂടുതല്‍ വിവരങ്ങള്‍ക്ക് സൈനിക ക്ഷേമ ഓഫീസുമായി ബന്ധപ്പെടണം. ഫോണ്‍ :  0483 2734932.