മോട്ടോര്‍ വാഹന വകുപ്പ് ആധുനികവത്കരണത്തിന്റെ ഭാഗമായി നടപ്പിലാക്കുന്ന പദ്ധതിയാണ് ജി.പി.എസ് അധിഷ്ടിത വാഹന നിരീക്ഷണ സംവിധാനം. കേരളത്തിലെ സ്വകാര്യ സ്റ്റേജ് കാര്യേജ് വാഹനങ്ങളുടെ പെര്‍മിറ്റിനോടൊപ്പം അനുവദിച്ചിട്ടുള്ള സമയക്രമ പട്ടിക ഡിജിറ്റലൈസ് ചെയ്ത് മോട്ടോര്‍ വാഹന വകുപ്പിന്റെയും അനുബന്ധ വകുപ്പുകളുടെയും വെബ്‌സൈറ്റില്‍ പ്രസിദ്ധീകരിക്കുന്നതിനായി തീരുമാനിച്ചു. 

തിരുമുമ്പ് കാര്‍ഷിക സംസ്‌കൃതി പഠന കേന്ദ്രം  പദ്ധതിയുടെ ഭാഗമായി പിലിക്കോട് ഉത്തരമേഖലാ പ്രാദേശിക കാര്‍ഷിക ഗവേഷണ കേന്ദ്രം പരമ്പരാഗത കാര്‍ഷിക ഉപകരണങ്ങള്‍ ശേഖരിക്കുന്നു. പഴയ കാലങ്ങളില്‍ ഉപയോഗിച്ചിരുന്ന കൃഷി ഉപകരണങ്ങള്‍, ദൈനംദിനം ഉപകരണങ്ങള്‍ എന്നിവ കൈവശമുള്ളവര്‍ അവ സംഭാവന ചെയ്യുവാനോ വില്‍ക്കുവാനോ താത്പര്യമുണ്ടെങ്കില്‍ ബന്ധപ്പെടണം. ഫോണ്‍: 0467 2260632.
 സ്‌പോട്ട് അഡ്മിഷന്‍

  മൂലൂര്‍ സ്മാരകത്തിലെ (കേരളവര്‍മ്മ സൗധം) ശ്രീനാരായണവാടത്തിനു മുന്നില്‍ മുന്‍ വര്‍ഷങ്ങളിലേപ്പോലെ വിദ്യാരംഭ ചടങ്ങില്‍ പുറമെ നിന്നുള്ള ആചാര്യന്മാര്‍ ഇത്തവണ ഉണ്ടാകില്ല. കോവിഡ് പ്രോട്ടോക്കോള്‍ പാലിച്ചുകൊണ്ട് ഈ മാസം 26 ന് വിജയദശമി നാളില്‍ വിദ്യാരംഭം നടത്തേണ്ട കുഞ്ഞുങ്ങള്‍ക്ക് ആദ്യാക്ഷരം കുറിപ്പിക്കുന്നതിനുള്ള സൗകര്യം മൂലൂര്‍ സ്മാരകത്തില്‍ ഒരുക്കുമെന്ന് മൂലൂര്‍ സ്മാരകം സെക്രട്ടറി അറിയിച്ചു. 

മഞ്ചേരി  ഗവ:ടെക്‌നിക്കല്‍ ഹൈസ്‌കൂളിന്റെ കീഴില്‍ പ്രവര്‍ത്തിക്കുന്ന ഗവ. ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ് 

2020-21 ദ്വിവത്സര കോഴ്‌സിലേക്കുളള  പ്രവേശനത്തിന് അപേക്ഷ ക്ഷണിച്ചു. www.sitttrkerala.ac.in എന്ന വെബ്‌സൈറ്റില്‍ നിന്ന് ഡൗണ്‍ലോഡ് ചെയ്ത അപേക്ഷാ ഫോം പൂരിപ്പിച്ച് സ്വയം സാക്ഷ്യപ്പെടുത്തിയ സര്‍ട്ടിഫിക്കറ്റുകളുടെ പകര്‍പ്പുകളും രജിസ്‌ട്രേഷന്‍ ഫീസായ 25 രൂപയും സഹിതം മഞ്ചേരി ഗവ.ടെക്‌നിക്കല്‍ ഹൈസ്‌കൂളില്‍ ഒക്‌ടോബര്‍ 27 നകം സമര്‍പ്പിക്കണം. ഫോണ്‍ : 9744537484, 8943267518.

മൂലൂര്‍ സ്മാരകം സൗന്ദര്യവത്കരണ പദ്ധതിയുടെ ഉദ്ഘാടനം ഒക്ടോബര്‍ 22ന് രാവിലെ 11ന് മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ നിര്‍വഹിക്കും. 49 ലക്ഷം രൂപയ്ക്കാണ് മൂലൂര്‍ സ്മാരകം സൗന്ദര്യവത്കരണം നടത്തുന്നത്. 

ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ അധ്യക്ഷത വഹിക്കുന്ന ചടങ്ങില്‍ വനം വകുപ്പ് മന്ത്രി അഡ്വ.കെ.രാജു വിശിഷ്ട സാന്നിധ്യമായും ആന്റോ ആന്റണി എം.പി മുഖ്യാതിഥിയുമായിരിക്കും. വീണാ ജോര്‍ജ് എം.എല്‍എ സ്വാഗതം ആശംസിക്കുന്ന ചടങ്ങില്‍ ടൂറിസം വകുപ്പ് സെക്രട്ടറി റാണി ജോര്‍ജ് മുഖ്യപ്രഭാഷണം നടത്തും. 

  ജില്ലാ കളക്ടര്‍ പി.ബി നൂഹിന്റെ നേതൃത്വത്തില്‍ കളക്ടറേറ്റില്‍ നിന്നും അക്ഷയ കേന്ദ്രങ്ങള്‍ മുഖേന നടത്തിവരുന്ന ഓണ്‍ലൈന്‍ 

അദാലത്തിന്റെ ഭാഗമായി ലഭിച്ച മല്ലപ്പളളി താലൂക്കിലെ 26 പരാതികളില്‍ 11 എണ്ണം തത്സമയം തീര്‍പ്പായി. ബാക്കി പരാതികളില്‍ കൂടുതല്‍ വ്യക്തത ഉറപ്പു വരുത്തേണ്ടവയില്‍ തുടരന്വേഷണം, ഹിയറിംഗുകള്‍ തുടങ്ങിയവയിലൂടെ പരിഹരിക്കും.  

വേങ്ങര ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ് സെന്ററില്‍ 2020-21 രണ്ടു വര്‍ഷ കാലാവധിയുള്ള   ഫാഷന്‍   ഡിസൈനിങ് ആന്‍ഡ് ഗാര്‍മെന്റ് ടെക്‌നോളജി കോഴ്‌സിലേക്ക് അപേക്ഷ ക്ഷണിച്ചു. അപേക്ഷാ ഫോം www.sitttrkerala.ac.in എന്ന വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യാം. അപേക്ഷ സ്വീകരിക്കുന്ന അവസാന തീയതി: ഒക്‌ടോബര്‍ 27.  കൂടുതല്‍ വിവരങ്ങള്‍ക്ക് വേങ്ങര കച്ചേരിപ്പടിയില്‍ പ്രവര്‍ത്തിക്കുന്ന ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ് സെന്ററുമായി ബന്ധപ്പെടണം. ഫോണ്‍: 8943195595, 9847155117.  

ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റിസെന്റര്‍ മുഖേന പ്രമുഖ സ്വകാര്യ സ്ഥാപനങ്ങളിലെ വിവിധ തസ്തികകളില്‍ നിയമനം നടത്തുന്നു. ഓഫീസ് സ്റ്റാഫ്, സൈറ്റ് എഞ്ചിനീയര്‍ എന്നീ തസ്തികകളിലാണ് നിയമനം. പ്ലസ്ടു, ഡിഗ്രി, ഡിപ്ലോമ(സിവില്‍), ബി.ടെക്(സിവില്‍) യോഗ്യതയുള്ള ഉദ്യോഗാര്‍ഥികള്‍ ഒക്ടോബര്‍ 23നകം മലപ്പുറം എംപ്ലോയബിലിറ്റി സെന്ററുമായി ബന്ധപ്പെടണം. ഫോണ്‍ : 04832 734 737.

താഴെക്കോട് ഗ്രാമപഞ്ചായത്ത് കുടുംബാരോഗ്യകേന്ദ്രം ആധുനികവത്കരിക്കുന്നതിന്റെ ഭാഗമായി കെട്ടിട നിര്‍മാണത്തിന് തറക്കല്ലിട്ടു. മഞ്ഞളാംകുഴി അലി എം.എല്‍.എ ശിലാസ്ഥാപനം നിര്‍വഹിച്ചു. എം.എല്‍.എയുടെ ആസ്തി വികസന ഫണ്ടല്‍ നിന്ന്  50 ലക്ഷം രൂപയും പഞ്ചായത്തിന്റെ പ്ലാന്‍ ഫണ്ട് നാല് ലക്ഷം രൂപയും ചെലവഴിച്ചാണ് പുതിയ കെട്ടിടം നിര്‍മിക്കുന്നത്.