പൊതുമരാമത്ത് വകുപ്പ് നിരത്തുകള്‍ ഉപവിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ കാര്യാലയത്തിന് കീഴില്‍ വരുന്ന ഒറ്റപ്പാലം - പെരിന്തല്‍മണ്ണ റോഡ് നിര്‍മ്മാണ പ്രവൃത്തിക്ക് തടസ്സമായി നില്‍ക്കുന്ന 127 മരങ്ങള്‍ ലേലം ചെയ്യുന്നതിന് ക്വട്ടേഷന്‍ ക്ഷണിച്ചു. ഒക്ടോബര്‍ 21 ന് മൂന്ന് വരെ ഈ കാര്യാലയത്തിലും ഒറ്റപ്പാലം നിരത്തുകള്‍ വിഭാഗം അസി.എഞ്ചിനീയറുടെ കാര്യാലയത്തിലും ക്വട്ടേഷനുകള്‍ സ്വീകരിക്കും. ലേലം തൃക്കടീരി സെന്ററില്‍ ഒക്ടോബര്‍ 22 ന് നടക്കും. ഫോണ്‍ - 0466 2222252

മംഗലം, പോത്തുണ്ടി ഡാം ഉദ്യാനങ്ങളുടെ നവീകരണ വികസന പദ്ധതികള്‍ പൂര്‍ത്തീകരിച്ചതിന്റെ ഉദ്ഘാടനം ഒക്ടോബര്‍ 22 ന് രാവിലെ 11 ന് മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിക്കും. വിനോദസഞ്ചാര വകുപ്പ് മന്ത്രി കടകംപള്ളി സുരേന്ദ്രന്‍ അധ്യക്ഷനാകും. ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി മുഖ്യാതിഥിയാകും. പോത്തുണ്ടി ഡാം ഉദ്യാനത്തില്‍ പുതുതായി നിര്‍മിച്ച കഫ്റ്റീരിയയുടെ ഉദ്ഘാടനം ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി നിര്‍വഹിക്കും.

സംസ്ഥാന കർഷക കടാശ്വാസ കമ്മീഷൻ ഓഫീസിലെ ജീവനക്കാരിൽ ഒരാൾക്ക് കോവിഡ് സ്ഥിരീകരിച്ചതിനാൽ പ്രതിരോധ നടപടികളുടെ ഭാഗമായി ഒക്ടോബർ 22 വരെ കമ്മീഷൻ ഓഫീസ് പ്രവർത്തിക്കില്ലെന്ന് സെക്രട്ടറി അറിയിച്ചു.

സാങ്കേതിക വിദ്യാഭ്യാസ വകുപ്പിന് കീഴിലുളള ബാലരാമപുരം, തേമ്പാമുട്ടം ഗവമെന്റ് ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ്ങിൽ ഫാഷൻ ഡിസൈനിങ് സർട്ടിഫിക്കറ്റ് കോഴ്‌സിലേക്ക് 2020-21 അദ്ധ്യയന വർഷത്തേക്കുളള പ്രവേശനത്തിന് അപേക്ഷ ക്ഷണിച്ചു. അപേക്ഷാഫോമും വിശദ വിവരങ്ങൾ അടങ്ങിയ പ്രോസ്‌പെക്ടസും www.sitttrkerala.ac.in ൽ ലഭിക്കും. പൂരിപ്പിച്ച അപേക്ഷയും സ്വയം സാക്ഷ്യപ്പെടുത്തിയ നിർദിഷ്ട സർട്ടിഫിക്കറ്റുകളുടെ പകർപ്പുകൾ, രജിസ്‌ട്രേഷൻ ഫീസ് 25 രൂപ സഹിതം ഒക്‌ടോബർ 27ന് വൈകിട്ട് നാല് മണിക്കകം നേരിട്ട് അപേക്ഷിക്കാം.
പി.എൻ.എക്സ്. 3627/2020

സംസ്ഥാന പൊതുമേഖലാ സ്ഥാപനമായ കേരള ഓട്ടോമൊബൈൽ ലിമിറ്റഡ് നിർമ്മിക്കുന്ന ഇലക്ട്രിക്ക് ഓട്ടോ നീം ജിയുടെ നേപ്പാളിലേക്കുള്ള കയറ്റുമതി തുടങ്ങി. ആദ്യ ബാച്ച് ഇ-ഓട്ടോകളുടെ ഫ്ളാഗ് ഓഫ് വ്യവസായമന്ത്രി ഇ.പി ജയരാജൻ നിർവഹിച്ചു. അദ്യ ഘട്ടത്തിൽ 25 ഓട്ടോകളാണ് നേപ്പാളിൽ എത്തിക്കുക. വാഹനങ്ങളുടെ അനുബന്ധ രേഖകൾ നേപ്പാളിലെ ഡീലർമാർക്ക് മന്ത്രി കൈമാറി.

മനുഷ്യരും ആരോഗ്യവും ജൈവവൈവിധ്യവും തമ്മിൽ അഭേദ്യമായ ബന്ധമുണ്ടെന്നും അതിലുണ്ടാകുന്ന തകർച്ച പ്രകൃതിയിൽ സമാനതകളില്ലാത്ത ആഘാതം സൃഷ്ടിക്കുമെന്നും മുഖ്യമന്ത്രി പിണറായി വിജയൻ പറഞ്ഞു. കോഴിക്കോട് മലബാർ ബൊട്ടാണിക്കൽ ഗാർഡനിലെ റിസർച്ച് ബ്‌ളോക്കും ഗസ്റ്റ് ഹൗസും മലബാർ അക്വാട്ടിക് ബയോപാർക്കും ഉദ്ഘാടനം ചെയ്യുകയായിരുന്നു അദ്ദേഹം.

തിരുവനന്തപുരം കോര്‍പ്പറേഷനു കീഴിലെ ശ്രീകാര്യം, ചെറുവയ്ക്കല്‍, ഉള്ളൂര്‍, മുട്ടട, പേരൂര്‍ക്കട, പുന്നയ്ക്കാമുഗള്‍, ഹാര്‍ബര്‍, പൂവച്ചല്‍ ഗ്രാമപഞ്ചായത്തിലെ ഉണ്ടപ്പാറ, അലമുക്ക്, കുഴക്കാട്, കോവില്‍വിള, ചായ്കുളം, മുണ്ടുകോണം, കാട്ടാക്കട മാര്‍ക്കറ്റ്, പുളിങ്കോട്, തോട്ടംപാറ, പൂവച്ചല്‍, കരകുളം ഗ്രാമപഞ്ചായത്തിലെ വട്ടപ്പാറ വെസ്റ്റ്, കരയലത്തുകോണം, വേങ്ങോട്, കിഴക്കേല, അയണിക്കാട്, പാലുവിള, കഴുനാട്, കഠിനംകുളം ഗ്രാമപഞ്ചായത്തിലെ തുമ്പ, മരിയനാട് സൗത്ത്, മരിയനാട് നോര്‍ത്ത്, തൊളിക്കോട് ഗ്രാമപഞ്ചായത്തിലെ തേവന്‍പാറ, പനകോട്, അതിയന്നൂര്‍ ഗ്രാമപഞ്ചായത്തിലെ അരയൂര്‍, നാവായിക്കുളം ഗ്രാമപഞ്ചായത്തിലെ നാവായിക്കുളം, കടമ്പാട്