പഴയകുന്നുമ്മല്‍ ഗ്രാമപഞ്ചായത്തിലെ അടയമണ്‍, അതിയന്നൂര്‍ ഗ്രാമപഞ്ചായത്തിലെ മരിയപുരം, തൊളിക്കോട് ഗ്രാമപഞ്ചായത്തിലെ തൊളിക്കോട്, അരുവിക്കര ഗ്രാമപഞ്ചായത്തിലെ കടമ്പനാട്(വെമ്പനൂര്‍ ജംഗ്ഷനില്‍ മാത്രം), വെമ്പനൂര്‍ എന്നീ പ്രദേശങ്ങളെ കണ്ടെയിന്‍മെന്റ് സോണായി ജില്ലാ കളക്ടര്‍ ഡോ. നവജ്യോത് ഖോസ പ്രഖ്യാപിച്ചു. ഇവയോട് ചേര്‍ന്നുളള പ്രദേശങ്ങളിലും ജാഗ്രത പുലര്‍ത്തണം. അവശ്യ സാധനങ്ങള്‍ വില്‍ക്കുന്ന കടകള്‍ മാത്രമേ ഈ പ്രദേശങ്ങളില്‍ തുറക്കാന്‍ പാടുള്ളു. അടിയന്തര ആവശ്യങ്ങള്‍ക്കല്ലാതെ ആരുംതന്നെ കണ്ടെയിന്‍മെന്റ് സോണിനു പുറത്തു പോകാന്‍ പാടില്ലെന്നും കളക്ടര്‍ അറിയിച്ചു.
 

പട്ടികജാതി വികസനവകുപ്പ് നടപ്പിലാക്കുന്ന പ്രത്യേക പ്രോത്സാഹന പദ്ധതി പ്രകാരം 2019-2020 അദ്ധ്യയന വര്‍ഷം എസ്.എസ്.എല്‍.സി, പ്ലസ് ടു, വി.എച്ച്.എസ്.സി/ഡിപ്ലോമ, ഡിഗ്രി, പോളിടെക്‌നിക്, ടിടിസി, പി.ജി, പ്രൊഫഷണല്‍ കോഴ്‌സുകള്‍ക്ക് ഫസ്റ്റ് ക്ലാസ്/ഡിസ്റ്റിംങ്ഷന്‍ തത്തുല്യ ഗ്രേഡില്‍ വിജയിച്ച വിദ്യാര്‍ത്ഥികള്‍ക്ക് പട്ടികജാതി വികസന വകുപ്പിന്റെ പ്രത്യേക പ്രോത്സാഹന സമ്മാനം ലഭിക്കുന്നതിനായി, വകുപ്പിന്റെ വിദ്യാഭ്യാസ ആനുകൂല്യ വിതരണ വെബ്‌സൈറ്റായ ഇ-ഗ്രാന്റ്‌സ് 3.0-ല്‍ മാര്‍ക്ക് ലിസ്റ്റ് (സര്‍ട്ടിഫിക്കറ്റ്) അപ്‌ലോഡ് ചെയ്ത് ഓണ്‍ലൈനായി  അപേക്ഷിക്കണമെന്ന് അസിസ്റ്റന്റ് ജില്ലാ പട്ടികജാതി വികസന ഓഫിസര്‍ അറിയിച്ചു.

ഐ.എന്‍.എസ്. ദ്രോണാചാര്യയില്‍ ഒക്ടോബര്‍ 23, 27, 30, നവംബര്‍ 03, 06, 10, 13, 17, 20, 24, 27, ഡിസംബര്‍ 01, 04, 08, 11, 15, 18, 22, 29 തീയതികളില്‍ പരീക്ഷണ വെടിവയ്പ്പ് നടക്കുന്നതിനാല്‍ ഈ ദിവസങ്ങലില്‍ കടലില്‍ മീന്‍പിടിക്കാന്‍ പോകുന്നവരും സമീപവാസികളും മുന്‍കരുതലെടുക്കണമെന്നു ജില്ലാ കളക്ടര്‍ അറിയിച്ചു.
 

സുഭിക്ഷകേരളം പദ്ധതിയുടെ ഭാഗമായി കാരോട് എരിച്ചല്ലൂര്‍ പാടത്ത് സംഘടിപ്പിച്ച കൊയ്ത്ത് ഉത്സവം ജില്ലാ പഞ്ചായത്ത് അംഗം എസ്.കെ. ബെന്‍ഡാര്‍വിന്‍ ഉദ്ഘാടനം ചെയ്തു.  20 വര്‍ഷത്തോളം തരിശ്ശായി കിടന്ന ഭൂമിയില്‍ നെല്‍കൃഷിയിറക്കി.  രണ്ട് ഹെക്ടര്‍ ഭൂമി ഇതിലൂടെ കൃഷിയോഗ്യമാക്കാനായി. ജില്ലാ പഞ്ചായത്ത്, കാരോട് ഗ്രാമ പഞ്ചായത്ത്, കാരോട് കൃഷിഭവന്‍ എന്നിവ സംയുക്തമായാണ് പദ്ധതി നടപ്പാക്കിയത്. കാര്‍ഷിക പ്രവര്‍ത്തനങ്ങള്‍ക്ക് പാടശേഖര സമിതി അംഗം സുധാകരന്‍ നേതൃത്വം നല്‍കി.  പദ്ധതിയ്ക്കായി ജില്ലാപഞ്ചായത്തിന്റെ ഫണ്ടായ 80,000 രൂപ ചെലവഴിച്ചു.

കാട്ടാക്കട മിനി സിവില്‍ സ്റ്റേഷന്‍ നാടിനു സമര്‍പ്പിച്ചു.  പൊതുമരാമത്ത് മന്ത്രി ജി. സുധാകരന്‍ ഓണ്‍ലൈനിലൂടെ ഉദ്ഘാടനം നിര്‍വഹിച്ചു.

  വനിതാ ശിശു വികസന വകുപ്പിന് കീഴിലുള്ള നാഷണൽ ന്യൂട്രീഷൻ മിഷൻ (സമ്പുഷ്ട കേരളം) പദ്ധതിയിൽ ബ്ലോക്ക് പ്രോജക്ട് അസിസ്റ്റന്റ് തസ്തികയിലേക്ക് അപേക്ഷ ക്ഷണിച്ചു. ഒരു വർഷത്തേക്ക് കരാർ അടിസ്ഥാനത്തിലാണ് നിയമനം. ബിരുദമുള്ളവർക്ക് അപേക്ഷിക്കാം. ശാസ്ത്രം, എൻജിനിയറിങ്, ടെക്‌നോളജി ഇവയിലേതെങ്കിലും മുഖ്യവിഷയമായി നേടിയ ബിരുദമുള്ളവർക്ക് മുൻഗണന. കമ്മ്യൂണിറ്റി/ തദ്ദേശ സ്ഥാപനങ്ങളിൽ ഒരു വർഷത്തിൽ കുറയാതെയുള്ള പ്രവൃത്തിപരിചയം വേണം. പ്രായപരിധി 35 വയസ്സ് (2020 ജൂലായ് 31ന് 35 വയസ് കവിയാൻ പാടില്ല).

*വായ്പയുമായി ബന്ധപ്പെട്ട സേവനങ്ങൾക്കും
മറ്റു ഇടപാടുകൾക്കും നിയന്ത്രണം ബാധകമല്ല
കോവിഡ് പശ്ചാത്തലത്തിൽ ബാങ്കുകളിൽ തിരക്ക് നിയന്ത്രിക്കാൻ സർക്കാർ നിർദേശമനുസരിച്ച് സേവിംഗ്സ് അക്കൗണ്ട് ഉപഭോക്താക്കൾക്കായി ബാങ്ക് സന്ദർശനസമയം ക്രമീകരിച്ചതായി സംസ്ഥാനതല ബാങ്കേഴ്സ് സമിതി കൺവീനർ അറിയിച്ചു.
ഒന്നു മുതൽ അഞ്ചുവരെ അക്കങ്ങളിൽ അവസാനിക്കുന്ന ബാങ്ക് അക്കൗണ്ടുകൾക്ക് രാവിലെ 10 മുതൽ ഉച്ചക്ക് 12.30 വരെയാണ് സമയം. ആറു മുതൽ ഒൻപതുവരെയും പൂജ്യത്തിലും അവസാനിക്കുന്ന അക്കൗണ്ടുകൾക്ക് ഉച്ചക്ക് ഒന്നുമുതൽ വൈകിട്ട് നാലുവരെയാണ് സമയം. (സാധാരണ ഭക്ഷണ ഇടവേള ബാധകം).

*മുഖ്യമന്ത്രി പിണറായി വിജയൻ ഉദ്ഘാടനം ചെയ്തു
തിരുവനന്തപുരം മെഡിക്കൽ കോളേജിൽ അത്യാധുനിക പരിശോധന സംവിധാനങ്ങളായ ഡി.എസ്.എ., ഡിജിറ്റൽ ഫ്‌ളൂറോസ്‌കോപ്പി, ഡിജിറ്റൽ മാമ്മോഗ്രാം എന്നിവ മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. സംസ്ഥാന സർക്കാരിനൊപ്പം റോട്ടറി ക്ളബുകൂടി ചേർന്നാണ് ഡിജിറ്റൽ ഉപകരണങ്ങൾ സ്ഥാപിച്ചത്.

*കമ്പനികൾ ഹൈബ്രിഡ് വർക്കിങ് സംവിധാനത്തിലേക്ക് മാറുന്നു
കോവിഡ് ലോക്ക്ഡൗണിനു ശേഷം കേരളത്തിലേക്ക് പുതിയതായി എത്തിയത് 20 ഐ. ടി കമ്പനികൾ. നിലവിൽ പ്രവർത്തിച്ചിരുന്ന അഞ്ച് കമ്പനികൾ വികസനത്തിന്റെ ഭാഗമായി കൂടുതൽ സ്ഥലം ആവശ്യപ്പെടുകയും ചെയ്തിട്ടുണ്ട്. പുതിയ കമ്പനികൾ വന്നതോടെ മുന്നൂറിലധികം പേർക്കാണ് പുതിയതായി തൊഴിൽ ലഭിച്ചത്. നൂറു ദിവസത്തിനുള്ളിൽ ടെക്നോപാർക്കിൽ 500 ഉം ഇൻഫോപാർക്കിൽ ആയിരവും സൈബർപാർക്കിൽ 125ഉം പുതിയ തൊഴിലവസരങ്ങൾ സൃഷടിക്കപ്പെടുമെന്നാണ് കരുതുന്നത്.

ഇടുക്കി ജില്ലയിലെ വിവിധ ആദിവാസി ഊരുകളോടനുബന്ധമായി 15 ഊരുവിദ്യാ കേന്ദ്രങ്ങള്‍ക്ക് ഇന്നു തുടക്കമിടുന്നു.  രാവിലെ 11 ന് മൂന്നാര്‍ മറയൂര്‍ തീര്‍ത്ഥമലക്കുടിയില്‍  ഊരുവിദ്യാ കേന്ദ്രങ്ങളുടെ പ്രവര്‍ത്തനോല്‍ഘാടനം എസ് രാജേന്ദ്രന്‍ എം.എല്‍.എ നിര്‍വ്വഹിക്കും.