കേരളത്തെ ഭക്ഷ്യ സ്വയം പര്യാപ്തതയില്‍ എത്തിക്കുക എന്ന ലക്ഷ്യത്തോടെ ഉല്പാദനം വര്‍ദ്ധിപ്പിക്കുവാനും  അതുവഴി തൊഴിലും വരുമാനവും  സംരംഭങ്ങളും സൃഷ്ടിക്കുന്നതിനുമായി ലക്ഷ്യമിട്ട് ആരംഭിച്ചിട്ടുളള സുഭിക്ഷ കേരളം പദ്ധതിയില്‍ ഉള്‍പ്പെടുത്തി  ഇടുക്കി ജില്ലയില്‍ 1642.21 ഹെക്ടര്‍ സ്ഥലത്ത് കൃഷി ആരംഭിച്ചു.

ഇടുക്കി ജില്ലയില്‍ പട്ടയ നടപടികളുമായി ബന്ധപ്പെട്ട് ചില വില്ലേജുകളുടെ പരിധിയില്‍ ഇപ്പോള്‍ നടത്തുന്ന ഭൂ- സര്‍വ്വേയുടെ പേരില്‍ വ്യക്തികളോ ജനകീയ സമിതികളോ പണപ്പിരിവ് നടത്തിയാല്‍  കര്‍ശന  നടപടിയെടുക്കുമെന്ന് ജില്ലാ കളക്ടര്‍ എച്ച്  ദിനേശന്‍ അറിയിച്ചു. ചിലയിടങ്ങളില്‍ ജനകീയ സമിതികള്‍ രൂപീകരിച്ചു  ചില തത്പരകക്ഷികള്‍  പണപ്പിരിവ് നടത്തുന്നതായി പരാതികള്‍ ലഭിച്ചിട്ടുണ്ട്. കഞ്ഞിക്കുഴി, വാഴത്തോപ്പ്, കരിമണ്ണൂര്‍ വില്ലേജുകളുടെ പരിധിയില്‍ പട്ടയം  നല്‍കുന്നതുമായി ബന്ധപ്പെട്ട സര്‍വ്വേ നടപടികള്‍ നടന്നു വരുകയാണ്.

ജില്ലയിൽ   ഇന്ന് കോവിഡ് 19 സ്ഥിരീകരിച്ചത് 28 പേർക്ക്

ഇടുക്കി ജില്ലയിൽ 28  പേർക്ക് കൂടി കോവിഡ് 19 സ്ഥിരീകരിച്ചതായി ജില്ലാ കളക്ടർ അറിയിച്ചു. 11  പേർക്ക് സമ്പർക്കത്തിലൂടെയാണ് കോവിഡ് രോഗ ബാധ ഉണ്ടായത്.  16 പേരുടെ രോഗ ഉറവിടം വ്യക്തമല്ല. 

രോഗികളുടെ എണ്ണം പഞ്ചായത്ത്‌ തിരിച്,

അടിമാലി 3

കാമാക്ഷി 1

കഞ്ഞിക്കുഴി 1

കരിങ്കുന്നം 1

കൊന്നത്തടി 7

കുടയത്തൂർ 1

കുമാരമംഗലം 1

മൂന്നാർ 6

നെടുങ്കണ്ടം 2

പള്ളിവാസൽ 1

വെള്ളത്തൂവൽ 4.

ജില്ലയിൽ ഉറവിടം വ്യക്തമല്ലാതെ 16 കേസുകൾ സ്ഥിരീകരിച്ചിട്ടുണ്ട്.

നേരിട്ടുള്ള സമ്പര്‍ക്കത്തിലൂടെ 862 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 36 പേര്‍
എട്ട് ആരോഗ്യ പ്രവര്‍ത്തകര്‍ക്കും രോഗബാധ
രോഗബാധിതരായി ചികിത്സയില്‍ 10,810 പേര്‍
ആകെ നിരീക്ഷണത്തിലുള്ളത് 51,115 പേര്‍

പത്തനംതിട്ട ജില്ലയില്‍ ഇന്ന്(19)

32 പേര്‍ക്ക് കോവിഡ്-19 സ്ഥിരീകരിച്ചു

ജില്ലയില്‍ ഇന്ന് 301 പേര്‍ രോഗമുക്തരായി

ഇന്ന് രോഗം സ്ഥിരീകരിച്ചവരില്‍ മൂന്നുപേര്‍ മറ്റ് സംസ്ഥാനങ്ങളില്‍ നിന്നും വന്നവരും 29 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. ഇതില്‍ സമ്പര്‍ക്കപശ്ചാത്തലം വ്യക്തമല്ലാത്ത ആറു പേരുണ്ട്.

ഇന്ന് രോഗബാധിതരായവരുടെ തദ്ദേശസ്വയംഭരണ സ്ഥപനങ്ങള്‍ തിരിച്ചുളള കണക്ക്

ക്രമ നമ്പര്‍, തദ്ദേശസ്വയംഭരണ സ്ഥാപനം, രോഗബാധിതരായവരുടെ എണ്ണം

1 അടൂര്‍

വനിതാ ശിശു വികസന വകുപ്പിന് കീഴില്‍ പത്തനംതിട്ട വനിതാ പ്രൊട്ടക്ഷന്‍ ഓഫീസിലെ ഔദ്യോഗിക വാഹനത്തിന് കരാര്‍ അടിസ്ഥാനത്തില്‍ വാഹനം- കാര്‍ (എ.സി) വിട്ടു നല്‍കുന്നതിന് വാഹന ഉടമകള്‍ / സ്ഥാപനങ്ങളില്‍ നിന്നും ടെണ്ടറുകള്‍ ക്ഷണിച്ചു. ടെണ്ടറുകള്‍ സ്വീകരിക്കുന്ന അവസാന തീയതി ഈ മാസം 30 ന് ഉച്ചയ്ക്ക് ഒന്നു വരെ. ടെണ്ടര്‍ ഫോറത്തിനും വിശദ വിവരങ്ങള്‍ക്കും വനിതാ പ്രൊട്ടക്ഷന്‍ ഓഫീസുമായി ബന്ധപ്പെടുക. ഫോണ്‍ : 8281999053, 04682329053.

ഇരവിപേരൂര്‍ ഗ്രാമപഞ്ചായത്തിലെ വാര്‍ഡ് 4 (ഇരവിപേരൂര്‍ തെക്ക് - മുരിങ്ങശ്ശേരി ഭാഗം മുതല്‍ ഒഴുക്ക് തോട് ഭാഗം വരെ) (മൈക്രോ കണ്ടെയ്ന്‍മെന്റ് സോണ്‍), വാര്‍ഡ് 11 (കോഴിമല ), വാര്‍ഡ് 12 (നന്നൂര്‍ കിഴക്ക്) ഒക്ടോബര്‍ 20 മുതല്‍ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.

നിലവില്‍ പ്രഖ്യാപിച്ച കണ്ടെയന്‍മെന്റ് സോണ്‍ നിയന്ത്രണം അവസാനിക്കുന്ന സാഹചര്യത്തിലും കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിക്കണമെന്നുള്ള ജില്ലാ മെഡിക്കല്‍ ഓഫീസറുടെ (ആരോഗ്യം) ശുപാര്‍ശ ലഭ്യമാകാത്ത സാഹചര്യത്തിലുമാണ് ഉത്തരവായത്.

പ്രധാനമന്ത്രി മത്സ്യ സമ്പാദ യോജന പദ്ധതിയുടെ കീഴില്‍ സംസ്ഥാന ഫിഷറീസ് വകുപ്പ് ആവിഷ്‌കരിച്ച് നടപ്പിലാക്കുന്ന പദ്ധതിയുടെ ഭാഗമായി സമുദ്ര മത്സ്യ ഗ്രാമങ്ങളില്‍ സാഗര്‍ മിത്രകളെ നിയമിക്കുന്നു. കരാര്‍ അടിസ്ഥാനത്തില്‍ ആറ് മാസത്തേക്കാണ് നിയമനം. 15,000 രൂപ പ്രതിമാസം ഇന്‍സെന്റീവ് നല്‍കും.

അയിരൂര്‍ ഗ്രാമപഞ്ചായത്തിലെ വാര്‍ഡ് 13 ല്‍ (വൈക്കത്തേത്ത് പടി മുതല്‍ കല്ലുറുമ്പില്‍ ഭാഗം വരെ) ഒക്ടോബര്‍ 19 മുതല്‍ 7 ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം.

രോഗം സ്ഥിരീകരിച്ചവരുടെ പ്രാഥമിക സമ്പര്‍ക്കപട്ടിക ഉയരുന്നതുകണക്കിലെടുത്ത് ജില്ലാ മെഡിക്കല്‍ ഓഫീസറുടെ (ആരോഗ്യം) ശുപാര്‍ശ പ്രകാരമാണ് പുതിയ കണ്ടെയ്ന്‍മെന്റ് സോണുകള്‍ ജില്ലാ കളക്ടര്‍ പി.ബി നൂഹ് പ്രഖ്യാപിച്ചത്.

വനിതാ ശിശു വികസന വകുപ്പ് മുഖേന നടപ്പാക്കുന്ന വിവിധ പദ്ധതികള്‍ക്കുളള അപേക്ഷ ക്ഷണിച്ചു. വിധവകളുടെ മക്കള്‍ക്ക് ഉന്നത വിദ്യാഭ്യാസത്തിനുളള ധനസഹായപദ്ധതിയായ 'പടവുകള്‍', വനിതകള്‍ ഗൃഹനാഥരായ കുടുംബങ്ങളിലെ കുട്ടികള്‍ക്കുള്ള 'വിദ്യാഭ്യാസ  ധനസഹായ പദ്ധതി', വിധവാ പുനര്‍വിവാഹ പദ്ധതിയായ  'മംഗല്യ പദ്ധതി', വിധവകളെ സംരക്ഷിക്കുന്നവര്‍ക്കുളള 'അഭയകിരണം പദ്ധതി' തുടങ്ങിയ പദ്ധതികള്‍ക്കുള്ള അപേക്ഷയാണ് ക്ഷണിച്ചത്.