5പേർ   വിദേശത്തുനിന്നും ഒരാൾ  ഇതര സംസ്ഥാനത്തു നിന്നും  എത്തിയവരാണ്.373പേർക്ക് സമ്പർക്കത്തിലൂടെയാണ് രോഗം ബാധിച്ചത്.  6പേരുടെ സമ്പർക്ക ഉറവിടം വ്യക്തമല്ല . 368 പേരുടെ പരിശോധനാഫലം നെഗറ്റീവായി. ആകെ 17692പേർ രോഗ മുക്തരായി. 6699പേർ ചികിത്സയിൽ ഉണ്ട്.

ആലപ്പുഴ : ജലജീവൻ പദ്ധതി പ്രകാരമുള്ള  ചേർത്തല മണ്ഡലത്തിലെ ആദ്യ കുടിവെള്ള കണക്ഷന്റെ വിതരണോദ്ഘാടനം ജില്ല കളക്ടർ എ അലക്സാണ്ടർ നിർവഹിച്ചു. 
തണ്ണീർമുക്കം ഗ്രാമ പഞ്ചായത്ത് ആറാം വാർഡ് സ്വദേശി ജോണിക്കാണ് ആദ്യ കണക്ഷൻ നൽകിയത്.  ജലജീവൻ മിഷൻ പദ്ധതിയിലൂടെ ഏറ്റവും ആവശ്യമുള്ള കുടുംബത്തിൽ തന്നെ ആദ്യ കണക്ഷൻ എത്തിക്കാൻ സാധിച്ചതിൽ സന്തോഷമുണ്ടെന്ന് കളക്ടർ പറഞ്ഞു. ഈ പദ്ധതി പ്രകാരം ജില്ലയിലെ എല്ലാ വീടുകളിലും കുടിവെള്ള കണക്ഷൻ ലഭിക്കുമെന്നും കളക്ടർ പറഞ്ഞു. 

ആലപ്പുഴ : ഗാന്ധിജയന്തി വാരാഘോഷ പരിപാടികളുടെ ഭാഗമായി ജില്ലാ ഭരണകൂടത്തിന്റെയും ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പിന്റെയും ആഭിമുഖ്യത്തില്‍ 'കോവിഡിന്റെ പശ്ചാത്തലത്തില്‍,വീടുകളിലെ ശുചീകരണവും മുന്‍കരുതലും' എന്ന വിഷയത്തിൽ നടത്തിയ കത്തെഴുതു മത്സര വിജയികളെ പ്രഖ്യപിച്ചു. ഒന്നാം സമ്മാനം കാർത്തികപള്ളി ഹോളി ട്രിനിറ്റി വിദ്യാഭവൻ സ്കൂളിലെ നാദിയ എ നസീറും രണ്ടാം സമ്മാനം മണ്ണഞ്ചേരി ഗവ ഹൈസ്കൂളിലെ പവിത്ര എസ് നാഥും മൂന്നാം സ്ഥാനം മാവേലിക്കര ബി എച്ച് എച്ച് എസ് എസിലെ വി ധ്യാൻ സ്യമന്തും കരസ്ഥമാക്കി. 23. - ന് വൈകീട്ട് മൂന്നിന് കലക്ടറേറ്റിൽ സമ്മാനദാനം ജില്ലാ കലക്ടർ നിർവഹിക്കും.

ആലപ്പുഴ: ഫിഷറീസ് വകുപ്പിന് കീഴിൽ മത്സ്യത്തൊഴിലാളി വനിതകളുടെ ക്ഷേമത്തിനുവേണ്ടി പ്രവർത്തിക്കുന്ന സൊസൈറ്റി ഫോർ അസിസ്റ്റൻസ് ടു ഫിഷർ വുമൺ (സാഫ്) ൻറെ നേതൃത്വത്തിൽ ജോയിൻറ് ലയബിലിറ്റി ഗ്രൂപ്പ് രൂപീകരിക്കുന്നതിന് മത്സ്യ കച്ചവടം , ഉണക്കമീൻ വ്യവസായം, പീലിംഗ് തുടങ്ങിയ മേഖലയിൽ തൊഴിൽ ചെയ്യുന്ന മത്സ്യത്തൊഴിലാളിസ്ത്രീകളടങ്ങുന്ന ഗ്രൂപ്പിൽ നിന്നും അപേക്ഷ ക്ഷണിച്ചു. പലിശക്ക് കടം എടുത്ത് മത്സ്യകച്ചവടം നടത്തുന്ന മത്സ്യത്തൊഴിലാളി സ്ത്രീകളെ സഹായിക്കുക എന്ന ലക്ഷ്യം വെച്ചാണ് ഈ പദ്ധതി.

ആലപ്പുഴ: കാസർകോട് വികസന പാക്കേജ് ഉത്തരമേഖലാ പ്രാദേശിക കാർഷിക ഗവേഷണ കേന്ദ്രം പിലിക്കോട് 'തിരുമുമ്പ് കാർഷിക സംസ്കൃതി പഠനകേന്ദ്രം' എന്ന പദ്ധതിയുടെ ഭാഗമായി പരമ്പരാഗത കാർഷിക ഉപകരണങ്ങൾ വാങ്ങാൻ താല്പര്യപ്പെടുന്നു. പഴയ കാലങ്ങളിൽ ഉപയോഗിച്ചിരുന്ന കൃഷി ഉപകരണങ്ങൾ, ദൈനംദിന ഉപകരണങ്ങൾ എന്നിവ കൈവശമുള്ളവർ, കാർഷിക സംസ്കൃതി പഠന കേന്ദ്രത്തിലേക്ക് സംഭാവന ചെയ്യാനോ വിൽക്കാനോ താല്പര്യമുള്ളവർ എന്നിവർ ബന്ധപ്പെടുക ഫോൺ 0467 2260632.

ആലപ്പുഴ: ആലപ്പുഴ വനിതാ പ്രൊട്ടക്ഷൻ ഓഫീസിലേക്ക് നവംബർ 2020 മുതൽ മാർച്ച് 2020 വരെയുള്ള കാലയളവിലെ ആവശ്യങ്ങൾക്കായി വാഹനം വാടകയ്ക്ക് എടുക്കുന്നു. ടാക്സി പെർമിറ്റ് ഉള്ളതും 7 വർഷത്തിൽ കുറവ് കാലപ്പഴക്കം ഉള്ളതുമായ കാർ ജീപ്പ് കരാറടിസ്ഥാനത്തിൽ നൽകാൻ താല്പര്യമുള്ള വ്യക്തികൾ സ്ഥാപനങ്ങൾ എന്നിവയിൽ നിന്നും ടെണ്ടറുകൾ ക്ഷണിച്ചു. നവംബർ രണ്ടു രാവിലെ 11 മണിവരെ ടെൻഡറുകൾ സ്വീകരിക്കും.

ആലപ്പുഴ: സർക്കാർ സ്ഥാപനമായ ഐ എച് ആർ ഡി യുടെ ഹൃസ്വകാല കോഴ്സുകളിലേക്ക് അപേക്ഷ ക്ഷണിച്ചു. ഓൺലൈൻ വഴി ക്ലാസ് പൂർത്തിയാക്കാവുന്നതാണ്.

പി ജി ഡി ഇ ഡി കോഴ്സിന് യോഗ്യത ഡിഗ്രി ആണ്. ഒരു വർഷ കാലാവധി.

സി സി എൽ ഐ എസ് കോഴ്സിന് യോഗ്യത എസ്എസ്എൽസി ആണ്. ആറുമാസ കാലാവധി.

ഡിപ്ലോമ ഇൻ ലോജിസ്റ്റിക്സ് ആന്‍ഡ് സപ്ലൈ ചെയിൻ മാനേജ്മെൻറ് - യോഗ്യത ബിടെക് , ബി.ഇ/എം.ഇ, ബി.എസ്.സി, ബി.സി.എ, എംസിഎ, ഡിപ്ലോമ, പ്ലസ് ടു. ആറുമാസ കാലയളവ്.

എ ഡി ബി എം ഇ കോഴ്സിന് ഇലക്ട്രോണിക്സ് ബിരുദമോ മൂന്നുവർഷം ഡിപ്ലോമയോ ആണ് യോഗ്യത. ആറുമാസം കാലയളവ്.

ഡി സി എഫ് എ -യോഗ്യത പ്ലസ് ടു. ആറുമാസ കാലയളവ്.