തിരുവനന്തപുരം ജില്ലയിൽ കോവിഡ് വ്യാപനം തടയുന്നതിന്റെ ഭാഗമായി ഏർപ്പെടുത്തിയ നിയന്ത്രണങ്ങൾ ലംഘിച്ചതിന് ഇന്ന് (20 ഒക്ടോബർ 2020) 484 പേർക്കെതിരേ നടപടിയെടുത്തതായി ജില്ലാ കളക്ടർ ഡോ. നവ്ജ്യോത് ഖോസ അറിയിച്ചു. സി.ആർ.പി.സി. 144 ന്റെ ഭാഗമായി ഏർപ്പെടുത്തിയ നിയന്ത്രണങ്ങൾ കർശനമായി പാലിക്കുന്നുണ്ടെന്ന് ഉറപ്പാക്കാൻ നിയോഗിച്ച സെക്ടറൽ മജിസ്ട്രേറ്റുമാർ ജില്ലയുടെ വിവിധ പ്രദേശങ്ങളിൽ നടത്തിയ പരിശോധനയിലാണു നിയമ ലംഘനങ്ങൾ കണ്ടെത്തിയത്.

തിരുവനന്തപുരത്ത് ഇന്ന് (20 ഒക്ടോബർ 2020) 470 പേർക്കു കൂടി കോവിഡ് 19 സ്ഥിരീകരിച്ചു. 360 പേർ രോഗമുക്തരായി. നിലവിൽ 9,307 പേരാണു രോഗം സ്ഥിരീകരിച്ചു ചികിത്സയിൽ കഴിയുന്നത്. ജില്ലയിൽ അഞ്ചു പേരുടെ മരണം കോവിഡ് മൂലമാണെന്നു സ്ഥിരീകരിച്ചു.

കോവിഡ് മാനദണ്ഡങ്ങള്‍  പാലിക്കുന്നുണ്ടോ എന്ന് പരിശോധിക്കുന്നതിന് ജില്ലയില്‍ നിയമിതരായ  സെക്ടര്‍ മജിസ്‌ട്രേറ്റുമാര്‍ ഇതുവരെ 5210 കേസുകള്‍ എടുത്തു. ഇന്നലെ(ഒക്‌ടോബര്‍ 20) മാത്രം എടുത്തത് 1,192 കേസുകളാണ്.

ഇത്തിക്കര ബ്ലോക്ക് പഞ്ചായത്തിലെ അഞ്ചു വര്‍ഷത്തെ വികസന-ക്ഷേമ പ്രവര്‍ത്തനങ്ങള്‍ ഉള്‍പ്പെടുത്തി നേര്‍ക്കാഴ്ചയെന്ന് പേരിട്ട സുവനീര്‍-സിഡി പ്രകാശനം നടന്നു. ജി എസ് ജയലാല്‍ എം എല്‍ എ പ്രകാശന ചടങ്ങിന്റെ ഉദ്ഘാടനം നിര്‍വഹിച്ചു. നേര്‍കാഴ്ചയുടെ ആദ്യ പ്രതി ചടങ്ങില്‍ അധ്യക്ഷത വഹിച്ച  ഇത്തിക്കര ബ്ലോക്ക് പഞ്ചായത്ത് പ്രസിഡന്റ് എസ് ലൈലയ്ക്ക് എം എല്‍ എ കൈമാറി.

ജില്ലയില്‍ ഇന്നലെ(ഒക്‌ടോബര്‍ 20) 746 പേര്‍  രോഗമുക്തി നേടി. 569 പേര്‍ക്ക് കോവിഡ് സ്ഥിരീകരിച്ചു. കൊല്ലം കോര്‍പ്പറേഷനില്‍ പോര്‍ട്ട് സ്‌നേഹതീരം നഗര്‍, കാവനാട് എന്നിവിടങ്ങളിലും മുനിസിപ്പാലിറ്റികളില്‍ പുനലൂര്‍, കൊട്ടാരക്കര, കരുനാഗപ്പള്ളി പ്രദേശങ്ങളിലും ഗ്രാമപഞ്ചായത്ത് പരിധിയില്‍ തേവലക്കര, പത്തനാപുരം, കടയ്ക്കല്‍, നീണ്ടകര, നിലമേല്‍, മയ്യനാട്, അഞ്ചല്‍, ചിതറ, കൊറ്റങ്കര, ചവറ, വിളക്കുടി ഭാഗങ്ങളിലുമാണ് രോഗബാധിതര്‍ കൂടുതലുള്ളത്.

പ്രാക്കുളം ഈസ്റ്റ് കയര്‍ വ്യവസായ സഹകരണ സംഘം, നടുവിലച്ചേരി വടക്കേക്കര കയര്‍ വ്യവസായ സഹകരണ സംഘം എന്നിവിടങ്ങളില്‍ സ്ഥാപിച്ച ഓട്ടോമാറ്റിക് സ്പിന്നിംഗ് മെഷീനുകളുടെ പ്രവര്‍ത്തനോദ്ഘാടനം ധനകാര്യ-കയര്‍ വകുപ്പ് മന്ത്രി ഡോ ടി എം  തോമസ് ഐസക് വീഡിയോ കോണ്‍ഫറന്‍സിലൂടെ നിര്‍വഹിച്ചു.

ചന്ദനത്തോപ്പ് ഗവണ്‍മെന്റ് ഐ ടി ഐ പ്രവേശനത്തിന് അപേക്ഷിച്ചവരില്‍ വനിതാ സംവരണം സീറ്റുകളില്‍ ഒക്‌ടോബര്‍ 22 ന് രാവിലെ ഒന്‍പത് മുതല്‍ പ്രവേശനം നടത്തും. 260 ഉം അതിന് മുകളിലും ഇന്‍ഡക്‌സ് മാര്‍ക്കുള്ളവര്‍ എസ് എസ് എല്‍ സി ബുക്ക്, ടി സി, മറ്റ് അനുബന്ധ രേഖകളുടെ അസലും പകര്‍പ്പുകളും സഹിതം എത്തണം. രക്ഷകര്‍ത്താക്കള്‍ ഹാജരാകേണ്ടതില്ല. ഒരു വര്‍ഷ കോഴ്‌സിന് 2020 രൂപയും രണ്ടുവര്‍ഷ കോഴ്‌സിന് 2720 രൂപയുമാണ് ഫീസ് ഒടുക്കേണ്ടത്. റാങ്ക് ലിസ്റ്റ് www.itichandanathope.kerala.gov.in സൈറ്റില്‍ പ്രസിദ്ധീകരിച്ചിട്ടുണ്ട്.
(പി.ആര്‍.കെ നമ്പര്‍ 2856/2020)

പഴക്കമുള്ളതും പരമ്പരാഗതവുമായതായ കാര്‍ഷികോപകരണങ്ങള്‍ വീട്ടില്‍ സ്ഥലം അപഹരിക്കുന്നതും തുരുമ്പെടുത്ത് നശിക്കുന്നതുമായ ആശങ്കയ്ക്ക് അറുതി. അവ വില നല്‍കി വാങ്ങാന്‍ കാര്‍ഷിക സര്‍വകലാശാല തയ്യാര്‍. കാസറഗോഡ് പീലിക്കോട് ഉത്തരമേഖലാ പ്രാദേശിക കാര്‍ഷിക ഗവേഷണ കേന്ദ്രമാണ് അവ വാങ്ങുന്നത്. സംഭാവനയായും സ്വീകരിക്കും. ഫോണ്‍: 0467-2260632.
(പി.ആര്‍.കെ നമ്പര്‍ 2855/2020)

ജലലഭ്യത കുറവുളള സ്ഥലങ്ങളിലും കുളങ്ങള്‍ ഇല്ലാതെയും മത്സ്യകൃഷി ചെയ്യാവുന്ന നൂതന കൃഷിരീതിയാണ് ബയോഫ്‌ളോക്ക് മത്സ്യകൃഷി. ജലത്തിലെ അമോണിയയെ നിയന്ത്രിച്ച് മത്സ്യത്തിനാവശ്യമായ സൂക്ഷമജീവികള്‍ അടങ്ങുന്ന ആഹാരം ടാങ്കില്‍ തന്നെ ഉത്പാദിപ്പിച്ച് മത്സ്യം വളര്‍ത്തുന്ന രീതിയാണിത്. ജലത്തിന്റെയും കൃത്രിമ തീറ്റയുടെയും അളവ് കുറയ്ക്കാന്‍ സാധിക്കുന്നു എന്നത്‌സവിശേഷതയാണ്.

സര്‍ക്കാരിന്റെ 100 ദിന കര്‍മപദ്ധതികളുടെ ഭാഗമായി 100 കയര്‍ സംഘങ്ങളില്‍ സ്ഥാപിച്ച 1000 ഓട്ടോമാറ്റിക് സ്പിന്നിംഗ് മെഷിനുകളുടെ പ്രവര്‍ത്തനോദ്ഘാടനം ധനകാര്യ-കയര്‍ വകുപ്പ് മന്ത്രി ഡോ ടി എം തോമസ് ഐസക്ക് വീഡിയോ കോണ്‍ഫറന്‍സ് വഴി നിര്‍വഹിക്കും.