കോവിഡ് രോഗം ബാധിച്ചവര്‍ക്കായി കോഴഞ്ചേരി ജില്ലാ ആശുപത്രിയില്‍ ആധുനിക രീതിയിലുള്ള നെഗറ്റിവ് പ്രഷര്‍ വെന്റിലേഷന്‍ ഐസിയുവും ഓപ്പറേഷന്‍ തീയേറ്ററും സ്ഥാപിച്ചു. ഇതിന്റെ ഉദ്ഘാടനം വീണാ ജോര്‍ജ് എംഎല്‍എ നിര്‍വഹിച്ചു. കേരളത്തിലെ ജില്ലാ ആശുപത്രികളില്‍ ആദ്യത്തെ നെഗറ്റീവ് പ്രഷര്‍ വെന്റിലേഷന്‍ ഐസിയുവാണ് കോഴഞ്ചേരി ജില്ലാ ആശുപത്രിയിലേത്. 

ഡോക്ടര്‍മാര്‍ക്ക് ശബരിമലയില്‍ വളണ്ടറിയറാകാന്‍ അവസരം.  ശബരിമല തീര്‍ത്ഥാടനത്തിന്റെ ഭാഗമായി ശബരിമലയില്‍ വളണ്ടറിയായി സേവനമനുഷ്ഠിക്കുന്നതിന് പരിചയസമ്പന്നരായ എം.ബി.ബി.എസ്/എം.ഡി. ബിരുദധാരികളില്‍ നിന്നും അപേക്ഷ ക്ഷണിച്ചു.  താല്‍പര്യമുള്ളവര്‍ വെള്ളക്കടലാസിലുള്ള അപേക്ഷയും എം.ബി.ബി.എസ്., ടി.സി.എം.സി. എന്നിവയുടെ പകര്‍പ്പും കോഴിക്കോട് ജില്ലാ മെഡിക്കല്‍ ഓഫീസില്‍ നവംബര്‍ ഒന്‍പതിന്  രാവിലെ 11 മണിക്കകം  dmohkozhikode@gmail.com  എന്ന വിലാസത്തില്‍ അയക്കണം. കൂടുതല്‍ വിവരങ്ങള്‍ക്ക് 0495-2370494.  

ചെങ്ങന്നൂർ :ചെങ്ങന്നൂർ ജില്ല ആശുപത്രി അത്യാധുനിക നിലവാരത്തിൽ നിർമ്മിക്കുന്ന പുതിയ കെട്ടിടത്തിന്റെ നിർമ്മാണോദ്‌ഘാടനം  6/11/2020ന് രാവിലെ 9 ന് ആരോഗ്യ വകുപ്പ് മന്ത്രി ഷൈലജ ടീച്ചർ വീഡിയോ കോൺഫറൻസ് വഴി നിർവഹിക്കും . 

ആലപ്പുഴ : ജില്ലയിലെ കുടുംബശ്രീ  ഉത്പന്നങ്ങൾക്ക് പ്രാദേശികമായി സ്ഥിരം വിപണി കണ്ടെത്തുക എന്ന ലക്ഷ്യത്തോടെ പട്ടണക്കാട് ഗ്രാമപഞ്ചായത്തിലെ പൊന്നാംവെളി ജംഗ്ഷനിൽ ആരംഭിച്ച കുടുംബശ്രീ ബസാറിന്റെ ഉദ്ഘാടനം ഭക്ഷ്യ സിവിൽ സപ്ലൈസ് മന്ത്രി പി തിലോത്തമൻ നിർവഹിച്ചു.

 
ആലപ്പുഴ : ആർദ്രം മിഷന്റെ ഭാഗമായി സംസ്ഥാനത്തെ വിവിധ ജില്ലകളിലായി 38 കുടുംബാരോഗ്യ കേന്ദ്രങ്ങളുടെ ഉദ്ഘാടനം ആരോഗ്യ വകുപ്പ് മന്ത്രി  കെ. ശൈലജ ടീച്ചർ നിർവഹിച്ചു. ആരോഗ്യമേഖലയിലെ അടിസ്ഥാന സൗകര്യ വികസനമാണ് ആരോഗ്യവകുപ്പ്‌  ലക്ഷ്യമിടുന്നത്.  ആർദ്രം മിഷനിലൂടെ പ്രാദേശിക മേഖലകളിലെ പൊതുജനാരോഗ്യവും, പ്രതിരോധശേഷിയും  വർധിപ്പിക്കുന്നത് വഴി  ആരോഗ്യമേഖലയിൽ വലിയ നേട്ടം കൈവരിക്കാനും സാധിക്കുമെന്ന് മന്ത്രി പറഞ്ഞു. 

അതിജീവനം കേരളീയം പദ്ധതിയില്‍ ഉള്‍പ്പെടുത്തി കുടുംബശ്രീ നടപ്പിലാക്കുന്ന വര്‍ക്ക് ട്രെയിനിങ് സെന്റര്‍ പി.ടി.എ റഹീം എം.എല്‍.എ ഉദ്ഘാടനം ചെയ്തു. കുടുംബശ്രീ സി.ഡി.എസ് മുഖേന നടത്തുന്ന പദ്ധതി അഭ്യസ്തവിദ്യരായ യുവതീയുവാക്കളുടെ മൃദുനൈപുണികള്‍ വികസിപ്പിക്കുക, തൊഴില്‍ കണ്ടെത്തുന്നതിനുള്ള മാര്‍ഗ നിര്‍ദേശങ്ങള്‍ നല്‍കുക, തൊഴില്‍ വിപണിയുമായി ബന്ധിപ്പിക്കുക എന്നീ ലക്ഷ്യങ്ങള്‍ വച്ചാണ് നടത്തുന്നത്. ചാത്തമംഗലം ഗ്രാമപഞ്ചായത്ത് കട്ടാങ്ങലില്‍ ലഭ്യമാക്കിയ ഹാളിലാണ് കേന്ദ്രം ആരംഭിച്ചിട്ടുള്ളത്.

കോവിഡ് 19 ബാധിതരായി ജില്ലയില്‍ നിലവില്‍ 5907 പേരാണ് ചികിത്സയിലുള്ളത്.  ഇന്ന് (നവംബർ 05) ജില്ലയില്‍ 372 പേര്‍ക്കാണ് രോഗം സ്ഥിരീകരിച്ചത്. ഇന്ന് 118 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 82885 സാമ്പിളുകള്‍ പരിശോധനയ്ക്കായി അയച്ചതില്‍ 80193 പരിശോധനാ ഫലങ്ങളാണ് ലഭ്യമായത്. ഇന്ന് 392 പരിശോധനാ ഫലങ്ങളാണ് ലഭിച്ചത്. പുതുതായി 285 സാമ്പിളുകൾ അയച്ചു. 28293 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 21819 പേർ രോഗമുക്തി നേടി. ഇനി 1581 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

ആലപ്പുഴ : ജില്ലയുടെ മത്സ്യ ബന്ധന മേഖലയിൽ ഏറെ ഉപകാരപ്രദമായി തീരുന്ന തോട്ടപ്പള്ളി ഫിഷിങ് ഹാർബ്ബറിന്റെ രണ്ടാം ഘട്ട നിർമ്മാണത്തിന് തുടക്കമായി. പൊതുമരാമത്തു -രെജിസ്ട്രേഷൻ വകുപ്പ് മന്ത്രി ജി. സുധാകരൻ രണ്ടാം ഘട്ട നിർമ്മാണ പ്രവർത്തനങ്ങളുടെ ഉദ്ഘാടനം നിർവ്വഹിച്ചു. ഓഖി ദുരിതാശ്വാസ ഭാഗമായി തീര ദേശ വികസന പദ്ധതിയിൽ ഉൾപ്പെടുത്തി 13.30 കോടി രൂപയാണ് രണ്ടാം ഘട്ട നിർമ്മാണത്തിനായി സംസ്ഥാന സർക്കാർ അനുവദിച്ചിരിക്കുന്നത്.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ജില്ലയിൽ ഇന്ന് ( നവംബർ 5) വൈകിട്ട് 7.30 വരെ  പോലീസ് നടത്തിയ പരിശോധനയിൽ 2 കേസ്  രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു.  2 പേരെ അറസ്റ്റ് ചെയ്തു. 
 
 മാസ്ക് ധരിക്കാത്ത 183 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 183 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.