ആലപ്പുഴ: അമ്പലപ്പുഴ  തീരദേശത്തെ കടലാക്രമണത്തിൽ നിന്ന്‌ രക്ഷിക്കാൻ പുലിമുട്ട്‌ നിർമാണം തുടങ്ങി. അമ്പലപ്പുഴ നീർക്കുന്നത്തു നടന്ന ചടങ്ങിൽ പൊതുമരാമത്തു -രജിസ്ട്രേഷൻ  വകുപ്പ് മന്ത്രി ജി സുധാകരൻ ഉദ്‌ഘാടനം ചെയ്‌തു. കോമന മുതൽ പുന്നപ്ര വരെ 5.4 കി.മീ.നീളത്തിലേക്ക് 30 പുലിമുട്ടുകളും 345 മീറ്റർ കടൽഭിത്തിയുടെയും നിർമാണത്തിനായി കിഫ്ബിയിൽ നിന്നും 54 കോടി രൂപയാണ് അനുവദിച്ചിട്ടുള്ളത് .

 മദ്രസ അധ്യാപക ക്ഷേമനിധിയില്‍ നിന്നും പെന്‍ഷന്‍ വാങ്ങിക്കൊണ്ടിരിക്കുന്നവര്‍ ഡിസംബര്‍ 20 നകം ലൈഫ് സര്‍ട്ടിഫിക്കറ്റ് സമര്‍പ്പിക്കണമെന്ന് ചീഫ് എക്സിക്യൂട്ടീവ് ഓഫീസര്‍ അറിയിച്ചു. ലൈഫ് സര്‍ട്ടിഫിക്കറ്റിന്റെ മാതൃക www.kmtboard.in  വെബ്സൈറ്റില്‍ ലഭ്യമാണ്.

മഞ്ഞാടി ഡക്ക് ട്രെയിനിങ് ഇന്‍സ്റ്റിറ്റ്യൂട്ട് ആന്‍ഡ് ഹാച്ചറിയുടെ നേതൃത്വത്തില്‍ ഈ മാസം 11,12 തീയതികളില്‍  രാവിലെ 10.30 മുതല്‍ ഒന്നു വരെ 'ആട് വളര്‍ത്തല്‍  ' എന്ന വിഷയത്തില്‍ സൗജന്യ ഓണ്‍ലൈന്‍ പരിശീലന ക്ലാസ് നടക്കും. താല്പര്യമുള്ളവര്‍ പേര് രജിസ്റ്റര്‍ ചെയ്യണം. ഫോണ്‍: 9188522711

മാവേലിക്കര നിയമസഭ മണ്ഡലത്തിൽ ഏഴു പഞ്ചായത്തുകളിലേയും മുനിസിപ്പാലിറ്റിയിലേയും 32 റോഡുകൾ നവീകരിക്കുന്നതിനു 6 കോടി 90 ലക്ഷം രൂപ അനുവദിച്ചതായി ആർ രാജേഷ്‌ എം എൽ എ അറിയിച്ചു. എം എൽ എ യുടെ നിർദേശ പ്രകാരം റീബിൽഡ് കേരള ഇനിഷ്യീ റ്റീവിന്റെ ഭാഗമായാണ് റോഡുകൾ നവീകരിക്കുന്നത്. ഗ്രാമീണ റോഡുകൾ പുനരുദ്ധരിക്കുന്നതിന്റെ ഭാഗമായാണ് ഈ റോഡുകൾക്ക് തുക അനുവദിച്ചിട്ടുള്ളത്. തദ്ദേശ സ്വയംഭരണ വകുപ്പ് എഞ്ചിനീയറിംഗ് വിഭാഗത്തിനാണ് റോഡുകളുടെ  നിർമ്മാണ ചുമതല. അടിയന്തിരമായി സാങ്കേതിക അനുമതി ലഭ്യമാക്കി ടെണ്ടർ നടപടികൾ പൂർത്തീകരിച്ചു നിർമ്മാണം ആരംഭിക്കുവാൻ നിർദ്ദേശം നൽകിയതായും എം എൽ എ അറിയിച്ചു.

       മോട്ടോര്‍ തൊഴിലാളി ക്ഷേമനിധി അംഗങ്ങളുടെ മക്കള്‍ക്ക്  2020-21 വര്‍ഷത്തെ  വിദ്യാഭ്യാസ  സ്‌കോളര്‍ഷിപ്പിനുള്ള  അപേക്ഷ ക്ഷണിച്ചു. എട്ടാം ക്ലാസ് മുതല്‍ ബിരുദാനന്തരബിരുദം വരെയുള്ള കോഴ്സുകള്‍ക്ക് സ്‌കോളര്‍ഷിപ്പ് ലഭിക്കും. ഹയര്‍സെക്കണ്ടറി മുതലുള്ള കോഴ്സുകള്‍ക്ക് യോഗ്യതാ പരീക്ഷക്ക് 50% മാര്‍ക്ക് / ഗ്രേഡ് ലഭിച്ചിരിക്കണം.  അപേക്ഷ ഫോം ബോര്‍ഡിന്റെ ഔദ്യോഗിക വെബ് സൈറ്റായ kmtwwfb.orgല്‍  ലഭ്യമാണ്.  അവസാന തീയതി ഡിസംബര്‍ 31. ഫോണ്‍ : 0495-2767213.
 

കോവിഡ് 19 രോഗ വ്യാപനം നിയന്ത്രിക്കുന്നതിന്റെ  ഭാഗമായി ജില്ലയിൽ കണ്ടെയ്ൻമെന്റ് സോണായി  പ്രഖ്യാപിച്ചിരുന്ന 
 കൈനകരി വാർഡ് 6ൽ എൻ എസ് എസ് മുതൽ തൊട്ടുകടവ് വരെ , ആലപ്പുഴ മുനിസിപ്പാലിറ്റി വാർഡ് 1ൽ അയ്യപ്പക്ഷേത്രത്തിന്  തെക്കുവശം മുതൽ തുമ്പോളി പാലത്തിന് തെക്കുവശം വരെ, ആറാട്ടുപുഴവാർഡ് 13, 14, മാരാരിക്കുളം സൗത്ത് വാർഡ് 14,23,  താമരക്കുളം വാർഡ് 11, മാവേലിക്കര മുനിസിപ്പാലിറ്റി വാർഡ് 27 എന്നീ പ്രദേശങ്ങളെ കണ്ടെയ്ൻമെന്റ് സോണിൽ നിന്നും ഒഴിവാക്കി.

ഓട്ടോ മൊബൈല്‍ വര്‍ക്ക്ഷോപ്പ് തൊഴിലാളി ക്ഷേമനിധി പദ്ധതി അംഗങ്ങളില്‍ അംശാദായം ഒടുക്കുന്നതില്‍ മുടക്കം വരുത്തിയവര്‍ക്ക്   കുടിശ്ശിക അടക്കുന്നതിനുളള കാലാവധി  ഡിസംബര്‍ 31 വരെ നീട്ടിയതായി  ജില്ലാ എക്സിക്യൂട്ടീവ് ഓഫീസര്‍ അറിയിച്ചു.
 

ആലപ്പുഴ :കോവിഡ് 19 രോഗ വ്യാപനം ഫലപ്രദമായി നിയന്ത്രിക്കുന്നതിന്റെ ഭാഗമായി
ആലപ്പുഴ മുനിസിപ്പാലിറ്റി വാർഡ് 36( വലിയകുളം) മുനിസിപ്പൽ കോളനി ഏരിയ
 കണ്ടെയ്ൻമെന്റ് സോണായി പ്രഖ്യാപിച്ചു.

നവംബര്‍ മാസത്തെ റേഷന്‍ വിതരണം ഇന്ന് (നംവബര്‍ ആറ്) ആരംഭിക്കുമെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.
 

  4പേർ  വിദേശത്തു നിന്നും 10പേർ  മറ്റ്  സംസ്ഥാനങ്ങളിൽനിന്നും   എത്തിയതാണ്  . .627പേർക്ക് സമ്പർക്കത്തിലൂടെയാണ് രോഗം ബാധിച്ചത് . 15പേരുടെ സമ്പർക്ക ഉറവിടം വ്യക്തമല്ല .4ആരോഗ്യ പ്രവർത്തകർക്ക് രോഗം സ്ഥിരീകരിച്ചിട്ടുണ്ട് . 521പേരുടെ പരിശോധനാഫലം നെഗറ്റീവായി. ആകെ 27530പേർ രോഗ മുക്തരായി. 8579പേർ ചികിത്സയിൽ ഉണ്ട്.