തദ്ദേശ സ്ഥാപനങ്ങളിലെ പൊതുതെരഞ്ഞെടുപ്പിനുള്ള  വിജ്ഞാപനമിറങ്ങി.  തദ്ദേശ സ്വയംഭരണ സ്ഥാപനങ്ങളില്‍ നാമനിര്‍ദേശ പത്രിക സമര്‍പ്പണം ആരംഭിച്ചു. ആദ്യ ദിനം (നവംബര്‍ 12) ഏഴ് പേരാണ് പത്രിക നല്‍കിയത്. ഗ്രാമ പഞ്ചായത്തുകളിലേക്ക് അഞ്ച് നാമനിര്‍ദ്ദേശ പത്രികകളും ബ്ലോക്ക് പഞ്ചായത്തിലേക്ക് രണ്ട്  നാമനിര്‍ദ്ദേശ പത്രികകളുമാണ് ലഭിച്ചത്. കൂട്ടിലങ്ങാടി ഗ്രാമപഞ്ചായത്തിലെ  സ്ത്രീ സംവരണ വാര്‍ഡിലേക്കും ജനറല്‍   വാര്‍ഡിലേക്കും ഓരോ നാമനിര്‍ദ്ദേശ പത്രിക വീതവും തൃപ്രങ്ങോട് ഗ്രാമപഞ്ചായത്തില്‍ ജനല്‍ വാര്‍ഡിലേക്ക് ഒരു പത്രികയും കണ്ണമംഗല ഗ്രാമ പഞ്ചായത്തിലേക്ക് രണ്ട് പത്രികകളുമാണ് ലഭിച്ചത്.

കോവിഡാനന്തര ആരോഗ്യപ്രശ്‌നങ്ങള്‍ നേരത്തെ കണ്ടുപിടിക്കുന്നതിനും ഫലപ്രദമായി ചികിത്സിക്കുന്നതിനും ജില്ലയിലെ എല്ലാ ആരോഗ്യകേന്ദ്രങ്ങളിലും പോസ്റ്റ് കോവിഡ് ക്ലിനിക്കുകള്‍ക്ക് തുടക്കമായി. കോവിഡ് രോഗം ബാധിച്ചവരില്‍ കോവിഡാനന്തര ആരോഗ്യ പ്രശ്‌നങ്ങള്‍ കണ്ടുവരാറുണ്ട്. ഇത് നേരത്തെ കണ്ടെത്തി ഫലപ്രദമായി ചികിത്സ നല്‍കുന്നതിന് എല്ലാ വ്യാഴാഴ്ചകളിലും ജില്ലയിലെ എല്ലാ സര്‍ക്കാര്‍ ആശുപത്രികളിലും ഉച്ചയ്ക്ക് 12 മുതല്‍ രണ്ട് വരെ ക്ലിനിക്കുകള്‍ ഉണ്ടായിരിക്കും. പൊതുജനങ്ങള്‍ ഈ സൗകര്യം പരമാവധി ഉപയോഗപ്പെടുത്തണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.

കോവിഡ് നേരത്തെ കണ്ടെത്തുന്നതിനും ഗുരുതരമായ സാഹചര്യം ഒഴിവാക്കുന്നതിനും എല്ലാവരെയും  പരിശോധനയ്ക്ക് വിധേയമാക്കുന്നതിന്റെ ഭാഗമായി ജില്ലയില്‍ വിപുലമായ  സൗകര്യങ്ങള്‍ ഒരുക്കിയതായി ജില്ലാ മെഡിക്കല്‍ ഓഫീസര്‍ ഡോ.കെ സക്കീന അറിയിച്ചു. ബ്ലോക്ക് സാമൂഹികാരോഗ്യകേന്ദ്രങ്ങള്‍,  താലൂക്ക് ആശുപത്രികള്‍, ജില്ലാ ആശുപത്രികള്‍ എന്നിവിടങ്ങളില്‍ രാവിലെ ഒന്‍പത് മുതല്‍ വൈകീട്ട് നാല് വരെ ജനങ്ങള്‍ക്ക് കോവിഡ് രോഗ പരിശോധന നടത്താം. ഇതിനായി ഓരോ വിഭാഗത്തിലുള്ളവര്‍ക്കും പരിശോധന നടത്തുന്നതിന് പ്രത്യേക ദിവസം അനുവദിച്ചിട്ടുണ്ട്. അവര്‍ നിര്‍ദ്ദേശിക്കപ്പെട്ട ദിവസം തൊട്ടടുത്തുള്ള കോവിഡ് പരിശോധനാകേന്ദ്രത്തില്‍ എത്തി പരിശോധന നടത്തണം.

കോവിഡ് 19 വ്യാപനം തടയുന്നതിന്റെ ഭാഗമായി നീലേശ്വരം നഗരസഭാ പരിധിയില്‍ കടപ്പുറം കേന്ദ്രീകരിച്ച് നടക്കാറുള്ള ദീപാവലി-വാവുബലിയോടനുബന്ധിച്ചുള്ള കടലിലെ കുളി കര്‍ശനമായി നിരോധിച്ചതായി നഗരസഭാ സെക്രട്ടറി അിറയിച്ചു.

കാസറഗോഡ് ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ 2021-2023  കാലയളവില്‍ അറിയിക്കപ്പെടുന്ന വിവിധ ഒഴിവുകളിലേക്ക് പരിഗണിക്കുന്നതിനായി സീനിയോറിറ്റി  ലിസ്റ്റുകള്‍  തയ്യാറാക്കിയിട്ടുണ്ട്.    ലിസ്റ്റുകള്‍ ഉദ്യോഗാര്‍ത്ഥികള്‍ക്ക് WWW.eemployment.kerala.gov.in എന്ന വെബ്സൈറ്റില്‍ സീനിയോറിറ്റി ലിസ്റ്റ് ഓപ്ഷനില്‍ 2021-2023 വര്‍ഷത്തെ പ്രൊവിഷണല്‍ ലിസ്റ്റ് തെരഞ്ഞെടുത്ത് പരിശോധിക്കാവുന്നതാണ്.

കോവിഡ് പ്രതിരോധനത്തിന് മാസ്‌ക് ധരിക്കേണ്ട  ആവശ്യകതയും സാനിറ്റൈസര്‍  ഉപയോഗിക്കേണ്ട ആവശ്യകതയും കുരുന്നുകള്‍ മൊബൈല്‍ സെല്‍ഫി വീഡിയോയിലൂടെ വിളിച്ച് പറഞ്ഞപ്പോള്‍,അത്  കോവിഡ് പ്രതിരോധത്തിന്റെ  വേറിട്ടൊരു മാതൃകയായി. കോവിഡ് പ്രതിരോധ പ്രവര്‍നത്തനത്തിന്റെ ഭാഗമായി ഐഇ സി  ജില്ലാതല കോര്‍ഡിനേഷന്‍ കമ്മിറ്റി  പത്ത് വയസ്സിന് താഴെയുള്ള കുട്ടികള്‍ക്കായി സംഘടിപ്പിച്ച മൊബൈല്‍ സെല്‍ഫി വീഡിയോ മത്സരത്തിനെയാണ് കുട്ടികള്‍ ഉത്സവമാക്കിയത്. മത്സരത്തിലേക്ക്  മലയാളം,കന്നട,തുളു,ഇംഗ്ലീഷ് ഭാഷകളിലായി 85 ഓളം സെല്‍ഫി വീഡിയോകളാണ് ലഭിച്ചത്.

വെസ്റ്റ് എളേരി ഗവ.(വനിത) ഐടിഐയില്‍ പ്രവേശനത്തിന് അപേക്ഷ നല്‍കാനുള്ള അവസാന തീയ്യതി നവംബര്‍ 20 വരെ നീട്ടി. അപേക്ഷാഫോമിന്  ഐ ടി ഐ ഓഫീസുമായി  ബന്ധപ്പെടണം. ഡ്രാഫ്റ്റ്‌സ്മാന്‍ (സിവില്‍) , ഡെസ്‌ക് ടോപ് പബ്ലിഷിങ് ഓപ്പറേറ്റര്‍, ഫാഷന്‍ ഡിസൈനിങ്  ആന്‍ഡ് ടെക്‌നോളജി ട്രഡുകളിലേക്കാണ് അപേക്ഷ ക്ഷണിച്ചിരിക്കുന്നത്. ഫോണ്‍ 9496335327, 04672341666,  

മഞ്ചേശ്വരം ബ്ലോക്ക്

ദേശീയ ഹരിത ട്രിബ്യൂണല്‍ നിര്‍ദ്ദേക പ്രകാരം ഗ്രീന്‍ ക്രാക്കേര്‍സ് മാത്രം വില്‍ക്കാനും ദീപാവലിയില്‍ രാത്രി എട്ടു മുതല്‍  10 വരെയും ക്രിസ്മസ്, പുതുവത്സര ദിവസങ്ങളില്‍ രാത്രി 11.55 നും പുലര്‍ച്ചെ 12.30 നുമിടയില്‍ മാത്രമേ പടക്കം പൊട്ടിക്കുവാന്‍ അനുമതിയുള്ളു.  

കോവിഡ് പരിശോധന നടത്തുന്നതിന് ജില്ലയില്‍ പലരും വിമുഖത കാണിക്കുന്നതായി റിപ്പോര്‍ട്ട് ചെയ്യപ്പെട്ടതിനാല്‍ ജില്ലാ മെഡിക്കല്‍ ഓഫീസര്‍ സജ്ജീകരിച്ച മൊബൈല്‍ സ്വാബ് കളക്ഷന്‍ യൂണിറ്റുകളെ ഉപയോഗിച്ച് കാസര്‍കോട്, കാഞ്ഞങ്ങാട് ബസ് സ്റ്റാന്റുകളില്‍ സൗജന്യ ആന്റിജന്‍ പരിശോധന നടത്തുന്നതിന് നടപടികള്‍ സ്വീകരിച്ചതായി ജില്ലാ കളക്ടര്‍ ഡോ ഡി സജിത് ബാബു അറിയിച്ചു.  ഈ രണ്ട് സ്ഥലത്തേക്കും ആവശ്യമായ പോലീസ്, റവന്യൂ, നഗരസഭാ ജീവനക്കാരെ ബന്ധപ്പെട്ട വകുപ്പുകള്‍ നിയോഗിക്കും.  കോവിഡ് പ്രവര്‍ത്തനങ്ങള്‍ വിലയിരുത്തുന്നതിനായി നടന്ന കോറോണ കോര്‍കമ്മിറ്റി യോഗത്തില്‍ സംസാരിക്കുകയായിരുന്നു കളക്ടര്‍