ബി.എസ്.സി നഴ്സിംഗ് ആന്‍ഡ് പാരാമെഡിക്കല്‍ ഡിഗ്രി കോഴ്സുകളിലെ അഡ്മിഷനുവേണ്ടി പ്രസിദ്ധീകരിച്ച ഒന്നാംഘട്ട അലോട്ട്മെന്റ് ലഭിച്ചവരില്‍ ഫീസ് അടയ്ക്കാന്‍ വിട്ടുപോയവര്‍ക്കും ഓണ്‍ലൈന്‍ വഴി അടച്ചു ഫീസ് ക്രെഡിറ്റ് ആകാത്തവര്‍ക്കും നവംബര്‍ 10ന് ഒന്നുകൂടി ഫീസ് അടയ്ക്കാന്‍ സൗകര്യം ഏര്‍പ്പെടുത്തിയതായി എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്ക്നോളജി ഡയറക്ടര്‍ അറിയിച്ചു.  ഫെഡറല്‍ ബാങ്കിന്റെ എല്ലാ ശാഖകളിലും ഫീസ് അടയ്ക്കാനുള്ള സൗകര്യമുണ്ട്.  ഫീസ് അടയ്ക്കാത്തവര്‍ക്ക് അലോട്ട്മെന്റ് നഷ്ടപ്പെടും.  തുടര്‍ന്നുള്ള അലോട്ട്മെന്റിന് ഇവരെ പരിഗണിക്കില്ല.  കൂടുതല്‍ വിവരങ്ങള്‍ക്ക് 0471-2560363, 2560364.

നെടുമങ്ങാട് റവന്യു ഡിവിഷണല്‍ ഓഫീസില്‍ ആരംഭിച്ച മെയിന്റനന്‍സ് ട്രിബ്യൂണലിന്റെ കണ്‍സിലേഷന്‍ പാനലിലേയ്ക്ക് കണ്‍സിലേഷന്‍ ഓഫീസര്‍മാരെ കരാര്‍ അടിസ്ഥാനത്തില്‍ നിയമിക്കുന്നു.  മുതിര്‍ന്ന പൗരന്മാരുടെയും ദുര്‍ബല വിഭാഗങ്ങളുടെയും ക്ഷേമവുമായി ബന്ധപ്പെട്ട പ്രവര്‍ത്തനങ്ങളില്‍ പരിചയവും നിയമ പരിജ്ഞാനവുമുള്ള വ്യക്തികള്‍ക്ക് അപേക്ഷിക്കാം.  താത്പര്യമുള്ളവര്‍ ബയോഡാറ്റയും യോഗ്യത, മുന്‍പരിചയം എന്നിവ തെളിയിക്കുന്ന രേഖകളുടെ പകര്‍പ്പും നെുടമങ്ങാട് റവന്യു ഡിവിഷണല്‍ ഓഫീസില്‍ ലഭ്യമാക്കണം. അവസാന തീയതി നവംബര്‍ 25 വൈകിട്ട് അഞ്ചു മണി. കൂടുതല്‍ വിവരങ്ങള്‍ക്ക് 0472-2800700.

പ്രശസ്ത തീര്‍ഥാടന കേന്ദ്രമായ വെട്ടുകാട് മാദ്രെ ദെ ദേവൂസ് ദേവാലയത്തിലെ ഈ വര്‍ഷത്തെ തിരുനാള്‍ നടത്തിപ്പിന് കര്‍ശന കോവിഡ് പ്രോട്ടോക്കോള്‍ പാലിക്കണമെന്നു ജില്ലാ കളക്ടര്‍ ഡോ. നവ്‌ജ്യോത് ഖോസ.  തിരുനാള്‍ ദിവസങ്ങളില്‍ പള്ളിയുടെ അകത്തും പരിസരങ്ങളിലും പ്രവേശിക്കുന്നതിനു കര്‍ശന നിയന്ത്രണങ്ങള്‍ ഏര്‍പ്പെടുത്തുമെന്ന് ക്രമീകരണങ്ങള്‍ വിലയിരുത്താന്‍ ചേര്‍ന്ന യോഗത്തില്‍ കളക്ടര്‍ അറിയിച്ചു.  നവംബര്‍ 13 മുതല്‍ 22 വരെയാണ് തിരുനാള്‍.

റീ-ടെന്‍ഡര്‍

കൊച്ചി: നോര്‍ത്ത് പറവൂര്‍  ഐ സി ഡി എസ് പ്രേജക്ടിലെ 179 അങ്കണവാടികളിലേക്ക്  ആവശ്യമായ  പ്രീസ്‌കൂള്‍ കിറ്റുകള്‍ വിതരണം  വിതരണം ചെയ്യുന്നതിന് തയാറുളള അംഗീകൃത കരാറുകാരില്‍/വിതരണക്കാര്‍/സ്ഥാപനങ്ങള്‍ എന്നിവയില്‍ നിന്നും മത്‌സര സ്വഭാവമുളള ഇ-ദര്‍ഘാസുകള്‍ ക്ഷണിച്ചു.  വിശദ വിവിരങ്ങള്‍ക്ക് http://etenders.kerala.gov.in സന്ദര്‍ശിക്കുക. ഫോണ്‍ 2448803.

ഭിന്നശേഷിക്കാര്‍ക്കുളള താത്കാലിക സീനിയോറിറ്റി ലിസ്റ്റ് പ്രസിദ്ധീകരിച്ചു

തദ്ദേശ തിരഞ്ഞെടുപ്പ് : 12 മുതൽ 19 വരെ പത്രികാ സമർപ്പണം; 20 ന് സൂക്ഷ്മ പരിശോധന

കല്ലേറ്റുംകര നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആന്റ് റീഹോബിലിറ്റേഷനിൽ (എൻ.ഐ.പി.എം.ആർ) നാലര വർഷത്തെ ഒക്യുപേഷണൽ ബിരുദ കോഴ്‌സ് ആരംഭിക്കുന്നു. രാജ്യത്തിനകത്തും പുറത്തും ധാരാളം ജോലി സാധ്യതയുള്ള പാരാമെഡിക്കൽ കോഴ്‌സിന് ആരോഗ്യ സർവ്വകലാശാല ജനറൽ കൗൺസിൽ അംഗീകാരം നൽകി. നിലവിൽ പാരാമെഡിക്കൽ കോഴ്‌സിനായി എൽ.ബി.എസ് നടത്തിയ പ്രവേശന പരീക്ഷയിൽ റാങ്ക് ലിസ്റ്റിൽ നിന്നാണ് ഈ വർഷം അഡ്മിഷൻ നൽകുക. സംസ്ഥാന സാമൂഹ്യനീതി വകുപ്പിന് കീഴിലുള്ള എൻ.ഐ.പി.എം.ആർ, നിഷ് എന്നീ സ്ഥാപനങ്ങൾക്കാണ് ഈ കോഴ്‌സ് നടത്താൻ അനുമതി.

തൃശൂർ ജവഹർ നവോദയ വിദ്യാലയത്തിൽ 2021-2022 അധ്യയന വർഷം ഒമ്പതാംക്ലാസിൽ ഒഴിവുള്ള സീറ്റിലേക്ക് പ്രവേശന പരീക്ഷയ്ക്ക് ജില്ലയിലെ സർക്കാർ അംഗീകൃത വിദ്യാലയങ്ങളിൽ 2020-21 അധ്യയനവർഷം എട്ടാംക്ലാസിൽ പഠിക്കുന്ന വിദ്യാർഥികൾക്ക് 2020 ഡിസംബർ 15 വരെ ഓൺലൈനായി അപേക്ഷിക്കാം. അപേക്ഷ, www.navodaya.gov.in അല്ലെങ്കിൽ www.nvsadmissionclassnine.in എന്ന വെബ്‌സൈറ്റ് വഴിയോ നവോദയ വിദ്യാലയം മായന്നൂരിലെ അഡ്മിഷൻ ഹെൽപ്‌ഡെസ്‌ക് വഴിയോ രജിസ്റ്റർ ചെയ്യാം. ഹെൽപ്‌ഡെസ്‌ക് നമ്പർ: 04884-286260, 9446951361, 8848365457,8921656245, 9249848842.

ഹയർസെക്കൻഡറി ഒന്നാംവർഷ ഇംപ്രൂവ്‌മെന്റ് തുല്യതാ പരീക്ഷാഫലം പ്രസിദ്ധീകരിച്ചു. www.keralaresults.nic.in ൽ പരീക്ഷാഫലം ലഭിക്കും. ഉത്തരക്കടലാസുകളുടെ പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും ഫോട്ടോകോപ്പിക്കും നിശ്ചിത ഫോറങ്ങളിലുള്ള അപേക്ഷ നിശ്ചിത ഫീസടച്ച് പരീക്ഷയ്ക്ക് രജിസ്റ്റർ ചെയ്ത സ്‌കൂളിലെ പ്രിൻസിപ്പലിന് 16നകം സമർപ്പിക്കണം. പുനർമൂല്യനിർണ്ണയത്തിന് പേപ്പർ ഒന്നിന് 600 രൂപയും ഫോട്ടോകോപ്പിക്ക് 400 രൂപയും സൂക്ഷ്മപരിശോധനയ്ക്ക് 200 രൂപയുമാണ് ഫീസ്. അപേക്ഷാഫോം ഹയർ സെക്കൻഡറി പോർട്ടലിൽ ലഭിക്കും.
പി.എൻ.എക്‌സ്. 3951/2020