കോവിഡ്  പശ്ചാത്തലത്തില്‍ സൂക്ഷ്മ, ചെറുകിട, ഇടത്തരം സംരംഭകര്‍ക്ക് ആശ്വാസകരമായ പദ്ധതികളുടെയും സാമ്പത്തിക സഹായങ്ങളുടെയും  പ്രത്യേക പാക്കേജിന്  വ്യവസായവകുപ്പ്  രൂപം നല്‍കിയതായി അസിസ്റ്റന്റ് ജില്ലാ വ്യവസായ ഓഫീസര്‍ അറിയിച്ചു.

രോഗമുക്തി 618

കേരളത്തിൽ തിങ്കളാഴ്ച 3593 പേർക്ക് കോവിഡ്-19 സ്ഥിരീകരിച്ചു. മലപ്പുറം 548, കോഴിക്കോട് 479, എറണാകുളം 433, തൃശൂർ 430, ആലപ്പുഴ 353, തിരുവനന്തപുരം 324, കൊല്ലം 236, പാലക്കാട് 225, കോട്ടയം 203, കണ്ണൂർ 152, കാസർഗോഡ് 75, വയനാട് 50, പത്തനംതിട്ട 43, ഇടുക്കി 42 എന്നിങ്ങനെയാണ് ജില്ലകളിൽരോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 32,489 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 11.06 ആണ്. റുട്ടീൻ സാമ്പിൾ, എയർപോർട്ട് സർവയിലൻസ്, പൂൾഡ് സെന്റിനൽ, സിബി നാറ്റ്, ട്രൂനാറ്റ്, സിഎൽഐഎ, ആന്റിജൻ അസ്സെ എന്നിവ ഉൾപ്പെടെ ഇതുവരെ ആകെ 51,30,922 സാമ്പിളുകളാണ് പരിശോധനയ്ക്കായി അയച്ചത്.

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്‌സിൽ എം.ബി.എ (ട്രാവൽ ആന്റ് ടൂറിസം) കോഴ്‌സിന് ഒഴിവുള്ള സീറ്റിലേക്ക് സ്‌പോട്ട് അഡ്മിഷൻ തൈക്കാട് കിറ്റ്‌സിന്റെ ആസ്ഥാനത്ത് 12ന് രാവിലെ 10ന് നടത്തും. കൂടുതൽ വിവരങ്ങൾക്ക്: www.kittsedu.org. ഫോൺ: 8111823377/0471-2327707.
പി.എൻ.എക്‌സ്. 3955/2020

നെടുമങ്ങാട് ഗവൺമെന്റ് കോളേജിലെ ബിരുദ (യു.ജി) സ്‌പോർട്‌സ്‌ക്വാട്ട സീറ്റിലേക്കുള്ള അഡ്മിഷനായി സ്‌പോർട്‌സ് കൗൺസിൽ റാങ്ക് ലിസ്റ്റിൽ ഉൾപ്പെട്ടിട്ടുള്ളവർ 12ന് രാവിലെ 11ന് മുമ്പ് യോഗ്യത തെളിയിക്കുന്ന (സ്‌പോർട്‌സും, മറ്റ് യോഗ്യതകളും) ഒറിജിനൽ സർട്ടിഫിക്കറ്റുകളുമായി കോളേജിൽ എത്തണം.  
പി.എൻ.എക്‌സ്. 3954/2020

2020-21 ബി.എസ്‌സി നഴ്‌സിംഗ് ആൻഡ് പാരാമെഡിക്കൽ ഡിഗ്രി കോഴ്‌സുകളിലെ ഒന്നാംഘട്ട അലോട്ട്‌മെന്റ് ലഭിച്ചവരിൽ ഫീസ് അടയ്ക്കാൻ വിട്ടുപോയവർക്കും ഓൺലൈൻ വഴി അടച്ചു ഫീസ് ക്രെഡിറ്റ് ആകാത്തവർക്കും ഇന്ന് (നവംബർ 10) കേരളത്തിലെ ഫെഡറൽ ബാങ്കിന്റെ ഏതെങ്കിലും ശാഖയിൽ ചെല്ലാൻ വഴി ഫീസ് അടയ്ക്കാം. പുതിയതായി കോളേജ് ലിസ്റ്റിൽ ചേർക്കപ്പെട്ടിട്ടുള്ള കോളേജുകളിലേക്ക് ഓപ്ഷനുകൾ നാളെ (നവംബർ 11) രാവിലെ 10 വരെ നൽകാം. ഫീസ് അടച്ചവർ കോളേജുകളിൽ അഡ്മിഷൻ എടുക്കേണ്ടതില്ല. കൂടുതൽ വിവരങ്ങൾക്ക് ഫോൺ: 04712560363, www.lbscentre.kerala.gov.in ബന്ധപ്പെടുക.
പി.എൻ.എക്‌സ്. 3953/2020

പേയാട് ഇലക്ട്രിക്കല്‍ സെക്ഷന്റെ പരിധിയില്‍ അറ്റകുറ്റപണികള്‍ നടക്കുന്നതിനാല്‍ കുണ്ടമണ്‍കടവ്, പള്ളിമുക്ക്, കാക്കുളം  എന്നീ   പ്രദേശങ്ങളില്‍ ഇന്ന് (10.11.2020) രാവിലെ  09.00 മുതല്‍ വൈകുന്നേരം 5.00 വരെ വൈദ്യുതി മുടങ്ങുമെന്ന് കെ.എസ്.ഇ.ബി അറിയിച്ചു.

സര്‍ക്കാര്‍ പുതുതായി അനുവദിച്ച കോളേജുകളില്‍ പാരാമെഡിക്കല്‍ ഡിഗ്രി കോഴ്സുകളിലേക്ക് ഓപ്ഷന്‍സ് നല്‍കുന്നതിനുള്ള സൗകര്യം www.lbscetnre.kerala.gov.in എന്ന വെബ്സൈറ്റില്‍ ലഭ്യമാണെന്ന് എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്ക്നോളജി ഡയറക്ടര്‍ അറിയിച്ചു.  പാരാമെഡിക്കല്‍ ഡിഗ്രി കോഴ്സിന്റെ റാങ്ക് ലിസ്റ്റില്‍ ഉള്‍പ്പെട്ടവര്‍ക്ക് ഓണ്‍ലൈനായി അപേക്ഷിക്കാം.  അവസാന തീയതി നവംബര്‍ 11 രാവിലെ 10 മണി.  കൂടുതല്‍ വിവരങ്ങള്‍ക്ക് 0471-2324396.