ബാലുശ്ശേരിയിൽ പീഡനത്തിനിരയായ ആറു വയസ്സുകാരിയുടെ തുടർചികിത്സ പൂർണമായും സൗജന്യമാക്കണമെന്ന്  സംസ്ഥാന ബാലാവകാശ കമ്മിഷൻ സർക്കാരിനോട് ശുപാർശ ചെയ്തു. കുട്ടിയുടെ കുടുംബത്തിന് നഷ്ടപരിഹാരവും അടിയന്തര സാമ്പത്തിക സഹായവും നൽകാൻ നടപടി സ്വീകരിക്കണമെന്ന് ജില്ല ചൈൽഡ് പ്രൊട്ടക്ഷൻ ഓഫീസർക്കും നിർദേശം നൽകി. കമ്മീഷൻ അംഗങ്ങളായ ബി. ബബിത, കെ. നസീർ എന്നിവർ കോഴിക്കോട് മെഡിക്കൽ കോളജ് ആശുപത്രിയിൽ ഐ.സി.യുവിൽ കഴിയുന്ന കുട്ടിയെ സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു. 

രോഗമുക്തി 649 

സമഗ്ര ശിക്ഷാ കോഴിക്കോടിന്റെ നേതൃത്വത്തില്‍ നടന്നുവരുന്ന ഓണ്‍ലൈന്‍ അധ്യാപക പരിശീലനമായ ഡിജിഫിറ്റിന്റെ ഹൈസ്‌കൂള്‍തല പരിശീലനത്തിന് ജില്ലയില്‍ തുടക്കമായി. കോവിഡിനെ തുടര്‍ന്ന് സ്‌കൂളുകള്‍ തുറക്കാതിരിക്കുകയും ക്ലാസുകള്‍ വിക്ടേഴ്‌സ് ചാനല്‍ വഴി ആവുകയും ചെയ്ത സാഹചര്യത്തിലാണ് ഡയറ്റിന്റെയും കൈറ്റിന്റേയും സഹായത്തോടെ ഡിജിറ്റല്‍ സാങ്കേതിക വിദ്യയിലുള്ള അധ്യാപക പരിശീലനം ജില്ലാ എസ്.എസ്.കെ ആരംഭിച്ചത്.

 ഉണ്ണികുളത്ത് പീഡനത്തിനിരയായ ആറു വയസ്സുകാരിയുടെ വീട് സംസ്ഥാന ബാലാവകാശ കമ്മിഷൻ അംഗങ്ങൾ  സന്ദർശിച്ചു. ശോചനീയാവസ്ഥയിൽ ഉള്ള വീടിന് ഒക്യുപൻസി നൽകിയ നടപടി റദ്ദാക്കാൻ ഉണ്ണികുളം ഗ്രാമ പഞ്ചായത്ത് സെക്രട്ടറിക്ക് കമ്മീഷൻ നിർദ്ദേശം നൽകി.  ബന്ധുവീട്ടിൽ താമസിക്കുന്ന പെൺകുട്ടിയുടെ സഹോദരങ്ങളെയും കമ്മീഷൻ അംഗങ്ങൾ സന്ദർശിച്ചു. നിലവിൽ ബന്ധുവീട്ടിൽ  സുരക്ഷിതരായിരിക്കുന്ന കുട്ടികളെ  ആവശ്യമെങ്കിൽ ചിൽഡ്രൻസ് കെയർഹോമിലേക്ക് മാറ്റും. കമ്മീഷൻ അംഗങ്ങളായ ബി. ബബിത, കെ.നസീർ എന്നിവർ  കോവിഡ് പ്രോട്ടോക്കോൾ പാലിച്ചാണ് സന്ദർശനം നടത്തിയത്.

 നാഷണല്‍ സ്റ്റാറ്റിസ്റ്റിക്കല്‍ ഓഫീസ് നടത്തുന്ന  അര്‍ബന്‍ ഫ്രെയിം സര്‍വ്വേയുടെ പുരോഗതി കോര്‍പ്പറേഷന്‍ വാര്‍ഡ് 24 ചേവരമ്പലത്ത് എന്‍.എസ്.ഒ ഡയറക്ടര്‍ മുഹമ്മദ് യാസിര്‍, സര്‍വ്വേ ഉദ്യോഗസ്ഥന്‍ മനോജ് കുമാര്‍ മീണ എന്നിവരടങ്ങുന്ന സംഘം വീടുകള്‍ സന്ദര്‍ശിച്ച് വിലയിരുത്തി. കഴിഞ്ഞയാഴ്ചയാണ് ഇവിടെ അര്‍ബന്‍ ഫ്രെയിം സര്‍വ്വേ  തുടങ്ങിയത്. വീടുകളും കടകളുമുള്‍പ്പെടെ 150 ഓളം കെട്ടിടങ്ങള്‍ ഒരു ദിവസം കണക്കെടുക്കും.

കേരള ഫീഡ്സ് ലിമിറ്റഡിന്റെ തിരുവങ്ങൂര്‍ യൂണിറ്റിലേക്ക് എംപ്ലോയ്മെന്റ് എക്സ്ചേഞ്ച് മുഖാന്തിരം ഒരു വര്‍ഷക്കാലയളവിലേക്ക് താല്‍ക്കാലികാടിസ്ഥാനത്തില്‍ ലാബ് അസിസ്റ്റന്റ്, കെമിസ്റ്റ് തസ്തികകളിലേക്ക് ഇന്ന് (നവംബര്‍ 10) നടത്താനിരുന്ന കൂടിക്കാഴ്ച തിരഞ്ഞെടുപ്പ് പെരുമാറ്റച്ചട്ടം നിലവില്‍ വന്നതിനാല്‍ മാറ്റിവെച്ചതായി തിരുവങ്ങൂര്‍ യൂണിറ്റ് അറിയിച്ചു. പുതുക്കിയ തീയതി പിന്നീട് അറിയിക്കും. ഫോണ്‍ : 0496 2686505.

 കോഴിക്കോട് സബ് റീജ്യണല്‍ എംപ്ലോയ്മെന്റ് ഓഫീസില്‍  നിന്ന് 2021-23 കാലയളവില്‍  വിവിധ ജോലി ഒഴിവുകള്‍ക്ക് പരിഗണിക്കാന്‍ യോഗ്യതയുളളവരുടെ പട്ടിക സിവില്‍ സ്റ്റേഷനിലെ ഭിന്നശേഷിക്കാര്‍ക്കുളള പ്രത്യേക എംപ്ലോയമെന്റ് എക്സ്ചേഞ്ചില്‍ തയ്യാറാക്കി.  ഉദ്യോഗാര്‍ത്ഥികള്‍ക്ക് നവംബര്‍ 30 വരെ ഓണ്‍ലൈനായി പട്ടിക പരിശോധിക്കാം. സീനിയോറിറ്റി സംബന്ധമായ പരാതികള്‍ നവംബര്‍ 30നകം ഓണ്‍ലൈനായി നല്‍കണം. ഇ മെയില്‍ : seekzkd.emp.lbr@kerala.gov.in  ഫോണ്‍ 0495 2373179. 

പട്ടികജാതി വികസന വകുപ്പിനു  കീഴിലെ എലത്തൂര്‍ ഐ.ടി.ഐയില്‍ എന്‍.സി.വി.ടി അഫിലിയേഷനുളള നോണ്‍മെട്രിക്ക് ട്രേഡായ കാര്‍പ്പന്റര്‍, വെല്‍ഡര്‍ (ഒരു വര്‍ഷം) ഡ്രൈവര്‍ കം മെക്കാനിക്ക് (ആറ് മാസം)  ട്രേഡുകളിലേക്ക് അപേക്ഷ ക്ഷണിച്ചു. അവസാന തീയതി നവംബര്‍ 21. https://itielathur.kerala.gov.in ലിങ്ക് വഴി ഓണ്‍ലൈന്‍ അപേക്ഷ സമര്‍പ്പിക്കാമെന്ന്  പ്രിന്‍സിപ്പാള്‍ അറിയിച്ചു.