കേരളത്തിൽ 6010 പേർക്ക് കോവിഡ്-19 സ്ഥിരീകരിച്ചു. കോഴിക്കോട് 807, തൃശൂർ 711, മലപ്പുറം 685, ആലപ്പുഴ 641, എറണാകുളം 583, തിരുവനന്തപുരം 567, കൊല്ലം 431, കോട്ടയം 426, പാലക്കാട് 342, കണ്ണൂർ 301, പത്തനംതിട്ട 234, വയനാട് 112, ഇടുക്കി 89, കാസർഗോഡ് 81 എന്നിങ്ങനെയാണ് ജില്ലകളിൽ രോഗ ബാധ സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 54,751 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.98 ആണ്. റുട്ടീൻ സാമ്പിൾ, എയർപോർട്ട് സർവയിലൻസ്, പൂൾഡ് സെന്റിനൽ, സിബി നാറ്റ്, ട്രൂനാറ്റ്, സിഎൽഐഎ, ആന്റിജൻ അസ്സെ എന്നിവ ഉൾപ്പെടെ ഇതുവരെ ആകെ 51,85,673 സാമ്പിളുകളാണ് പരിശോധനയ്ക്കായി അയച്ചത്.

2020-21 വർഷത്തെ പോസ്റ്റ് ബേസിക് ബി.എസ്.സി. നഴ്‌സിംഗ് കോഴ്‌സ് പ്രവേശനത്തിന് അപേക്ഷിച്ചവരുടെ പ്രാഥമിക പരിശോധനവിവരങ്ങൾ (Verified data)  www.lbscentre.kerala.gov.in  ൽ പ്രസിദ്ധീകരിച്ചു. വിവരങ്ങൾ പരിശോധിച്ച് ആവശ്യപ്പെട്ടിട്ടുള്ള രേഖകൾ 16ന് വൈകിട്ട് അഞ്ചിന്  മുൻപ് അപ്‌ലോഡ് ചെയ്യണം. പുതിയ ക്ലെയിമുകൾ(അവകാശവാദങ്ങൾ) നൽകാൻ സാധിക്കില്ല. ആവശ്യപ്പെട്ട രേഖകൾ അപ്‌ലോഡ് ചെയ്യാത്തവരുടെ  ക്ലെയിം/അപേക്ഷ  നിരസിക്കും. ഫോൺ:   0471-2560363,364.
പി.എൻ.എക്‌സ്. 3965/2020
 

കേരള സംസ്ഥാന പിന്നാക്ക വിഭാഗ കമ്മീഷൻ തിരുവനന്തപുരം വെള്ളയമ്പലം അയ്യൻകാളി ഭവനിലെ കമ്മീഷന്റെ കോർട്ട് ഹാളിൽ 12ന് രാവിലെ 11ന് സിറ്റിംഗ് നടത്തുന്നു. സിറ്റിംഗിൽ മെഡിക്കൽ പി.ജി. കോഴ്‌സുകളിൽ എസ്.ഇ.ബി.സി വിഭാഗങ്ങൾക്കുള്ള സംവരണം വർദ്ധിപ്പിക്കുന്നത് സംബന്ധിച്ച നിവേദനം, നാടാർ സമുദായത്തിൽപ്പെട്ടവരുടെ ജാതി സർട്ടിഫിക്കറ്റിനു സഹായക രേഖയായി നാടാർ സമുദായ സംഘടന നൽകുന്ന സർട്ടിഫിക്കറ്റ് അംഗീകരിക്കണമെന്ന ആവശ്യം എന്നിവ പരിഗണിക്കും. സിറ്റിംഗിൽ ചെയർമാൻ ജസ്റ്റിസ് ജി.ശശിധരൻ, മെമ്പർമാരായ ഡോ.എ.വി.ജോർജ്ജ്, സുബൈദാ ഇസ്ഹാക്ക്, കമ്മീഷൻ മെമ്പർ സെക്രട്ടറി എന്നിവർ പങ്കെടുക്കും.
പി.എൻ.എക്‌സ്. 3964/2020

=======================================

കോട്ടയം ജില്ലയില്‍  426 പേര്‍ക്കു കൂടി കോവിഡ് സ്ഥിരീകരിച്ചു.   420 പേർക്ക് സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തു നിന്നെത്തിയ ആറു പേർ രോഗബാധിതരായി.പുതിയതായി 4529 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 201 പുരുഷന്‍മാരും 176 സ്ത്രീകളും 49 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 66 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

======
ഉദയനാപുരം ഗ്രാമപഞ്ചായത്തിലെ അഞ്ചാം വാർഡ് കണ്ടെയ്ൻമെൻ്റ് സോൺ പട്ടികയിൽ നിന്ന് ഒഴിവാക്കി കോട്ടയം ജില്ലാ കളക്ടര്‍  ഉത്തരവായി. 

നിലവില്‍ 30 തദ്ദേശഭരണ സ്ഥാപനങ്ങളിലായി 46 കണ്ടെയ്ന്‍മെന്റ് സോണുകളാണുള്ളത്. 

പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  - 5, 9, 51, 25, 33

2. ചങ്ങനാശേരി -  32

3. ഈരാറ്റുപേട്ട - 22, 26, 1, 21, 23

4. ഏറ്റുമാനൂര്‍ -  4, 6, 7

5. വൈക്കം - 24, 25

ഗ്രാമപഞ്ചായത്തുകള്‍
=======
6. എരുമേലി-   12

7. വാഴപ്പള്ളി- 5

തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിനോടനുബന്ധിച്ച്  അംഗീകൃത രാഷ്ട്രീയ പാർട്ടി പ്രതിനിധികളുടെ യോഗം  ഇന്ന്(നവംബര്‍ 11) രാവിലെ 11ന് ജില്ലാ കളക്ടറുടെ ചേംബറില്‍ ചേരും. സ്ഥാനാർത്ഥികളും രാഷ്ടീയ കക്ഷികളും മാതൃകാ പെരുമാറ്റച്ചട്ടം പാലിക്കുന്നുണ്ടെന്ന് ഉറപ്പാക്കുന്നതിനുള്ള സ്റ്റാൻഡിംഗ് കമ്മിറ്റി രൂപീകരണവുമായി ബന്ധപ്പെട്ട യോഗത്തില്‍ ജില്ലാ കളക്ടർ എം. അഞ്ജന അധ്യക്ഷത വഹിക്കും

ഓട്ടോ റിക്ഷാ ഫെയർ മീറ്റർ, അളവ് -  തൂക്ക ഉപകരണങ്ങൾ എന്നിവയുടെ മുദ്രണം  ലീഗൽ മെട്രോളജി വകുപ്പ് ആരംഭിച്ചു. കോവിഡ് 19 വ്യാപന പശ്ചാത്തലത്തിൽ  കഴിഞ്ഞ ജനുവരി മുതൽ ജൂൺ വരെ മുദ്ര പതിപ്പിക്കാന്‍ സാധിക്കാതിരുന്നവർ നവംബർ 30 നകം മുദ്രണം നടത്തണമെന്ന്  വകുപ്പ് ഡെപ്യൂട്ടി കൺട്രോളർ അറിയിച്ചു.  ഫോൺ 0481 2582998

കേരള ആംഡ് പോലീസ് അഞ്ചാം ബറ്റാലിയൻ്റെ ഇടുക്കി കുട്ടിക്കാനത്തെ ആസ്ഥാനത്ത് സൂക്ഷിച്ചിരിക്കുന്ന  ഉപയോഗയോഗ്യമല്ലാത്ത ബോലേറോ, ആംബുലൻസ്, നാലു ബസുകൾ, അഞ്ച് ബൈക്കുകൾ  എന്നിവ നവംബർ 16ന് രാവിലെ 11ന് ലേലം ചെയ്യും . ഫോൺ: 04869233072

===============

കോട്ടയം ജില്ലയിലെ തദ്ദേശസ്വയം ഭരണ സ്ഥാപനങ്ങളിലേക്ക് തിരഞ്ഞെടുക്കേണ്ടത് 1512 ജനപ്രതിനിധികളെ. ജില്ലാ പഞ്ചായത്ത് -22, ബ്ലോക്ക് പഞ്ചായത്ത്-146, ഗ്രാമപഞ്ചായത്ത്-1140, മുനിസിപ്പാലിറ്റികള്‍-204 എന്നിങ്ങനെയാണ് കണക്ക്. 

========
കോട്ടയം ജില്ലയില്‍ കോവിഡ് വ്യാപനം രൂക്ഷമായ ഈരാറ്റുപേട്ട മുനിസിപ്പാലിറ്റിയെ പ്രത്യേക നിരീക്ഷണം വേണ്ട മേഖലയായി പ്രഖ്യാപിച്ച് നിയന്ത്രണങ്ങള്‍ ഏര്‍പ്പെടുത്തി ജില്ലാ കളക്ടര്‍ എം. അഞ്ജന ഉത്തരവായി. 

മുനിസിപ്പാലിറ്റിയിലെ എല്ലാ വാര്‍ഡുകളിലും ആരോഗ്യ വകുപ്പിന്റെ നിരീക്ഷണ സംവിധാനം ശക്തമാക്കണമെന്നും ജനങ്ങളുടെ ആശങ്കയകറ്റുന്നതിന് മൈക്ക് അനൗണ്‍സ്‌മെന്റ് ഉള്‍പ്പെടെയുള്ള ബോധവത്കരണ പരിപാടികള്‍ നടത്തണമെന്നും ഉത്തരവില്‍ നിര്‍ദേശിച്ചിട്ടുണ്ട്. 1, 21, 22, 23, 26 വാര്‍ഡുകള്‍ നിലവില്‍ കണ്ടെയ്ന്‍മെന്റ് സോണുകളാണ്.