രാജ്യത്തെ എല്ലാ സ്ഥാപനങ്ങളുടെയും  സാമ്പത്തിക പ്രവര്‍ത്തനങ്ങളുടെ സ്വഭാവം, ഓരോന്നിലും പ്രവര്‍ത്തിക്കുന്ന ആളുകളുടെ എണ്ണം ഉടമസ്ഥതയുടെ തരം തുടങ്ങിയ വിവരങ്ങള്‍ ശേഖരിക്കുന്നതിനായുളള ഏഴാമത് സാമ്പത്തിക സെന്‍സസിന്റെ സര്‍വ്വെ പ്രവര്‍ത്തനങ്ങള്‍ ജില്ലയില്‍ ആരംഭിച്ചു. ചെറുകിട, ഇടത്തരം, വന്‍കിട സംരഭങ്ങള്‍, സ്വയം തൊഴില്‍ സംരംഭങ്ങള്‍, കുടില്‍ വ്യവസായങ്ങള്‍ തുടങ്ങിയ എല്ലാവിധ സംരഭങ്ങളുടെയും വിവര ശേഖരം നടത്തുക എന്നതാണ് സര്‍വ്വെയുടെ ലക്ഷ്യം.

ഹൊസ്ദുര്‍ഗ്, വെള്ളരിക്കുണ്ട് താലൂക്ക് പരിധിയില്‍ പ്രവര്‍ത്തിക്കുന്നതും കാഞ്ഞങ്ങാട് അസിസ്റ്റന്റ് ലേബര്‍ ഓഫീസില്‍ 1960 ലെ കേരള ഷോപ്‌സ് & കോമേഴ്‌സ്യല്‍ എസ്റ്റാബ്ലിഷ്‌മെന്റ് നിയമ  പ്രകാരം രജിസ്റ്റര്‍ ചെയ്യപ്പെട്ടതുമായ കടകളും വാണിജ്യ സ്ഥാപനങ്ങളും  നവംബര്‍ 30 നകം 2021 വര്‍ഷത്തേക്കുള്ള രജിസ്‌ട്രേഷന്‍ പുതുക്കണം.  ഇത് വരെ രജിസ്‌ട്രേഷന്‍ നടത്താത്ത സ്ഥാപനങ്ങള്‍ രജിസ്‌ട്രേഷന്‍ ചെയ്യുന്നതിന് അപേക്ഷിക്കണം. അക്ഷയ സെന്ററുകള്‍ മുഖേനയോ www.lc.kerala.gov.in എന്ന വെബ്‌സൈറ്റ് മുഖേനയോ ഓണ്‍ലൈന്‍ ആയി അപേക്ഷിക്കാം.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് സ്ഥാനാര്‍ഥികളുടെ തെരഞ്ഞെടുപ്പ് പ്രചരണ സാമഗ്രികള്‍ അച്ചടിക്കുന്നതിനുള്ള മാര്‍ഗ നിര്‍ദ്ദേശങ്ങള്‍ അറിയിക്കുന്നതിന് ജില്ലയിലെ പ്രിന്റര്‍മാരുടെ യോഗം ഇന്ന് (നവംബര്‍ 10 ) വൈകീട്ട് മൂന്നിന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട കാര്യങ്ങള്‍ വിശദീകരിക്കുന്നതിന് നോഡല്‍ ഓഫീസര്‍മാരുടെ  യോഗം കോവിഡ് മാനദണ്ഡങ്ങള്‍ പാലിച്ച് ഇന്ന് (നവംബര്‍ 10 ന്) രാവിലെ 12.30 ന് കാസര്‍കോട് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. ജില്ലാ കളക്ടര്‍ ഡോ ഡി സജിത് ബാബു അധ്യക്ഷനാകും. മുഴുവന്‍ നോഡല്‍ ഓഫീസര്‍മാരും യോഗത്തില്‍ പങ്കെടുക്കണം.

ഡിസംബര്‍ 14 ന് നടക്കുന്ന തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട കാര്യങ്ങള്‍ വിശദീകരിക്കുന്നതിന് കാസര്‍കോട് ജില്ലയിലെ രാഷ്ട്രീയ പാര്‍ട്ടി പ്രതിനിധികളുടെ യോഗം കോവിഡ് മാനദണ്ഡങ്ങള്‍ പാലിച്ച് ഇന്ന് (നവംബര്‍ 10 ന്) രാവിലെ 10.30 ന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും. ജില്ലാ കളക്ടര്‍ ഡോ ഡി സജിത് ബാബു അധ്യക്ഷനാകും. മുഴുവന്‍ രാഷ്ട്രീയ പാര്‍ട്ടി പ്രതിനിധികളും യോഗത്തില്‍ പങ്കെടുക്കണം.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പുമായി ബന്ധപ്പെട്ട് നിയോഗിക്കുന്ന  തെരഞ്ഞെടുപ്പ് ഉദ്യോഗസ്ഥര്‍ക്ക് പരിശീലനം നല്‍കുന്നതിനായി ബ്ലോക്ക്/ മുന്‍സിപ്പല്‍തല  ട്രെയിനര്‍മാര്‍ക്കുള്ള പരിശീലനം കളക്ടറേറ്റ് കോണ്‍ഫറന്‍സ് ഹാളില്‍ നടന്നു. ജില്ലാ കളക്ടര്‍ ഡോ ഡി സജിത് ബാബു ഉദ്ഘാടനം ചെയ്തു. ഇലക്ഷന്‍ ഡെപ്യൂട്ടി കളക്ടര്‍ രമേന്ദ്രന്‍ എ കെ, പരിശീലന വിഭാഗം ജില്ലാ നോഡല്‍ ഓഫീസര്‍ കെ ബാലകൃഷ്ണന്‍ എന്നിവര്‍ സംസാരിച്ചു. ജില്ലാതല മാസ്റ്റര്‍ പരിശീലകരായ സുബൈര്‍ എല്‍ കെ, ഹംസ എം, സുരേഷ് ബാബു ജി, നാരായണന്‍ കെ എന്നിവര്‍ ക്ലാസെടുത്തു. 

ബാലുശ്ശേരിയിൽ പീഡനത്തിനിരയായ  ആറു വയസ്സുകാരിയെ സംസ്ഥാന ബാലാവകാശ കമ്മീഷൻ അംഗങ്ങൾ ആയ കെ. നസീർ, ബി. ബബിത എന്നിവർ  സന്ദർശിക്കും.  കോഴിക്കോട് മെഡിക്കൽ കോളജിൽ കഴിയുന്ന കുട്ടിയെ ഇന്ന് രാവിലെ 11-ന് കോവിഡ് പ്രോട്ടോകോൾ പാലിച്ച് ആയിരിക്കും സന്ദർശിക്കുക.
സംഭവത്തിൽ കമ്മീഷൻ സ്വമേധയാ കേസെടുത്ത് ഉത്തരവാദപ്പെട്ടവർക്ക് നോട്ടീസ് അയച്ചിട്ടുണ്ട്. 

ആർ. വേണുഗോപാൽ
പബ്ലിക് റിലേഷൻസ് ഓഫീസർ
കേരള സംസ്ഥാന ബാലാവകാശ സംരക്ഷണ കമ്മീഷൻ
ഫോൺ: 7994315458

ബാലുശ്ശേരിയിൽ പീഡനത്തിനിരയായ ആറു വയസ്സുകാരിയെ സംസ്ഥാന ബാലാവകാശ കമ്മിഷൻ അംഗങ്ങളായ കെ.നസീർ ചാലിയം, ബി. ബബിത എന്നിവർ സന്ദർശിച്ചു. കോഴിക്കോട് മെഡിക്കൽ കോളജിൽ കഴിയുന്ന കുട്ടിയെ കോവിഡ് പ്രോട്ടോകോൾ പാലിച്ചാണ് സംഘം സന്ദർശിച്ചത്. 
പെൺകുട്ടിയുടെ ആരോഗ്യനില തൃപ്തികരമാണെന്നും കമ്മിഷൻ വ്യക്തമാക്കി. കുട്ടിയുടെ അമ്മയുമായി കമ്മിഷൻ അംഗങ്ങൾ സംസാരിച്ചു.
സംഭവസ്ഥലം മറ്റ് സർക്കാർ വകുപ്പുകളെ ഉൾപ്പെടുത്തിക്കൊണ്ട് തിങ്കളാഴ്ച 11 മണിക്ക് സന്ദർശിക്കുമെന്ന് കമ്മിഷൻ അറിയിച്ചു. സംഭവത്തിൽ കമ്മിഷൻ സ്വമേധയാ കേസെടുത്ത് ഉത്തരവാദപ്പെട്ടവർക്ക് നോട്ടിസ് അയച്ചിട്ടുണ്ട്.

ജില്ലയിൽ പുതുതായി കോവിഡ് രോഗം സ്ഥിരീകരിക്കപ്പെടുന്നവരുടെ എണ്ണത്തിൽ കഴിഞ്ഞ ദിവസങ്ങളിൽ കുറവ് രേഖപ്പെടുത്തുന്നുണ്ടെങ്കിലും തദ്ദേശസ്ഥാപനങ്ങളിലേക്കുള്ള തെരഞ്ഞെടുപ്പ് വേളയിൽ രോഗികളുടെ എണ്ണം വർദ്ധിക്കുന്നതിനുള്ള സാധ്യത മുന്നിൽകണ്ട് ജാഗ്രത തുടരാൻ ജില്ലാതല യോഗം തീരുമാനിച്ചു. മന്ത്രി എ കെ ശശീന്ദ്രന്റെ അധ്യക്ഷതയിൽ ഓൺലൈനായി ചേർന്ന യോഗത്തിലാണ് തീരുമാനം.