എറണാകുളം: ജില്ലാ ദുരന്തനിവാരണ അതോറിറ്റിയുടെ നേതൃത്വത്തിൽ സ്കൂൾ സുരക്ഷ പദ്ധതിയുടെ അവലോകന യോഗം നടത്തി. ദുരന്തനിവാരണം ഡപ്യൂട്ടി കളക്ടർ എസ്.ഷാജഹാൻ അധ്യക്ഷത വഹിച്ചു. ജില്ലയിലെ മുഴുവൻ സ്കൂളുകളിലും ഡിസംബർ 31 നു മുമ്പ് സുരക്ഷാ പരിശോധന പൂർത്തിയാക്കി റിപ്പോർട്ട് സമർപ്പിക്കാൻ ഡപ്യൂട്ടി കളക്ടർ ആവശ്യപ്പെട്ടു. സ്കൂൾ സുരക്ഷയുമായി ബന്ധപ്പെട്ട് പരിശീലന പരിപാടികളും മോക്ഡ്രിഡ്രില്ലുകളും സമയബന്ധിതമായി പൂർത്തിയാക്കണമെന്നും യോഗത്തിൽ ആവശ്യപ്പെട്ടു. ജില്ലയിലെ മുഴുവൻ സ്കൂളുകളിലും സ്കൂൾ സുരക്ഷ ആസൂത്രണ രേഖ തയാറാക്കിയതായും യോഗത്തിൽ അറിയിച്ചു.

സംസ്ഥാനത്തെ ഒ.ബി.സി വിഭാഗത്തിൽപ്പെട്ട വിദ്യാർഥികൾക്ക് വിദേശ പഠനം നടത്തുന്നതിന് പിന്നാക്ക വിഭാഗ വികസന വകുപ്പ് മുഖേന സ്‌കോളർഷിപ്പ് നൽകുന്ന ഓവർസീസ് സ്‌കോളർഷിപ്പ് പദ്ധതിയിലേക്ക് ഡിസംബർ 15 വരെ അപേക്ഷിക്കാം.  കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പ് ഡയറക്ടറുടെ ഓഫീസുമായി ബന്ധപ്പെടണം.  ഫോൺ: 0471 2727378.
പി.എൻ.എക്‌സ്. 4136/2020

കേരള സർക്കാറിന്റെ തൊഴിലും നൈപുണ്യവും വകുപ്പിനു കീഴിൽ പ്രവർത്തിക്കുന്ന കേരള സ്റ്റേറ്റ് ഇൻസ്റ്റിറ്റ്യൂട്ട് ഓഫ് ഡിസൈൻ നടത്തുന്ന ഡിസൈൻ ബിരുദ പ്രോഗ്രാമിന് ഒഴിവുള്ള സീറ്റുകളിലേക്ക് അപേക്ഷിക്കാം.
50 ശതമാനം മാർക്കോടെ ഏതെങ്കിലും വിഷയത്തിൽ പ്ലസ്ടു വിജയിച്ചവർക്ക് ഈ മാസം 27 വരെ അപേക്ഷിക്കാം. ജനനം 2000 ഓഗസ്റ്റ് ഒന്നിന് മുൻപാകരുത്.  പട്ടിക, പിന്നാക്ക വിഭാഗക്കാർക്ക് മൂന്നു വയസ്സുവരെ കൂടുതലാകാം.  അപേക്ഷഫീസ് 2000 രൂപ.  അഭിരുചി പരീക്ഷ, അഭിമുഖം എന്നിവ നവംബർ 28ന് നടക്കും.  അപേക്ഷാഫോമിനും കൂടുതൽ വിവരങ്ങൾക്കും: www.ksid.ac.in. ഫോൺ: 0474 2710393.

തിരുവനന്തപുരം ഗവ. ലോ കോളേജിൽ ത്രിവത്സര എൽ.എൽ.ബിയിലും പഞ്ചവത്സര എൽ.എൽ.ബിയിലും അനുവദിച്ച 10 ശതമാനം അധിക സീറ്റിലേക്ക് 30ന് രാവിലെ 11ന് കോളേജിൽ സ്‌പോട്ട് അഡ്മിഷൻ നടക്കും.  എൻട്രൻസ് കമ്മീഷണറുടെ റാങ്ക് ലിസ്റ്റിൽ പേരുള്ളവർക്ക് എല്ലാ രേഖകളുമായി ഹാജരാകാം. ത്രിവൽസര എൽ.എൽ.ബിയിൽ  SM-6, EZ-1 എന്നിങ്ങനെയും പഞ്ചവത്സര എൽ.എൽ.ബിയിൽ  SM-9, EZ-1, MU-1, SC-1, LA-1, ST-1 എന്നീ ഒഴിവുകളിലേക്കാണ് അഡ്മിഷൻ.
പി.എൻ.എക്‌സ്. 4134/2020

കോൺഗ്രസിന്റെ മുതിർന്ന നേതാവും ദീർഘകാലം പാർലമെന്റേറിയനുമായ അഹമ്മദ് പട്ടേലിന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു.
പി.എൻ.എക്‌സ്. 4133/2020

സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിംഗ് ആൻഡ് ട്രെയിനിംഗും സംയുക്തമായി നടത്തുന്ന ഒരു വർഷ ദൈർഘ്യമുള്ള സർട്ടിഫിക്കറ്റ് ഇൻ ഓഫ്‌സെറ്റ് പ്രിന്റിംഗ് ടെക്‌നോളജി കോഴ്‌സിലേക്ക് ഡിസംബർ അഞ്ച് വരെ അപേക്ഷിക്കാം. അപേക്ഷകർ പ്ലസ്ടു/ വി.എച്ച്.എസ്.ഇ/ ഡിപ്ലോമ അഥവാ തത്തുല്യ യോഗ്യതയോ പാസായിരിക്കണം.  പട്ടികജാതി/ പട്ടികവർഗ/ മറ്റർഹ വിഭാഗക്കാർക്ക് നിയമാനുസൃത ഫീസ് സൗജന്യമുണ്ട്.  പഠനകാലയളവിൽ സ്റ്റൈപന്റും ലഭിക്കും.  ഒ.ബി.സി/ എസ്.ഇ.ബി.സി/ മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്നവർക്ക് വരുമാന പരിധിക്ക് വിധേയമായി ഫീസ് ആനുകൂല്യം ലഭിക്കും.

നിവാർ ചുഴലിക്കാറ്റ് തമിഴ്‌നാട്ടിൽ ബുധനാഴ്ച (നവംബർ 25) രാത്രിയോടെ തീരം തൊടും. തമിഴ്നാട് സർക്കാരും ദേശീയ ദുരന്ത നിവാരണ അതോറിറ്റിയും ആവശ്യമായ എല്ലാ മുൻകരുതലുകളും സ്വീകരിച്ചിട്ടുണ്ട്. തമിഴ്നാട് ദുരന്ത നിവാരണ അതോറിറ്റിയുടെ 044-1070, 044-28593990 എന്ന ഫോൺ നമ്പറിൽ ബന്ധപ്പെട്ടാൽ പ്രാദേശികമായ സഹായം ആവശ്യമായവർക്ക് ലഭിക്കും.

10, പ്ലസ് ടു ക്ലാസ്സുകൾ കൈകാര്യം ചെയ്യുന്ന അധ്യാപകരിൽ 50 ശതമാനം പേർ ഒരു ദിവസം എന്ന രീതിയിൽ ഡിസംബർ 17 മുതൽ സ്‌കൂളുകളിൽ ഹാജരാകണം. പഠനപിന്തുണ കൂടുതൽ ശക്തമാക്കുക, റിവിഷൻ  ക്ലാസ്സുകൾക്കും വേണ്ടി തയ്യാറെടുപ്പുകൾ നടത്തുക തുടങ്ങിയവയാണ് അധ്യാപകരുടെ ചുമതലകൾ.
  ജനുവരി 15ന് പത്താംതരം ക്ലാസ്സുകളുടെയും ജനുവരി 30ന് പ്ലസ് ടു ക്ലാസ്സുകളുടെയും ഡിജിറ്റൽ ക്ലാസ്സുകൾ പൂർത്തീകരിക്കാൻ ക്രമീകരണം ഉണ്ടാക്കും. തുടർന്ന്  കുട്ടികൾക്ക് സ്‌കൂളിലെത്താൻ സാഹചര്യമുണ്ടാകുമ്പോൾ പ്രാക്ടിക്കൽ ക്ലാസ്സുകളും ഡിജിറ്റൽ പഠനത്തെ ആസ്പദമാക്കി റിവിഷൻ ക്ലാസ്സുകളും നടത്തും.

പള്ളിക്കത്തോട് പി.ടി.സി.എം സര്‍ക്കാര്‍ ഐ.ടി. ഐ യില്‍ വിവിധ ട്രേഡുകളില്‍ ഒഴിവുള്ള സീറ്റുകളില്‍ പ്രവേശനത്തിന് അപേക്ഷിക്കാം. അവസാന തീയതി -നവംബര്‍ 27 . മുന്‍പ്  അപേക്ഷ നല്‍കി പ്രവേശനം ലഭിക്കാത്തവരേയും പരിഗണിക്കും. ഫോണ്‍: 9961702406, 974759 8648

കോട്ടയം മുനിസിപ്പാലിറ്റിയിലെ 27 മുതല്‍ 52 വരെ വാര്‍ഡുകളില്‍ മത്സരിക്കുന്ന സ്ഥാനാര്‍ഥികളുടെയും രാഷ്ട്രീയ പാര്‍ട്ടി പ്രതിനിധികളുടെയും യോഗം ഇന്ന് (നവംബര്‍ 25) രാവിലെ 11ന് മാമ്മന്‍ മാപ്പിള ഹാളില്‍ ചേരും