കൊണ്ടോട്ടി ഗവണ്‍മെന്റ് ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിംഗിലേക്ക് ദ്വിവത്സര ഡിപ്ലോമാ കോഴ്‌സ് - ഫാഷന്‍ ഡിസൈനിംഗ് ആന്റ് ഗാര്‍മെന്റ് ടെക്‌നോളജി (എഉഏഠ) പ്രവേശനത്തിന് അപേക്ഷ ക്ഷണിച്ചു.  അപേക്ഷാ ഫോറം കോടങ്ങാട് നെടിയിരുപ്പ് ബാങ്കിനു സമീപമുളളജി.ഐ.എഫ്.ഡി. ഓഫീസില്‍ നിന്നും മെയ് 30 മുതല്‍ ലഭിക്കും.  അപേക്ഷ സ്വീകരിക്കുന്ന അവസാന തീയതി ജൂണ്‍ 25. ഫോണ്‍  9744537484,  9544106878

         ജില്ലാ പഞ്ചായത്തിന്റെ നേതൃത്വത്തില്‍  വണ്ടൂര്‍ വിദ്യാഭ്യാസ ഉപജില്ലയില്‍ ഈ വര്‍ഷം എസ്.എസ്.എല്‍.സി. പരീക്ഷയില്‍ എല്ലാ വിഷയത്തിലും എപ്ലസ് ലഭിച്ച വിദ്യാര്‍ത്ഥികളേയും 100ശതമാനം വിജയം കൈവരിച്ച സ്‌കൂളുകളുകളേയും ഇന്ന് ആദരിക്കും. വണ്ടൂര്‍ സിയന്ന ഹാളില്‍ നടക്കുന്ന പരിപാടി എ.പി അനില്‍ കുമാര്‍ ഉദ്ഘാടനം ചെയ്യും.  ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ അധ്യക്ഷത വഹിക്കും. എപ്ലസ് ലഭിച്ച വിദ്യാര്‍ത്ഥികളും 100ശതമാനം വിജയം നേടിയ സ്‌കൂളുകളുടെ പ്രതിനിധികളും  രാവിലെ 10ന് മുമ്പായി ഓഡിറ്റോറിയത്തില്‍ ഹാജരാകണം.

എംപ്ലോയബിലിറ്റിസെന്റര്‍ മുഖേന പ്രമുഖ സ്വകാര്യ മള്‍ട്ടി സ്റ്റേറ്റ് അഗ്രോ കോ-ഓപ്പറേറ്റീവ് സൊസൈറ്റി ലിമിറ്റഡ് സ്ഥാപനങ്ങളിലേക്ക് കേരളം ഉള്‍പ്പെടെ വിവിധസംസ്ഥാനങ്ങളിലായി മെമ്പര്‍ റിലേഷന്‍സ് ഓഫീസര്‍ തസ്തികയില്‍ 2200 ഒഴിവുകളില്‍ നിയമനം നടത്തുന്നു. താത്പര്യമുള്ള ബിരുദധാരികളായ ഉദ്യോഗാര്‍ത്ഥികള്‍ 2019  ജൂണ്‍ രണ്ടാംവാരത്തിനു മുമ്പായി എംപ്ലോയബിലിറ്റിസെന്ററില്‍ ബയോഡാറ്റയും സര്‍ട്ടിഫിക്കറ്റുമായി ബന്ധപ്പെടണം. ഫോണ്‍ : 04832 734 737.

പൊന്നാനി താലൂക്കില്‍ റേഷന്‍കാര്‍ഡ് സംബന്ധമായി ഇതുവരെ സമര്‍പ്പിച്ചിട്ടുളള എല്ലാ അപേക്ഷകളും (ഓണ്‍ലൈന്‍, ഓഫ്‌ലൈന്‍) തീര്‍പ്പാക്കിയിട്ടുണ്ട്. അപേക്ഷകര്‍ ബന്ധപ്പെട്ട റേഷന്‍കാര്‍ഡ്, ആധാര്‍ പകര്‍പ്പ്, പുതിയ റേഷന്‍കാര്‍ഡിന്റെ വില എന്നിവയുമായി വന്ന് റേഷന്‍കാര്‍ഡുകള്‍ കൈപ്പറ്റണം.

എടപ്പാള്‍ നെല്ലിശ്ശേരിയില്‍ പ്രവര്‍ത്തിക്കുന്ന വട്ടംകുളം ഐ.എച്ച്.ആര്‍.ഡി കോളജ് ഓഫ് അപ്ലൈഡ് സയന്‍സില്‍ എം.എസ്.സി കമ്പ്യൂട്ടര്‍ സയന്‍സ്, എം.കോം ഫിനാന്‍സ് തുടങ്ങിയ ബിരുദാനന്തര കോഴ്‌സുകളിലേക്ക് അപേക്ഷ ക്ഷണിച്ചു. ഡിഗ്രി പാസ്സായവര്‍ക്ക് കോളജ് ഓഫീസില്‍ നേരിട്ട് അപേക്ഷ സമര്‍പ്പിക്കാം. അപേക്ഷാ ഫോമും, പ്രോസ്‌പെക്ടസും കോളജ് ഓഫീസിലും  ഐ.എച്ച്.ആര്‍.ഡിയുടെ www.ihrd.ac.in എന്ന വെബ്‌സൈറ്റിലും ലഭിക്കും. ഫോണ്‍-0494 2689655, 8547006802.

കുട്ടികള്‍ക്കെതിരെയുള്ള അതിക്രമങ്ങള്‍ തടയുന്നതിനും രക്ഷിതാക്കളെ ശാക്തീകരിക്കുന്നതിനുമായി വനിതാശിശുവികസന വകുപ്പിന്റെ നേതൃത്വത്തില്‍ സംഘടിപ്പിക്കുന്ന കരുതല്‍ സ്പര്‍ശം-കൈകോര്‍ക്കാം കുട്ടികള്‍ക്ക് എന്ന പേരില്‍ സംസ്ഥാന തല ക്യാമ്പയിനിങിന് ജില്ലയില്‍ തുടക്കമായി. പദ്ധതിയുടെ ഭാഗമായി നടന്ന സംസ്ഥാനതല ഏകദിന ബോധവത്കരണ പരിപാടി ജില്ലയിലെ ഏഴു കേന്ദ്രങ്ങളില്‍ രാവിലെ 10 മുതല്‍ നാലുവരെ തത്സമയം സംപ്രേക്ഷണം ചെയ്തു.

മാറഞ്ചേരി ഗവ. ഹയര്‍ സെക്കന്‍ഡറി സ്‌കൂളില്‍ ആധുനിക സൗകര്യങ്ങളോടെ  നിര്‍മ്മിച്ച മൂന്ന് നില കെട്ടിടം സ്പീക്കര്‍ പി. ശ്രീരാമകൃഷ്ണന്‍ ഇന്ന് ( മെയ് 30) ഉദ്ഘാടനം ചെയ്യും. മൂന്നര കോടി ചെലവഴിച്ച് നിര്‍മ്മിച്ച കെട്ടിടത്തില്‍ ഹൈടെക് സൗകര്യങ്ങളോടു കൂടിയ 11 ക്ലാസ് മുറികളും ആധുനിക രീതിയിലുള്ള അടുക്കളയുമുണ്ട്.  2018 സെപ്റ്റംബറില്‍ തുടങ്ങിയ നിര്‍മ്മാണം  ഏഴ് മാസം കൊണ്ടാണ് പൂര്‍ത്തിയാക്കിയത്. മൂന്ന് വര്‍ഷം മുമ്പാണ് എം എല്‍ എ യുടെ ആസ്തി  വികസന ഫണ്ടില്‍ നിന്ന് ഒരു കോടി ചെലവഴിച്ച് ഇരുനില കെട്ടിടം സ്‌കൂളില്‍ നിര്‍മ്മിച്ചത്.