പുതുനഗരം, കൊല്ലങ്കോട് ഗവ. പ്രീ-മെട്രിക് ഹോസ്റ്റലുകളില്‍ മേട്രണ്‍ കം റസിഡന്റ് ട്യൂട്ടര്‍ (പുരുഷന്‍) ഒഴിവ്. ബിരുദം, ബി.എഡ് യോഗ്യതയുള്ളവര്‍ വെള്ളകടലാസില്‍ തയ്യാറാക്കിയ അപേക്ഷയും സര്‍ട്ടിഫിക്കറ്റുകളുടെ പകര്‍പ്പുകളുമായി ജൂണ്‍ 10നകം കൊല്ലങ്കോട് ബ്ലോക്ക് പട്ടികജാതി വികസന ഓഫീസില്‍ നല്‍കണം. പ്രതിമാസ ഹോണറേറിയം 12000 രൂപ. ഫോണ്‍: 8547630129.

മണ്ണാര്‍ക്കാട് താലൂക്ക് ആസ്ഥാന ആശുപത്രിയില്‍ ഇ.സി.ജി.ടെക്നീഷ്യനെ ദിവസ വേതനാടിസ്ഥാനത്തില്‍ നിയമിക്കുന്നു. വി.എച്ച്.എസ്.സി.  ഇ.സി.ജി. ആന്‍ഡ് ഓഡിയോ മെട്രിക്ക് ടെക്നീഷ്യന്‍ കോഴ്സ് പാസാവണം. പ്രവൃത്തി പരിചയം അഭികാമ്യം. താല്‍പര്യമുള്ളവര്‍ ജൂണ്‍ മൂന്നിന് രാവിലെ 10ന് വയസ്സ്, വിദ്യാഭ്യാസ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി മണ്ണാര്‍ക്കാട് താലൂക്ക് ആസ്ഥാന ആശുപത്രി ഓഫീസില്‍ നടക്കുന്ന കൂടിക്കാഴ്ചയ്ക്ക് എത്തണമെന്ന് സൂപ്രണ്ട് അറിയിച്ചു. ഫോണ്‍ 04924 224549.

ഗവ. ടെക്നിക്കല്‍ ഹൈസ്‌ക്കൂളില്‍ പാര്‍ട്ട് ടൈം എച്ച്.എസ്.എ (മലയാളം) തസ്തികയില്‍ താത്ക്കാലിക ഒഴിവ്. മലയാളത്തില്‍ ബി.എഡ്, സെറ്റ്/ കെ.ടെറ്റ് യോഗ്യതയുളളവര്‍ അസ്സല്‍ സര്‍ട്ടിഫിക്കറ്റുമായി ഇന്ന് (ജൂണ്‍ ഒന്നിന് ) രാവിലെ10 ന് സൂപ്രണ്ടിന്റെ കാര്യാലയത്തില്‍ അഭിമുഖത്തിന് എത്തണമെന്ന് അറിയിച്ചു.  ഫോണ്‍: 0491-2572038.

വനിതാ കമ്മീഷന്‍ മെഗാ അദാലത്ത് ജൂണ്‍ 10 ന് രാവിലെ 10.30 മുതല്‍ ജില്ലാ കലക്ടറേറ്റ് കോണ്‍ഫറന്‍സ് ഹാളില്‍ നടക്കും

വിധവാ- വാര്‍ദ്ധ്യകാല പെന്‍ഷനുകള്‍ അനുവദിക്കുന്നതില്‍ ചെറിയ തടസങ്ങളുണ്ടെങ്കില്‍ അത് നീക്കി മനുഷത്വപരമായ നയത്തിലൂടെ അര്‍ഹരായവര്‍ക്ക് ആനുകൂല്യം ലഭ്യമാക്കണമെന്ന് മനുഷ്യാവകാശ കമ്മീഷന്‍ അഭിപ്രായപ്പെട്ടു. വിധവാ പെന്‍ഷന്‍ സംബന്ധിച്ച് അനങ്ങനടി സ്വദേശിയുടെ പരാതിയുടെ അടിസ്ഥാനത്തിലാണ് കമ്മീഷന്‍ ഈ അഭിപ്രായം വ്യക്തമാക്കിയത്. 

എല്ലാ ദിവസവും പുകയില വിരുദ്ധ ദിനമാക്കി മാറ്റാന്‍ ആഹ്വാനം ചെയ്ത് ലോക പുകയില വിരുദ്ധ ദിനം ആചരിച്ചു. പുകയില ഉത്പന്നങ്ങളുടെ ഉപയോഗം നിയന്ത്രിച്ച് ശ്വാസകോശ ആരോഗ്യം സംരക്ഷിക്കാനുള്ള നടപടികള്‍ സമൂഹത്തിന്റെ എല്ലാ തലങ്ങളിലേക്കും എത്തിക്കുകയാണ് ആരോഗ്യവകുപ്പ് സംഘടിപ്പിച്ച പരിപാടിയുടെ ലക്ഷ്യം. പുകയിലയും ശ്വാസകോശ ആരോഗ്യവുമെന്നാണ് ഈ വര്‍ഷത്തെ ലോക പുകയില വിരുദ്ധ സന്ദേശം. ദിനാചരണത്തിന്റെ ജില്ലാതല ഉദ്ഘാടനം മുതലമട പഞ്ചായത്ത് കമ്മ്യൂണിറ്റി ഹാളില്‍ കൊല്ലങ്കോട് ബ്ലോക്ക് പഞ്ചായത്ത് പ്രസിഡന്റ് ശാരദ തുളസീദാസ് നിര്‍വഹിച്ചു.  

തിരുവനന്തപുരം ഗവൺമെന്റ് ലോ കോളേജിൽ 2010-11 അക്കാഡമിക് വർഷത്തിൽ പഞ്ചവത്സര എൽ.എൽ.ബി കോഴ്‌സിന് പ്രവേശനം നേടിയ വിദ്യാർത്ഥികളുടേയും2011-12, 2012-13 കാലയളവിൽ വിവിധ കോഴ്‌സുകൾക്ക് പ്രവേശനം നേടിയ വിദ്യാർത്ഥികളുടേയും കോഷൻ ഡെപ്പോസിറ്റ് ജൂൺ 10 മുതൽ 25 വരെ വിതരണം ചെയ്യും. വിദ്യാർത്ഥികൾ തിരിച്ചറിയൽ കാർഡ് സഹിതം ഈ ദിവസങ്ങളിൽ 10 മണിക്കും 3 മണിക്കും ഇടയിൽ ഓഫീസിൽ നിന്ന് തുക കൈപ്പറ്റണം. കൈപ്പറ്റാത്ത വിദ്യാർത്ഥികളുടെ ഡെപ്പോസിറ്റ് തുക സർക്കാർ റവന്യൂവിലേക്ക് തിരിച്ചടക്കുമെന്ന് പ്രിൻസിപ്പൽ അറിയിച്ചു.
പി.എൻ.എക്സ്. 1576/19

തിരുവനന്തപുരം പൂജപ്പുരയിലെ കേരള സംസ്ഥാന വികലാംഗക്ഷേമ കോർപ്പറേഷൻ ഹെഡ് ഓഫീസിൽ ഡ്രൈവർ ഉൾപ്പെടെ കാർ വാടകയ്ക്ക് ആവശ്യമുണ്ട്.  താല്പര്യമുള്ള വ്യക്തികൾ/ ഏജൻസികൾ ഓഫീസുമായി നേരിട്ട് ബന്ധപ്പെടുകയോ വെബ്‌സൈറ്റ് സന്ദർശിക്കുകയോ ചെയ്യണം.  ക്വട്ടേഷൻ 13ന് വൈകിട്ട് മൂന്ന് വരെ സ്വീകരിക്കും.  ഫോൺ: 0471-2347768, 9544286928.  വെബ്‌സൈറ്റ്: www.hpwc.kerala.gov.in.    
പി.എൻ.എക്സ്. 1575/19