ജില്ലയിലെ വിവിധ സ്വകാര്യ സ്ഥാപനങ്ങളിലേക്ക് സെയില്‍സ്മാന്‍, മൊബൈല്‍ സര്‍വ്വീസ് ടെക്‌നീഷ്യന്‍ ട്രെയിനി ഉള്‍പ്പെടെ 100 ഓളം ഒഴിവുകളിലേക്ക് ഇന്ന് (ജൂണ്‍ 1) സിവില്‍ സ്റ്റേഷനിലുളള എംപ്ലോയബിലിറ്റി സെന്ററില്‍ രാവിലെ 10.30 ന് കൂടിക്കാഴ്ച നടത്തും. എംപ്ലോയ്ബിലിറ്റി സെന്ററില്‍ രജിസ്റ്റര്‍ ചെയ്തവര്‍ക്ക്  സൗജന്യമായും അല്ലാത്തവര്‍ക്ക് 250 രൂപ ഒറ്റത്തവണ ഫീസടച്ച് ഓണ്‍ലൈനായി www.employabilitycentre.org  എന്ന വെബ് സൈറ്റില്‍ രജിസ്റ്റര്‍ ചെയ്തും അഭിമുഖത്തില്‍ പങ്കെടുക്കാം. താല്‍പര്യമുളള ഉദ്യോഗാര്‍ത്ഥികള്‍  ബയോഡാറ്റ സഹിതം രാവിലെ 10.30ന് സെന്ററില്‍    എത്തണം.  ഫോണ്‍ : 0495  2370178.    

സ്‌കോളര്‍ഷിപ്പിന് അപേക്ഷ ക്ഷണിച്ചു

    കെട്ടിട നിര്‍മാണ തൊഴിലാളി ക്ഷേമ ബോര്‍ഡിന്റെ അംഗതൊഴിലാളികളുടെ മക്കള്‍ക്ക് വിവിധ കോഴ്‌സുകള്‍ക്ക് നല്‍കിവരുന്ന സ്‌കോളര്‍ഷിപ്പിന് അപേക്ഷ ക്ഷണിച്ചു. പഠന സഹായത്തിനുള്ള അപേക്ഷ ഇന്ന് (ജൂണ്‍ ഒന്ന്) മുതല്‍ ജൂലൈ 15 വരെയും മറ്റ് ഉന്നത വിദ്യാഭ്യാസത്തിനുളള അപേക്ഷ അതത് കോഴ്‌സുകള്‍ ആരംഭിച്ച് 45 ദിവസം വരെയും ബോര്‍ഡിന്റെ ചെറൂട്ടി റോഡില്‍ പ്രവര്‍ത്തിക്കുന്ന ജില്ലാ ഓഫീസില്‍ സ്വീകരിക്കുമെന്ന് എക്‌സിക്യുട്ടീവ് ഓഫീസര്‍ അറിയിച്ചു. 

സംസ്ഥാനത്തെ 13 ജില്ലകളിലെ 44 തദ്ദേശസ്വയംഭരണ വാർഡുകളിലെ  ഉപതിരഞ്ഞെടുപ്പിനുള്ള വിജ്ഞാപനം സംസ്ഥാന തിരഞ്ഞെടുപ്പ് കമ്മീഷൻ പുറപ്പെടുവിച്ചു.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, വയനാട്, കണ്ണൂർ ജില്ലകളിലെ 33 ഗ്രാമപഞ്ചായത്ത് വാർഡുകളിലും ആലപ്പുഴ, തൃശ്ശൂർ ജില്ലകളിലെ ഓരോ ബ്ലോക്ക് പഞ്ചായത്ത് വാർഡുകളിലും കോട്ടയം, ഇടുക്കി ജില്ലകളിൽ രൺണ്ട് വീതം ബ്ലോക്ക് പഞ്ചായത്ത് വാർഡുകളിലും ആലപ്പുഴ ജില്ലയിൽ രൺണ്ട് നഗരസഭാ വാർഡുകളിലും ഇടുക്കി, മലപ്പുറം, കോഴിക്കോട് ജില്ലകളിൽ ഓരോ നഗരസഭാ വാർഡുകളിലുമാണ് ജൂൺ 27ന് ഉപതിരഞ്ഞെടുപ്പ്. 

കേരള ബിൽഡിംഗ് ആന്റ് അദർ കൺസ്ട്രക്ഷൻ വർക്കേഴ്‌സ് വെൽഫെയർ ബോർഡിന്റെ തിരുവനന്തപുരം ജില്ലാ ഓഫീസിൽ നിന്നും ബോർഡിലെ അംഗങ്ങളുടെ മക്കൾക്ക് വിവിധ കോഴ്‌സുകൾക്ക് സ്‌കോളർഷിപ്പ് നൽകുന്നു. ഉന്നത വിദ്യാഭ്യാസ കോഴ്‌സ് ആരംഭിച്ച് 45 ദിവസത്തിനകം അപേക്ഷ സമർപ്പിക്കാം. എസ്.എസ്.എൽ.സി പഠന സഹായത്തിനുള്ള അപേക്ഷകൾ ജൂൺ ഒന്ന് മുതൽ ജൂലൈ 15 വരെയും സ്വീകരിക്കും.
പി.എൻ.എക്സ്. 1554/19

* ലോക പുകയില വിരുദ്ധദിനാചരണം സംസ്ഥാനതല ഉദ്ഘാടനം നിർവഹിച്ചു
ലഹരിമാഫിയയുടെ വേരറുക്കാൻ സർക്കാർ പ്രതിജ്ഞാബദ്ധമാണെന്ന് എക്‌സൈസ്, തൊഴിൽ മന്ത്രി ടി.പി.രാമകൃഷ്ണൻ പറഞ്ഞു. ലഹരിവ്യാപനം തടയാൻ സംസ്ഥാനസർക്കാരിന്റെ നടപടികൾക്കു പുറമെ സമൂഹത്തിന്റെ തുടർച്ചയായ ഇടപെടൽകൂടി ഉണ്ടാവണമെന്നും മന്ത്രി പറഞ്ഞു. ലോക പുകയിലവിരുദ്ധദിനാചരണത്തിന്റെ സംസ്ഥാനതല ഉദ്ഘാടനം വി.ജെ.ടി ഹാളിൽ നിർവഹിക്കുകയായിരുന്നു മന്ത്രി.

മെയ് 28 മുതല്‍ 30 വരെ നടത്താനിരുന്ന 109-മത് അഖിലേന്ത്യാ അപ്രന്റീസ്ഷിപ്പ് ട്രേഡ് തിയറി പരീക്ഷ യഥാക്രമം ജൂണ്‍ 26 മുതല്‍ 28 വരെയുള്ള തീയതികളിലേക്ക് മാറ്റി. പ്രാക്ടിക്കല്‍ പരീക്ഷകള്‍ക്ക് മാറ്റമില്ല. അപ്രന്റീസ് ട്രേഡ് ടെസ്റ്റിന് അപേക്ഷിച്ചവര്‍ പുതുക്കിയ തീയതികളില്‍ പരീക്ഷയ്ക്ക് ഹാജരാവണമെന്ന് ട്രെയിനിങ് ഓഫീസര്‍ അറിയിച്ചു. ഫോണ്‍: 0491-2815761.

ജില്ലയില്‍ പുതുതായി ആരംഭിച്ച സര്‍ക്കാര്‍ ഹോമിയോ ഡിസ്പെന്‍സറികളില്‍ നാം മിഷന്‍ മുഖേന ദിവസവേതനാടിസ്ഥാനത്തില്‍ ഫാര്‍മസിസ്റ്റ് തസ്തികയിലേക്ക് അഭിമുഖം നടത്തുന്നു. ഉദ്യോഗാര്‍ത്ഥികള്‍ യോഗ്യത തെളിയിക്കുന്ന സര്‍ട്ടിഫിക്കറ്റിന്റെ അസലും പകര്‍പ്പുമായി ജൂണ്‍ മൂന്നിന് രാവിലെ 10. 30 ന് പാലക്കാട് കല്‍പ്പാത്തി ചാത്തപ്പുരത്ത് പ്രവര്‍ത്തിക്കുന്ന ജില്ലാ മെഡിക്കല്‍ ഓഫീസില്‍(ഹോമിയോ) അഭിമുഖത്തിന് എത്തണമെന്ന് ജില്ലാ മെഡിക്കല്‍ ഓഫീസര്‍ (ഹോമിയോ) അറിയിച്ചു. ഫോണ്‍: 0491- 2576355