കേരള കൈത്തറി തൊഴിലാളി ക്ഷേമനിധി അംഗങ്ങളുടെ മക്കളിൽ 2019 മാർച്ചിലെ എസ്.എസ്.എൽ.സി പരീക്ഷയിൽ സംസ്ഥാനത്ത് ഉന്നത വിജയം നേടിയവർക്ക് സ്വർണപ്പതക്കത്തിനും ജില്ലകളിൽ ഉന്നതവിജയം നേടിയവർക്ക് ക്യാഷ് അവാർഡിനുമുള്ള അപേക്ഷ ക്ഷണിച്ചു. 

മൈനോറിറ്റി സ്റ്റാറ്റസുള്ള ഹൈസ്‌കൂളുകളുടെ ഹയർ സെക്കൻഡറി വിഭാഗത്തിൽ 20 ശതമാനം കമ്മ്യൂണിറ്റി ക്വാട്ട സീറ്റുകളിൽ ഒന്നാം വർഷ പ്രവേശനം നടത്താൻ അനുമതി നൽകി സർക്കാർ ഉത്തരവായി. മൈനോറിറ്റി സ്റ്റാറ്റസ് തെളിയിക്കുന്ന സർട്ടിഫിക്കറ്റ് ഈ അധ്യയനവർഷം തന്നെ ഹാജരാക്കണമെന്ന വ്യവസ്ഥയിലാണ് അനുമതി നൽകിയിരിക്കുന്നത്.
പി.എൻ.എക്സ്. 1487/19

സംസ്ഥാനത്തെ എല്ലാ സർക്കാർ, എയ്ഡഡ് ഹയർസെക്കൻഡറി സ്‌കൂളുകളിലും സർക്കാരിന് അധികസാമ്പത്തികബാധ്യത വരാത്ത വിധത്തിൽ പ്ലസ് വൺ കോഴ്‌സിന് 20 ശതമാനം മാർജിനൽ സീറ്റ് വർധന വരുത്തി ഉത്തരവായി. പ്രവേശനം നിലവിലുള്ള വ്യവസ്ഥകൾക്ക് പ്രകാരമായിരിക്കും.
പി.എൻ.എക്സ്. 1486/19

ലോവർ പ്രൈമറി വിഭാഗം, അപ്പർ പ്രൈമറി വിഭാഗം, ഹൈസ്‌കൂൾ വിഭാഗം, സ്‌പെഷ്യൽ വിഭാഗം (ഭാഷാ - യു.പി തലം വരെ/ സ്‌പെഷ്യൽ വിഷയങ്ങൾ - ഹൈസ്‌കൂൾ തലം വരെ) എന്നിവയിലെ അധ്യാപക യോഗ്യതാ പരീക്ഷ (കെ-ടെറ്റ്) നുള്ള വിജ്ഞാപനം പ്രസിദ്ധീകരിച്ചു.  കാറ്റഗറി ഒന്ന്, രണ്ട് പരീക്ഷകൾ ജൂൺ 22 നും കാറ്റഗറി മൂന്ന്, നാല് പരീക്ഷകൾ ജൂൺ 29നും കേരളത്തിലെ വിവിധ സെന്ററുകളിൽ നടക്കും.  കെ-ടെറ്റ് ജൂൺ 2019ന് അപേക്ഷിക്കുന്നതിനുള്ള ഓൺലൈൻ അപേക്ഷയും ഫീസും  https://ktet.kerala.gov.in  വഴി ജൂൺ ആറു വരെ സമർപ്പിക്കാം.

വൊക്കേഷണൽ ഹയർ സെക്കന്ററി വിദ്യാഭ്യാസ വകുപ്പ് 2019 മാർച്ചിൽ നടത്തിയ ഒന്നാം വർഷ പൊതുപരീക്ഷയുടെ സ്‌കോറുകൾ 28ന് പ്രസിദ്ധീകരിക്കും. സ്‌കോറുകൾwww.keralaresults.nic.in, www.results.kerala.nic.in  എന്നീ സൈറ്റുകളിൽ ലഭിക്കും.
പി.എൻ.എക്സ്. 1484/19

വായ്പാ പദ്ധതിയിലേക്ക് അപേക്ഷ ക്ഷണിച്ചു
സംസ്ഥാന പട്ടികജാതി പട്ടികവര്‍ഗ വികസന കോര്‍പ്പറേഷന്‍  പട്ടികജാതി പട്ടികവര്‍ഗ വിഭാഗത്തില്‍പ്പെട്ട പ്രൊഫഷണലുകള്‍ക്ക് സ്റ്റാര്‍ട്ടപ്പ് ആരംഭിക്കുന്നതിനുള്ള വായ്പാ പദ്ധതിയിലേക്ക് അപേക്ഷ  ക്ഷണിച്ചു.   മൂന്ന് ലക്ഷത്തി അമ്പതിനായിരം രൂപ വരെ കുംടുംബ വാര്‍ഷിക വരുമാനമുള്ള പ്രൊഫഷണലുകള്‍ക്ക് അപേക്ഷിക്കാം.  ആറു ശതമാനം പലിശ നിരക്കില്‍ 50 ലക്ഷം രൂപ വരെ വായ്പ അനുവദിക്കും.  60 തുല്ല്യ മാസത്തവണകളായി തിരിച്ചടക്കണം.