ലോകബാങ്ക് ധനസഹായത്തോടെ നടപ്പിലാക്കുന്ന കേരള ശുദ്ധജലവിതരണ ശുചിത്വ പദ്ധതിയായ ജലനിധിയുടെ മലപ്പുറം, കണ്ണൂർ റീജിയണൽ പ്രോജക്ട് മാനേജ്‌മെന്റ് യൂണിറ്റുകളിൽ റീജിയണൽ പ്രോജക്ട് ഡയറക്ടർ തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ അപേക്ഷ ക്ഷണിച്ചു. 

തിരുവനന്തപുരം തൈക്കാട് ഗവ. കോളേജ് ഓഫ് ടീച്ചർ എഡ്യൂക്കേഷൽ ഫൗണ്ടേഷൻ ഇൻ എഡ്യൂക്കേഷൻ ഗസ്റ്റ് ലക്ചറർ ഒഴിവ്. കോളേജ് വിദ്യാഭ്യാസ വകുപ്പിന്റെ ഡെപ്യൂട്ടി ഡയറക്ടർ ഓഫീസുകളിൽ രജിസ്റ്റർ ചെയവർക്ക് മുൻഗണന. സാമൂഹികശാസ്ത്ര വിഷയങ്ങളിൽ 55 ശതമാനം മാർക്കോടെ ബിരുദാനന്തര ബിരുദവും എം.എഡും നെറ്റുമുള്ളവർക്ക് പങ്കെടുക്കാം. നെറ്റുള്ളവരുടെ അഭാവത്തിൽ മറ്റുള്ളവരെയും പരിഗണിക്കും. അസ്സൽ രേഖകളുമായി മെയ് 28 ന് ഉച്ചയ്ക്ക് രണ്ടിന് കോളേജിൽ  എത്തണം. വിശദവിവരങ്ങൾക്ക്www.gctetvm@gmail.com. ഫോൺ : 0471-2323964.
പി.എൻ.എക്സ്. 1466/19

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്‌സിൽ ബി.ബി.എ. (ടൂറിസം മാനേജ്‌മെന്റ്) കോഴ്‌സിൽ അപേക്ഷിക്കാം. കേരള സർവകലാശാലയുടെ കീഴിൽ നടത്തുന്ന കോഴ്‌സിൽ പ്രവേശനത്തിന് താത്പര്യമുള്ളവർ www.keralauniversity.ac.in ൽ അപേക്ഷ നൽകണം. മാനേജ്‌മെന്റ് ക്വാട്ടയിൽ പ്രവേശനത്തിന് താത്പര്യമുള്ളവർ www.kittsedu.org യിൽ അപേക്ഷിക്കണം. സർക്കാർ അനുവദിച്ചിട്ടുള്ള സംവരണവും ആനുകൂല്യവും ലഭിക്കും. ഫോൺ: 0471-2327707, 9446529467.
പി.എൻ.എക്സ്. 1465/19

കേൾവിപരിമിതരായ വിദ്യാർത്ഥികൾക്കായി തിരുവനന്തപുരത്തെ ജഗതി ഗവൺമെന്റ് ബധിരവിദ്യാലയത്തിൽ ഗ്രാഫിക് ഡിസൈനിംഗ് & പ്രിന്റിംഗ് ടെക്‌നോളജി, ഫാഷൻ ഡിസൈനിംഗ് കോഴ്‌സുകളിലേക്ക് പ്ലസ് വൺ, വി.എച്ച്.എസ്.ഇ. വിഭാഗം പ്രവേശനം തുടരുന്നു. കോഴ്‌സ് കഴിയുന്ന വിദ്യാർത്ഥികൾക്ക് ഉപരിപഠനത്തിനുള്ള മാർഗനിർദ്ദേശങ്ങൾ നൽകുകയും ക്യാമ്പസ് ഇന്റർവ്യൂ വഴി വിവിധ സ്ഥാപനങ്ങളിൽ തൊഴിൽ ലഭ്യമാക്കുകയും ചെയ്യും. ഹോസ്റ്റൽ സൗകര്യവും ഭക്ഷണവും പഠനോപകരണങ്ങളും യൂണിഫോമും സൗജന്യമാണ്. ഫോൺ: 8281133823, 9605365269.
പി.എൻ.എക്സ്. 1456/19

 
തിരുവനന്തപുരം ജഗതി ഗവ.ബധിര വിദ്യാലയത്തിൽ വിവിധ തസ്തികകളിൽ താത്ക്കാലിക നിയമനം നടത്തുന്നു. ഹൈസ്‌ക്കൂൾ വിഭാഗത്തിൽ മലയാളം(എച്ച്.എസ്.എ), പ്ലംബിംഗ് ഇൻസ്ട്രക്ടർ, ഡ്രോയിംഗ് ടീച്ചർ, തയ്യൽ ടീച്ചർ, ആയ, കുക്ക് തസ്തികകളിലാണ് ഒഴിവ്. വി.എച്ച്.എസ്.ഇ. വിഭാഗത്തിൽ മെയിൽ മേട്രൺ, ഫീമെയിൽ മേട്രൺ, കുക്ക്, സ്വീപ്പർ കം സ്‌കാവഞ്ചർ, എന്റർപ്രണർഷിപ്പ് ഡവലപ്പ്‌മെന്റ് എൻ.വി. ടീച്ചർ തസ്തികകളിലാണ് ഒഴിവ്. ബന്ധപ്പെട്ട രേഖകളുമായി 27ന് രാവിലെ 10ന് സ്‌കൂൾ ഓഫീസിൽ എത്തണമെന്ന് പ്രിൻസിപ്പൽ അറിയിച്ചു. ഫോൺ:0471-2325717, 0471-2324495
പി.എൻ.എക്സ്. 1455/19

ഐ.എച്ച്.ആർ.ഡിയുടെ കീഴിലുളള 15 ടെക്‌നിക്കൽ ഹയർസെക്കൻഡറി സ്‌കൂളുകളിൽ ടെക്‌നിക്കൽ ഹയർസെക്കൻഡറി പ്രവേശനത്തിന് അപേക്ഷ ക്ഷണിച്ചു. അപേക്ഷാഫോറം സ്‌കൂളിൽ നിന്നും www.ihrd.ac.inൽ നിന്നും ലഭിക്കും. പൂരിപ്പിച്ച അപേക്ഷകൾ ബന്ധപ്പെട്ട സ്‌കൂളിൽ നേരിട്ട് സമർപ്പിക്കണം.