കാസര്‍കോട് ജില്ലാ സ്‌പോര്‍ട്‌സ് കൗണ്‍സിലിന്റെ അധീനതയിലുളള കാസര്‍കോട് സ്‌പോര്‍ട്‌സ് അക്കാദമിയിലേക്ക് വാട്ടര്‍ പ്യൂരിഫെയര്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.ക്വട്ടേഷനുകള്‍ ഏപ്രില്‍ അഞ്ചിന് വൈകുന്നേരം മൂന്നിനകം സമര്‍പ്പിക്കണം. കൂടുതല്‍ വിവരങ്ങള്‍ക്ക് -04994 255521, 

കേരള വാട്ടര്‍ അതോറിറ്റിയുടെ കാസര്‍കോട് സബ് ഡിവിഷനു കീഴില്‍ ചെര്‍ക്കള മുതല്‍ വിദ്യാനഗര്‍ വരെ പുതിയ പൈപ്പ് ലൈനിന് ഇന്റര്‍കണക്ഷന്‍ വര്‍ക്ക്, വാള്‍വ് സ്ഥാപിക്കല്‍ എന്നിവ നടക്കുന്നതിനാല്‍ കാസര്‍കോട് മുന്‍സിപ്പാലിറ്റിയിലേയും മധൂര്‍, ചെങ്കള, മുളിയാര്‍ പഞ്ചായത്തുകളിലെ ചില ഭാഗങ്ങളിലും ഈ മാസം 21 മുതല്‍ 24 വരെ കുടിവെളള വിതരണം ഭാഗികമായി തടസപ്പെടുമെന്ന് അസിസ്റ്റന്റ് എക്‌സിക്യുട്ടീവ് എഞ്ചിനീയര്‍ അറിയിച്ചു.

കാസര്‍കോട് ജില്ലയില്‍ സര്‍ക്കാറിന്റെ വിവിധ പദ്ധതികള്‍ക്ക്  സ്വകാര്യ ഭൂമി, ഏറ്റെടുക്കുന്നതിന് സാമൂഹിക ആഘാത പഠനം നടത്തുന്നതിന് താല്‍പര്യമുള്ള വ്യക്തികളില്‍ നിന്നും സ്ഥാപനങ്ങളില്‍ നിന്നും ജില്ലാഭരണകൂടം താല്‍പര്യപത്രം ക്ഷണിച്ചു. മാര്‍ച്ച്  30 ന് വൈകീട്ട് അഞ്ചിനകം  മതിയായ രേഖകള്‍ സഹിതം താല്‍പര്യപത്രം  ജില്ലാകളക്ടര്‍, കളക്ടറേറ്റ്, പി ഒ വിദ്യാനഗര്‍, കാസര്‍കോട് എന്ന വിലാസത്തിലോ  kascoll.ker@nic.in  എന്ന ഇമെയില്‍ വിലാസത്തിലോ അയക്കണം.കൂടുതല്‍ വിവരങ്ങള്‍ക്ക് www.kasargod.gov.in   എന്ന വെബ്‌സൈറ്റ് സന്ദര്‍ശിക്കുക. 

2019 ലോകസഭാ തെരഞ്ഞെടുപ്പിന്റെ ഭാഗമായി ദൂരദര്‍ശന്‍ ന്യൂസിന്റെ തെരഞ്ഞെടുപ്പ് ചര്‍ച്ച 'ജനസമക്ഷം' ഇന്ന്(20)വൈകിട്ട് അഞ്ചിന് കാസര്‍കോട് പുതിയ ബസ് സ്റ്റാന്റ് പരിസരത്ത് നടക്കും.  ജില്ലയിലെ പ്രമുഖ രാഷ്ട്രീയ പാര്‍ട്ടി പ്രതിനിധികള്‍ പങ്കെടുക്കും.

പൊതുതെരഞ്ഞെടുപ്പില്‍ ഒരേ വോട്ടര്‍ക്ക്  രണ്ടിടങ്ങളിലായി വോട്ടുള്ളതായി ചില സ്ഥലങ്ങളില്‍ നിന്ന് ശ്രദ്ധയില്‍പ്പെട്ടിട്ടുള്ളതായി ജില്ലാ കളക്ടര്‍ ഡോ ഡി സജിത്ത് ബാബു പറഞ്ഞു. അയല്‍ സംസ്ഥാനക്കാരായ വോട്ടര്‍മാരില്‍ ചിലര്‍ ഇങ്ങനെ ജില്ലയിലെ  വോട്ടര്‍ പട്ടികയില്‍ ഇടം നേടിയതായി റിപ്പോര്‍ട്ട് ചെയ്തിട്ടുണ്ട്. ജന പ്രാതിനിധ്യനിയമത്തിലെ വ്യവസ്ഥകള്‍  പ്രകാരം ഇത് ഗുരുതരമായ നിയമ ലംഘനമാണ്. അത്തരത്തില്‍ ഒന്നില്‍ കൂടുതല്‍ സ്ഥലത്ത് വോട്ടര്‍പട്ടികയില്‍ പേരുള്ളതായി കണ്ടെത്തിയാല്‍ പിഴയും തടവും ഉള്‍പ്പടെയുള്ള നിയമനടപടികള്‍ക്ക് വിധേയരാക്കുമെന്ന് ജില്ലാ കളക്ടര്‍ മുന്നറിയിപ്പ് നല്‍കി.

ലോക്‌സഭാ തെരഞ്ഞെടുപ്പില്‍ മറ്റു പാര്‍ട്ടികളുടെ സ്ഥാനാര്‍ഥികളുടെയും നേതാക്കളുടെയും  പൊതുപ്രവര്‍ത്തനവുമായി ബന്ധമില്ലാത്ത സ്വകാര്യജീവിതത്തെക്കുറിച്ചു വിമര്‍ശിക്കരുതെന്നു ജില്ലാ കളക്ടര്‍ പറഞ്ഞു. ഇത്തരം പ്രവര്‍ത്തനങ്ങളില്‍ നിന്നു സ്ഥാനാര്‍ഥികളും നേതാക്കന്മാരും മാറി നില്‍ക്കണമെന്നും ജില്ലാ വരണാധികാരികൂടിയായ ജില്ലാ കളക്ടര്‍ ഡോ.ഡി.സജിത് ബാബു പറഞ്ഞു. 

ജില്ലയില്‍ പോലീസ് വകുപ്പിന് കീഴിലുല്‌ള ഡോഗ് സ്‌ക്വാഡിലേക്ക് 2019-20 സാമ്പത്തികവര്‍ഷത്തേക്ക് പാല്‍, പെഡിഗിരി എന്നിവ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സമര്‍പ്പിക്കേണ്ട അവസാന തീയതി മാര്‍ച്ച് 30. കൂടുതല്‍ വിവരങ്ങള്‍ക്ക് 04862 232354.

ആരോഗ്യ വകുപ്പ് ഡയറക്ടറുടെ ഉടമസ്ഥതയിലുള്ള ഗഘ 01അആ 6317 നമ്പര്‍ ക്വാളിസ്, ഗഘ 01 ഖ 7944 നമ്പര്‍ ജീപ്പിന്റെയും അസ്സല്‍ രജിസ്‌ട്രേഷന്‍ ബുക്കുകള്‍ നഷ്ടപ്പെട്ട സാഹചര്യത്തില്‍  ഈ വാഹനങ്ങളുടെ ആര്‍.സി ബുക്ക് എടുക്കുന്നതിന് ആര്‍ക്കെങ്കിലും പരാതി ഉണ്ടെങ്കില്‍ നോട്ടീസ് തീയതി മുതല്‍ 14 ദിവസത്തിനകം രേഖാമൂലം ജില്ലാ മെഡിക്കല്‍ ഓഫീസ് (ആരോഗ്യം) പൈനാവ്, ഇടുക്കി എന്ന വിലാസത്തില്‍ അയക്കണം. ഇ മെയില്‍ റാീവശസ@ഴാമശഹ.രീാ .ഫോണ്‍ 04862 233030.

സിവില്‍ സപ്ലൈസ് വകുപ്പിന്റെ ആഭിമുഖ്യത്തില്‍ ജില്ലാ ഇന്‍ഫര്‍മേഷന്‍ ഓഫീസിന്റെ സഹകരണത്തോടെ ദേശീയ ഭക്ഷ്യ ഭദ്രതാ  നിയമം 2013 നെ കുറിച്ച് ജില്ലയിലെ മാധ്യമപ്രവര്‍ത്തകര്‍ക്ക് തൊടുപുഴ പ്രസ് ക്ലബില്‍ ശില്പശാല സംഘടിപ്പിച്ചു. ദേശീയ ഭക്ഷ്യഭദ്രതാ നിയമം 2013 ലെ വിവിധ ഘട്ടങ്ങളെക്കുറിച്ചും ഈ പോസ് മെഷീനുകളുടെ പ്രവര്‍ത്തന രീതികളെ കുറിച്ചും പൊതു വിതരണ രംഗത്തെ മാറ്റങ്ങളെക്കുറിച്ചും റേഷനിംഗ് ഇന്‍സ്‌പെക്ടര്‍ അജിത് കുമാര്‍ പി ബി വിഷയാവതരണം നടത്തി.