മുളന്തുരുത്തി: മൂന്ന് പതിറ്റാണ്ടിന് ശേഷം ഉദയംപേരൂർ ഇടമ്പാടം പാടശേഖരത്തിൽ വിത്തെറിഞ്ഞപ്പോൾ മഴയും ചാറി. കൂടി നിന്ന കർഷകർ മികച്ച വിളവിന്റെ ലക്ഷണം പങ്കുവെച്ചപ്പോൾ കാർഷിക സമ്പന്നമായ ഗതകാലസ്മരണകൾ ഉണർന്നു. വർഷങ്ങൾ തരിശുകിടന്ന ഭൂമിയിലാണ് ഉദയംപേരൂർ പഞ്ചായത്തിന്റെ നേതൃത്വത്തിൽ കൃഷി ആരംഭിച്ചത്. പഞ്ചായത്തിന്റെ മൂന്ന് പ്രധാന പാടശേഖരങ്ങളിൽ ഒന്നാണ് ഇടമ്പാടം. 10 ഹെക്ടറിൽ വ്യാപിച്ച് കിടക്കുന്ന പാടശേഖരം മികച്ച വിളവ് നൽകുന്ന നിലമാണ്.

കൊച്ചി: ജീവനക്കാര്‍ക്ക് നിരവധി മാസങ്ങളായി വേതനം ലഭിക്കുന്നില്ലെന്ന പരാതിയെ തുടര്‍ന്ന് എറണാകുളം പി.വി.എസ് ആശുപത്രിയില്‍ തൊഴില്‍ വകുപ്പ് പരിശോധന നടത്തി. തൊഴില്‍ വകുപ്പ് മന്ത്രിയുടെ നിര്‍ദ്ദേശപ്രകാരമായിരുന്നു പരിശോധന. ജില്ലാ ലേബര്‍ ഓഫീസറുടെ (എന്‍ഫോഴ്‌സ്‌മെന്റ്) നേതൃത്വത്തില്‍ നടത്തിയ പരിശോധനയില്‍ ജീവനക്കാര്‍ക്ക് നിരവധി മാസങ്ങളായി വേതനം ലഭിക്കുന്നില്ല എന്ന് ബോധ്യപ്പെട്ടു.  

മോട്ടോര്‍ തൊഴിലാളി ക്ഷേമനിധി

കുടിശിക ജൂണ്‍ 30 വരെ അടയ്ക്കാം

കൊച്ചി: കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ മുഴുവന്‍ തൊഴിലാളികള്‍ക്കും അംഗത്വം എടുക്കുന്നതിനും ക്ഷേമനിധി ഒടുക്കുന്നതില്‍ വീഴ്ച വരുത്തിയിട്ടുളള തൊഴിലാളികള്‍ക്ക് എല്ലാത്തരം കുടിശികകളും ഒമ്പത് ശതമാനം പലിശ സഹിതം കുടിശിക അടയ്ക്കുന്നതിനുമുളള സമയപരിധി ജൂണ്‍ 30 വരെ ദീര്‍ഘിപ്പിച്ചു. ഈ അവസരം ഫലപ്രദമായി വിനിയോഗിക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് എറണാകുളം എസ്.ആര്‍.എം റോഡിലുളള ജില്ലാ ഓഫീസുമായി ബന്ധപ്പെടാം. ഫോണ്‍ 0484-2401632.

    പേരൂര്‍ക്കട ഇലക്ട്രിക്കല്‍ സെക്ഷന്‍ പരിധിയില്‍ ആയൂര്‍ക്കോണം, രാധാകൃഷ്ണ ലൈന്‍, വിന്നേഴ്‌സ് ലൈന്‍ എന്നിവിടങ്ങളില്‍ ഇന്ന് (മേയ് 10) രാവിലെ 9.30 മുതല്‍ വൈകിട്ട് 5.30 വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.
(പി.ആര്‍.പി. 551/2019)
 

    ഒന്നു മുതല്‍ പത്തു വരെ ക്ലാസുകളിലെ ഒ.ഇ.സി. വിഭാഗം വിദ്യാര്‍ഥികളുടെ ലംപ്‌സം ഗ്രാന്റ് ഈ സാമ്പത്തിക വര്‍ഷം മുതല്‍ ബാങ്ക് അക്കൗണ്ടിലൂടെയാകും നല്‍കുകയെന്നു പിന്നാക്ക വിഭാഗ വികസന വകുപ്പ് മേഖലാ ഡെപ്യൂട്ടി ഡയറക്ടര്‍ അറിയിച്ചു. ആനുകൂല്യത്തിന് അര്‍ഹരായവര്‍ മേയ് 31നകം വിദ്യാര്‍ഥിയുടേയും രക്ഷിതാവിന്റെയും പേരില്‍ ജോയിന്റ് ബാങ്ക് അക്കൗണ്ടുകള്‍ ആരംഭിക്കണം. നിലവില്‍ അക്കൗണ്ട് ഉള്ളവര്‍ അത് പ്രവര്‍ത്തനക്ഷമമാണെന്ന് ഉറപ്പാക്കണമെന്നും അറിയിപ്പില്‍ പറയുന്നു.
(പി.ആര്‍.പി. 550/2019)

പട്ടികവര്‍ഗ്ഗ വികസന വകുപ്പിനു കീഴിലുളള മോഡല്‍ റസിഡന്‍ഷ്യല്‍ സ്‌കൂളുകള്‍, പ്രീമെട്രിക്, പോസ്റ്റ്‌മെട്രിക് ഹോസ്റ്റലുകളില്‍ കൗണ്‍സിലര്‍ നിയമനത്തിനു മലപ്പുറം, കോഴിക്കോട്, കണ്ണൂര്‍, കാസര്‍ഗോഡ് എന്നീ ജില്ലകളില്‍ നിന്നുള്ളവര്‍ക്കുള്ള ഇന്റര്‍വ്യൂ മെയ് 18 ന് കോഴിക്കോട് സിവില്‍ സ്റ്റേഷനിലെ ട്രൈബല്‍ ഡെവലപ്‌മെന്റ് ഓഫീസില്‍ നടക്കും. രാവിലെ 10 മണിക്ക് കാസര്‍ഗോഡ്, കണ്ണൂര്‍ ജില്ലയുടെയും രണ്ട് മണിക്ക് മലപ്പുറം, കോഴിക്കോട് ജില്ലയുടെയുമാണ് അഭിമുഖം.  ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം കോഴിക്കോട് ട്രൈബല്‍ ഡെവലപ്‌മെന്റ് ഓഫീസില്‍ എത്തണം. ഫോണ്‍: 0495 2376364.

ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍  ജില്ലാതല മെയ്ദിന കായികമേള മൂലമറ്റം ഐ.എച്ച്.ഇ.പി.സ്‌കൂള്‍ ഗ്രൗണ്ടണ്‍ില്‍  നടത്തും.  ലോക തൊഴിലാളിദിനമായ മെയ് 1-നാണ് മത്സരങ്ങള്‍ സംഘടിപ്പിക്കുന്നത്.  ഫുട്‌ബോള്‍ മത്സരങ്ങള്‍ (പുരുഷ•ാര്‍) മൂലമറ്റം ഐ.എച്ച്.ഇ.പി.സ്‌കൂള്‍ ഗ്രൗണ്ടണ്‍ിലും ഷട്ടില്‍ ബാഡ്മിന്റണ്‍ മൂലമറ്റം എച്ച്.ആര്‍..സി ക്ലബ്ബിലുമായിരിക്കും.

ട്രോളിംഗ് നിരോധന കാലയളവില്‍ (ജൂണ്‍ ഒമ്പത് അര്‍ദ്ധ രാത്രി മുതല്‍ ജൂലായ് 31 അര്‍ദ്ധ രാത്രി വരെ) കോഴിക്കോട് ജില്ലയില്‍ പട്രോളിങ്ങ്, കടല്‍ രക്ഷാപ്രവര്‍ത്തനം എന്നിവക്കായി മൂന്ന് ബോട്ടുകളും, ഒരു ഫൈബര്‍  വളളവും വാടക വ്യവസ്ഥയില്‍ ലഭ്യമാക്കുന്നതിന്് ബേപ്പൂര്‍ ഫിഷറീസ് അസിസ്റ്റന്റ് ഡയറക്ടര്‍, ക്വട്ടേഷന്‍ ക്ഷണിച്ചു. മെയ് 21 ന് ഉച്ചയ്ക്ക് 2.30 നകം ബോട്ടിന്റെയും മെയ് 22 ഉച്ചയ്ക്ക്  3.30  നകം ഫൈബര്‍ തോണിയുടെയും ക്വട്ടേഷനുകള്‍ ബേപ്പൂര്‍ ഫിഷറീസ് അസിസ്റ്റന്റ് ഡയറക്ടര്‍ മുമ്പാകെ നല്‍കണം. ഫോണ്‍: 0495 - 2414074.