ലോക്സഭ തിരഞ്ഞെടുപ്പിന്‍റെ സുഗമമായ നടത്തിപ്പിനായി നിയോഗിച്ചിട്ടുള്ള ജില്ലാ തല നോഡല്‍ ഓഫീസര്‍മാര്‍. 

മാന്‍പവര്‍, മാതൃകാ പെരുമാറ്റചട്ടം, ക്രമസമാധാന പരിപാലനവും ജില്ലാ സെക്യൂരിറ്റി പ്ലാനും, ഹെല്‍പ്പ് ലൈനും പരാതിപരിഹാരവും- സി.അജിത കുമാര്‍,എ.ഡി.എം

ഗതാഗതം- ബാബു ജോണ്‍,ആര്‍.ടി.ഒ കോട്ടയം

സൈബര്‍ സെക്യൂരിറ്റി- പ്രകാശന്‍ പടന്നയില്‍, ഡിവൈ.എസ്.പി, ഡി.സി.ആര്‍.ബി, കോട്ടയം

തിരഞ്ഞെടുപ്പ് പരിശീലനം- ബി. അശോക്, ഹുസ്സൂര്‍  ശിരസ്തദാര്‍

തിരഞ്ഞെടുപ്പ് ചെലവ് നിരീക്ഷണം - റെയ്ച്ചല്‍ ജോര്‍ജ്, ഫിനാന്‍സ് ഓഫീസര്‍

ജില്ലയിലെ ഒന്‍പത് നിയമസഭാ മണ്ഡലങ്ങളില്‍ ഏറ്റവും കൂടുതല്‍ വോട്ടര്‍മാരുളളത് കടുത്തുരുത്തിയില്‍. ഇവിടെ ആകെയുള്ള 1,77,609 വോട്ടര്‍മാരില്‍ 89,975 പേര്‍  വനിതാ വോട്ടര്‍മാരും 87,632  പേര്‍ പുരുഷ വോട്ടര്‍മാരും രണ്ട് പേര്‍ ഇതര ലിംഗ വിഭാഗത്തില്‍ പ്പെട്ടവരുമാണ്. 

ഏറ്റവും കുറവ് വോട്ടര്‍മാര്‍ കോട്ടയം നിയോജക മണ്ഡലത്തിലാണ്. 78,431 വനിതകളും 73,843  പുരുഷډാരും  ഇതര ലിംഗ വിഭാഗത്തില്‍പ്പെട്ട ഒരാളും ഉള്‍പ്പെടെ 1,52,275 വോട്ടര്‍മാരാണ് ഇവിടെയുള്ളത്.  

ടാങ്കര്‍ ലോറികളില്‍ കുടിവെള്ള വിതരണം നടത്തുന്നതിന് ഭക്ഷ്യ സുരക്ഷാ വകുപ്പിന്‍റെ ലൈസന്‍സ് നിര്‍ബന്ധമായും ഉണ്ടായിരിക്കണമെന്ന് ജില്ലാ കലക്ടര്‍ പി.കെ.സുധീര്‍ ബാബു പറഞ്ഞു. വരള്‍ച്ചാ പ്രതിരോധ പ്രവര്‍ത്തനങ്ങള്‍ ചര്‍ച്ച ചെയ്യുന്നതിന് കളക്ട്രേറ്റില്‍ ചേര്‍ന്ന യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. 

വിതരണം ചെയ്യുന്ന വെള്ളത്തിന്‍റെ ശുദ്ധി ഉറപ്പു വരുത്തുന്നതിന്‍റെ ഭാഗമായാണ് ലൈസന്‍സ് നിര്‍ബന്ധമാക്കുന്നത്.  ജല അതോറിറ്റിയുടെ ലാബിലോ മറ്റേതെങ്കിലും അംഗീകൃത ലാബിലോ പരിശോധന നടത്തിയതിന്‍റെ റിപ്പോര്‍ട്ടും ഏജന്‍സികളുടെ പക്കല്‍ ഉണ്ടായിരിക്കണം.

പൊതു തിരഞ്ഞെടുപ്പിനോടനുബന്ധിച്ച് കേന്ദ്ര- സംസ്ഥാന സര്‍ക്കാരുകളുടെ ഔദ്യോഗിക വെബ്സൈറ്റുകളില്‍ മന്ത്രിമാര്‍, രാഷ്ട്രീയപ്പാര്‍ട്ടി പ്രതിനിധികള്‍, രാഷ്ട്രീയപ്പാര്‍ട്ടികള്‍ എന്നിവയുമായി ബന്ധപ്പെട്ട എല്ലാ പരാമര്‍ശങ്ങളും ഉടനെ നീക്കണമെന്ന് മുഖ്യ തിരഞ്ഞെടുപ്പ് ഓഫീസര്‍ അറിയിച്ചു. കേന്ദ്ര തിരഞ്ഞെടുപ്പ് കമ്മീഷന്‍റെ നിര്‍ദേശപ്രകാരം മാതൃകാ പെരുമാറ്റച്ചട്ടം നടപ്പാക്കുന്നതിന്‍റെ ഭാഗമായാണ് നടപടി. 

ആലപ്പുഴ: ഗവ. ടി.ഡി മെഡിക്കൽ കോളജിലെ ശിശുരോഗ വിഭാഗത്തിലെ കീഴിൽ കുട്ടികളുടെ സന്ധിരോഗ ചികിത്സയ്ക്കുള്ള പ്രത്യേക ക്ലിനിക്ക് ആരംഭിച്ചു. മുതിർന്നവരിൽ കാണുന്ന സന്ധിരോഗങ്ങളുടെ 10 മുതൽ 20 ശതമാനം വരെ 12 വയസിന് മുമ്പ് തന്നെ ആരംഭിക്കും. ഇവ കണ്ടുപിടിച്ച് ശരിയായ ചികിത്സ നേരത്തെ തന്നെ തുടുങ്ങുകയും കൃത്യമായ തുടർചികിത്സ അനുവർത്തിക്കുകയും ചെയ്യുന്നത് ഭാവിയിൽ ഇതുമായി ബന്ധപ്പെട്ട് ഉണ്ടാകുന്ന പ്രശ്‌നങ്ങൾ ഗണ്യമായി കുറയ്ക്കാൻ സഹായിക്കും. ഈ ലക്ഷ്യത്തോടെയാണ് ആലപ്പുഴ മെഡിക്കൽ കോളജിൽ പുതുതായി ശിശുരോഗവിഭാഗത്തിൽ റുമറ്റോളജി ക്ലിനിക്ക്്  ആരംഭിച്ചത്.  ഉദ്ഘാടനം പ്രിൻസിപ്പൽ ഡോ.പുഷ്പലത നിർവഹിച്ചു.

ആലപ്പുഴ: ചെങ്ങന്നൂർ ജില്ല ട്രഷറിയിലും ഇതിന്റെ പരിധിയിലുമുള്ള സബ് ട്രഷറികളും സ്ഥിരനിക്ഷേപം നടത്തിയിട്ടുള്ള ആദായ നികുതി പരിധിക്ക് താഴെയുള്ള നിക്ഷേപകർ ആദായ നികുതിയിൽ നിന്നും ഒഴിവാക്കുന്നതിനായി 2019-2020 സാമ്പത്തിക വർഷത്തേിലേക്കുള്ള 15 ജി അല്ലെങ്കിൽ 15 എച്ച്.ഫോറം മാർച്ച് 25നകം ബന്ധപ്പെട്ട ട്രഷറികളിൽ നൽകണം. ഫോറം സമർപ്പിക്കാത്ത സ്ഥിരം നിക്ഷേപകർക്ക് മാസം തോറും നൽകുന്ന പലിശയിൽ നിന്നും  (വാർഷിക പലിശ 5000 രൂപയ്ക്ക് മുകളിൽ) ഏപ്രിൽ ഒന്നു മുതൽ കേന്ദ്രീകൃത സംവിധാനം വഴി ആദായ നികുതി കുറവ് ചെയ്യുന്നതാണെന്ന് ജില്ല ട്രഷറി ഓഫീസർ അറിയിച്ചു.

ആലപ്പുഴ: ജില്ലയിലെ തിരഞ്ഞെടുപ്പ് ചെലവുമായി ബന്ധപ്പെട്ട വിവിധ ഇനങ്ങളുടെ നിരക്കുകൾ ജില്ല തിരഞ്ഞെടുപ്പ് ഉദ്യോഗസ്ഥൻ  കൂടിയായ  ജില്ല കളക്ടറുടെ അധ്യക്ഷതയിൽ വിവിധ രാഷ്ട്രീയ കക്ഷികളുടെയും എക്‌സ്‌പെൻഡിച്ചർ നോഡൽ ഓഫീസറുടെയും സാന്നിധ്യത്തിൽ നടന്ന യോഗത്തിൽ അംഗീകരിച്ചു. പ്രമുഖ രാഷ്ട്രീയ പാർട്ടി പ്രതിനിധികൾ, ജില്ല ഇൻഫർമേഷൻ ഓഫീസർ, മറ്റ് ബന്ധപ്പെട്ട ജില്ലാതല ഉദ്യോഗസ്ഥർ എന്നിവർ പങ്കെടുത്തു. ജില്ല കളക്ടറുടെ വെബ്‌സൈറ്റിൽ നിന്നും ഡൗൺലോഡ് ചെയ്യാം. (വെബ്‌സൈറ്റ് https://alappuzha.nic.in )

ആലപ്പുഴ: ലോക്‌സഭാ തിരഞ്ഞെടുപ്പിനോടനുബന്ധിച്ച് രൂപവത്കരിച്ചിട്ടുള്ള എല്ലാ സ്‌ക്വാഡുകളും പ്രവർത്തനസജ്ജമാണെന്ന് എല്ലാ എ.ആർ.ഓമാരും ഉറപ്പാക്കണമെന്നും ഏതെങ്കിലും സ്‌ക്വാഡ് പ്രവർത്തന സജ്ജമല്ലെന്ന് കണ്ടാൽ ആവർക്കെതിരെ ജനപ്രാതിനിധ്യ നിയമപ്രകാരം കർശന നടപടി സ്വീകരിക്കണമെന്നും ജില്ലാ കളക്ടർ  നിർദ്ദേശം നൽകി.

ആലപ്പുഴ :ലോക്സഭാ തിരഞ്ഞെടുപ്പ് ഭിന്നശേഷി സൗഹൃദമാക്കാൻ ഇവർക്ക് പ്രത്യേക ആപ്ലിക്കേഷനുമായി തിരഞ്ഞെടുപ്പ് കമ്മീഷൻ. പി.ഡബ്ല്യു.ഡി. (പേഴ്സൺ വിത്ത് ഡിസെബിലിറ്റി) എന്ന പേരിൽ പുറത്തിറക്കിയിരിക്കുന്ന ആപ്ലിക്കേഷൻ ഗൂഗിൾ പ്ലേ സ്റ്റോറിൽനിന്ന് ഡൗൺലോഡ് ചെയ്ത് ഭിന്നശേഷിക്കാർക്ക് ഉപയോഗിക്കാം. ശാരീരിക വൈകല്യമുള്ളവർക്ക് പ്രശ്‌നങ്ങൾ തിരഞ്ഞെടുപ്പ് കമ്മിഷനെ അറിയിക്കുന്നതിനും സേവനങ്ങൾ ആവശ്യപ്പെടുന്നതിനുമുള്ള സൗകര്യം ഈ ആപ്പിലുണ്ട്. പി.ഡബ്ല്യു.ഡി.