തിരഞ്ഞെടുപ്പ് പ്രചരണത്തിന്റെ ഭാഗമായി ഇന്നു മുതല്‍ (19.03.2019) ജില്ലയുടെ വിവിധ ഭാഗങ്ങളില്‍ വോട്ടു വണ്ടി പര്യടനം ആരംഭിക്കും. രാവിലെ 11ന് കലക്ടറേറ്റില്‍്  ജില്ലാകളക്ടര്‍ എച്ച് ദിനേശന്‍ വോട്ടുവണ്ടി ഫ്‌ളാഗ് ഓഫ് ചെയ്യും. ആദ്യദിനത്തില്‍ ഇടുക്കി താലൂക്കിലെ ഇടുക്കി, ചെറുതോണി മേഖലകളില്‍ വോട്ടുവണ്ടി പര്യടനം നടത്തും

രണ്ട് തെരഞ്ഞെടുപ്പ് തിരിച്ചറിയല്‍ കാര്‍ഡ് കൈവശം സൂക്ഷിക്കുന്നതും വോട്ടര്‍പട്ടികയില്‍ രണ്ടിടത്ത് പേരുണ്ടെങ്കിലും വോട്ടുചെയ്യാന്‍ ശ്രമിക്കുന്നതും ജനപ്രാതിനിധ്യപ്രകാരം കുറ്റകരമാണെന്നും  കര്‍ശന നടപടി നേരിടേണ്ടിവരുമെന്നും ജില്ലാ തെരഞ്ഞെടുപ്പ് ഓഫീസര്‍ ജില്ലാകലക്ടര്‍ എച്ച്. ദിനേശന്‍ മുന്നറിയിപ്പ് നല്‍കി.

ഏപ്രില്‍ 19ന് നടക്കുന്ന മംഗളാദേവി ചിത്രാപൗര്‍ണമി ഉല്‍സവം സുഗമവും സുരക്ഷിതവുമായി ആഘോഷിക്കുന്നതിന് വിപുലമായ സൗകര്യങ്ങള്‍ ഏര്‍പ്പെടുത്താന്‍ ഇടുക്കി-തേനി ജില്ലാ ഭരണകൂടങ്ങളുടെ സംയുക്തയോഗം തീരുമാനിച്ചു. വനത്തിനുള്ളില്‍ സ്ഥിതിചെയ്യുന്ന ക്ഷേത്രത്തില്‍ ഉല്‍സവത്തിന് എത്തുന്ന ഭക്തര്‍ക്കായി വിവിധ വകുപ്പുകള്‍ ഏര്‍പ്പെടുത്തുന്ന സജ്ജീകരണങ്ങള്‍ കമ്പം മുന്‍സിപ്പല്‍ ഹാളില്‍ ചേര്‍ന്ന വകുപ്പ് തലവന്‍മാരുടെ അവലോകന യോഗത്തില്‍ വിലയിരുത്തി. ഇടുക്കി ജില്ലാ കളക്ടര്‍ എച്ച് . ദിനേശന്‍, തേനി കളക്ടര്‍ എം. പല്ലവി ബല്‍ദേവ് എന്നിവര്‍ ഉദ്യോഗസ്ഥര്‍ക്ക് നിര്‍ദേശങ്ങള്‍ നല്‍കി.

ലോകജലദിനമായ മാര്‍ച്ച് 22നോടനുബന്ധിച്ച്  ജില്ലാ ഭൂജല വകുപ്പിന്റെ നേതൃത്വത്തില്‍ കൊണ്ടോട്ടി,താനൂര്‍,തിരൂരങ്ങാടി എന്നിവിടങ്ങളിലെ ഹൈസ്‌കൂള്‍ വിദ്യാര്‍ഥികള്‍ക്കായി ജലം എന്ന വിഷയത്തില്‍ മാര്‍ച്ച് 21ന് ക്വിസ്സ് മത്സരം സംഘടിപ്പിക്കുന്നു.  പങ്കെടുക്കാന്‍ ആഗ്രഹിക്കുന്നവര്‍ രാവിലെ 9.30ന് മുമ്പായി ജില്ലാപ്ലാനിങ് സെക്രട്ടറിയേറ്റ് ഹാളില്‍ ഹാജരാകണം.ഫോണ്‍.9846744960