കെല്‍ട്രോണില്‍ ഗ്രാഫിക്സ് ഡിസൈനിങ്, വീഡിയോ എഡിറ്റിങ്, സൗണ്ട് എഡിറ്റിങ്, വിഷ്വല്‍ എഫക്ട്സ്, 2ഡി അനിമേഷന്‍, സ്റ്റില്‍ ഫോട്ടോഗ്രാഫി, വീഡിയോഗ്രാഫി, ഫിലിം മേക്കിങ് ടെക്നിക്സ് കോഴ്സുകളിലേക്ക് അപേക്ഷിക്കാം. ഒരു വര്‍ഷത്തെ കോഴ്സിലേക്ക് എസ്.എസ്.എല്‍.സി കഴിഞ്ഞവര്‍ക്കാണ് യോഗ്യത. ഇപ്പോള്‍ പ്രവേശനം നേടുന്നവര്‍ക്ക് 15 ശതമാനം ഫീസിളവ് ലഭിക്കും. താല്‍പര്യമുള്ളവര്‍ യോഗ്യത സര്‍ട്ടിഫിക്കറ്റുമായി കെല്‍ട്രോണ്‍ നോളജ് സെന്‍ററില്‍ നേരിട്ട് എത്തണം. ഫോണ്‍: 0491-2504599, 9847597587

കണ്‍ട്രോള്‍ യൂണിറ്റും ബാലറ്റ് യൂണിറ്റും ചേര്‍ന്നതാണ് ഇലക്ട്രോണിക് വോട്ടിംഗ് മെഷീന്‍. വോട്ടര്‍ ബൂത്തിലേയ്ക്ക് പ്രവേശിക്കുന്നതിന് മുന്‍പ് പോളിങ് ഉദ്യോഗസ്ഥന്‍ കണ്‍ട്രോള്‍ യൂണിറ്റിലെ ബാലറ്റ് ബട്ടണ്‍ അമര്‍ത്തി ബാലറ്റ് യൂണിറ്റ് പ്രവര്‍ത്തനക്ഷമമാക്കുന്നു. ബാലറ്റ് യൂണിറ്റില്‍ വോട്ടര്‍ വോട്ട് ചെയ്യാനുദ്ദേശിക്കുന്ന സ്ഥാനാര്‍ത്ഥിയുടെ പേരും ചിഹ്നവും ഉണ്ടായിരിക്കും. 

ജില്ലയിലെ ഭിന്നശേഷി വിഭാഗക്കാരുടെ യൂത്ത് ഐക്കണ്‍ എം.ബി. പ്രണവ് ഇത്തവണത്തെ പൊതു തെരഞ്ഞടുപ്പില്‍ കന്നിവോട്ട് രേഖപ്പെടുത്തും. പ്രളയസമയത്ത് കാലുകള്‍കൊണ്ട് ചിത്രം വരച്ച് കിട്ടിയ തുക ദുരിതാശ്വാസ നിധിയിലേക്ക് സംഭാവന ചെയ്ത് ശ്രദ്ധേയനായ ആലത്തൂര്‍ സ്വദേശിയും ചിറ്റൂര്‍ കോളെജിലെ ബിരുദ വിദ്യാര്‍ഥിയുമായ പ്രണവ് കന്നിവോട്ട് ചെയ്യാന്‍ ആകാംക്ഷയോടെയാണ് കാത്തിരിക്കുന്നത്. പൊതു തെരഞ്ഞെടുപ്പിന് മുന്നോടിയായി പൊതുജനങ്ങള്‍ക്ക് ഇലക്ട്രോണിക് വോട്ടിങ് യന്ത്രവും വിവിപാറ്റും പരിചയപ്പെടുത്തുന്നതിനായി ജില്ലാ ഇന്‍ഫര്‍മഷന്‍ ഓഫീസില്‍  തുറന്ന സഹായകേന്ദ്രത്തില്‍ പ്രണവ് വോട്ടിംഗ് പരിശീലനവും നേടി.   
 

 
പൊതു തെരഞ്ഞെടുപ്പിന് മുന്നോടിയായി പൊതുജനങ്ങള്‍ക്ക് ഇലക്ട്രോണിക് വോട്ടിങ് യന്ത്രവും വിവിപാറ്റും പരിചയപ്പെടുത്തുന്നതിനായി ജില്ലാ ഇന്‍ഫര്‍മഷന്‍ ഓഫീസില്‍ സഹായകേന്ദ്രം തുറന്നു. കേന്ദ്രത്തിന്‍റെ ഉദ്ഘാടനം ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ഡി.ബാലമുരളി നിര്‍വഹിച്ചു. സ്വീപിന്‍റെ (സിസ്റ്റമാറ്റിക് വോട്ടര്‍ എജ്യുക്കേഷന്‍ ആന്‍ഡ് ഇലക്ടറല്‍ പാര്‍ട്ടിസിപ്പേഷന്‍) ഭാഗമായാണ് സഹായകേന്ദ്രം ആരംഭിച്ചിരിക്കുന്നത്.  

    ലക്കിടി-ഒറ്റപ്പാലം റെറില്‍വേ സ്റ്റേഷനുകള്‍ക്കിടയിലുള്ള 164(എ) നമ്പറിലുള്ള ലെവല്‍ ക്രോസ് മാര്‍ച്ച് 19 ന് രാവിലെ ആറ് മുതല്‍ മാര്‍ച്ച് 20 ന് വൈകിട്ട് ആറ് വരെ അറ്റക്കുറ്റപണിയെ തുടര്‍ന്ന് അടച്ചിടും.  അതിനാല്‍ അതുവഴിയുള്ള വാഹനങ്ങള്‍ മങ്കര-കോട്ടായി വഴി പോകണമെന്ന്  അസിസ്റ്റന്‍റ് ഡിവിഷനല്‍ എഞ്ചിനീയര്‍ അറിയിച്ചു. 

    ജില്ലാ കലക്ടറുടെ നേതൃത്വത്തില്‍ മാര്‍ച്ച് 16 ന് മണ്ണാര്‍ക്കാട് താലൂക്കില്‍ നടത്താനിരുന്ന പരാതി പരിഹാര അദാലത്ത് തെരഞ്ഞെടുപ്പ് പ്രഖ്യപനത്തോടെ മാറ്റിവെച്ചതായി ജില്ലാ കലക്ടര്‍ ഡി.ബാലമുരളി അറിയിച്ചു. പുതുക്കിയ വിവരം പിന്നീട്  അറിയിക്കും