ലോക്സഭ തിരഞ്ഞെടുപ്പിനുള്ള വോട്ടര്‍ പട്ടികയില്‍ പേരു ചേര്‍ക്കുന്നതിനുള്ള സമയപരിധി മാര്‍ച്ച് 25 ന് അവസാനിക്കും. 2019 ജനുവരി ഒന്നിന് 18 വയസ് പൂര്‍ത്തിയായവര്‍ക്ക് എന്‍.വി.എസ്.പി പോര്‍ട്ടല്‍ വഴിയും അക്ഷയ കേന്ദ്രങ്ങള്‍ വഴിയും പേര് ചേര്‍ക്കാം. തിരഞ്ഞെടുപ്പുമായി ബന്ധപ്പെട്ട വിവരങ്ങള്‍ 1950 എന്ന ടോള്‍ ഫ്രീ നമ്പറില്‍ ലഭിക്കും.  കള്ക്ട്രേറ്റിലും താലൂക്ക്, വില്ലേജ് ഓഫീസുകളിലും ഒരുക്കിയിട്ടുള്ള ടച്ച് സ്ക്രീനുകളിലും വോട്ടര്‍ പട്ടിക പരിശോധിക്കാം.

ആലപ്പുഴ: അർത്തുങ്കൽ ഗവ. റീജിയണൽ ഫിഷറീസ് ടെക്‌നിക്കൽ ഹൈസ്‌കൂളിലെ ഉപയോഗ ശൂന്യമായ ഫർണിച്ചറുകളും ഇരുമ്പ് സാധനങ്ങളും  ഏപ്രിൽ രണ്ടിന് രാവിലെ 11.30ന് പരസ്യമായി ലേലം ചെയ്യും. വിശദവിവരങ്ങൾക്ക് ഫിഷറീസ് ഡപ്യൂട്ടി ഡയറക്ടർ ഓഫീസുമായി ബന്ധപ്പെടണം. ഫോൺ: 0477- 2251103

ലോക്സഭാ തിരഞ്ഞെടുപ്പുമായി ബന്ധപ്പെട്ട്  പൊതു സ്ഥലങ്ങളിലും പാതയോര ങ്ങളിലും അനധികൃതമായി സ്ഥാപിച്ച പരസ്യങ്ങള്‍ നീക്കം ചെയ്യുന്നതിന് കൂടുതല്‍ സ്ക്വാഡുകള്‍ രൂപീകരിക്കും. തിരഞ്ഞെടുപ്പ് കമ്മീഷന്‍റെ നിര്‍ദ്ദേശപ്രകാരം  പ്രവര്‍ത്തിക്കുന്ന ഒന്‍പത് ഡീഫേസ്മെന്‍റ് സ്ക്വാഡുകള്‍ക്ക് പുറമേയാണ് താലൂക്ക് തലത്തിലും പഞ്ചായത്ത് തലത്തിലും സ്ക്വാഡുകള്‍ രൂപീകരിക്കുന്നത്. 

ഇതിനായി ഡീഫേയ്സ്മെന്‍റ് നോഡല്‍ ഓഫീസര്‍ കൂടിയായ എഡിഎം സി. അജിത കുമാറിനെ ജില്ലാ കളക്ടര്‍ പി. കെ. സുധീര്‍ ബാബു ചുമതലപ്പെടുത്തി. സ്ക്വാഡുകള്‍ക്ക് ആവശ്യമായ ഉദ്യോഗസ്ഥരെയും വാഹനം ഉള്‍പ്പെടെയുള്ള സൗകര്യങ്ങളും ലഭ്യമാക്കും.  

ആലപ്പുഴ: കേരള, ലക്ഷദ്വീപ്, തെക്കൻ തമിഴ്നാട്, കർണാടക തീരങ്ങളിൽ മാർച്ച് 19 രാത്രി 11.30 വരെ 1.8 മീറ്റർ മുതൽ 2.2 മീറ്റർ വരെ ഉയരത്തിലുള്ള തിരമാലകൾ ഉണ്ടാകുവാൻ സാധ്യതയുണ്ട്. ആയതിനാൽ, പ്രസ്തുത പ്രദേശങ്ങളിൽ ഈ കാലയളവിൽ കടൽ പ്രക്ഷുബ്ധമാകാൻ സാധ്യതയുണ്ട്.

ആലപ്പുഴ: ലോക്‌സഭാ തെരഞ്ഞെടുപ്പുമായി ബന്ധപ്പെട്ട് അമ്പലപ്പുഴ നിയോജകമണ്ഡലത്തിൽ തിരഞ്ഞെടുപ്പ് കമ്മീഷൻ പുതുതായി അവതരിപ്പിച്ച സി വിജിൽ ആപ്പ് പരിചയപ്പെടുത്തുന്നതിനായി വിവിധ കേന്ദ്രങ്ങളിൽ പരിശീലനം സംഘടിപ്പിക്കുന്നു. തെരഞ്ഞെടുപ്പ് പെരുമാറ്റച്ചട്ട ലംഘനം എത്രയും പെട്ടെന്ന് തിരഞ്ഞെടുപ്പ് കമ്മീഷന്റെ  ശ്രദ്ധയിൽപ്പെടുത്തുന്നതിനുവേണ്ടി രൂപം നൽകിയിട്ടുള്ളതാണ് സി വിജിൽ ആപ്പ്. പരിശീലനപരിപാടി മാർച്ച് 22 വരെ നടക്കും.  19ന് രാവിലെ 10.30 ന് പുന്നപ്ര തെക്ക് ഗ്രാമപഞ്ചായത്ത്, 11.30 ന് പുന്നപ്ര പോലീസ് സ്റ്റേഷൻ, 12.30ന് മിൽമ, 2.30ന് പുന്നപ്ര എസ് എൻ വൈ എം ലൈബ്രറി, 3.30ന് ആലപ്പുഴ എസ്.ഡി.

ആലപ്പുഴ: ലോക്സഭ തിരഞ്ഞെടുപ്പിനോടനുബന്ധിച്ച് തിരഞ്ഞെടുപ്പ് ചെലവ് നിരീക്ഷണ സംഘത്തിന്റെ നേതൃത്വത്തിൽ എ.ഇ.ഒ,എസ്.എസ്.ടി, ഫ്ലൈയിങ് സ്‌ക്വാഡ് ,സർവൈലൻസ് ടീം, വീഡിയോ വ്യൂവിങ് ടീം തുടങ്ങിയവർക്കുള്ള  ് പരിശീലനം നൽകി.ജില്ലാ പ്ലാനിങ് ഓഫീസിൽ നടന്ന പരിശീലനത്തിൽ  വിവിധ നിയോജക മണ്ഡലത്തിന്റെ പരിധിയിൽ വരുന്ന ഉദ്യോഗസ്ഥർ    പങ്കെടുത്തു. ഫിനാൻസ് ഓഫീസർ രജികുമാർ, മാസ്റ്റർ ട്രെയിനർ എസ്.എം ഫാമിൻ എന്നിവർ ക്ലാസ് നയിച്ചു. നാമനിർദേശപത്രിക സമർപ്പിക്കുന്നതിന് മുമ്പ്  സ്ഥാനാർഥികളുടെ  പേരിൽ നടക്കുന്ന പ്രചരണങ്ങൾ  നാമനിർദ്ദേശ പത്രിക സമർപ്പിക്കേണ്ട തീയതി കഴിഞ്ഞുമുണ്ടെങ്കിൽ  അത് സ്ഥാനാർഥിയുടെ ചെലവിൽ ഉൾപ്പെടുത്തേണ്ടിവരും.

ആലപ്പുഴ: ലോകസഭ തിരഞ്ഞെടുപ്പിൽ ദൃശ്യമാധ്യമങ്ങൾ പാലിക്കേണ്ട പെരുമാറ്റച്ചട്ടം വിശദീകരിക്കുന്നതിനും മറ്റുമായി കേബിൾ ടി.വി. ഓപ്പറേറ്റർമാരുടെ യോഗം ജില്ല തിരഞ്ഞെടുപ്പ് ഓഫീസറായ ജില്ല കളക്ടർ വിളിച്ചു. ഈ മാസം 20ന് രാവിലെ 11ന് കളക്ടറേറ്റിലാണ് യോഗം. മീഡിയ സർട്ടിഫിക്കേഷൻ ആന്റ് മോണിറ്ററിങ് കമ്മറ്റി (എം.സി.എം.സി) പ്രവർത്തനം, ദൃശ്യമാധ്യമങ്ങളിൽ തിരഞ്ഞെടുപ്പു കാലത്തു പരസ്യം നൽകുമ്പോൾ പാലിക്കേണ്ട കാര്യങ്ങൾ എന്നിവ സംബന്ധിച്ച് യോഗം ചർച്ച ചെയ്യും.

ആലപ്പുഴ: ലോക്‌സഭ തിരഞ്ഞെടുപ്പ് സമാധാനപൂർവവും നീതി പൂർവവുമായി നടത്തുന്നതിന് പൊലീസും എക്‌സൈസും അടിയന്തിര നടപടികൾ സ്വീകരിക്കണമെന്ന് ജില്ലാ കളക്ടർ എസ്.സുഹാസ് പറഞ്ഞു.