നദികളിലെ മലിനീകരണം നിയന്ത്രിക്കുന്നതിനും മലിനമാക്കപ്പെട്ട നദികള്‍ മലിന മുക്തമാക്കുന്നതിനുമായി ജില്ലാതലത്തില്‍ സ്‌പെഷ്യല്‍ എന്‍വയോണ്‍മെന്റ്  സര്‍വയലന്‍സ് ടാസ്‌ക് ഫോഴ്‌സ് രൂപീകരിച്ചു.   ജില്ലാ കലക്ടര്‍ ആന്‍ഡ് ജില്ലാ മജിസ്‌ട്രേറ്റ്, ജില്ലാ ലീഗല്‍ സര്‍വ്വീസ് അതോറിറ്റി സെക്രട്ടറി, മഞ്ചേരി (സബ് ജഡ്ജ്), ജില്ലാ പൊലീസ് മേധാവി,  ചീഫ് എന്‍വയോര്‍ണമെന്റല്‍ എഞ്ചിനീയര്‍, കേരള മലിനീകരണ നിയന്ത്രണ ബോര്‍ഡ് റീജ്യണല്‍ ഓഫീസ് കോഴിക്കോട് എന്നിവരാണ് അംഗങ്ങള്‍.

    തെരഞ്ഞെടുപ്പുമായി ബന്ധപ്പെട്ട് പ്രിന്റു ചെയ്യുന്ന ലഘുലേഖകള്‍, പോസ്റ്ററുകള്‍ തുടങ്ങിയവയില്‍ പ്രന്റു ചെയ്യുന്ന സ്ഥാപനത്തിന്റെ പേര്, മേല്‍വിലാസം, കോപ്പികളുടെ എണ്ണം കൂടാതെ പ്രിന്റര്‍, പബ്ലിക്കേഷന്‍  എന്നിവയുടെ പേര്, വിലാസം തുടങ്ങിയ വിവരങ്ങളും രേഖപ്പെടുത്തണമെന്ന് ജില്ലാ ഇലക്ഷന്‍ ഓഫീസറായ ജില്ലാ കലക്ടര്‍ അറിയിച്ചു.

ലോകസഭാ തെരഞ്ഞെടുപ്പിന്റെ ഭാഗമായി മാതൃകാപെരുമാറ്റച്ചട്ടം നടപ്പിലാക്കുന്നതിനായി കോട്ടക്കല്‍ നിയോജക മണ്ഡലത്തിലെ എല്ലാ രാഷ്ട്രീയ പാര്‍ട്ടികളുടെയും പൊലീസ് ഉദ്യോഗസ്ഥരുടെയും യോഗം നാളെ (മാര്‍ച്ച് 20) ഉച്ചക്ക് മൂന്നിന് കുറ്റിപ്പുറം ബ്ലോക്ക് പഞ്ചായത്ത്  സുവര്‍ണ ജൂബിലി ഹാളില്‍ ചേരും.യോഗത്തില്‍  അംഗീകൃത രാഷ്ട്രീയ പാര്‍ട്ടി പ്രതിനിധികള്‍ പങ്കെടുക്കണം.

ജില്ലയിലെ തെരഞ്ഞെടുപ്പ് പ്രവര്‍ത്തനങ്ങള്‍ ലളിതവും ഫലപ്രദവുമാക്കുന്നതിന്  നോഡല്‍ ഓഫീസര്‍മാരുടെ മേല്‍നോട്ടത്തില്‍ സൂക്ഷ്മ നിരീക്ഷണമുണ്ടാകും. എ.ഡി.എം ഇ.പി മേഴ്സിയാണ് എം.സി.സി നോഡല്‍ ഓഫീസര്‍. സബ്കലക്ടര്‍ വി.വിഘ്നേശ്വരി ലോ ആന്റ് ഓഡര്‍ നോഡല്‍ ഓഫീസറാകും. സീനിയര്‍ ഫിനാന്‍സ് ഓഫീസര്‍ എം.കെ രാജനാണ് എക്പെന്റിച്ചര്‍ മോണിറ്ററിംഗിന്റെ ചുമതല.

ഒരു ലക്ഷത്തിലധികം രൂപ പിന്‍വലിക്കല്‍, സംശയാസ്പദമായ സാഹചര്യത്തില്‍ നടക്കുന്ന ഇടപാടുകള്‍ എന്നിവ അതത് ദിവസം തന്നെ ജില്ലാ തെരഞ്ഞെടുപ്പ് ഓഫീസറെ അറിയിക്കണമെന്ന് ജില്ലാ കലക്ടര്‍ സാംബശിവ റാവുവിന്റെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി. പത്ത് ലക്ഷത്തിലധികമുള്ള പണം നിക്ഷേപം, പിന്‍വലിക്കല്‍ എന്നിവയും രാഷ്ട്രീയ പാര്‍ട്ടികളുടെ അക്കൗണ്ടുകളില്‍ വരുന്ന സംശയാസ്പദമായ ഇടപാടുകളും ജില്ലാ തെരഞ്ഞെടുപ്പ് ഓഫീസറെ അറിയിക്കണം. യോഗത്തില്‍ അസിസ്റ്റന്റ് കലക്ടര്‍ കെ.എസ് അഞ്ജു, ഫിനാന്‍സ് ഓഫിസര്‍ എം.കെ രാജന്‍, ലീഡ്ബാങ്ക് മാനേജര്‍ ശിവദാസന്‍ കെ.എം എന്നിവര്‍ പങ്കെടുത്തു.