തിരുവനന്തപുരം ബാർട്ടൺഹിൽ ഗവൺമെന്റ് എൻജിനീയറിങ്ങ് കോളേജിൽ കണ്ടിന്യൂയിങ് എഡ്യൂക്കേഷൻ സെന്ററിന്റെ ആഭിമുഖ്യത്തിൽ ഇന്റർനെറ്റ് ഓഫ് തിങ്ങ്‌സ് എന്ന വിഷയത്തെക്കുറിച്ച് ശിൽപ്പശാല ജൂൺ പത്ത് മുതൽ 14 വരെ നടക്കും. യോഗ്യത 12-ാം ക്ലാസ്സ്. ഫീസ് 1180 രൂപ (1000+ജി.എസ്.റ്റി). താത്പര്യമുളളവർ മേയ് 31നു മുൻപ് 9446084405 എന്ന നമ്പറിൽ ബന്ധപ്പെടണം.
പി.എൻ.എക്സ്. 1453/19

പൂവാർ അഞ്ചുതെങ്ങ് എന്നിവിടങ്ങളിലെ തീരദേശ പോലീസ് സ്റ്റേഷനുകളിലെ റെസ്‌ക്യൂ ബോട്ടുകളിലേക്ക് താത്ക്കാലിക നിയമനത്തിന് അപേക്ഷ ക്ഷണിച്ചു. ബോട്ട് കമാൻഡർ, അസിസ്റ്റന്റ ബോട്ട് കമാൻഡർ, സ്‌പെഷ്യൽ മറൈൻ ഹോം ഗാർഡ് എന്നീ തസ്തികകളിലേക്കാണ് അപേക്ഷ ക്ഷണിച്ചത്.

ജുഡീഷ്യറിയുടെ തീരുമാനങ്ങൾ നടപ്പാക്കുന്ന എക്‌സിക്യൂട്ടീവാണ് കേരളത്തിലുള്ളതെന്ന് മുഖ്യമന്ത്രി പിണറായി വിജയൻ പറഞ്ഞു. ഇങ്ങനെ ചെയ്യുമ്പോൾ എക്‌സിക്യൂട്ടീവിനെതിരെ സ്ഥാപിത ശക്തികളുടെ ആക്രമണമുണ്ടായെന്ന് വരാം. അത്തരം സാഹചര്യത്തിൽ എക്‌സിക്യൂട്ടീവിന്റെ സംരക്ഷണത്തിന് ജുഡീഷ്യറി ഉണ്ടാവേണ്ടതുണ്ടെന്ന് അദ്ദേഹം പറഞ്ഞു. തിരുവനന്തപുരം കോബാങ്ക് ടവറിൽ നടന്ന ലീഗൽ റിഫ്രഷർ കോഴ്‌സ് സംസ്ഥാനതല ഉദ്ഘാടനം നിർവഹിക്കുകയായിരുന്നു അദ്ദേഹം. 

പാഠപുസ്തക വിതരണം നടപടി സ്വീകരിക്കണം
ജില്ലയിലെ മുഴുവന്‍ സര്‍ക്കാര്‍/എയ്ഡഡ് സ്‌കൂളിലെ പ്രധാന അധ്യാപകര്‍ അതത് സൊസൈറ്റികളില്‍ നിന്നും ഒമ്പത്, 10 ക്ലാസുകളിലെ പാഠപുസ്തകങ്ങള്‍ ഏറ്റുവാങ്ങി വിദ്യാര്‍ഥികള്‍ക്ക് വിതരണം ചെയ്യാനുള്ള അടിയന്തര നടപടി സ്വീകരിക്കണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു. ഫോണ്‍ 0497 2705149.

ജില്ലയിലെ വിവിധ ഭാഗങ്ങളിലായി നടക്കുന്ന റോഡുകളുടെ വികസന പ്രവര്‍ത്തനങ്ങള്‍ക്ക് തടസമായി നില്‍ക്കുന്ന ഇലക്ട്രിക് പോസ്റ്റുകള്‍ എത്രയും പെട്ടെന്ന് മാറ്റണമെന്ന് ജില്ലാ വികസന സമിതി യോഗത്തില്‍ ആവശ്യം. പോസ്റ്റുകള്‍ മാറ്റാത്തതും മാറ്റാനെടുക്കുന്ന കാലതാമസവും കാരണം കോടികള്‍ ചെലവഴിച്ച് നടത്തുന്ന റോഡ് വികസനത്തിനാണ് തടസം നേരിടുന്നെതന്നും മഴ തുടങ്ങുന്നതിന് മുമ്പ് തന്നെ റോഡ് പ്രവൃത്തികള്‍ പൂര്‍ത്തിയാക്കേണ്ടതിനാല്‍ പോസ്റ്റുകള്‍ മാറ്റുന്നതിന് അധികൃതര്‍ എത്രയും പെട്ടെന്ന് നടപടി സ്വീകരിക്കണമെന്നും യോഗം ആവശ്യപ്പെട്ടു.

സംസ്ഥാന സർക്കാർ ജീവനക്കാരുടെയും ഓൾ ഇന്ത്യാ സർവീസ് ഓഫീസർമാരുടെയും 2018-19 വർഷത്തെ ജി.പി.എഫ് വാർഷിക അക്കൗണ്ട് വിവരങ്ങൾ www.agker.cag.gov.in ൽ പ്രസിദ്ധീകരിച്ചു.  ഉപഭോക്താക്കൾക്ക് പിൻ ഉപയോഗിച്ച് ഡൗൺലോഡ് ചെയ്യാം.  വിശദവിവരങ്ങൾക്ക് 0471-2776600.
പി.എൻ.എക്സ്. 1463/19

ഒമാനിലെ പ്രമുഖ ആശുപത്രിയിലേക്ക് ബി.എസ്‌സി/ ഡിപ്ലോമ നഴ്‌സുമാരുടെ (സ്ത്രീ/ പുരുഷൻ) നിയമനത്തിന് മേയ് 27ന് തിരുവനന്തപുരത്തെ ഒഡെപെക്ക് ഓഫീസിൽ വാക്ക് ഇൻ ഇന്റർവ്യൂ നടക്കും.  ഒമാൻ പ്രോമെട്രിക് ഉള്ളവർക്ക് മുൻഗണന.  ഉദ്യോഗാർത്ഥികൾ ബയോഡാറ്റ, സർട്ടിഫിക്കറ്റുകളുടെ പകർപ്പ് സഹിതം ഒഡെപെക്ക് ഓഫീസിൽ 27ന് രാവിലെ 9.30ന് മുമ്പ് ഹാജരാകണം.  വിശദവിവരങ്ങൾക്ക്: www.odepc.kerala.gov.in.    .
പി.എൻ.എക്സ്. 1462/19

ന്യൂനപക്ഷക്ഷേമ വകുപ്പിനു കീഴിൽ കേന്ദ്ര സംസ്ഥാനങ്ങളിലെ റെയിൽവേ, ബാങ്കിംഗ്, സൈന്യം, സ്റ്റാഫ് സെലക്ഷൻ കമ്മീഷൻ, യൂണിയൻ പബ്ലിക് സർവീസ് കമ്മീഷൻ, കേരള പബ്ലിക് സർവീസ് കമ്മീഷൻ എന്നിവ നടത്തുന്ന വിവിധ മത്സരപരീക്ഷകൾക്ക് പരിശീലനം നൽകുന്ന 'കോച്ചിംഗ് സെൻർ ഫോർ മൈനോറിറ്റി യൂത്തിൽ' (സി.സി.എം.വൈ) ജൂലൈ ഒന്നിനു ആരംഭിക്കുന്ന കോഴ്‌സുകളിലേക്ക് അപേക്ഷ ക്ഷണിച്ചു.  മുസ്ലീം, ക്രിസ്ത്യൻ, സിഖ്, ബുദ്ധ, പാഴ്‌സി, ജൈന വിഭാഗങ്ങൾക്കാണ് പരിശീലനം.  പരിശീലനം സൗജന്യമാണ്. ഇംഗ്ലീഷ്, മലയാളം, ഗണിതം, റീസണിംഗ്, ജോഗ്രഫി, ജനറൽ സയൻസ്, ഭരണഘടന, ഇന്ത്യാചരിത്രം, മറ്റു പൊതു വിജ്ഞാനങ്ങൾ എന്നിവയിലായിരിക്കും ക്ലാസുകൾ.