ലോക ഭക്ഷ്യസുരക്ഷാ ദിനാചരണത്തോടുബന്ധിച്ച് സംസ്ഥാന ഭക്ഷ്യ സുരക്ഷാ വകുപ്പ് നാഷണല്‍ ഹെല്‍ത്ത് മിഷന്‍റെ സഹകരണത്തോടെ യുവജനങ്ങള്‍ക്കായി ക്വിസ് മത്സരം സംഘടിപ്പിക്കുന്നു. 

കോട്ടയം ലോക്സഭാ മണ്ഡലത്തിലെ വോട്ടെണ്ണല്‍ നഗരത്തിലെ എട്ട് കേന്ദ്രങ്ങളിലായി ഇന്ന് (മെയ് 23) നടക്കും. ഉദ്യോഗസ്ഥര്‍ക്ക് വോട്ടെണ്ണല്‍ ചുമതലയുള്ള നിയമസഭാ മണ്ഡലങ്ങള്‍ ഇന്നലെ(മെയ് 22) രാവിലെ നടന്ന റാന്‍ഡമൈസേഷനില്‍ നിര്‍ണയിച്ചു നല്‍കി. ഇന്ന്(മെയ് 23) പുലര്‍ച്ചെ അഞ്ചിനാണ് ഇവരുടെ വോട്ടെണ്ണല്‍ ടേബിളുകള്‍ തീരുമാനിക്കുന്ന അവസാന റാന്‍ഡമൈസേഷന്‍. 
 

   ആലപ്പുഴ:അർത്തുങ്കൽ ഭാഗത്ത് അനധികൃതമായി മത്സ്യബന്ധനം  നടത്തിയ പീറ്റർ എംമേഴ്‌സന്റെ ഉടമസ്ഥതയിലുള്ള 'യാസിൻ' എന്ന ഫിഷിംഗ് ബോട്ട്  പട്രോളിംഗിനിടെ ഫിഷറീസ് വകുപ്പ് കസ്റ്റിഡിയിൽ എടുത്തു.  കരയോട്  ചേർന്ന് ദൂരപരിധി ലംഘിച്ച് മത്സ്യബന്ധനം നടത്തിയതിനാണ് ബോട്ട് പിടിച്ചെടുത്ത്.  നിയമ നടപടികൾ പൂർത്തീകരിച്ച് 2.50 ലക്ഷം രൂപ പിഴ അടച്ചതിനെ തുടർന്ന് ബോട്ട് വിട്ട് അയച്ചു.  ഫിഷറീസ് വകുപ്പ്,  ആലപ്പുഴയുടെ തീരങ്ങളിൽ ശക്തമായ പട്രോളിംഗ് നടത്തി വരുകയാണ്.  അനധികൃത മത്സ്യബന്ധനം ശ്രദ്ധയിൽപ്പെട്ടാൽ യാനങ്ങളെ പിടിച്ചെടുത്ത് നിയമ നടപടികൾക്ക് വിധേയമാക്കും.  നിയമ ലംഘനം നടത്തുന്ന യാനങ്ങളിൽ നിന്നും പുതുക്കിയ കെ.എം.എഫ്.ആർ.

ആലപ്പുഴ: ജില്ല ആയുർവേദ ആശുപത്രിയിൽ ലാബ് ടെക്‌നീഷ്യൻ തസ്തികയിലേക്ക് ഹോസ്പിറ്റൽ മാനേജിങ് കമ്മിറ്റി വഴി ദിവസവേതനാടിസ്ഥാനത്തിൽ നിയമനം നടത്തുന്നതിന് മെയ് 30 രാവിലെ 10.30ന് സ്ഥാപനത്തിൽ ഇന്റർവ്യൂ നടത്തും. നിശ്ചിത യോഗ്യതയുള്ളവർ അസൽ സർട്ടിഫിക്കറ്റുമായി ഹാജരാകണം. ഫോൺ: 0477 2970877.

ആലപ്പുഴ: ജില്ലാ പ്രൊബേഷൻ ഓഫീസിലേക്ക് 2020 മാർച്ച് 31 വരെയുള്ള കാലയളവിലെ ആവശ്യങ്ങൾക്കായി ടാക്‌സി പെർമിറ്റുള്ളതും ഏഴു വർഷത്തിൽ കുറവ് കാലപ്പഴക്കമുള്ള കാർ/ജീപ്പ് വാടകയ്ക്ക് വേണം. താത്പര്യമുള്ള വ്യക്തികൾ/സ്ഥാപനങ്ങളിൽ നിന്ന്   ടെൻഡർ ക്ഷണിച്ചു. ഫോറം ജില്ലാ പ്രൊബേഷൻ ഓഫീസിൽ ജൂൺ 10 ഉച്ചയ്ക്ക് ഒരുമണി  വരെ സ്വീകരിക്കും. അന്നേ ദിവസം ഉച്ചകഴിഞ്ഞ് മൂന്നിന് തുറക്കും. കൂടുതൽ വിവരം ബന്ധപ്പെട്ട ഓഫീസിൽ ലഭിക്കും. ഫോൺ: 0477-2238450.
 

ആലപ്പുഴ: ജില്ലയിൽ ഹരിപ്പാടിന് സമീപം നാഷണൽ വാട്ടർവേ മൂന്ന് (ദേശീയജലപാത മൂന്ന്) ഭാഗമായ തൃക്കുന്നപ്പുഴ നാവിഗേഷൻ ലോക്കിന്റെ നിർമ്മാണവുമായി ബന്ധപ്പെട്ട് നിലവിലുള്ള ലോക്ക് താൽക്കാലികമായി അടക്കേണ്ടതിനാൽ  ഇതുവഴിയുള്ള ജലഗതാഗതം മെയ് 27ന്  അർദ്ധരാത്രിമുതൽ  29 അർദ്ധരാത്രി വരെ തടസ്സപ്പെടും. വകുപ്പിന്റെ കൊല്ലം-ആലപ്പുഴ, ആലപ്പുഴ-കൊല്ലം എന്നീ സർവീസുകൾ  മെയ് 30വരെ  താൽക്കാലികമായി നിർത്തിവെക്കുന്നതാണെന്ന് സംസ്ഥാന ജലഗതാഗത വകുപ്പ് ഡയറക്ടർ അറിയിച്ചു.
 

ജില്ലയില്‍ വിവിധ പ്രദേശങ്ങളില്‍നിന്നും മഞ്ഞപ്പിത്തകേസുകള്‍   റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ ജനങ്ങള്‍ മുന്‍കരുതല്‍ എടുക്കണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. ജയശ്രീ.വി അറിയിച്ചു.   റിപ്പോര്‍ട്ട് ചെയ്യപ്പെട്ട മഞ്ഞപ്പിത്തരോഗ കേസുകളില്‍ ഭൂരിഭാഗവും ആഘോഷങ്ങളിലും സല്‍ക്കാരങ്ങളിലും മറ്റ് ചടങ്ങുകളിലും പങ്കെടുത്ത് പാനീയങ്ങള്‍ ഉള്‍പ്പെടെ ഭക്ഷണ സാധനങ്ങള്‍ കഴിച്ചവര്‍ക്കാണ്.  ഈ സാഹചര്യത്തില്‍ ഇത്തരം ചടങ്ങുകളില്‍ പങ്കെടുത്തതിനെതുടര്‍ന്ന് രോഗലക്ഷണങ്ങള്‍ കണ്ടാല്‍ തൊട്ടടുത്തുള്ള ആരോഗ്യകേന്ദ്രത്തില്‍ വിവരം നല്‍കി ചികില്‍സ തേടേണ്ടതാണ്. 

തിരിച്ചറിയല്‍ കാര്‍ഡ് വിതരണം 

സാമൂഹ്യനീതി വകുപ്പ് മുഖേന ട്രാന്‍സ്‌ജെന്‍ഡര്‍ വ്യക്തികള്‍ക്കായി നല്‍കിവരുന്ന തിരിച്ചറിയല്‍ കാര്‍ഡിനായി ഓണ്‍ലൈന്‍ മുഖേന അപേക്ഷിച്ചവര്‍ക്ക് ജില്ലാ കലക്ടര്‍ തിരിച്ചറിയല്‍ കാര്‍ഡ് വിതരണം ചെയ്തു. ജില്ലയില്‍ 19 പേരാണ് തിരിച്ചറിയല്‍ കാര്‍ഡിന് അപേക്ഷ നല്‍കിയിരുന്നത്. കലക്ടറേറ്റ് കോണ്‍ഫറന്‍സ് ഹാളില്‍ നടന്ന ചടങ്ങില്‍ ജില്ലാ സാമൂഹ്യനീതി ഓഫീസര്‍  ഷീബ മുംതാസ്, ജില്ലാ സാമൂഹ്യനീതി ഓഫീസ് സീനിയര്‍ സൂപ്രണ്ട് പി. ഗോപാലകൃഷണ്ന്‍, ജൂനിയര്‍ സൂപ്രണ്ട് റ്റി.റ്റി. സുനില്‍കുമാര്‍ എന്നിവര്‍ ചടങ്ങില്‍ സന്നിഹിതരായി.